Zacarías 5
5
Jam ba satil ta yilel ti balbil ts'ibabil vune
1Jam jba jsat no'ox xtoc, laj quil jlic ts'ibabil balbil vun ti xvililete.#Ez 2.9-10; Ap 5.1; 10.9-11. 2Xi laj sjac'bun ti ánjele: “¿C'usi ta xavil yilel?” Xichi laj jtac'bee: “Ja' jlic ts'ibabil balbil vun ti xvililet ta xquile, ti yich'oj baluneb (9) metro ti snatile, ti ja' yich'oj o'lol yo'obal (4.50) metro ti sjamleje.”
3Va'i un, xi laj yalbune: “Le'e, ja' tey ts'ibabil ti oy sc'oplal ta staic bac vocol scotol ti jnaclejetic yu'un ti muc' ta lume. Ti c'usi ts'ibabil ta jujujote, ja' ta xal ti jbel sc'oplal ta stojic ti buch'u ta x'elc'ajique, xchi'uc ti buch'u jeche' no'ox ta xal ti ta sva'an sba ta rexticoe. 4Ti Dios ti scotol xu' yu'une, yu'un mu lo'iluc no'ox ti xi ta xale: ‘Ta xcac' c'otuc bac vocol ta stojol ti buyuc no'ox nailal nacal ti buch'u ta x'elc'aje, xchi'uc ti bu nailal nacal ti buch'u ta jeche' no'ox ta sva'anun ta rexticoe.#Ex 20.7,15. Yu'un lamal ta xcom o ti bac vocole, ja' to ti c'uxi ta xc'ot ta tsutsesel ti mu xa jbejuc sts'amte'altac, mi ja'uc jbejuc xa stanaltac ta xcom ti bu to ox ti nae.’ ”
Jam ba satil ta yilel ti muc' ta almul cajon te'e xchi'uc ti jun antse
5Laj taj une, ti ánjel ti buch'u yacal ta xilo'ilaj xchi'uque, xi laj yalbun ti nopaj talele: “¡Tuc'ulano avil lec ti c'usi ta xvinaj talel tana une!” 6Xichi laj jac'bee: “¿C'usi xa ono'ox tana taj une?” Xi laj stac'bun ti stuque: “Ja' jun muc' ta almul ti ja' c'otem ta sbisobil mulil yu'unic ti buch'utic nacalic ta muc' ta jteclume.”
7Ti almule, bonbil ta c'unil taq'uin ti smac nujanbile. Laj yich' jambel ti smaque. Chotol jun ants xtoc ta yut ti almule. 8Ti ánjele xi laj yalbune: “Ti ants le'e ja' me' mulil.” Tey laj stic' ochel ta yut ti almule, laj snujanbe smac sti' ti bonbil ta c'unil taq'uine.
9Laj quil no'ox xtoc vul ta loq'uel chib antsetic ti oy xiq'uique, ti cuchbil ta xbatic yu'un ti iq'ue. Jun to xic' muc' ta sac ichin yilel ti xchechet batel yu'unic ta vinajel ti almule.
10Va'i un, xichi laj jac'be ti ánjel ti yacal ta xilo'ilaj xchi'uque: “¿Bu c'alal ta xba yaq'uic ti almul le' une?” 11Xi laj stac'bun ti stuque: “Ta xich' meltsanbel xch'ulnail ta jteclum Babilonia. C'alal mi tsuts xa ox ta meltsanel ti ch'ulnae, ta xich' tiq'uel ochel, ta xich' chotanel ta scajleb.”
Currently Selected:
Zacarías 5: TZC00
Highlight
Copy
Compare
Share
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000
