Miqueas 6
6
Ti Diose ta stsac ta leto ti Israele
1A'yio ava'iic tana li'e, ti xi ta xal ti Diose: “Va'ano aba, tec'ano aba, chapbo ya'i vitsetic ti ac'ope; jech xtoc ti ch'en vitsetique, ac'o ya'ibot ac'opojel.”
2Xi s'elan a'yio ava'iique, vitsetic, stsacleb yictac ti banomile: ti Diose ta xlic xchapan ti steclumale, ta xlic stsac ta leto ta scontrainel ti Israele.#Is 3.13; Os 4.1; 12.2.
3Xi s'elan ta xal ti Diose: “Tac'beicun tal ca'itic, jteclumal, ¿c'usi laj jpasboxuc? ¿Mi yu'un laj cutilanoxuc? 4Laj jloq'uesot talel ta jteclum Egipto;#Ex 12.50-51. laj jpojot ti jech ochemot ta mosovile. Laj jtac talel ta atojolal ti Moisese, ti Aarone,#Ex 4.10-16. ti Mariae#Ex 15.20. yo' jech ta xastojobtasoxuc batel. 5Vuleso ta ajol, jteclumal, c'u s'elan laj snop ta atojolal ti Balac ti ja' ajvalil yu'un ti jteclum Moabe, c'u s'elan tac'bat sutel talel ti Balaam xnich'on ti Beore.#Nm 22—24. Vuleso ta ajol c'alal lajelav ech'el ta Sitim ti lac'ot ta jteclum Gilgale;#Jos 3.1—4.19. t'abeso ta avo'nton ti laj stic' sba ta apojel ti Diose.”
Dios ta smala ti oyuc c'usi ac'o spas ti viniquetique
6¿C'usi sc'an ta jpas yo' ta xcac' ta toyesbel sc'oplal ti Dios ti oy ta cajale? ¿Mi yu'un ja' ta sc'an ta xquic' batel jcotuc ch'in vacax ti naca to yich'oj jun jabil ti ta xich' chiq'uel ta sventa ta xich' ac'bel ta smoton ta sva'anel jba ta stojole? 7¿Mi yu'un ja' to jech xlaet ta xa'i Dios mi ta xcac'be ta smoton jmil (1,000) ta cot chije? ¿Mi yu'un ja' to jech xlaet ta xa'i mi ta xcac'be ta smoton ti aceite ti co'ol s'elan lajunmil (10,000) yoc uc'um ti xbalaq'uin no'ox ti yoque? ¿Mi yu'un ja' xlaet ta xa'i mi ta xcac' ta matanal ta stojol ti jbanquilal nich'one, ti ja' stojol ta xc'ot yo' jech ta xch'ay ti jtoyobbaile xchi'uc ti jmule? 8Uni vinic, xi s'elan albilot yu'un Dios ti smalaoj ac'o apas ti leque: Baino a spasel ti lequil chapanele, ti junuc avo'ntone, xchi'uc ti biq'uituc xavac' aba ta yich'el ta muc' ti Dios avu'une.#1 S 15.22; Pr 21.3; Os 2.19-20; 6.6; Am 5.22-24; Zac 7.9-10.
9Ti Diose ta xic'an talel ti jteclume, ti oyuc bijilil ts'ijlicuc ta ya'yiel ti xi s'elan ta xal ti Diose: “A'yio ava'iic ti xi s'elan ta xcalboxuque, jteclum xchi'uc ti jbijubtasvanej yu'un ti jteclume: 10Ta sna ti buch'u toj chopole, staoj sc'ulejal ti ma'uc ta slubel xchamel ti yoc sc'obe, mu'yuc xch'ulel xa'i sba. Ja' jech xtoc mi ja'uc jutebuc lec ta xquil ti naca mu'yuc sbisoltac ti c'usiuc no'ox oy yu'une. 11¿C'usi xcut ta jch'aybe smul c'alal xi to yepal xcom ti c'usi ta sbise, ti ta xtenbat comel ti xchapanoj lec muc' sbisol ti ta x'oche, ti ja' biq'uit sbisol ta xac' batele?#Lv 19.35-36; Dt 25.13-16; Am 8.5. 12Ti jc'ulejetic ti li' ta jteclume, scotol naca j'ilbajinvanejetic, jlo'lavanejetic; naca jutc'opetic scotol ti jnaclejetic yu'une. 13Ti jech taje, ta jtsitsot ava'i; ta j'ech'el ta jtub ac'oplal ta scoj ti amule. 14Ac'o mi xave' xavuch' xa vo', ja' no'ox un, mi ja'uc ta xnoj lec ti ach'ut yu'une, yu'un staoj yav xmich'mun ta xava'i ti vi'nale. Ac'o mi ta xatsobilan ti c'usitic ta xtun avu'une, mi ja'uc xapoj yu'un. Ti mi lapoj yu'un ti c'usitic oy avu'une, ta xc'ot ta pasel cu'un ti ta slilinic ti j'ac'-letoetique. 15Ac'o mi oy c'usitic ta xats'un, ja' no'ox un, mu'yuc ta xatsob. Ac'o mi ta xat'us ti aceitunae, ja' no'ox un, mu'yuc c'usi ta xabalinbe ti yaceiteale. Ac'o mi ta xat'us ta teq'uel ti uvae, ja' no'ox un, mu'yuc ta xavuch' ti vinoe. 16Avac'ojbe yipal ta xch'unel ta spasel ti c'u s'elan liquem yu'un ti Omrie, xchi'uc ti c'u s'elan liquem yu'un snitilultac ti Acabe.#1 R 16.23-34; 21.25-26. Jech laj apas ec jech c'u cha'al laj spasique. Jech o xal un, ja' ta jpas ta atojol, ta stojol ti ateclumale, ti c'usi toj ech'em chopol ta j'ech'ele. Ti labanel ta j'ech'ele, ti xq'uexlalil yapunal ti jteclumale, ja' cajal ta xc'ot ta abaic.”
Currently Selected:
Miqueas 6: TZC00
Highlight
Copy
Compare
Share
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000
