Job 42
42
Ti Jobe xi laj stac'be ti Diose:
1-2Jna' lec ti xu' ta xapas scotole,
ti mu'yuc ma' ti mu xc'ot ta pasel avu'un jtosuc ti c'usi ta xaliquese.
3¿Buch'uun ya'yel xina'et ti bu liquelot talele
c'alal xvinaj lec ti mu'yuc ti jbijil une?#Job 38.2.
Xivulvun no'ox ta yalel ti c'usi mu xca'ibe smelole,
ti c'usitic ch'ayal ta xc'ot o'ntonal yu'un ti vocol ta xchiquintaele.
4Xachi laj avalbune: “Ts'etano achiquin, ta jchi'inot ta lo'il;
tac'bun talel ti oy c'usi ta jac'bote.”#Job 38.3; 40.7.
5Le' talel ta vo'ne, ta jchiquin no'ox ca'yioj ti ac'oplale,
avi tana li' une, laj xa quilot ta jba ta jsat.
6Jech o xal j'ech'el ta jsutes que jti' ti xivulvun no'ox ti chotolun ta pucuque, ti ta stanil c'oq'ue.
Ta sutesbat yu'un Dios slequil yutsil ti Jobe
7Ti va'i s'elan laj yal ti Dios ta stojol ti Jobe, xi laj yalbe xtoc ti Elifaze: “Soquet jol avu'unic ta xca'i xchi'uc ti cha'vo' ti lec xavil abaic xchi'uque. Ma'uc jamal laj avalic jc'oplal jech c'u cha'al laj spas ti cajtunel Jobe. 8Avi tana une, bat vu'lanbeicun ti cajtunel Jobe. Iq'uic batel vuc-cot tot vacax, xchi'uc vuc-cot tot chij, ti ta xachiq'uic ta yac'belun#Job 1.5. ta sventa ti vo'oxuque. Ja' ta xc'opoj xti'in ti cajtunel Job ta aventaique. Ich'bil ta muc' ta xc'ot cu'un ti sc'opojel sti'inele. Jech o xal un, mu'yuc c'usi chopol ta xc'ot ta atojolic cu'un, ac'o mi ja' xatunic o ti jechuque ta scoj ti mu jamaluc laj avalic jc'oplal jech c'u cha'al laj spas ti cajtunel Jobe.”
9Ti Elifaze, ti Bildade, xchi'uc ti Zofare, bat spasic jech c'u cha'al albatic yu'un ti Diose. Ti Dios une laj stsac laj yich' ta muc' sc'opojel sti'inel ti Jobe.
10C'alal laj yo'nton ta c'opojel ti'inel ti Job ta sventa ti buch'u lec xil sba xchi'uque, sutesbat talel yu'un Dios ti c'u s'elan staoj ta ba'yel slequil yutsil ti Jobe.#Job 1.1-3. Cha'coj ti x'ech' yepal laj yac'bee, ti ja' mu sta ta ba'yel to oxe. 11Va'i un, bat vu'lanatuc yu'un scotol ti xchi'iltac ta voq'uele, ta vinic, ta antsetic, xchi'uc ti buch'utic lec xil sbaic xchi'uque, xchi'uc ti buch'utic lec xojtiquin sbaic ta vo'nee, ti jech vololic xa ta vu'lanvanej une, lic yac' ve'el uch'bajel ta sna. Lic yalbeic ti mu stucuc jech c'ot ta stojole. Laj spatbeic yo'nton ti mu ech' xjelav laj ya'i vocol ti tac'bat talel yu'un ti Diose. Jujunic laj yac'beic jelavel ta sc'ob epal taq'uin xchi'uc jun ixtolal c'obil ti meltsanbil ta oroe.
12Mu no'ox albajuc yepal laj sta c'uxubinel yu'un Dios ti c'u xa sjalil cuxul ti Jobe, ti mu sta ta ba'yele. C'ot ta pasel ti laj sta chanlajunmil (14,000) ta cot chije, vacmil (6,000) ta cot ti camelloe, jmil (1,000) ta cot ti j'abtel vacaxe, xchi'uc jmil (1,000) ta cot me' burro. 13Laj sta xtoc chanlajunvo' (14) squerem nich'on, xchi'uc oxvo' (3) yantsil nich'on. 14Ti vixile, Jemimá laj yac'be sbi. Quesiá laj yac'be sbi ti o'lol muquile. Keren-hapuc laj yac'be sbi ti slajeb muquile. 15Ta sbejel ti banomile, mu'yuc yan antsetic ti c'upilic sba jech c'u cha'al yantsiquil nich'nab ti Jobe. C'otic ta j'ich'-rextoil yu'un ti stotic jmoj xchi'uc ti xchi'il ta voq'uele.
16Laj taj une, cuxi to batel vucvinic (140) jabil ti Jobe. Laj yil xnich'nab, smamubtac, xnich'nab ti smamubtaque, xchi'uc xnich'nab ti xnich'nab ti smamubtaque. 17Jal sc'ac'alil ch'i c'opoj. Smolibel xa cham ti Job une.
Currently Selected:
Job 42: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000