Job 41
41
1Ti muc' ta ayin sbiinoj Leviatane,#Job 3.8; Sal 74.14; 104.26; Is 27.1.
¿mi xu' van xatsac loq'uel ta junuc stsacobil no'ox?
¿Mi xu' ti ts'apal ta xc'ot ta ye avu'un stsacobil ti chucbil ta jich'il ch'ojone?
2¿Mi xu' avu'un xajelubtasbe ch'ojon ta sni',
mi ta xjoybel ch'ixal taq'uin ta yolon ye?
3¿Mi xvocolet xa van ta atojol ti c'uxubajan yu'une,
ti stsulet ye ta sc'anbot ti vocole?
4¿Mi ta van xc'ot yu'un ti ta xalbot ta jamal ta xcom ta amosov ti c'u sjalil cuxulote?
5¿Mi xatajin xa xchi'uc jech c'u cha'al junuc mut?
¿Mi xachuc xa ti ta xc'ot ta yixtol ti atsebtaque?
6¿Mi xu' van ti xyal xmuy xa stojol avu'un ta xaye'ilan ta ch'ivite?
¿Mi sbic'tal bojilanic xa yo' ta xchonic?
7¿Mi xu' xats'apbe jelavel sni' yolob ta snuculil,
mi ta sts'apbel jelavel ta sjol junuc stsacobil ti sbiinoj arpone?
8Mi ta xayales ac'ob ta yilbanijele,
ta spac sc'oplal ti mu xch'ay ta avo'nton ti c'usi laj spasbote,
ti mu xlic xa ajol ti jech ta xapase.
9Mi laj yich' tael ta ilel ti muc' ta chon Leviatán sbie,
buch'uc no'ox ta xyal ta lum yu'un ti xi'elale.
10Mi oy buch'u ta sa'be sjole, ta xcap sjol ta j'ech'el,
mi ja'uc oy buch'u xu' ta stsal yu'une.
11¿Mi cuxul to van, mi mu'yuc c'usi snuptanoj ti buch'u ta stsal sba ya'i xchi'uque?
Mu junuc un, sbejel banomil sna'ic lec.
12Mu xquicta ta yalbel sc'oplal ti stuc xa no'ox ech'em yip stsatsal ti yacantaque.
13¿Buch'u la xu' yu'un ta xcho'be loq'uel ti snuculil ti c'otem ta smaque,
mi ta sjatbel ti cha'lamal smac ti volol xchi'uque?
14¿Buch'u la xu' yu'un ta xjach'bel ye ti ts'ubajtic ta joyob ti xi'bal sba stanal yee?
15Ti co'ol s'elan macobbail stsalalet no'ox ti snequebe,
lec pac'al ta j'ech'el ti co'ol s'elan jbujuc ton ti syijile.
16Lec stsacanoj sba ti jujupeche,
mi ja'uc juteb cayal ta x'ech' ti ic' yu'une.
17J'ech'el lec sjelojan sba,
ti mu'yuc buch'u xt'ol loq'uel yu'une.
18Ti yic'al sni' ta spuruntae, co'ol s'elan junuc sac tsel ti xjapluje;
xojobin no'ox ti sbec' sat jech c'u cha'al xojobal c'ac'al c'alal ta sacub talel ti osile.
19Xvolet no'ox ta xloc' c'oc' ta yee,
ti co'ol s'elan nich c'oc' xvajet no'ox ta xloc' tal yu'une.
20Xtomet no'ox ta j'ech'el ta xloc' ti xch'ail ta sni'e,
ti co'ol s'elan sjob bin xvocvun xchi'uc ya'lel ta c'oq'ue.
21Xtil no'ox ac'al yu'un ti ta xich' ti iq'ue,
ti xvolet no'ox yu'un c'oc' ta xloc' ta yee.
22Ech'em yip ti snuq'ue,
ti ta xbat xch'ulelic ta xi'el yu'un scotole.
23Ti bu naca beq'uet ti sbec'tale, yij ta j'ech'el ti mu'yuc c'usi xats'apbee,
yu'un co'ol s'elan unijesbil taq'uin.
24Co'ol s'elan yijil ton ti yo'ntone,
ti yij ta j'ech'el jech c'u cha'al stanal mulinoe.
25C'alal ta scotan sbae, ta xi'ic ti buch'u tsots xa'i sbaique,
ti mu'yuc xa xchi'uc xch'ulelic ta xjatavic batel.
26Xlaj xcham to me xachi mi ta xich' ti espadae, ti lanzae, ti yolobe,
mi yan ti c'usi ta xich' tenbel batele.
27C'otem ta jun uni jobel ta xil ti tsatsal taq'uine,
co'ol s'elan junuc c'a' te' ta xil ti c'anal taq'uine.
28Mu xjatav yu'un mi xvajet no'ox ti ni' yolob ta xc'ot ta stojole,
co'ol no'ox s'elan jobel ta xa'i mi ta xich' tenbel batel ti tone.
29Co'ol no'ox s'elan ta xich' jisbel aj ta xa'i c'alal ta xpujbat maso te'e.
Sat no'ox sq'uel ti xjimte-jimte no'ox ti puya' ta xc'ot ta stojole.
30Xpolet no'ox yav ta xcom ta banomil ti bu ta x'ech' xjoch sba batele,
ti co'ol to s'elan tusbil ta jun chiv-chiv taq'uine.
31Co'ol s'elan bejuc bin ta xvocan yu'un ti sninabil nabe,
ti co'ol s'elan junuc sbinal poxil ta xvocan ti lacale.
32Co'ol xa s'elan saquilal jolal sts'aylajet no'ox xojobin sac mesan ta xcom yu'un svoc ta sba ti vo'e.
33Mu'yuc xa yan xco'olaj li' ta banomile;
pasbil meltsanbil o jech yo' mu xa'i xi'el ta j'ech'el.
34Mu'yuc ta yo'nton ti bu xa slajeb pucuj xa'i sbae;
totil xa'i sba yu'un scotol ti chon bolometique.
Currently Selected:
Job 41: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000