Zowɛli Da yiri-a ǹ boo
Da yiri-a ǹ boo
Zowɛli na á sii-nyaa yɛ bisinin wɔ paǹ li, ǹ mɛnɛn bɛ́ re n koe tán lɛ. Maǹ ka sɔraasin manɛ, ǹ nə́ daa gána lɛ ziziɛ̃. A giala Lawa a kiri pinaa n die! Lawa na a zaman bíi mà a n bɔyaa a da asɛ li, ǹ nə n lɛ-kɔ asɛ ganaa, mà asɛ re ǹ sii a ǹ kaa, asɛ barka da ǹ ganaa. Lawa á re kiri we tɔrɔn ganaa, sɛnɛ, á re giɛ̃ a zaman bii, a barka da ǹ ganaa. Ǹ kɔn pinaa, á re a yiri gisĩ minbuiin nɛ tumaa la.
Sɛ́wɔ lɛa boo mìi gole goon nə́ ke: «Dɛnaa Lawa a lɛawaa», Lawa a kiri kurii pinaa:
Nyankɔrɔ lɛ ke, kiri wɔ ǹ bǎã lɛa,
zaman tá die walan girigiri.
A giala, Dɛnaa Lawa bɛ́ re n din nyɛɛ walan ǹ mɛn pinaa,
bɛa lɛawaa diri.
Wasa laanka mui á re tii ka wɔlɔ tì bɛ́ lɔn,
leeren ba re tɛ-pii doo wa.
Dɛnaa Lawa nə n toɛ Siɔn kele la á n wɔɔsaa we
a nə n toɛ Zeruzalɛmu á n paraa we.
Lon laanka tán nə́ ke bìn diɛ.
Sɛnɛ, Dɛnaa Lawa din na a zaman tamaɛ,
Izirayeli minin lɛn man kiɛ a din yele. (4.14-16)
Sɛ́wɔ lɛ a boo mìi dadaran:
Bisinin da kɔ gána lɛ boo, 1.1—2.11
Lawa a boo gii-dali nə n gɔn wɛɛ zaman nɛ mà ǹ nə n gɔ́ɔ̃ binyəə, 2.12-27
Lawa n barka diɛ a zaman ganaa, 3.6-21
Lawa á re dɔlɔ boe tɔrɔ kɔsɔn ganaa, 4.1-21.
Currently Selected:
Zowɛli Da yiri-a ǹ boo: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.