Ozee 7
7
1Ma bɛ́ li ǹ mɛn waáraa,
máa ma wusoo ma Izirayeli
minin kaka kɔ,
bɛa biikoo lɛ nɛ Efrayimu minin
sii kɔkɔrɔn
laanka Samarii minin sii baraan
nə yɛ fúlu-a.
Maǹ soɛn boboe kɔn nɛ,
wurumunun man kiɛ kionən ne,
kanaa, wurumu kurun ba nɛn wa.
2Ǹ bɛ́ sii baraa mɛn tumaa zɛnɛɛ,
ma yiri a boe-n wa,
sɛnɛ, ǹ ba bɛa taasiɛ we wa.
Sisia dinin,
ǹ zɛnaa ǹ sii baraan lɛn nə́ ǹ da bii.
Maǹ ma yɔrɔ-a miɛ̃ duduu.
Izirayeli minin manə n piɛ̃ ka Lawa nɛ
3Maǹ kii foo kɔɔ̃n koe ǹ sii
baraan taman yii,
ǹ goledɛnan foo kɔɔ̃n koe ka
ǹ soɛn nɛ.
4Ǹ tumaa n naarɛbaa zɛnɛɛ.
Maǹ ka kùsì bɛ́ lɔn,
pàã ná a tɛ lon,
a laadoo ná a ba zoɛ̃ ganaa wa.
5Ǹ kii a zɔ́n pinaa,
ǹ kiodɛnan man duvɛ̃ gigiã mii,
bɛ̀ ǹ na a busu kɔ.
Yaa wɔ minin ganaa wolen kɛn,
kii dɔ na a wɔ kiɛ kun ka bɛn nɛ.
6Ǹ bɛ́ re sii ti mɛn zɛnɛɛ,
maǹ bɛ yɔrɔ boe.
Maǹ ka kùsì tɛ bɛ́ lɔn.
Tèlò-n, ǹ foo n wɛɛ,
baayɛlɛ, a n yui,
ka tɛ gole bɛ́ lɔn.
7Ǹ tumaa n kakaarɛ ka kùsì fuu
bɛ́ lɔn.
Maǹ nə́ ǹ sii yɔrɔ-bɔlen dii,
ǹ kiin tumaa n kiɛ.
Sɛnɛ, ǹ kiin lɛn bii,
min goon din yɛ,
á ma bii wɔ wa.
8Efrayimu minin nə́ n lɔlɔ kɔn
ka tɔrɔ kɔsɔn nɛ,
Efrayimu minin lɛn man ka
mɔ̀mɔ bɛ́ lɔn ǹ nə́
ǹ tɔn bɔyaa wa#7.8 Efrayimu minin lɛn man nə goã li ǹ nə n kaa kun ka Siirii minin ni (KIIN1 1.16) sɛnɛ a bǐɛ̃ kɔ ǹ ganaa wa..
9Tiin manə ǹ kakabaa a là bii,
sɛnɛ, ǹ ba doɛ̃ wa.
Ǹ mìi ka na á fulu
sɛnɛ, ǹ dinin ba doɛ̃ wa.
10Izirayeli tɔrɔn din gole kɔ
kɛ lɛ n toɛ
min nə ǹ dɔ̃.
Sɛnɛ, ǹ lɛ kɔ ǹ nə́ wusoo ǹ nə́
daa Dɛnaa Lawa,
ǹ Lawa li wa.
A laanɛ siin kɛn lɛn tumaa nə́ ǹ yɛ,
ǹ ga ma li wa.
11Efrayimu minin lɛn man
ka zɛrɛkantoan bɛ́ lɔn,
ǹ ba n sii bebelee la wa,
a giala ǹ ba n taasɛ wa.
Ǹ nə́ Ezipti minin bii wɔ maǹ da
n dɔ ǹsɛn lɛ,
ǹ nə́ woo Asiirii gána nɛ.
12Bɛ̀ ǹ tá woe lɔn,
man die biɛ koɛ ǹ nɛ.
Ma á die ǹ boe lon ka bàanan
bɛ́ lɔn,
ma dɔlɔ bɔ ǹ ganaa,
ka ma goã ma pɛ ǹ zaman nɛ lɔn.
13Ǹ wɔ n ka bɔ̀n nɛ!
A giala maǹ baa sii ma nyɛɛnɛ.
Ǹ wɔ na á ziziɛ̃!
A giala,
ǹ nə́ n gòãn dii masɛ ganaa.
Bɛ̀ ma doamaa-n ma ǹ si ma ǹ kaa,
sɛnɛ, ǹ ba taãn pii maa wɔ
paǹ li wa!
14Ǹ bɛ́ n lɛ mɛn dii ma li ke,
bɛ̀ ǹ nə n duduwəə ǹ piìn la,
taãn bie wa.
Maǹ nə́ n kiɛ kun,
màn mɛn bɛ́ toɛ ǹ *belee
laanka duvɛ̃ yɛ.
Sɛnɛ ǹ nə́ wusoo ǹ nə́ n bɔ ma kio.
15A da yaa, ma din nə má ǹ doroo,
ma din nə má pàã kɔ ǹ la.
Sɛnɛ, maǹ taasiɛ baraa dinsɔɔ̃ we
maa wɔ paǹ li.
16Ta kɛn tá wusii ka ǹ kio ne,
ǹ bie wusii die masɛ lon a
Lawa li wa.
Maǹ ka sa bɛ́ lɔn, a nɛ basã.
Ǹ goledɛnan kɛn tá re giɛ̃ zia la,
ǹ din gole kɔ ǹ boon kɛn taman yii.
Bɛ lɛ taman yii
Ezipti minin kɛn tá re ǹ diɛ yaa lɛa.
Currently Selected:
Ozee 7: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
