Nya ǹ dín 21
21
Pooli a wusoo a wo Zeruzalɛmu boo
1Wɔa yoo ǹ li kio, wɔ́ woo wɔ tà kuru ǹ goo ne, wɔ́ n yɔrɔ dia Kɔsi la perepere. Bɛa lɛawaa wɔ́ n yɔrɔ dia Rɔda la. Wɔ́ soo walan wɔ́ woo Pataraa kiwi. 2Wɔ́ woo tà kuru ǹ goo goon yaa walan á n woe Fenisii gána nɛ, wɔ́ wɔ bɛ nɛ wɔ́ woo. 3Wɔ bɛ́ wɔ́ diri Siipri la, wɔ́ nə́ n toɛ tà kuru ǹ goo ne wɔ yii ná a ganaa, wɔ́ kanaa wɔ́ bɔ a gusin a lɛ̀gɔn li, wɔ́ mu kuru wɔ́ woo Siirii ganaa. Wɔ́ golee Tiiri kiwi, a giala, ǹ doamaa nɛ ǹ tà kuru ǹ goo lɛ a guĩ gisĩ walan.
4Wɔ́ Lawa-nyankɔlen yɛ kiwi lɛ nɛ, wɔ́ lɛawaa sɔbaa zɛnaa kunun ǹ ni walan. Lawa a Yiri Fu da ǹ yiri-a ǹ nə́ pɛ Pooli ni, mà a baran wo Zeruzalɛmu wa. 5Wɔ bɛ́ wɔ́ piizii lɛ lɛ pã ǹ li, wɔ́ wusoo wɔ́ wɔa zii kũ wɔ́ woo. Ǹ dinin tumaa, ǹ lɔn nɛ ka ǹ nɛnyaanan nɛ, ǹ nə́ wɔ da zii yǎa lalaa lɛ-a. Wɔ́ n musin koa tán kun mu lɛ-a walan, wɔ́ Lawa nyankɔ. 6Wɔ bɛ́ wɔ́ sawaa kɔn-a ǹ fòo da wɔ́ nya, wɔ́ wɔ tà kuru ǹ goo ne, ǹ nə́ wusoo ǹ nə́ woo piɛ.
7Wɔ dɔn nə́ yoo Tiiri lɛ nɛ, wɔ́ mu kuru wɔ́ daa dɔ Tolemayisi kiwi. Wɔ bɛ́ wɔ́ dɔɔ̃nɔn yɛ wɔ́ fòo da ǹ nɛ, wɔ́ lɛawaa goon zɛnaa kunun ǹ ni. 8#NDS 6.5; 8.5. A lɛawaa wɔ́ yoo doo, wɔ́ zii tɔ wɔ wɔ́ woo dɔ Sezaaree kiwi. Wɔ́ woo n yu Lawa a boo tii kɔɔ̃n pɛle Filipi a piɛ. Ǹ min sɔbaa mɛn bɔ Zeruzalɛmu sii yɔrɔ-bɔlen lɛa, bɛn lɛn goon ne, wɔ́ woo giã a piɛ. 9A nɛnyaanan man nə́ goã nɛlɔ min sii, ǹ kɔ́n goã giĩ doɛ̃ wa. Maǹ nə́ goã Lawa a boo gii diɛ.
10 #
NDS 11.28. Wɔ bɛ́ walan wɔ n lɛawaan kɔnɔn zɛnɛɛ, Lawa a boo gii-dali goon bɔ Zudee gána nɛ á daa, a tɔ n Agabusu. 11A bɛ́ á daa wɔ yaa, á Pooli a maabɛlɛ si, a ná a din gòãn laanka a gɔnɔn yii ni, á pɛ: «Á ke, Yiri Fu n pii kɛnɛn. Maabɛlɛ kɛ bɛ́ min mɛn wɔ lɛa, Zuifun man die bɛa dɛnaa yii kɛnɛn Zeruzalɛmu, ǹ wɔ tɔrɔ kɔsɔn gɔn.»
12Bɛa boo kɛ lɛ a pɛ kio, wɔ laanka dɔɔ̃nɔn mɛnɛn bɛ́ kiwi lɛ nɛ, wɔ́ Pooli nyankɔ wáa a baran wo Zeruzalɛmu wa. 13Á tɔ́n wɔ lɛ si: «Wàa mɛn wuu-n ka á pii, ka n masɛ foo pipii? Ma yɔrɔ boemaa nɛ, ta gɛ̀ lɛ dɔ din ni masɛ á re we Zeruzalɛmu, Dɛnaa Yezu tɔ kɛ lɛ a lɛa, masɛ lɛ kɔ, sanparɛ ka kũ a yii ni.»
14Wɔ bɛ́ wɔ boo la wɔ́ kurəə wa, wɔ́ nɔmaa wɔ́ toa walan, wɔ́ pɛ: «Wɔa Dɛnaa din foo sii nə n zɛnaa.»
15Bɛa lɛawaan lɛn kiɛ̃ kio, wɔ́ wɔa mànan yɔrɔ bɔ, wɔ́ zii saa wɔ́ woo Zeruzalɛmu. 16Sezaaree kiwi a Lawa-nyankɔlen kɔnɔn dɔn man zii tɔ we kun wɔ nɛ, bɛn nə́ woo wɔ nɛ Siiprin giĩ goon a piɛ, a tɔ n Naasɔn, *Krita a kialandɛnaa bibinaan lɛn goon ne.
Pooli a wo yii kɔ Zaaki li boo
17Wɔ bɛ́ wɔ́ dɔ Zeruzalɛmu, dɔɔ̃nɔn nə́ n da wɔ lɛ ka nyɛnyɛɛ nɛ. 18A lɛawaa, Pooli woo kun wɔ nɛ Zaaki a piɛ, wɔ́ woo nyɛɛnaandɛnan tumaa yaa walan gɔrɔ. 19A bɛ́ á fòo da ǹ nɛ á nya, Lawa dí mɛn tumaa nya a gɔn tɔrɔ kɔsɔn bii, Pooli bɛ laakalaa ǹ nɛ ka tɛrɛɛ nɛ. 20Min mɛnɛn nə n too kɔ Pooli lon, bɛn nə́ Lawa tɔ bɔ. Bɛ kio ǹ nə́ pɛ nɛ: «Wɔ dɔɔ̃ngiĩ ganaa, n yii tá a ganaa Zuifu gigiã gigiã Lawa-nyankɔle baa, ǹ tumaa dɔ n Lawa a dí-pɛn lɛn kuĩ ka ǹ foo ne. 21Sɛnɛ, maǹ boon kɛn diɛ n wɔ gɔn la: Mà n daraa lɛ n toɛ Zuifun mɛnɛn bɛ́ giã-n tɔrɔ kɔsɔn bii, bɛn tá Muizu a dí-pɛn lɛn toɛ walan, mà ma n pii ǹ ni mà ǹ baran ǹ nɛnyaanan kuru doo wa, mà ǹ baran kɔ ǹ landa siin lɛn dɔn lɛ wa. 22Ma n die n biɛ lɔn kəni? Ǹ bɛ́ re miɛ mà ń daa. 23#MNS 6.13-21. Haya, wɔ bɛ́ re yiri mɛn koe n la, bɛa sii zɛnaa. Giĩ min sii tá wɔsɛn li, ǹ nə́ n lɛ kɔ Lawa la, 24bɛn kũ, n wo *gɔ̀ bɔ min ganaa ǹ landa sii lɛ zɛnaa kunun ǹ ni, n din nə́ ǹ giɔ̀mɔ saraa. Bɛa yɔrɔ kɛ la, ǹ tá re n mìi koɛ̃. Min tumaa á re doɛ̃, mà ǹ bɛ́ boon mɛnɛn diɛ n wɔ gɔn la ke, mà taãn bie wa, mà n dinmaa lɛ dɔ á koe dí-pɛn lɛn zɛnaa ǹ zii lɛ. 25#NDS 15.29. Tɔrɔ kɔsɔn mɛnɛn nə Lawa-nyankɔle baa, wɔsɛn nə́ wɔa taasiɛn kiɛ̃ wɔ́ ǹ dia bɛn la: ǹ baran min kooron dì wúlu-bɔ ǹ siĩn sɔ̃ wa, ka màn mà nɛ, ka tɔɔ bɔlɔ-yui wole siĩ-n wa, ǹ naarɛbaa toa walan lenlen.»
26A lɛawaa, Pooli bɛa minin kɛn lɛn kũ kun ka a din ni, ǹ nə́ gɔ̀ bɔ min ganaa ǹ landa sii lɛ giala kɔ kun. Á woo Lawa a kion, á woo ǹ gogoonmaa a lɛawaa kɔ, ǹ bɛ́ re ǹ *wúlu mànan boe lɛawaan mɛnɛn li, gɔ̀ bɔ min ganaa ǹ sii lɛ a zɛnaa kio.
Pooli a kũ Lawa a kion boo
27Lɛawaa sɔbaa lɛ lɛ bɛ́ re piɛ̃, Zuifun mɛnɛn nə bɔ Azii gána nɛ, bɛn nə́ Pooli yɛ Lawa a kion. Ǹ nə́ zaman lɛ yiri lɔlɔkɔn yǎa ǹ Pooli kũ. 28Maǹ nə́ goã n lɛ dii: «Izirayeli gána minin ka da n dɔ wɔsɛn lɛ! Á ke, min mɛn bɛ́ n bibiĩ bǎã tumaa nɛ, á n minin darɛɛ, á n zia diɛ wɔsɛn tɔrɔ ganaa ka Lawa a dí-pɛn kɛn nɛ, ka Lawa a kion kɛ nɛ, a din nə ke. Táa á ke á daa ka tɔrɔ kɔsɔn dɔn dinin ni Lawa a kion lɛ nɛ, á daa bǎã sonbore lɛ ziziɛ̃!»
29 #
NDS 20.4. Sonbore maǹ bɛ pii, a giala, maǹ nə́ goã ǹ nə́ Efɛɛzin Trofimu yɛ kun ka Pooli ni kiwi gɔ́ɔ̃ nɛ. Maǹ taasɛ mà Pooli na á daa nɛ Lawa a kion. 30Kiwi lɛ tumaa nə́ n lɔlɔkɔn, ǹ nə́ baa si ǹ nə́ daa. Ǹ nə́ Pooli kũ ǹ nə́ baã ǹ nə́ bɔ Lawa a kion, ǹ ná a kiɛnlɛn tã fufuu gɔrɔ. 31Ǹ bɛ́ giɛ li ǹ Pooli dɛ a gã, Rɔmu gána a sɔraasin mɛnɛn bɛ́ koa-n walan, boo daa dɔ bɛn goledɛnaa li, mà Zeruzalɛmu kiwi tumaa á lɔloɛ-n kɔn pelo. 32Bɛ ná a sɔraasin lɛ sɔkɔn gɔrɔ, ǹ nə́ tele zaman lɛ ganaa. Ǹ yii mɛ sɔraasin lɛn-a lɔn gɔrɔ, ǹ nə́ Pooli dɛ toa walan. 33Sɔraasin goledɛnaa lɛ tɔ́n nə n mɔrɔ Pooli ganaa á kũ, á pɛ mà ǹ fɔlɔ biɛ màn paa kaa a ganaa. Bɛ kio á tɔ́n nɔ̀n da la kɛnɛn: «Die n ka nsɛ nɛ, ma nə n wàa sii la?»
34Sɛnɛ, minin manə n toɛ zaman lɛ bii, ǹ nə́ bɔlɔ kɔn pii, kɛn man kɛ diɛ, bɛ̀ kɔsɔn dɔn tá kɛ diɛ, min kɔ́n a boo ba goon ka ǹ miã wɔ-n wa. Sɔraasin goledɛnaa lɛ bɛ́ a ba boe la a boo pepere goon miɛ zaman lɛ wuu lɛ li wa, á pɛ mà ǹ Pooli kũ ǹ wo ne ǹsɛn dí nya ǹ kion. 35Pooli bɛ́ á dɔ kion lɛ a dii ǹ banbaranan lɛn la lɔn, sɔraasin nə́ saa lon zaman lɛ a baraabaa a lɛa. 36Minbuiin lɛ tumaa na á goã koe a kio lɛ, bɛ̀ ǹ tá n lɛ dii: «Ka dɛ a gã.»
Pooli na a din a sii yɔrɔ pɛ zaman nɛ lɔn
37Ǹ bɛ́ re we ka Pooli ni sɔraasin dí nya ǹ kion lɛ nɛ ǹ mɛn waáraa, á nɔ̀n da ǹ goledɛnaa lɛ la: «Ma á boe la ma boo goon da n nɛ?»
Bɛ́ pɛ Pooli ni: «N tá Grɛki bɔlɔ miɛ? 38N din Ezipti min kɛ lɛ bie wa ya? N din lɛ bie ń minin sɔsɔmɔ, ń piã-wɔle duu sii goa, n nə ǹ kaa n kio ń woo ǹ ne don sisia bii ni wa ya?»
39Pooli pɛ: «Masɛ? Masɛ n Zuifu lɛa, man boe Tarsi, Siliisii gána nɛ, min tumaa tá maa bɔ ǹ kiwi lɛ tɔ miɛ. Ma nə n nyankoe, n toa ma boo da ka zaman lɛ nɛ.»
40Sɔraasin goledɛnaa lɛ bɛ́ á lɛ kɔ, Pooli yoo á golee lon banbaran lɛ la, á n gɔn yiɛ zaman lɛ nɛ. Wɔlɔ golee ka kiĩni, yǎa a tɔn boo da zaman lɛ nɛ ka *Ebrəə bɔlɔ nɛ:
Currently Selected:
Nya ǹ dín 21: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Nya ǹ dín 21
21
Pooli a wusoo a wo Zeruzalɛmu boo
1Wɔa yoo ǹ li kio, wɔ́ woo wɔ tà kuru ǹ goo ne, wɔ́ n yɔrɔ dia Kɔsi la perepere. Bɛa lɛawaa wɔ́ n yɔrɔ dia Rɔda la. Wɔ́ soo walan wɔ́ woo Pataraa kiwi. 2Wɔ́ woo tà kuru ǹ goo goon yaa walan á n woe Fenisii gána nɛ, wɔ́ wɔ bɛ nɛ wɔ́ woo. 3Wɔ bɛ́ wɔ́ diri Siipri la, wɔ́ nə́ n toɛ tà kuru ǹ goo ne wɔ yii ná a ganaa, wɔ́ kanaa wɔ́ bɔ a gusin a lɛ̀gɔn li, wɔ́ mu kuru wɔ́ woo Siirii ganaa. Wɔ́ golee Tiiri kiwi, a giala, ǹ doamaa nɛ ǹ tà kuru ǹ goo lɛ a guĩ gisĩ walan.
4Wɔ́ Lawa-nyankɔlen yɛ kiwi lɛ nɛ, wɔ́ lɛawaa sɔbaa zɛnaa kunun ǹ ni walan. Lawa a Yiri Fu da ǹ yiri-a ǹ nə́ pɛ Pooli ni, mà a baran wo Zeruzalɛmu wa. 5Wɔ bɛ́ wɔ́ piizii lɛ lɛ pã ǹ li, wɔ́ wusoo wɔ́ wɔa zii kũ wɔ́ woo. Ǹ dinin tumaa, ǹ lɔn nɛ ka ǹ nɛnyaanan nɛ, ǹ nə́ wɔ da zii yǎa lalaa lɛ-a. Wɔ́ n musin koa tán kun mu lɛ-a walan, wɔ́ Lawa nyankɔ. 6Wɔ bɛ́ wɔ́ sawaa kɔn-a ǹ fòo da wɔ́ nya, wɔ́ wɔ tà kuru ǹ goo ne, ǹ nə́ wusoo ǹ nə́ woo piɛ.
7Wɔ dɔn nə́ yoo Tiiri lɛ nɛ, wɔ́ mu kuru wɔ́ daa dɔ Tolemayisi kiwi. Wɔ bɛ́ wɔ́ dɔɔ̃nɔn yɛ wɔ́ fòo da ǹ nɛ, wɔ́ lɛawaa goon zɛnaa kunun ǹ ni. 8#NDS 6.5; 8.5. A lɛawaa wɔ́ yoo doo, wɔ́ zii tɔ wɔ wɔ́ woo dɔ Sezaaree kiwi. Wɔ́ woo n yu Lawa a boo tii kɔɔ̃n pɛle Filipi a piɛ. Ǹ min sɔbaa mɛn bɔ Zeruzalɛmu sii yɔrɔ-bɔlen lɛa, bɛn lɛn goon ne, wɔ́ woo giã a piɛ. 9A nɛnyaanan man nə́ goã nɛlɔ min sii, ǹ kɔ́n goã giĩ doɛ̃ wa. Maǹ nə́ goã Lawa a boo gii diɛ.
10 #
NDS 11.28. Wɔ bɛ́ walan wɔ n lɛawaan kɔnɔn zɛnɛɛ, Lawa a boo gii-dali goon bɔ Zudee gána nɛ á daa, a tɔ n Agabusu. 11A bɛ́ á daa wɔ yaa, á Pooli a maabɛlɛ si, a ná a din gòãn laanka a gɔnɔn yii ni, á pɛ: «Á ke, Yiri Fu n pii kɛnɛn. Maabɛlɛ kɛ bɛ́ min mɛn wɔ lɛa, Zuifun man die bɛa dɛnaa yii kɛnɛn Zeruzalɛmu, ǹ wɔ tɔrɔ kɔsɔn gɔn.»
12Bɛa boo kɛ lɛ a pɛ kio, wɔ laanka dɔɔ̃nɔn mɛnɛn bɛ́ kiwi lɛ nɛ, wɔ́ Pooli nyankɔ wáa a baran wo Zeruzalɛmu wa. 13Á tɔ́n wɔ lɛ si: «Wàa mɛn wuu-n ka á pii, ka n masɛ foo pipii? Ma yɔrɔ boemaa nɛ, ta gɛ̀ lɛ dɔ din ni masɛ á re we Zeruzalɛmu, Dɛnaa Yezu tɔ kɛ lɛ a lɛa, masɛ lɛ kɔ, sanparɛ ka kũ a yii ni.»
14Wɔ bɛ́ wɔ boo la wɔ́ kurəə wa, wɔ́ nɔmaa wɔ́ toa walan, wɔ́ pɛ: «Wɔa Dɛnaa din foo sii nə n zɛnaa.»
15Bɛa lɛawaan lɛn kiɛ̃ kio, wɔ́ wɔa mànan yɔrɔ bɔ, wɔ́ zii saa wɔ́ woo Zeruzalɛmu. 16Sezaaree kiwi a Lawa-nyankɔlen kɔnɔn dɔn man zii tɔ we kun wɔ nɛ, bɛn nə́ woo wɔ nɛ Siiprin giĩ goon a piɛ, a tɔ n Naasɔn, *Krita a kialandɛnaa bibinaan lɛn goon ne.
Pooli a wo yii kɔ Zaaki li boo
17Wɔ bɛ́ wɔ́ dɔ Zeruzalɛmu, dɔɔ̃nɔn nə́ n da wɔ lɛ ka nyɛnyɛɛ nɛ. 18A lɛawaa, Pooli woo kun wɔ nɛ Zaaki a piɛ, wɔ́ woo nyɛɛnaandɛnan tumaa yaa walan gɔrɔ. 19A bɛ́ á fòo da ǹ nɛ á nya, Lawa dí mɛn tumaa nya a gɔn tɔrɔ kɔsɔn bii, Pooli bɛ laakalaa ǹ nɛ ka tɛrɛɛ nɛ. 20Min mɛnɛn nə n too kɔ Pooli lon, bɛn nə́ Lawa tɔ bɔ. Bɛ kio ǹ nə́ pɛ nɛ: «Wɔ dɔɔ̃ngiĩ ganaa, n yii tá a ganaa Zuifu gigiã gigiã Lawa-nyankɔle baa, ǹ tumaa dɔ n Lawa a dí-pɛn lɛn kuĩ ka ǹ foo ne. 21Sɛnɛ, maǹ boon kɛn diɛ n wɔ gɔn la: Mà n daraa lɛ n toɛ Zuifun mɛnɛn bɛ́ giã-n tɔrɔ kɔsɔn bii, bɛn tá Muizu a dí-pɛn lɛn toɛ walan, mà ma n pii ǹ ni mà ǹ baran ǹ nɛnyaanan kuru doo wa, mà ǹ baran kɔ ǹ landa siin lɛn dɔn lɛ wa. 22Ma n die n biɛ lɔn kəni? Ǹ bɛ́ re miɛ mà ń daa. 23#MNS 6.13-21. Haya, wɔ bɛ́ re yiri mɛn koe n la, bɛa sii zɛnaa. Giĩ min sii tá wɔsɛn li, ǹ nə́ n lɛ kɔ Lawa la, 24bɛn kũ, n wo *gɔ̀ bɔ min ganaa ǹ landa sii lɛ zɛnaa kunun ǹ ni, n din nə́ ǹ giɔ̀mɔ saraa. Bɛa yɔrɔ kɛ la, ǹ tá re n mìi koɛ̃. Min tumaa á re doɛ̃, mà ǹ bɛ́ boon mɛnɛn diɛ n wɔ gɔn la ke, mà taãn bie wa, mà n dinmaa lɛ dɔ á koe dí-pɛn lɛn zɛnaa ǹ zii lɛ. 25#NDS 15.29. Tɔrɔ kɔsɔn mɛnɛn nə Lawa-nyankɔle baa, wɔsɛn nə́ wɔa taasiɛn kiɛ̃ wɔ́ ǹ dia bɛn la: ǹ baran min kooron dì wúlu-bɔ ǹ siĩn sɔ̃ wa, ka màn mà nɛ, ka tɔɔ bɔlɔ-yui wole siĩ-n wa, ǹ naarɛbaa toa walan lenlen.»
26A lɛawaa, Pooli bɛa minin kɛn lɛn kũ kun ka a din ni, ǹ nə́ gɔ̀ bɔ min ganaa ǹ landa sii lɛ giala kɔ kun. Á woo Lawa a kion, á woo ǹ gogoonmaa a lɛawaa kɔ, ǹ bɛ́ re ǹ *wúlu mànan boe lɛawaan mɛnɛn li, gɔ̀ bɔ min ganaa ǹ sii lɛ a zɛnaa kio.
Pooli a kũ Lawa a kion boo
27Lɛawaa sɔbaa lɛ lɛ bɛ́ re piɛ̃, Zuifun mɛnɛn nə bɔ Azii gána nɛ, bɛn nə́ Pooli yɛ Lawa a kion. Ǹ nə́ zaman lɛ yiri lɔlɔkɔn yǎa ǹ Pooli kũ. 28Maǹ nə́ goã n lɛ dii: «Izirayeli gána minin ka da n dɔ wɔsɛn lɛ! Á ke, min mɛn bɛ́ n bibiĩ bǎã tumaa nɛ, á n minin darɛɛ, á n zia diɛ wɔsɛn tɔrɔ ganaa ka Lawa a dí-pɛn kɛn nɛ, ka Lawa a kion kɛ nɛ, a din nə ke. Táa á ke á daa ka tɔrɔ kɔsɔn dɔn dinin ni Lawa a kion lɛ nɛ, á daa bǎã sonbore lɛ ziziɛ̃!»
29 #
NDS 20.4. Sonbore maǹ bɛ pii, a giala, maǹ nə́ goã ǹ nə́ Efɛɛzin Trofimu yɛ kun ka Pooli ni kiwi gɔ́ɔ̃ nɛ. Maǹ taasɛ mà Pooli na á daa nɛ Lawa a kion. 30Kiwi lɛ tumaa nə́ n lɔlɔkɔn, ǹ nə́ baa si ǹ nə́ daa. Ǹ nə́ Pooli kũ ǹ nə́ baã ǹ nə́ bɔ Lawa a kion, ǹ ná a kiɛnlɛn tã fufuu gɔrɔ. 31Ǹ bɛ́ giɛ li ǹ Pooli dɛ a gã, Rɔmu gána a sɔraasin mɛnɛn bɛ́ koa-n walan, boo daa dɔ bɛn goledɛnaa li, mà Zeruzalɛmu kiwi tumaa á lɔloɛ-n kɔn pelo. 32Bɛ ná a sɔraasin lɛ sɔkɔn gɔrɔ, ǹ nə́ tele zaman lɛ ganaa. Ǹ yii mɛ sɔraasin lɛn-a lɔn gɔrɔ, ǹ nə́ Pooli dɛ toa walan. 33Sɔraasin goledɛnaa lɛ tɔ́n nə n mɔrɔ Pooli ganaa á kũ, á pɛ mà ǹ fɔlɔ biɛ màn paa kaa a ganaa. Bɛ kio á tɔ́n nɔ̀n da la kɛnɛn: «Die n ka nsɛ nɛ, ma nə n wàa sii la?»
34Sɛnɛ, minin manə n toɛ zaman lɛ bii, ǹ nə́ bɔlɔ kɔn pii, kɛn man kɛ diɛ, bɛ̀ kɔsɔn dɔn tá kɛ diɛ, min kɔ́n a boo ba goon ka ǹ miã wɔ-n wa. Sɔraasin goledɛnaa lɛ bɛ́ a ba boe la a boo pepere goon miɛ zaman lɛ wuu lɛ li wa, á pɛ mà ǹ Pooli kũ ǹ wo ne ǹsɛn dí nya ǹ kion. 35Pooli bɛ́ á dɔ kion lɛ a dii ǹ banbaranan lɛn la lɔn, sɔraasin nə́ saa lon zaman lɛ a baraabaa a lɛa. 36Minbuiin lɛ tumaa na á goã koe a kio lɛ, bɛ̀ ǹ tá n lɛ dii: «Ka dɛ a gã.»
Pooli na a din a sii yɔrɔ pɛ zaman nɛ lɔn
37Ǹ bɛ́ re we ka Pooli ni sɔraasin dí nya ǹ kion lɛ nɛ ǹ mɛn waáraa, á nɔ̀n da ǹ goledɛnaa lɛ la: «Ma á boe la ma boo goon da n nɛ?»
Bɛ́ pɛ Pooli ni: «N tá Grɛki bɔlɔ miɛ? 38N din Ezipti min kɛ lɛ bie wa ya? N din lɛ bie ń minin sɔsɔmɔ, ń piã-wɔle duu sii goa, n nə ǹ kaa n kio ń woo ǹ ne don sisia bii ni wa ya?»
39Pooli pɛ: «Masɛ? Masɛ n Zuifu lɛa, man boe Tarsi, Siliisii gána nɛ, min tumaa tá maa bɔ ǹ kiwi lɛ tɔ miɛ. Ma nə n nyankoe, n toa ma boo da ka zaman lɛ nɛ.»
40Sɔraasin goledɛnaa lɛ bɛ́ á lɛ kɔ, Pooli yoo á golee lon banbaran lɛ la, á n gɔn yiɛ zaman lɛ nɛ. Wɔlɔ golee ka kiĩni, yǎa a tɔn boo da zaman lɛ nɛ ka *Ebrəə bɔlɔ nɛ:
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.