Nya ǹ dín 20
20
Pooli a wo Masedoanɛ laanka Grɛki gána-n boo
1Sii lɔlɔkɔn lɛ bɛ́ á kiɛ̃, Pooli lɛ dia Lawa-nyankɔlen lɛn la á ǹ foo taã. Bɛ kio, á fòo da ǹ nɛ, á zii kũ á woo Masedoanɛ gána nɛ. 2Á bɔ bɛa bǎãn kɛn lɛn nɛ, á dɔɔ̃nɔn lɛn foo taã ka Lawa a boo gigiã nɛ. Bɛ kio, á woo dɔ Grɛki gána nɛ, 3á mui sɔɔ zɛnaa walan. A bɛ́ mà a n tà kuru ǹ goo siɛ á woe Siirii gána nɛ ǹ mɛn waáraa, á ma mà Zuifun man giɛ li ǹ kũ. Bɛ lɛ nɛ, á wusoo á tɔ wɔ a gòã nɛ, á bɔ ka Masedoanɛ gána-n doo.
4A koa-kun wolen man nə́ goã ka Beeren giĩ Pirusu a nɛ Sopatrɔsi ni, Tesalonikin Aristarki laanka Sekundusu ni, Dɛrbən Gayusu laanka Timote ne, ka Tisiki laanka Trofimu ni, bɛa min paa kɛ n boe Azii lɛ a paǹ kɛ nɛ Rɔmu a pàã giulun. 5Bɛa kuru kɛ lɛ sɛ woo nyɛɛnɛ ka tà kuru ǹ goo ne, á n yii da wɔ la Troasi kiwi. 6*Yɔ bùbaã buuru zɔ́n a kiɛ̃ kio, wɔ dininmaan dɔn nə́ yoo Filipi kiwi, lɛawaa sooro gɔ́ɔ̃ nɛ wɔ́ woo ǹ yaa Troasi. Wɔ́ golee walan wɔ́ piizii goon zɛnaa.
Pooli a bɔ Troasi nyɔɔbaa boo
7Piizii lɛ a lɛawaa bibinaa giala kɔ li, wɔ n lɛ sɔkɔn, wɔ n die màn bii. Pooli bɛ́ re woe a lɛawaa, á boo da dɔɔ̃nɔn lɛn nɛ yǎa làan kɔ. 8Wɔ lɛ goã soe-n kɔn sanabolo kion mɛn nɛ, bólon gigiã goã kuĩ bɛ nɛ. 9Nɛginin goon ne, a tɔ n Etiki, a na á goã giã-n fenɛtərə lɛkoro la. Pooli bɛ́ boo diɛ woe nyɛɛnɛ, nyuù nɛ lɛ saa. A bɛ́ á nyuù wɔ á kã, á bɔ sanabolo lɛ a kion a sɔɔbaa ǹ wɔ la lon á mɛnaa. Ǹ bɛ́ siɛ lon, ǹ nə́ woo yaa bɛ̀ á gã.
10Pooli gisĩ á n kuməə nɛ gere lɛ la, á n sɔɔ a nɛ, á pɛ: «Ka baran n yiri lɔlɔkɔn wa, nɛ lɛ yii á koo.»
11Pooli bɛ́ á wusoo á dii, á buuru yiɛ á sɔ̃. Bɛ kio, á sùn baa yǎa lɛ̀ woo diri waa la, á tɔ́n soo á woo. 12Ǹ nə́ woo ka nɛ ginin lɛ sɛ nɛ piɛ a yii n koo, bɛ nə́ n baa foo-basiɛ̃ gole lɛa.
Pooli a bɔ Troasi a wo Milɛti boo
13Wɔsɛn nə́ yoo Pooli nyɛɛnɛ, wɔ́ wɔ tà kuru ǹ goo ne wɔ́ woo Asɔsi kiwi. Pooli sɛ mà asɛ n die koe zii lɛ, wɔ tɔn wo kɔn yaa walan wɔ saa tà kuru ǹ goo ne. 14A bɛ́ á daa wɔ yaa Asɔsi, wɔ́ saa tà kuru ǹ goo lɛ nɛ, wɔ́ woo Mitilɛni kiwi. 15A lɛawaa wɔ́ soo walan, wɔ́ mu kuru wɔ́ woo dɔ Kiɔsi wàã li. Bɛa lɛawaa doo wɔ́ n yɔrɔ dia Samɔsi la, a lɛawaa sɔɔbaa ǹ wɔ pinaa, wɔ́ dɔ Milɛti kiwi. 16Sonbore, Pooli goã giɛ li a golee Efɛɛzi wa, a ba li a biikoo saa Azii gána-n wa. A na á goã n nanaɛ sii goon dinsɔɔ̃ li, bɛ̀ á boe la a dɔ Zeruzalɛmu a kɔnpɛ ka *Pantikɔti Zɔ́n nɛ.
Pooli n fòo diɛ Efɛɛzi a min golen manɛ
17Pooli bɛ́ Milɛti kiwi, á lɛ dia Efɛɛzi a Lawa a sɔmɔ nyɛɛnaandɛnan la. 18Ǹ bɛ́ ǹ nə́ daa a li, á pɛ ǹ nɛ:
– A kũ masɛ a dɔ Azii pinaa ganaa, ka dinin tá masɛ a tɔ wɔ ǹ gɔn doɛ̃ kaa wɔ a paǹ li. 19Masɛ n má dí nya Lawa nɛ ka din gisiĩ ni, ka yii mu ni, fuun bii, Zuifun nə fuun mɛnɛn da masɛ mìi ni, bɛ̀ ǹ bɛ́ giɛ li ǹ ma kũ. 20Màn mɛn tumaa là bɛ́ ka ganaa, ma bɛ kɔ́n duru ka la wa. Sɛnɛ, masɛ n má Lawa a boo lɛ pɛ, má ka daraa min tumaa yɔrɔ-a, má ka daraa kaa kionən dɔn nɛ. 21Masɛ a siérebaa toa Zuifun laanka tɔrɔ kɔsɔn nə́ n bɔyaa, ǹ nə́ daa Lawa ganaa, ǹ nə́ golee wɔa Dɛnaa Yezu li. 22Sisia, masɛ n Yiri Fu din gɔn, man zii la woe Zeruzalɛmu, màn mɛn bɛ́ n yii diɛ masɛ la walan, ma a doɛ̃ wa. 23Sɛnɛ, ma bɛ́ màn mɛn dinsɔɔ̃ doɛ̃, Yiri Fu n nyɛɛ ma nɛ kiwi gogoonmaa nɛ, mà kòso a nɔmaa nə n yii diɛ ma la walan. 24#TIM2 4.7. Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.
25Ma á doɛ̃, má a kũ sisia ganaa, kasɛn mɛnɛn tumaa bɛ́ má *Lawa a kiibaa ǹ dí kɛ boo da ka nɛ, ka yii a re ma yii doo wa. 26Masɛ á boe la ma pɛ pelo ka tumaa yɔrɔ-a, bɛ̀ kaa min mɛn papaã, masɛ sii bie wa. 27A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen. 28Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa. 29Ma á doɛ̃, máa maa woo kio, minin tá re die, baraa ka don ginin bɛ́ lɔn, ǹ tá re we ka bii, ǹ Lawa a minin lɛn sasawaa. 30Haalɛ ka dinin bii, minin tá re yui, ǹ soɛn bɔbɔ ǹ Lawa-nyankɔlen sã, ǹ nə ǹ kaa ǹ dinin kio. 31Ka n dinin kũ, ka n yiri koa a nɛ, lɛ̀ sɔɔ gɔ́ɔ̃ nɛ, penleen laanka tèlò ne, mà masɛ má n gɔn waa ka gogoonmaa nɛ, ka yii mu-n dinin.
32Sisia kəni, masɛ n ka toɛ Lawa laanka a din a bǐɛ̃baa ǹ boo kɔɔ̃n kɛ gɔn. Pàã tá Lawa lon a ka gù we yii, pàã tá a lon dɔn, a din bɛ́ màn sonboren mɛnɛn koɛ a wɔn manɛ, a bɛn kɔ ka la. 33Masɛ yii bɔ min kɔ́n a wɔrɔ li wa, ka a sana nɛ ka a dɔnkɛ-n wa. 34Ka dininmaan tá doɛ̃, masɛ gɔnɔn mɛnɛn bɛ́ ka yii tá ǹ ganaa, bɛn lɛn man nə́ dí nya, ǹ nə́ masɛ din laadoo bǐɛ̃ kɔ ka ma miãn wɔ nɛ. 35Sii din tumaa gɔ́ɔ̃ nɛ, má nyaa ka nɛ máa min nə siĩni a nɔmaa miɛ̃, a tɔn nə n dɔ doobaan lɛ, bɛ̀ a yiri n Yezu din a boo kɛ nɛ: «Nyɛnyɛɛ tá màn kɔ min la nɛ á la min a màn kɔmala nɛ.»
36Bɛa boon kɛn kio, á n musin koa tán kunun ǹ tumaa nɛ, á Lawa nyankɔ. 37Ǹ tumaa kaa wuu ni, ǹ nə́ yoo ǹ nə́ n gɔnɔn sɔɔ Pooli ni, ǹ nə́ sawaa kɔn-a ǹ fòo da nɛ. 38Màn mɛn nə ǹ yɔrɔ kɔsɛ taãn-taãnɛ, bɛ n ka kɛ nɛ, a bɛ́ á pɛ ǹ nɛ mɛnɛn ke, mà ǹ ba re asɛ yii doo wa. Bɛ kio, ǹ nə́ da zii yǎa tà kuru ǹ goo lɛ-a.
Currently Selected:
Nya ǹ dín 20: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Nya ǹ dín 20
20
Pooli a wo Masedoanɛ laanka Grɛki gána-n boo
1Sii lɔlɔkɔn lɛ bɛ́ á kiɛ̃, Pooli lɛ dia Lawa-nyankɔlen lɛn la á ǹ foo taã. Bɛ kio, á fòo da ǹ nɛ, á zii kũ á woo Masedoanɛ gána nɛ. 2Á bɔ bɛa bǎãn kɛn lɛn nɛ, á dɔɔ̃nɔn lɛn foo taã ka Lawa a boo gigiã nɛ. Bɛ kio, á woo dɔ Grɛki gána nɛ, 3á mui sɔɔ zɛnaa walan. A bɛ́ mà a n tà kuru ǹ goo siɛ á woe Siirii gána nɛ ǹ mɛn waáraa, á ma mà Zuifun man giɛ li ǹ kũ. Bɛ lɛ nɛ, á wusoo á tɔ wɔ a gòã nɛ, á bɔ ka Masedoanɛ gána-n doo.
4A koa-kun wolen man nə́ goã ka Beeren giĩ Pirusu a nɛ Sopatrɔsi ni, Tesalonikin Aristarki laanka Sekundusu ni, Dɛrbən Gayusu laanka Timote ne, ka Tisiki laanka Trofimu ni, bɛa min paa kɛ n boe Azii lɛ a paǹ kɛ nɛ Rɔmu a pàã giulun. 5Bɛa kuru kɛ lɛ sɛ woo nyɛɛnɛ ka tà kuru ǹ goo ne, á n yii da wɔ la Troasi kiwi. 6*Yɔ bùbaã buuru zɔ́n a kiɛ̃ kio, wɔ dininmaan dɔn nə́ yoo Filipi kiwi, lɛawaa sooro gɔ́ɔ̃ nɛ wɔ́ woo ǹ yaa Troasi. Wɔ́ golee walan wɔ́ piizii goon zɛnaa.
Pooli a bɔ Troasi nyɔɔbaa boo
7Piizii lɛ a lɛawaa bibinaa giala kɔ li, wɔ n lɛ sɔkɔn, wɔ n die màn bii. Pooli bɛ́ re woe a lɛawaa, á boo da dɔɔ̃nɔn lɛn nɛ yǎa làan kɔ. 8Wɔ lɛ goã soe-n kɔn sanabolo kion mɛn nɛ, bólon gigiã goã kuĩ bɛ nɛ. 9Nɛginin goon ne, a tɔ n Etiki, a na á goã giã-n fenɛtərə lɛkoro la. Pooli bɛ́ boo diɛ woe nyɛɛnɛ, nyuù nɛ lɛ saa. A bɛ́ á nyuù wɔ á kã, á bɔ sanabolo lɛ a kion a sɔɔbaa ǹ wɔ la lon á mɛnaa. Ǹ bɛ́ siɛ lon, ǹ nə́ woo yaa bɛ̀ á gã.
10Pooli gisĩ á n kuməə nɛ gere lɛ la, á n sɔɔ a nɛ, á pɛ: «Ka baran n yiri lɔlɔkɔn wa, nɛ lɛ yii á koo.»
11Pooli bɛ́ á wusoo á dii, á buuru yiɛ á sɔ̃. Bɛ kio, á sùn baa yǎa lɛ̀ woo diri waa la, á tɔ́n soo á woo. 12Ǹ nə́ woo ka nɛ ginin lɛ sɛ nɛ piɛ a yii n koo, bɛ nə́ n baa foo-basiɛ̃ gole lɛa.
Pooli a bɔ Troasi a wo Milɛti boo
13Wɔsɛn nə́ yoo Pooli nyɛɛnɛ, wɔ́ wɔ tà kuru ǹ goo ne wɔ́ woo Asɔsi kiwi. Pooli sɛ mà asɛ n die koe zii lɛ, wɔ tɔn wo kɔn yaa walan wɔ saa tà kuru ǹ goo ne. 14A bɛ́ á daa wɔ yaa Asɔsi, wɔ́ saa tà kuru ǹ goo lɛ nɛ, wɔ́ woo Mitilɛni kiwi. 15A lɛawaa wɔ́ soo walan, wɔ́ mu kuru wɔ́ woo dɔ Kiɔsi wàã li. Bɛa lɛawaa doo wɔ́ n yɔrɔ dia Samɔsi la, a lɛawaa sɔɔbaa ǹ wɔ pinaa, wɔ́ dɔ Milɛti kiwi. 16Sonbore, Pooli goã giɛ li a golee Efɛɛzi wa, a ba li a biikoo saa Azii gána-n wa. A na á goã n nanaɛ sii goon dinsɔɔ̃ li, bɛ̀ á boe la a dɔ Zeruzalɛmu a kɔnpɛ ka *Pantikɔti Zɔ́n nɛ.
Pooli n fòo diɛ Efɛɛzi a min golen manɛ
17Pooli bɛ́ Milɛti kiwi, á lɛ dia Efɛɛzi a Lawa a sɔmɔ nyɛɛnaandɛnan la. 18Ǹ bɛ́ ǹ nə́ daa a li, á pɛ ǹ nɛ:
– A kũ masɛ a dɔ Azii pinaa ganaa, ka dinin tá masɛ a tɔ wɔ ǹ gɔn doɛ̃ kaa wɔ a paǹ li. 19Masɛ n má dí nya Lawa nɛ ka din gisiĩ ni, ka yii mu ni, fuun bii, Zuifun nə fuun mɛnɛn da masɛ mìi ni, bɛ̀ ǹ bɛ́ giɛ li ǹ ma kũ. 20Màn mɛn tumaa là bɛ́ ka ganaa, ma bɛ kɔ́n duru ka la wa. Sɛnɛ, masɛ n má Lawa a boo lɛ pɛ, má ka daraa min tumaa yɔrɔ-a, má ka daraa kaa kionən dɔn nɛ. 21Masɛ a siérebaa toa Zuifun laanka tɔrɔ kɔsɔn nə́ n bɔyaa, ǹ nə́ daa Lawa ganaa, ǹ nə́ golee wɔa Dɛnaa Yezu li. 22Sisia, masɛ n Yiri Fu din gɔn, man zii la woe Zeruzalɛmu, màn mɛn bɛ́ n yii diɛ masɛ la walan, ma a doɛ̃ wa. 23Sɛnɛ, ma bɛ́ màn mɛn dinsɔɔ̃ doɛ̃, Yiri Fu n nyɛɛ ma nɛ kiwi gogoonmaa nɛ, mà kòso a nɔmaa nə n yii diɛ ma la walan. 24#TIM2 4.7. Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.
25Ma á doɛ̃, má a kũ sisia ganaa, kasɛn mɛnɛn tumaa bɛ́ má *Lawa a kiibaa ǹ dí kɛ boo da ka nɛ, ka yii a re ma yii doo wa. 26Masɛ á boe la ma pɛ pelo ka tumaa yɔrɔ-a, bɛ̀ kaa min mɛn papaã, masɛ sii bie wa. 27A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen. 28Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa. 29Ma á doɛ̃, máa maa woo kio, minin tá re die, baraa ka don ginin bɛ́ lɔn, ǹ tá re we ka bii, ǹ Lawa a minin lɛn sasawaa. 30Haalɛ ka dinin bii, minin tá re yui, ǹ soɛn bɔbɔ ǹ Lawa-nyankɔlen sã, ǹ nə ǹ kaa ǹ dinin kio. 31Ka n dinin kũ, ka n yiri koa a nɛ, lɛ̀ sɔɔ gɔ́ɔ̃ nɛ, penleen laanka tèlò ne, mà masɛ má n gɔn waa ka gogoonmaa nɛ, ka yii mu-n dinin.
32Sisia kəni, masɛ n ka toɛ Lawa laanka a din a bǐɛ̃baa ǹ boo kɔɔ̃n kɛ gɔn. Pàã tá Lawa lon a ka gù we yii, pàã tá a lon dɔn, a din bɛ́ màn sonboren mɛnɛn koɛ a wɔn manɛ, a bɛn kɔ ka la. 33Masɛ yii bɔ min kɔ́n a wɔrɔ li wa, ka a sana nɛ ka a dɔnkɛ-n wa. 34Ka dininmaan tá doɛ̃, masɛ gɔnɔn mɛnɛn bɛ́ ka yii tá ǹ ganaa, bɛn lɛn man nə́ dí nya, ǹ nə́ masɛ din laadoo bǐɛ̃ kɔ ka ma miãn wɔ nɛ. 35Sii din tumaa gɔ́ɔ̃ nɛ, má nyaa ka nɛ máa min nə siĩni a nɔmaa miɛ̃, a tɔn nə n dɔ doobaan lɛ, bɛ̀ a yiri n Yezu din a boo kɛ nɛ: «Nyɛnyɛɛ tá màn kɔ min la nɛ á la min a màn kɔmala nɛ.»
36Bɛa boon kɛn kio, á n musin koa tán kunun ǹ tumaa nɛ, á Lawa nyankɔ. 37Ǹ tumaa kaa wuu ni, ǹ nə́ yoo ǹ nə́ n gɔnɔn sɔɔ Pooli ni, ǹ nə́ sawaa kɔn-a ǹ fòo da nɛ. 38Màn mɛn nə ǹ yɔrɔ kɔsɛ taãn-taãnɛ, bɛ n ka kɛ nɛ, a bɛ́ á pɛ ǹ nɛ mɛnɛn ke, mà ǹ ba re asɛ yii doo wa. Bɛ kio, ǹ nə́ da zii yǎa tà kuru ǹ goo lɛ-a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.