Levítico 19
19
Ch'uya kanapaq hinallataq allin kaqkunata ruwanapaq leykunamanta
1Señor Diosmi Moisesta khaynata niran:
2—Israelpa miraynin runakunata llapallanta khaynata nimuy:
Noqa Señor Diosniykichisqa ch'uyan kani. Saynallataqyá qankunapas ch'uya kaychis.
3Sapankamaykichisyá tayta-mamaykichista respetaspa kawsaychis. Samana p'unchawniytapas respetaspayá chay p'unchawpiqa samaychis. Noqaqa Señor Diosniykichismi kani.
4Aman *idolokunata yupaychankichishchu. Nitaqmi imamantapas fundichispaqa idolokunataqa ruwakunkichishchu. Noqaqa Señor Diosniykichismi kani.
5Sichus noqa Señor Dioswan hawkalla kawsanaykichispaq *sacrificio *ofrendata presentawankichis chayqa, chay presentawasqaykichis ofrendataqa noqapa kamachisqayman hinan ruwanaykichis, noqapa agradoypaq kananpaq. 6Sacrificio ofrendata presentawanaykichispaq wañuchisqaykichis animalpa aychantaqa presentawasqaykichis p'unchawmi mikhunkichis hinallataq paqarisnintin p'unchawpas. Ichaqa kinsa kaq p'unchawpaq puchuqtaqa k'anankichismi. 7Sichus pipas chay ofrendata kinsa kaq p'unchawpi mikhunqa chayqa, qenllin qepanqa. Hinaspapas qenlli kasqanraykun chay ofrendataqa mana chashkisaqchu. 8Pipas chay ofrendata kinsa kaq p'unchawpi mikhunqa chayqa huchallikunqan, noqa Señor Diospaq sapaqchasqa kaqta mana respetaspa mikhusqanrayku. Chayraykun chay runaqa Israelpa miraynin runakuna ukhumanta chinkachisqa kanqa.
9Chakraykipi tarpusqaykita cosechaspaykiqa aman patankamachu lliwta rutunki. Nitaqmi urmaqkunatapas pallapankichu. 10Chakraykipi uvasta pallachispaykiqa aman q'alatachu pallachinki. Nitaqmi pampaman urmaqkunatapas oqarichinkichu. Chaykunataqa wakchakuna hinallataq forastero runakuna pallakunanpaqmi saqenki. Noqaqa Señor Diosniykichismi kani.
11Qankunaqa aman suwakunkichishchu. Aman llullakunkichishchu. Aman ni pitapas engañankichishchu.
12Aman llullakuspa yanqapuniqa imatapas sutiypiqa jurankichishchu. Saynata ruwaspaqa noqa Señor Diosniykipa sutintan p'enqayman churawaq. Noqaqa Señor Diosniykichismi kani.
13Aman runamasiykitaqa ñak'arichinkichu; nitaqmi imantapas suwakunkichu.
Llank'apakusuqniyki runapa pagontaqa aman qepachikunkichu paqarisnintin p'unchawkamaqa.
14Aman maldecinkichu mana uyariq upa runataqa. Aman ñawsa runapa purinanpiqa imatapas churankichu urmachinaykipaqqa. Aswanqa noqa Señor Diosniykita respetaway. Noqaqa Señor Diosniykichismi kani.
15Juez kaspaykiqa allintayá justiciata ruway, ama wakchakunaman nitaq qapaqkunamanpas sayapakuspalla. Aswanqa justiciata ruwaspaqa llapallantan igualta juzganayki.
16Aman llaqtayki ukhupiqa runamasiykikunamanta cuentota rimaspaqa purinkichu. Aman runamasiykita wañuchinankupaqqa contranpiqa rimankichu. Noqaqa Señor Diosniykichismi kani.
17Aman wawqeykitaqa sonqoyki ukhupiqa cheqnikunkichu. Aswanyá runamasiykita q'aqchana kaqtinqa sumaqllata q'aqchay, saynapi huchallikusqanmanta ama culpayoq kanaykipaq.
18Aman runamasiykitaqa vengakunkichu. Nitaqmi cheqnikunkipashchu. Aswanqa qan kikiykita hinan runamasiykitaqa munakunki. Noqaqa Señor Diosniykichismi kani.
19Saynaqa kay kamachikuyniykunata kasukuy:
Aman animalniykitaqa huk clase animalwanqa cruzanachinkichu.
Aman ishkay clase mukhuwanqa chakraykipiqa tarpunkichu.
Aman ishkay clase q'aytuwan ruwasqa kaq p'achawanqa churakunkichu.
20Sichus pi runapas huk servienta warmiwan puñurunman, chay servienta warmi huk runawan casarakunanpaq comprometesqa kashaqtin hinallataq comprometesqa runapas chay warmiwan casarakunanpaq manaraq pagashaqtin chayqa, chay warmiwan puñuq runaqa hinallataq chay warmipas castigasqan kanqaku. Ichaqa manan wañuchisqachu kanqaku chay warmi servientallaraq kasqanrayku. 21Hinaspapas chay warmiwan puñuq runaqa huk carnerotan apamuwanqa, culpanrayku sacrificio ofrendata *tabernáculo templopa punkunpi presentawananpaq. 22Hinaqtinmi *sacerdoteqa chay runapa apamusqan carnerota noqa Señor Diosman presentawanqa, chay huchallikuq runapa huchan perdonasqa kananpaq. Saynata sacerdote chay ofrendata ofrecewaqtinmi, chay runapa huchantaqa perdonasaq.
23Qankunaman qosqay Canaán allpaman haykuspaykichisqa, tukuy clase frutakuna ruruq sach'akunatan plantankichis. Chay plantasqaykichis sach'akunapa rurunkunataqa kinsa watan mana mikhunkichishchu, qankunapaq qenlli hina kasqanrayku. 24Tawa kaq watapiqa chay plantasqaykichis sach'akunapa llapallan rurunkunatan huk ofrendata noqa Señor Diosman apamuwankichis alabawanaykichispaq. 25Ichaqa pishqa kaq watapiñan, qankunaqa chay plantasqaykichis sach'akunapa ruruntaqa mikhunkichis. Saynapin chay sach'akunaqa aswan mastaraq rurupusunkichis. Noqaqa Señor Diosniykichismi kani.
26Aman imatapas yawarniyoqtaqa mikhunkichishchu.
Aman layqaqa kankichishchu. Nitaq hamuq tiempokunapaqpas imatapas watunkichishchu.
27Aman chukchaykichistaqa muyupiqa rutukunkichishchu. Aman barbaykichispa puntankunatapas k'utuchikunkichishchu. 28Aman cuerpoykichispiqa ima k'iritapas ruwakunkichishchu pipas wañusqanraykuqa. Nitaqmi cuerpoykichispiqa ni ima *tatuaje señalkunatapas ruwachikunkichishchu. Noqaqa Señor Diosniykichismi kani.
29Aman ususiykitaqa qenlli vidapiqa purichinkichu, qenlli vidapi puriq rabona warmikunata hinaqa, saynapi llaqtaykipi runakuna ama qenlli vidapi purinankupaq. [Nota: Ñawpaq tiempokunapiqa Diospi mana creeq wakin tayta mamakunaqa ususinkutan idolokunapa templonman mandaranku, chaypi qenlli huchakunapi purispa qolqeta gananankupaq.]
30*Samana p'unchawniyta respetaspayá, chay p'unchawpiqa samankichispuni. Saynallataqyá noqa Señor Diosta yupaychanaykichis *tabernáculo templotapas respetaychis. Noqaqa Señor Diosniykichismi kani.
31Aman pongokunamanqa wañusqakunapa almanta waqyachinaykichispaqqa rinkichishchu nitaq suerte qawaqkunamanpas, saynapi chaykunawan qankuna ama qenllichakunaykichispaq. Noqaqa Señor Diosniykichismi kani.
32Anciano runakunataqa respetaychis. Hinallataq paykunapa ñawpaqninpi kaspapas sayarispa respetowan rimayukuychis. Noqa Señor Diosniykitaqa manchakuspan respetawanki. Noqaqa Señor Diosniykichismi kani.
33Aman ñak'arichinkichishchu qankunawan kushka tiyaq huk law nacionniyoq forastero runakunataqa. 34Aswanyá paykunataqa qankunata hina allinta trataychis. Hinaspapas chay forastero runakunataqa kikiykichista hinayá munakuychis. Qankunapas forastero runakunan Egipto nacionpiqa karankichis. Noqaqa Señor Diosniykichismi kani.
35Aman mana chanintaqa imatapas ruwankichishchu. Aswanqa iman kaqllatan qonakunkichis allpata medinakuspapas otaq pesonpi imata medinakuspapas otaq imata yupanakuspapas. 36Qankunapa balanzaykichispas, imata pesanaykichispas hinallataq imata medinaykichispas cabalta mediqmi kanan. Noqaqa Señor Diosniykichismi kani. Noqa Señor Diosniykichismi Egipto nacionmantaqa orqomuraykichis.
37Saynaqa kay llapallan kamachikuyniykunata kasukuspayá kawsaychis. Noqaqa Señor Diosniykichismi kani.
Currently Selected:
Levítico 19: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Levítico 19
19
Ch'uya kanapaq hinallataq allin kaqkunata ruwanapaq leykunamanta
1Señor Diosmi Moisesta khaynata niran:
2—Israelpa miraynin runakunata llapallanta khaynata nimuy:
Noqa Señor Diosniykichisqa ch'uyan kani. Saynallataqyá qankunapas ch'uya kaychis.
3Sapankamaykichisyá tayta-mamaykichista respetaspa kawsaychis. Samana p'unchawniytapas respetaspayá chay p'unchawpiqa samaychis. Noqaqa Señor Diosniykichismi kani.
4Aman *idolokunata yupaychankichishchu. Nitaqmi imamantapas fundichispaqa idolokunataqa ruwakunkichishchu. Noqaqa Señor Diosniykichismi kani.
5Sichus noqa Señor Dioswan hawkalla kawsanaykichispaq *sacrificio *ofrendata presentawankichis chayqa, chay presentawasqaykichis ofrendataqa noqapa kamachisqayman hinan ruwanaykichis, noqapa agradoypaq kananpaq. 6Sacrificio ofrendata presentawanaykichispaq wañuchisqaykichis animalpa aychantaqa presentawasqaykichis p'unchawmi mikhunkichis hinallataq paqarisnintin p'unchawpas. Ichaqa kinsa kaq p'unchawpaq puchuqtaqa k'anankichismi. 7Sichus pipas chay ofrendata kinsa kaq p'unchawpi mikhunqa chayqa, qenllin qepanqa. Hinaspapas qenlli kasqanraykun chay ofrendataqa mana chashkisaqchu. 8Pipas chay ofrendata kinsa kaq p'unchawpi mikhunqa chayqa huchallikunqan, noqa Señor Diospaq sapaqchasqa kaqta mana respetaspa mikhusqanrayku. Chayraykun chay runaqa Israelpa miraynin runakuna ukhumanta chinkachisqa kanqa.
9Chakraykipi tarpusqaykita cosechaspaykiqa aman patankamachu lliwta rutunki. Nitaqmi urmaqkunatapas pallapankichu. 10Chakraykipi uvasta pallachispaykiqa aman q'alatachu pallachinki. Nitaqmi pampaman urmaqkunatapas oqarichinkichu. Chaykunataqa wakchakuna hinallataq forastero runakuna pallakunanpaqmi saqenki. Noqaqa Señor Diosniykichismi kani.
11Qankunaqa aman suwakunkichishchu. Aman llullakunkichishchu. Aman ni pitapas engañankichishchu.
12Aman llullakuspa yanqapuniqa imatapas sutiypiqa jurankichishchu. Saynata ruwaspaqa noqa Señor Diosniykipa sutintan p'enqayman churawaq. Noqaqa Señor Diosniykichismi kani.
13Aman runamasiykitaqa ñak'arichinkichu; nitaqmi imantapas suwakunkichu.
Llank'apakusuqniyki runapa pagontaqa aman qepachikunkichu paqarisnintin p'unchawkamaqa.
14Aman maldecinkichu mana uyariq upa runataqa. Aman ñawsa runapa purinanpiqa imatapas churankichu urmachinaykipaqqa. Aswanqa noqa Señor Diosniykita respetaway. Noqaqa Señor Diosniykichismi kani.
15Juez kaspaykiqa allintayá justiciata ruway, ama wakchakunaman nitaq qapaqkunamanpas sayapakuspalla. Aswanqa justiciata ruwaspaqa llapallantan igualta juzganayki.
16Aman llaqtayki ukhupiqa runamasiykikunamanta cuentota rimaspaqa purinkichu. Aman runamasiykita wañuchinankupaqqa contranpiqa rimankichu. Noqaqa Señor Diosniykichismi kani.
17Aman wawqeykitaqa sonqoyki ukhupiqa cheqnikunkichu. Aswanyá runamasiykita q'aqchana kaqtinqa sumaqllata q'aqchay, saynapi huchallikusqanmanta ama culpayoq kanaykipaq.
18Aman runamasiykitaqa vengakunkichu. Nitaqmi cheqnikunkipashchu. Aswanqa qan kikiykita hinan runamasiykitaqa munakunki. Noqaqa Señor Diosniykichismi kani.
19Saynaqa kay kamachikuyniykunata kasukuy:
Aman animalniykitaqa huk clase animalwanqa cruzanachinkichu.
Aman ishkay clase mukhuwanqa chakraykipiqa tarpunkichu.
Aman ishkay clase q'aytuwan ruwasqa kaq p'achawanqa churakunkichu.
20Sichus pi runapas huk servienta warmiwan puñurunman, chay servienta warmi huk runawan casarakunanpaq comprometesqa kashaqtin hinallataq comprometesqa runapas chay warmiwan casarakunanpaq manaraq pagashaqtin chayqa, chay warmiwan puñuq runaqa hinallataq chay warmipas castigasqan kanqaku. Ichaqa manan wañuchisqachu kanqaku chay warmi servientallaraq kasqanrayku. 21Hinaspapas chay warmiwan puñuq runaqa huk carnerotan apamuwanqa, culpanrayku sacrificio ofrendata *tabernáculo templopa punkunpi presentawananpaq. 22Hinaqtinmi *sacerdoteqa chay runapa apamusqan carnerota noqa Señor Diosman presentawanqa, chay huchallikuq runapa huchan perdonasqa kananpaq. Saynata sacerdote chay ofrendata ofrecewaqtinmi, chay runapa huchantaqa perdonasaq.
23Qankunaman qosqay Canaán allpaman haykuspaykichisqa, tukuy clase frutakuna ruruq sach'akunatan plantankichis. Chay plantasqaykichis sach'akunapa rurunkunataqa kinsa watan mana mikhunkichishchu, qankunapaq qenlli hina kasqanrayku. 24Tawa kaq watapiqa chay plantasqaykichis sach'akunapa llapallan rurunkunatan huk ofrendata noqa Señor Diosman apamuwankichis alabawanaykichispaq. 25Ichaqa pishqa kaq watapiñan, qankunaqa chay plantasqaykichis sach'akunapa ruruntaqa mikhunkichis. Saynapin chay sach'akunaqa aswan mastaraq rurupusunkichis. Noqaqa Señor Diosniykichismi kani.
26Aman imatapas yawarniyoqtaqa mikhunkichishchu.
Aman layqaqa kankichishchu. Nitaq hamuq tiempokunapaqpas imatapas watunkichishchu.
27Aman chukchaykichistaqa muyupiqa rutukunkichishchu. Aman barbaykichispa puntankunatapas k'utuchikunkichishchu. 28Aman cuerpoykichispiqa ima k'iritapas ruwakunkichishchu pipas wañusqanraykuqa. Nitaqmi cuerpoykichispiqa ni ima *tatuaje señalkunatapas ruwachikunkichishchu. Noqaqa Señor Diosniykichismi kani.
29Aman ususiykitaqa qenlli vidapiqa purichinkichu, qenlli vidapi puriq rabona warmikunata hinaqa, saynapi llaqtaykipi runakuna ama qenlli vidapi purinankupaq. [Nota: Ñawpaq tiempokunapiqa Diospi mana creeq wakin tayta mamakunaqa ususinkutan idolokunapa templonman mandaranku, chaypi qenlli huchakunapi purispa qolqeta gananankupaq.]
30*Samana p'unchawniyta respetaspayá, chay p'unchawpiqa samankichispuni. Saynallataqyá noqa Señor Diosta yupaychanaykichis *tabernáculo templotapas respetaychis. Noqaqa Señor Diosniykichismi kani.
31Aman pongokunamanqa wañusqakunapa almanta waqyachinaykichispaqqa rinkichishchu nitaq suerte qawaqkunamanpas, saynapi chaykunawan qankuna ama qenllichakunaykichispaq. Noqaqa Señor Diosniykichismi kani.
32Anciano runakunataqa respetaychis. Hinallataq paykunapa ñawpaqninpi kaspapas sayarispa respetowan rimayukuychis. Noqa Señor Diosniykitaqa manchakuspan respetawanki. Noqaqa Señor Diosniykichismi kani.
33Aman ñak'arichinkichishchu qankunawan kushka tiyaq huk law nacionniyoq forastero runakunataqa. 34Aswanyá paykunataqa qankunata hina allinta trataychis. Hinaspapas chay forastero runakunataqa kikiykichista hinayá munakuychis. Qankunapas forastero runakunan Egipto nacionpiqa karankichis. Noqaqa Señor Diosniykichismi kani.
35Aman mana chanintaqa imatapas ruwankichishchu. Aswanqa iman kaqllatan qonakunkichis allpata medinakuspapas otaq pesonpi imata medinakuspapas otaq imata yupanakuspapas. 36Qankunapa balanzaykichispas, imata pesanaykichispas hinallataq imata medinaykichispas cabalta mediqmi kanan. Noqaqa Señor Diosniykichismi kani. Noqa Señor Diosniykichismi Egipto nacionmantaqa orqomuraykichis.
37Saynaqa kay llapallan kamachikuyniykunata kasukuspayá kawsaychis. Noqaqa Señor Diosniykichismi kani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional