Levítico 18
18
Pikunawansi huk qari mana puñunanmanta
1Señor Diosmi Moisesta khaynata niran:
2—Israelpa miraynin runakunata khaynata nimuy:
Noqan qankunapa Señor Diosniykichisqa kani. 3Aman qankunaqa ñawpaq tiyasqaykichis Egipto *nacionpi runakunapa costumbrenkunataqa ruwankichishchu. Nitaqmi Canaán allpapi tiyaq runakunapa costumbrenkunatapas ruwankichishchu. Chay Canaán allpamanmi qankunataqa pusashaykichis. Amayá qankunaqa paykunapa costumbrenkunaman hinachu kawsankichispas. 4Aswanyá qankunaqa noqapa kamachisqay leykunata kasukuspa kawsaychis. Noqaqa Señor Diosniykichismi kani. 5Kamachisqay leykunata kasukuspa kawsaychis. Pipas noqapa kamachisqay leykunaman hina kawsaqqa, chay leykunaman hinan kawsanan. Noqaqa Señor Diosniykichismi kani.
6Aman ni mayqen qaripas familianmanta kaq warmiwanqa puñunqachu. Noqaqa Señor Diosniykichismi kani.
7Aman mamitaykiwanqa puñunkichu. Payqa mamitaykin. Chayraykun mamitaykiwan puñuspaqa papaykita p'enqayman churawaq.
8Aman madrastraykiwanqa puñunkichu. Madrastraykiwan puñuspaqa papaykita mana respetaspan p'enqayman churawaq.
9Aman papaykipa churiyapakusqan otaq mamitaykipa wachapakusqan ususinwanqa puñunkichu, wasiykipiña otaq huk law wasipiña naceqtinpas. Payqa hermanaykin.
10Aman qari wawaykipa ususinwanqa otaq ususiykipa ususinwanqa puñunkichu. Paykunaqa qanmanta miramuq kasqankuraykun nietaykikuna. Saynata ruwaspaqa p'enqa-p'enqaytan ruwashanki.
11Aman madrastraykipa ususinwanqa puñunkichu. Payqa papaykipa ususin kasqanraykun qanpa hermanayki. Chayraykun hermanaykiwan puñuspaqa p'enqayman payta churawaq.
12Aman papaykipa hermananwanqa puñunkichu. Payqa tiaykin, papaykipa hermanan kasqanrayku.
13Aman mamitaykipa hermananwanqa puñunkichu. Payqa tiaykin, mamitaykipa hermanan kasqanrayku.
14Aman papaykipa wawqenpa warminwanqa puñunkichu. Chay warmiqa tiaykin, tioykipa warmin kasqanrayku. Chaymi paywan puñuspaqa tioykita p'enqayman churawaq.
15Aman qachunniykiwanqa puñunkichu. Payqa qari wawaykipa warminmi.
16Aman wawqeykipa warminwanqa puñunkichu. Payqa cuñadaykin. Paywan puñuspaqa wawqeykitan p'enqayman churawaq.
17Aman huk warmiwan puñuspaqa ususinwanpas puñullankitaqchu. Saynallataq aman puñunkichu chay warmipa qari wawanpa ususinwanpas nitaq ususinpa ususinwanpas. Paykunaqa familiantinmi kanku. Hinaspapas chay ruwayqa millay qenlli huchan.
18Aman warmiyki kawsashaqtinraqqa paypa hermananwanqa casarakunkichu nitaq puñunkipashchu, saynapi paykunapura ama cheqninakunankupaq.
19Aman puñunkichu killanwan kashaq warmiwanqa. Payqa qenlli *impuron kashan yawarnin hamuyninwan kasqanrayku.
20Aman runamasiykipa warminwanqa puñunkichu. Paywan puñuspaqa qenllichakuwaqmi.
21Aman Moloc sutiyoq ídolo diosmanqa ni mayqen wawaykitapas k'anaspa ofrecenkichu. Saynata ruwaspaqa noqapa sutiytan saruchakushanki. Noqaqa Señor Diosniykichismi kani.
22Aman qarimasiykiwanqa huk warmiwan hinaqa puñunkichu. Chay ruwayqa milla-millay huchan.
23Aman ni ima animalwanpas huk warmiwan hinaqa puñunkichu. Huk animalwan puñuspaqa qenllichakuwaqmi. Nitaqmi ni mayqen warmipas animalwanqa huk qariwan hinaqa puñunqachu. Sayna ruwaykunaqa milla-millay huchan.
24Aman qankunaqa chay millay ruwaykunawanqa qenllichakunkichishchu. Sayna millay huchakunata ruwaspankun kay nacionkunapi tiyaq runakunaqa qenllichakuranku. Chayraykun paykunataqa ñawpaqniykichismanta qarqoshani, saynapi qankunaman kay allpata qonaypaq. 25Paykunaqa mana allinkunata ruwaspankun chay tiyasqanku allpatapas qenllicharanku. Chayraykun paykunataqa castigarani. Chaymi paykunataqa noqa Señor Dios qarqorani, imaynan chay tiyasqanku allpapas chay runakunata aqtumushanman hinataraq. 26Israelpa miraynin runakuna hinallataq qankuna ukhupi tiyaq huk law nacionniyoq forastero runakunapas kamachisqay leykunatayá allinta kasukuychis. Qankunaqa amayá chay milla-millay huchakunata ruwaspachu kawsaychis. 27Qankuna chay allpapi manaraq tiyashaqtiykichismi, chay llaqtakunapi tiyaq runakunaqa chay millay ruwaykunata ruwaranku. Chayraykun chay tiyasqanku allpapas qenllichasqa karan. 28Sichus qankunapas sayna millay huchakunata ruwaspa chay allpata qenllichankichis chayqa, imaynan chay allpapi tiyaq runakunatapas qarqorani kikin allpapas aqtushanman hinataraq, saynatan qankunatapas noqa Señor Diosqa qarqosqaykichis. 29Sichus pipas chay millay huchakunata ruwanqa chayqa, chay runaqa qankuna ukhumantan chinkachisqa kanqa. 30Saynaqa kamachisqay leykunata allinta kasukuspayá kawsaychis. Qankunaqa amayá millay huchakunata ruwaspachu qenllichakuychis. Chay millay huchakunataqa chay allpapi tiyaq runakunan ruwaranku, chay allpaman manaraq haykushaqtiykichis. Noqaqa Señor Diosniykichismi kani, nispa.
Currently Selected:
Levítico 18: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Levítico 18
18
Pikunawansi huk qari mana puñunanmanta
1Señor Diosmi Moisesta khaynata niran:
2—Israelpa miraynin runakunata khaynata nimuy:
Noqan qankunapa Señor Diosniykichisqa kani. 3Aman qankunaqa ñawpaq tiyasqaykichis Egipto *nacionpi runakunapa costumbrenkunataqa ruwankichishchu. Nitaqmi Canaán allpapi tiyaq runakunapa costumbrenkunatapas ruwankichishchu. Chay Canaán allpamanmi qankunataqa pusashaykichis. Amayá qankunaqa paykunapa costumbrenkunaman hinachu kawsankichispas. 4Aswanyá qankunaqa noqapa kamachisqay leykunata kasukuspa kawsaychis. Noqaqa Señor Diosniykichismi kani. 5Kamachisqay leykunata kasukuspa kawsaychis. Pipas noqapa kamachisqay leykunaman hina kawsaqqa, chay leykunaman hinan kawsanan. Noqaqa Señor Diosniykichismi kani.
6Aman ni mayqen qaripas familianmanta kaq warmiwanqa puñunqachu. Noqaqa Señor Diosniykichismi kani.
7Aman mamitaykiwanqa puñunkichu. Payqa mamitaykin. Chayraykun mamitaykiwan puñuspaqa papaykita p'enqayman churawaq.
8Aman madrastraykiwanqa puñunkichu. Madrastraykiwan puñuspaqa papaykita mana respetaspan p'enqayman churawaq.
9Aman papaykipa churiyapakusqan otaq mamitaykipa wachapakusqan ususinwanqa puñunkichu, wasiykipiña otaq huk law wasipiña naceqtinpas. Payqa hermanaykin.
10Aman qari wawaykipa ususinwanqa otaq ususiykipa ususinwanqa puñunkichu. Paykunaqa qanmanta miramuq kasqankuraykun nietaykikuna. Saynata ruwaspaqa p'enqa-p'enqaytan ruwashanki.
11Aman madrastraykipa ususinwanqa puñunkichu. Payqa papaykipa ususin kasqanraykun qanpa hermanayki. Chayraykun hermanaykiwan puñuspaqa p'enqayman payta churawaq.
12Aman papaykipa hermananwanqa puñunkichu. Payqa tiaykin, papaykipa hermanan kasqanrayku.
13Aman mamitaykipa hermananwanqa puñunkichu. Payqa tiaykin, mamitaykipa hermanan kasqanrayku.
14Aman papaykipa wawqenpa warminwanqa puñunkichu. Chay warmiqa tiaykin, tioykipa warmin kasqanrayku. Chaymi paywan puñuspaqa tioykita p'enqayman churawaq.
15Aman qachunniykiwanqa puñunkichu. Payqa qari wawaykipa warminmi.
16Aman wawqeykipa warminwanqa puñunkichu. Payqa cuñadaykin. Paywan puñuspaqa wawqeykitan p'enqayman churawaq.
17Aman huk warmiwan puñuspaqa ususinwanpas puñullankitaqchu. Saynallataq aman puñunkichu chay warmipa qari wawanpa ususinwanpas nitaq ususinpa ususinwanpas. Paykunaqa familiantinmi kanku. Hinaspapas chay ruwayqa millay qenlli huchan.
18Aman warmiyki kawsashaqtinraqqa paypa hermananwanqa casarakunkichu nitaq puñunkipashchu, saynapi paykunapura ama cheqninakunankupaq.
19Aman puñunkichu killanwan kashaq warmiwanqa. Payqa qenlli *impuron kashan yawarnin hamuyninwan kasqanrayku.
20Aman runamasiykipa warminwanqa puñunkichu. Paywan puñuspaqa qenllichakuwaqmi.
21Aman Moloc sutiyoq ídolo diosmanqa ni mayqen wawaykitapas k'anaspa ofrecenkichu. Saynata ruwaspaqa noqapa sutiytan saruchakushanki. Noqaqa Señor Diosniykichismi kani.
22Aman qarimasiykiwanqa huk warmiwan hinaqa puñunkichu. Chay ruwayqa milla-millay huchan.
23Aman ni ima animalwanpas huk warmiwan hinaqa puñunkichu. Huk animalwan puñuspaqa qenllichakuwaqmi. Nitaqmi ni mayqen warmipas animalwanqa huk qariwan hinaqa puñunqachu. Sayna ruwaykunaqa milla-millay huchan.
24Aman qankunaqa chay millay ruwaykunawanqa qenllichakunkichishchu. Sayna millay huchakunata ruwaspankun kay nacionkunapi tiyaq runakunaqa qenllichakuranku. Chayraykun paykunataqa ñawpaqniykichismanta qarqoshani, saynapi qankunaman kay allpata qonaypaq. 25Paykunaqa mana allinkunata ruwaspankun chay tiyasqanku allpatapas qenllicharanku. Chayraykun paykunataqa castigarani. Chaymi paykunataqa noqa Señor Dios qarqorani, imaynan chay tiyasqanku allpapas chay runakunata aqtumushanman hinataraq. 26Israelpa miraynin runakuna hinallataq qankuna ukhupi tiyaq huk law nacionniyoq forastero runakunapas kamachisqay leykunatayá allinta kasukuychis. Qankunaqa amayá chay milla-millay huchakunata ruwaspachu kawsaychis. 27Qankuna chay allpapi manaraq tiyashaqtiykichismi, chay llaqtakunapi tiyaq runakunaqa chay millay ruwaykunata ruwaranku. Chayraykun chay tiyasqanku allpapas qenllichasqa karan. 28Sichus qankunapas sayna millay huchakunata ruwaspa chay allpata qenllichankichis chayqa, imaynan chay allpapi tiyaq runakunatapas qarqorani kikin allpapas aqtushanman hinataraq, saynatan qankunatapas noqa Señor Diosqa qarqosqaykichis. 29Sichus pipas chay millay huchakunata ruwanqa chayqa, chay runaqa qankuna ukhumantan chinkachisqa kanqa. 30Saynaqa kamachisqay leykunata allinta kasukuspayá kawsaychis. Qankunaqa amayá millay huchakunata ruwaspachu qenllichakuychis. Chay millay huchakunataqa chay allpapi tiyaq runakunan ruwaranku, chay allpaman manaraq haykushaqtiykichis. Noqaqa Señor Diosniykichismi kani, nispa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional