Levítico 17
17
Yawarta mana mikhunamanta
1Señor Diosmi Moisesta khaynata niran:
2—Aaronta wawankunatawan hinallataq Israelpa miraynin llapallan runakunatawan khaynata nimuy: Kaymi Señor Diospa kamachikusqan:
3Sichus Israelpa mirayninmanta mayqen runapas campamento ukhupi otaq hawapi ñak'anqa huk torota otaq huk corderota otaq huk kapitapas, 4ichaqa manataq chay ñak'asqanta apamunqachu *tabernáculo templo punkuman, noqa Señor Diosman ofrecewananpaq chayqa, chay runan yawar ch'aqchusqanmanta culpayoq kanqa. Hinaspan chay runaqa sayna ruwasqanmanta Israelpa miraynin runakunamanta chinkachisqa kanqa. 5Kay kamachikuyqa Israelpa miraynin runakunapaqmi, campopi animalninkunata amaña ñak'anankupaq. Aswanmi chay animalninkunataqa *sacerdoteman apamunqaku. Hinaspan tabernáculo templopa punkunpi ñak'anqa, saynapi noqa Señor Dioswan hawkalla kawsanankupaq *sacrificio *ofrenda kananpaq. 6Hinaqtinmi sacerdotetaqa tabernáculo templopa punkunpi noqa Señor Diospa *altarniyman yawarta hich'aykunqa. Hinaspan chay animalpa wiranta k'ananqa. Chay wirapa sumaq q'apayninqa noqa Señor Diospaqmi ancha sumaq. 7Amañan ni hayk'aqpas kapikunaman rikch'akuq ídolo demoniokunamanqa sacrificio ofrendakunataqa ofrecenkichishchu. Chay idolokunata yupaychaspaykichismi qankunaqa waqllikuy huchapi purispa waqllikurankichis. Kay kamachikuy leyqa wiña-wiñaypaq kamachikuymi kanqa qankunapaq hinallataq llapallan mirayniykichiskunapaqpas, nispa.
8Señor Diosqa Moisestan nillarantaq khaynata:
—Sichus Israelpa mirayninmanta mayqen kaq runapas otaq qankuna ukhupi tiyaq huk law nacionniyoq runapas sacrificio ofrendata ofrecenanpaq animalta ñak'anqa, 9ichaqa manataq chay ñak'asqanta apamunqachu tabernáculo templopa punkunman, noqa Señor Diosman ofrecewananpaq chayqa, chay runaqa Israelpa miraynin runakunamantan chinkachisqa kanqa.
10Sichus Israelpa mirayninmanta mayqen kaq runapas otaq qankuna ukhupi tiyaq huk law nacionniyoq runakunapas yawarta mikhunqa chayqa, noqa Señor Diosqa chay runapa contranpin kasaq. Hinaspan paytaqa Israelpa miraynin runakunamanta qarqosaq. 11Llapallan kawsaq animalkunapaqa yawarninpin kawsay kashan. Chayraykun noqa Señor Diosqa kamachiykichis chay animalpa yawarninta altarpi ch'allaspa presentawanaykichispaq, saynapi huchaykichis perdonasqa kananpaq. 12Chayraykun noqa Señor Diosqa llapallan Israelpa miraynin runakunata khaynata niykichis: Aman ni mayqenniykichispas yawartaqa mikhunkichishchu. Saynallataqmi qankuna ukhupi tiyaq huk law nacionniyoq runakunapas yawartaqa ama mikhunankuchu.
13Saynallataq sichus mayqen Israelpa miraynin runapas otaq qankuna ukhupi tiyaq huk law nacionniyoq runapas huk mikhuna animalta otaq alton phawaq animaltapas hap'inqa chayqa, yawarninta pampaman sut'uchispan, chay yawartaqa allpawan tapanan. 14Llapallan kawsaq animalkunapa kawsayninqa yawarninpin kashan. Chaymi noqa Señor Diosqa Israelpa miraynin runakunata khaynata niraykichishña: Aman ima animalpa yawarnintapas mikhunkichishchu. Llapallan animalpa kawsayninqa yawarninpin kashan. Sichus pipas chay animalkunapa yawarninta mikhunqa chayqa, chay runaqa qankuna ukhumantan chinkachisqa kanqa, nispa.
15Saynallataq sichus pipas Israelpa mirayninmanta kaspapas otaq huk law nacionniyoq runa kaspapas, wañusqa animalpa aychanta otaq salqa animalpa wañuchisqan animalpa aychanta mikhunqa chayqa, chay runaqa p'achantan t'aqsakunan hinallataq bañakunan ima. Hinaspan tutayamunankama qenlli qepanqa. Chaymantan ichaqa ch'uya kapunqa. 16Ichaqa sichus p'achankunata mana t'aqsakunqachu nitaq bañakunqapashchu chayqa, mana kasukusqanraykun huchayoq kanqa, nispa.
Currently Selected:
Levítico 17: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Levítico 17
17
Yawarta mana mikhunamanta
1Señor Diosmi Moisesta khaynata niran:
2—Aaronta wawankunatawan hinallataq Israelpa miraynin llapallan runakunatawan khaynata nimuy: Kaymi Señor Diospa kamachikusqan:
3Sichus Israelpa mirayninmanta mayqen runapas campamento ukhupi otaq hawapi ñak'anqa huk torota otaq huk corderota otaq huk kapitapas, 4ichaqa manataq chay ñak'asqanta apamunqachu *tabernáculo templo punkuman, noqa Señor Diosman ofrecewananpaq chayqa, chay runan yawar ch'aqchusqanmanta culpayoq kanqa. Hinaspan chay runaqa sayna ruwasqanmanta Israelpa miraynin runakunamanta chinkachisqa kanqa. 5Kay kamachikuyqa Israelpa miraynin runakunapaqmi, campopi animalninkunata amaña ñak'anankupaq. Aswanmi chay animalninkunataqa *sacerdoteman apamunqaku. Hinaspan tabernáculo templopa punkunpi ñak'anqa, saynapi noqa Señor Dioswan hawkalla kawsanankupaq *sacrificio *ofrenda kananpaq. 6Hinaqtinmi sacerdotetaqa tabernáculo templopa punkunpi noqa Señor Diospa *altarniyman yawarta hich'aykunqa. Hinaspan chay animalpa wiranta k'ananqa. Chay wirapa sumaq q'apayninqa noqa Señor Diospaqmi ancha sumaq. 7Amañan ni hayk'aqpas kapikunaman rikch'akuq ídolo demoniokunamanqa sacrificio ofrendakunataqa ofrecenkichishchu. Chay idolokunata yupaychaspaykichismi qankunaqa waqllikuy huchapi purispa waqllikurankichis. Kay kamachikuy leyqa wiña-wiñaypaq kamachikuymi kanqa qankunapaq hinallataq llapallan mirayniykichiskunapaqpas, nispa.
8Señor Diosqa Moisestan nillarantaq khaynata:
—Sichus Israelpa mirayninmanta mayqen kaq runapas otaq qankuna ukhupi tiyaq huk law nacionniyoq runapas sacrificio ofrendata ofrecenanpaq animalta ñak'anqa, 9ichaqa manataq chay ñak'asqanta apamunqachu tabernáculo templopa punkunman, noqa Señor Diosman ofrecewananpaq chayqa, chay runaqa Israelpa miraynin runakunamantan chinkachisqa kanqa.
10Sichus Israelpa mirayninmanta mayqen kaq runapas otaq qankuna ukhupi tiyaq huk law nacionniyoq runakunapas yawarta mikhunqa chayqa, noqa Señor Diosqa chay runapa contranpin kasaq. Hinaspan paytaqa Israelpa miraynin runakunamanta qarqosaq. 11Llapallan kawsaq animalkunapaqa yawarninpin kawsay kashan. Chayraykun noqa Señor Diosqa kamachiykichis chay animalpa yawarninta altarpi ch'allaspa presentawanaykichispaq, saynapi huchaykichis perdonasqa kananpaq. 12Chayraykun noqa Señor Diosqa llapallan Israelpa miraynin runakunata khaynata niykichis: Aman ni mayqenniykichispas yawartaqa mikhunkichishchu. Saynallataqmi qankuna ukhupi tiyaq huk law nacionniyoq runakunapas yawartaqa ama mikhunankuchu.
13Saynallataq sichus mayqen Israelpa miraynin runapas otaq qankuna ukhupi tiyaq huk law nacionniyoq runapas huk mikhuna animalta otaq alton phawaq animaltapas hap'inqa chayqa, yawarninta pampaman sut'uchispan, chay yawartaqa allpawan tapanan. 14Llapallan kawsaq animalkunapa kawsayninqa yawarninpin kashan. Chaymi noqa Señor Diosqa Israelpa miraynin runakunata khaynata niraykichishña: Aman ima animalpa yawarnintapas mikhunkichishchu. Llapallan animalpa kawsayninqa yawarninpin kashan. Sichus pipas chay animalkunapa yawarninta mikhunqa chayqa, chay runaqa qankuna ukhumantan chinkachisqa kanqa, nispa.
15Saynallataq sichus pipas Israelpa mirayninmanta kaspapas otaq huk law nacionniyoq runa kaspapas, wañusqa animalpa aychanta otaq salqa animalpa wañuchisqan animalpa aychanta mikhunqa chayqa, chay runaqa p'achantan t'aqsakunan hinallataq bañakunan ima. Hinaspan tutayamunankama qenlli qepanqa. Chaymantan ichaqa ch'uya kapunqa. 16Ichaqa sichus p'achankunata mana t'aqsakunqachu nitaq bañakunqapashchu chayqa, mana kasukusqanraykun huchayoq kanqa, nispa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional