Levítico 16
16
Hucha perdonasqa kananpaq p'unchawmanta
1Aaronpa wawankunamantan ishkay kaq wawankuna wañuranku. Paykunaqa wañuranku mana kasukuspanku huk *sacrificio *ofrendata k'anaspa Señor Diosman ofrecesqankuraykun. 2Chay wañusqankupa qepantan Señor Diosqa Moisesta khaynata rimapayaran:
—Wawqeyki Aaronta nimuy, *tabernáculo templopi rakiq *cortinapa qepanpi kaq *Lugar Santísimo nisqa cuartoman hinallataq baúl hina *arcapa tapanpa ñawpaqninman ama munasqan horasta haykunanpaq, saynapi ama wañunanpaq. Sichus haykunqa chayqa, chay arcapa tapan hawapi phuyupi rikhuriykuqtiymi, cheqaqtapuni wañunqa. 3Aaronqa huk torillota hinallataq huk carnerota apayukuspan *tabernáculo templomanqa haykunqa. Chay torillotan huchan perdonasqa kananpaq ofrecewanqa. Carnerotataqmi lliwta k'anaspa ofrecewanqa. 4Chay Santísimo lugarman haykunanpaqqa unuwanmi bañakunan. Hinaspan kaykunawan churakunan: Fino *linomanta ruwasqa tunicawan linomanta ruwasqa calzoncillowan, linomanta ruwasqa chumpiwan hinallataq linomanta ruwasqa uma wank'ina telawan ima. Chay p'achakunaqa noqa Señor Diospaq sapaqchasqa ch'uyan kanan. 5Israelpa miraynin runakunapa animalninkumantan Aaronqa apamunqa ishkay orqo kapikunata hinallataq huk carnerota ima. Chay kapikunatan ofrecewanqa, huchakuna perdonasqa kananpaq. Chay carnerotataqmi lliwta k'anaspa ofrecewanqa.
6Chaymantan Aaronqa apachimunqa huchakuna perdonasqa kananpaq kaq torillota. Hinaspan chay torillota ofrecewanqa, paypa huchankuna perdonasqa kananpaq hinallataq familiankunapa huchankunapas perdonasqa kananpaqwan ima. 7Chaymantan chay ishkaynin orqo kapikunata apamunqa. Hinaspan noqa Señor Diosman presentawanqa *tabernáculo templopa punkunpi. 8Chaymantan Aaronqa chay orqo kapikunata sorteanqa. Hukninmi kanqa noqa Señor Diosman ofrecemuwananpaq, hukninñataq huk ch'inñeq lugarman apaspa kacharimunankupaq. 9Chaymantan Aaronqa apachimunqa Señor Diosman tupaq orqo kapita. Hinaspan noqa Señor Diosman sacrificio ofrendata ofrecemuwanqa, huchakunata perdonanaypaq. 10Ichaqa ch'inñeq desierto lugarman apananpaq kaq orqo kapitataqmi kawsashaqllata noqa Señor Diosman presentamuwanqa, saynapi huchakuna perdonasqa kananpaq. Chaymantan ch'inñeq lugarman apaspa kacharimunqa.
11Chaymantan Aaronqa malta torillota ñak'aspa ofrecewanqa, pay kikinpa huchan perdonasqa kananpaq hinallataq familiankunapa huchankuna perdonasqa kananpaqpas. Chay torillota ñak'aspa ofrecewasqanwanmi paykunapa huchankunaqa perdonasqa kanqa. 12Chaymantan Aaronqa noqa Señor Diospa ñawpaqniypi kaq *altarmanta incienso q'oshñichinata nina sansayuqta oqarinqa. Hinaspan ishkay hapt'ay sumaq q'apaq kutasqa inciensotawan tabernáculo templo ukhupi rakiq cortinapa qepanman apaykunqa. 13Hinaspan chay inciensotaqa nina sansa hawaman churaykunqa noqa Señor Diospa ñawpaqniypi. Hinaqtinmi chay inciensopa q'oshñiyninqa baúl hina arcapa tapanta tapaykunqa. Saynapin Aaronqa mana wañunqachu. 14Chaymantan Aaronqa chay malta torillopa yawarninman dedonta challpuykunqa. Hinaspan dedonwan ch'allanqa intipa lloqsimunan lawman baúl hina arcapa tapanta. Ch'allallanqataqmi arcapa tapanpa ñawpaqnintapas qanchis kutikama.
15Saynallataqmi Aaronqa orqo kapita ñak'aspa, sacrificio ofrendata ofrecewanqa, Israelpa miraynin runakunapa huchankuna perdonasqa kananpaq. Chay orqo kapipa yawarnintan apaykunqa cortinapa qepan law ukhuman. Hinaspan baúl hina arcapa tapanta ch'allanqa ñawpaqninta hinallataq hawantapas. Chaytaqa ruwanqa malta torillopa yawarninwan imaynatan ch'allaran chay hinatan. 16Saynatan chay *Lugar Santisimotaqa ch'uyanchanqa Israelpa miraynin runakunapa huchankunamanta hinallataq qenllichasqa kasqankumantawan ima. Saynallatataqmi ch'uyanchanqa enteron tabernáculo templotapas, qenllichasqa runakunapa chawpinpi kasqanrayku. 17Tabernáculo temploman Aarón haykusqan ratoqa, manan ni pipas chaypiqa kanqachu asta chay Lugar Santisimomanta lloqsimunankama. Saynatan Aaronqa Señor Diospa kamachisqanman hina ruwanqa pay kikinpa huchankuna, familiankunapa huchankuna hinallataq Israelpa miraynin runakunapa huchankunapas perdonasqa kananpaq.
18Aaronqa chay lugarmanta lloqsimuspanmi Señor Diospa ñawpaqninpi altarta ch'uyanchanqa. Chaypaqmi hap'inqa torillopa yawarninta hinallataq orqo kapipa yawarnintawan. Hinaspan chaykunawan altarpi kaq waqrakunata llusinqa. 19Chaymantan Aaronqa wakin yawarwan qanchis kutikama dedonwan chay altarta ch'allanqa. Saynatan ch'uyanchanqa chay altartaqa qenllichasqa runakunapa chawpinpi kasqanrayku.
20Aaronqa Lugar Santisimota, tabernáculo templota hinallataq altartawan ima ch'uyanchayta tukuruspanmi, kamachinqa huknin kaq kawsashaq orqo kapita apamunankupaq. 21Chaymantan Aaronqa chay kawsashaq orqo kapipa umanman makinta churaykunqa. Hinaspan chay kapiman willanqa Israelpa miraynin runakunapa mana kasukusqankuta, huchankunata hinallataq mana allinkunata ruwaspa kawsasqankutawan ima. Chaymantan chay kawsashaq orqo kapitaqa huk comisionasqa runawan ch'inñeq desierto lugarman apachispa kacharichimunqa. Saynapin chay orqo kapiqa Israelpa miraynin runakunapa huchankunata apanqa. 22Chay kawsashaq orqo kapiqa ch'inñeq lugarpi kacharisqa kaspan, Israelpa miraynin runakunapa huchankunata apanqa chay ch'inñeq lugarkunaman.
23Hinaqtinmi Aaronqa hamunqa tabernáculo temploman. Hinaspan Lugar Santisimoman haykusqan fino linomanta ruwasqa p'achanta orqokuspa chaypi saqenqa. 24Hinaspan Aaronqa bañakunqa sapaqchasqa kaq lugarpi. Chaymantan sacerdote p'achanwan p'achakuspa lloqsimunqa. Hinaspan sacrificio ofrendata ofrecespa k'ananqa, paypa huchankuna hinallataq Israelpa miraynin runakunapa huchankuna perdonasqa kananpaq. 25Saynallataqmi altarpiqa k'anallanqataq hucha perdonasqa kananpaq ofrecesqanku animalkunapa wirantapas.
26Chay orqo kapita ch'inñeq lugarpi kacharimuq runaqa, p'achanta t'aqsaspan bañakunan. Hinaspan chaymantaña campamentomanqa haykuyta atinqa. 27Chay campamentomanta hawamanmi huchakuna perdonasqa kananpaq wañuchisqa kaq torillota hinallataq orqo kapitapas orqomunqaku. Hinaspan chay animalkunapa qaranta, aychanta hinallataq phusnunta ima k'ananqaku. Chay animalkunapa yawarnintan tabernáculo templota ch'uyanchanankupaqqa ña aparankuña. 28Chaykunata k'anaq runaqa p'achantan t'aqsanan hinallataq bañakunan ima. Chaymantañan campamentomanqa kutiykuyta atinqa.
29Kay kamachikuy leykunaqa wiñaypaqmi qankunapaq kanqa hinallataq qankuna ukhupi tiyaq forastero runakunapaqpas: Qanchis kaq killapa chunka p'unchawninpin ayunankichis, saynallataqmi chay p'unchawpiqa aman llank'ankichishchu. 30Chay p'unchawpin sacerdoteqa sacrificio ofrendata noqa Señor Diosman ofrecewanqa, llapallan runakunapa huchankuna perdonasqa kananpaq. Saynapin llapallan runakunaqa noqa Señor Diospa ñawpaqniypi ch'uyanchasqa kanqaku. 31Chay p'unchawmi qankunapaqqa samana p'unchaw kanqa. Hinaspan chay p'unchawpi ayunankichis. Kay kamachikuy leykunaqa wiñaypaqmi qankunapaq kanqa.
32Papanpa rantinta sacerdote kananpaq aceitewan llusispa nombrasqa kaq sacerdoten, huchakuna perdonasqa kananpaq, sacrificio ofrendata ofrecenan. Saynallataqmi sacerdote kananpaq fino linomanta ruwasqa p'achawanpas p'achakunan. Chay p'achaqa sacerdotepaq sapaqchasqa p'achan. 33Saynallataqmi ch'uyanchallanqataq Lugar Santisimota, tabernáculo templota hinallataq altartapas. Sacrificio ofrendatapas ofrecenanmi sacerdotekunapa hinallataq runakunapa huchankuna perdonasqa kananpaqpas.
34Qankunapaqmi kay kamachikuy leykunaqa wiñaypaq kanqa. Kaykunataqa ruwanqa watapi huk kutillatan. Saynapin Israelpa miraynin runakunapa huchankunaqa perdonasqa kanqa, nispa.
Saynatan Aaronqa ruwaran Moisesman Señor Diospa kamachisqanta hina.
Currently Selected:
Levítico 16: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Levítico 16
16
Hucha perdonasqa kananpaq p'unchawmanta
1Aaronpa wawankunamantan ishkay kaq wawankuna wañuranku. Paykunaqa wañuranku mana kasukuspanku huk *sacrificio *ofrendata k'anaspa Señor Diosman ofrecesqankuraykun. 2Chay wañusqankupa qepantan Señor Diosqa Moisesta khaynata rimapayaran:
—Wawqeyki Aaronta nimuy, *tabernáculo templopi rakiq *cortinapa qepanpi kaq *Lugar Santísimo nisqa cuartoman hinallataq baúl hina *arcapa tapanpa ñawpaqninman ama munasqan horasta haykunanpaq, saynapi ama wañunanpaq. Sichus haykunqa chayqa, chay arcapa tapan hawapi phuyupi rikhuriykuqtiymi, cheqaqtapuni wañunqa. 3Aaronqa huk torillota hinallataq huk carnerota apayukuspan *tabernáculo templomanqa haykunqa. Chay torillotan huchan perdonasqa kananpaq ofrecewanqa. Carnerotataqmi lliwta k'anaspa ofrecewanqa. 4Chay Santísimo lugarman haykunanpaqqa unuwanmi bañakunan. Hinaspan kaykunawan churakunan: Fino *linomanta ruwasqa tunicawan linomanta ruwasqa calzoncillowan, linomanta ruwasqa chumpiwan hinallataq linomanta ruwasqa uma wank'ina telawan ima. Chay p'achakunaqa noqa Señor Diospaq sapaqchasqa ch'uyan kanan. 5Israelpa miraynin runakunapa animalninkumantan Aaronqa apamunqa ishkay orqo kapikunata hinallataq huk carnerota ima. Chay kapikunatan ofrecewanqa, huchakuna perdonasqa kananpaq. Chay carnerotataqmi lliwta k'anaspa ofrecewanqa.
6Chaymantan Aaronqa apachimunqa huchakuna perdonasqa kananpaq kaq torillota. Hinaspan chay torillota ofrecewanqa, paypa huchankuna perdonasqa kananpaq hinallataq familiankunapa huchankunapas perdonasqa kananpaqwan ima. 7Chaymantan chay ishkaynin orqo kapikunata apamunqa. Hinaspan noqa Señor Diosman presentawanqa *tabernáculo templopa punkunpi. 8Chaymantan Aaronqa chay orqo kapikunata sorteanqa. Hukninmi kanqa noqa Señor Diosman ofrecemuwananpaq, hukninñataq huk ch'inñeq lugarman apaspa kacharimunankupaq. 9Chaymantan Aaronqa apachimunqa Señor Diosman tupaq orqo kapita. Hinaspan noqa Señor Diosman sacrificio ofrendata ofrecemuwanqa, huchakunata perdonanaypaq. 10Ichaqa ch'inñeq desierto lugarman apananpaq kaq orqo kapitataqmi kawsashaqllata noqa Señor Diosman presentamuwanqa, saynapi huchakuna perdonasqa kananpaq. Chaymantan ch'inñeq lugarman apaspa kacharimunqa.
11Chaymantan Aaronqa malta torillota ñak'aspa ofrecewanqa, pay kikinpa huchan perdonasqa kananpaq hinallataq familiankunapa huchankuna perdonasqa kananpaqpas. Chay torillota ñak'aspa ofrecewasqanwanmi paykunapa huchankunaqa perdonasqa kanqa. 12Chaymantan Aaronqa noqa Señor Diospa ñawpaqniypi kaq *altarmanta incienso q'oshñichinata nina sansayuqta oqarinqa. Hinaspan ishkay hapt'ay sumaq q'apaq kutasqa inciensotawan tabernáculo templo ukhupi rakiq cortinapa qepanman apaykunqa. 13Hinaspan chay inciensotaqa nina sansa hawaman churaykunqa noqa Señor Diospa ñawpaqniypi. Hinaqtinmi chay inciensopa q'oshñiyninqa baúl hina arcapa tapanta tapaykunqa. Saynapin Aaronqa mana wañunqachu. 14Chaymantan Aaronqa chay malta torillopa yawarninman dedonta challpuykunqa. Hinaspan dedonwan ch'allanqa intipa lloqsimunan lawman baúl hina arcapa tapanta. Ch'allallanqataqmi arcapa tapanpa ñawpaqnintapas qanchis kutikama.
15Saynallataqmi Aaronqa orqo kapita ñak'aspa, sacrificio ofrendata ofrecewanqa, Israelpa miraynin runakunapa huchankuna perdonasqa kananpaq. Chay orqo kapipa yawarnintan apaykunqa cortinapa qepan law ukhuman. Hinaspan baúl hina arcapa tapanta ch'allanqa ñawpaqninta hinallataq hawantapas. Chaytaqa ruwanqa malta torillopa yawarninwan imaynatan ch'allaran chay hinatan. 16Saynatan chay *Lugar Santisimotaqa ch'uyanchanqa Israelpa miraynin runakunapa huchankunamanta hinallataq qenllichasqa kasqankumantawan ima. Saynallatataqmi ch'uyanchanqa enteron tabernáculo templotapas, qenllichasqa runakunapa chawpinpi kasqanrayku. 17Tabernáculo temploman Aarón haykusqan ratoqa, manan ni pipas chaypiqa kanqachu asta chay Lugar Santisimomanta lloqsimunankama. Saynatan Aaronqa Señor Diospa kamachisqanman hina ruwanqa pay kikinpa huchankuna, familiankunapa huchankuna hinallataq Israelpa miraynin runakunapa huchankunapas perdonasqa kananpaq.
18Aaronqa chay lugarmanta lloqsimuspanmi Señor Diospa ñawpaqninpi altarta ch'uyanchanqa. Chaypaqmi hap'inqa torillopa yawarninta hinallataq orqo kapipa yawarnintawan. Hinaspan chaykunawan altarpi kaq waqrakunata llusinqa. 19Chaymantan Aaronqa wakin yawarwan qanchis kutikama dedonwan chay altarta ch'allanqa. Saynatan ch'uyanchanqa chay altartaqa qenllichasqa runakunapa chawpinpi kasqanrayku.
20Aaronqa Lugar Santisimota, tabernáculo templota hinallataq altartawan ima ch'uyanchayta tukuruspanmi, kamachinqa huknin kaq kawsashaq orqo kapita apamunankupaq. 21Chaymantan Aaronqa chay kawsashaq orqo kapipa umanman makinta churaykunqa. Hinaspan chay kapiman willanqa Israelpa miraynin runakunapa mana kasukusqankuta, huchankunata hinallataq mana allinkunata ruwaspa kawsasqankutawan ima. Chaymantan chay kawsashaq orqo kapitaqa huk comisionasqa runawan ch'inñeq desierto lugarman apachispa kacharichimunqa. Saynapin chay orqo kapiqa Israelpa miraynin runakunapa huchankunata apanqa. 22Chay kawsashaq orqo kapiqa ch'inñeq lugarpi kacharisqa kaspan, Israelpa miraynin runakunapa huchankunata apanqa chay ch'inñeq lugarkunaman.
23Hinaqtinmi Aaronqa hamunqa tabernáculo temploman. Hinaspan Lugar Santisimoman haykusqan fino linomanta ruwasqa p'achanta orqokuspa chaypi saqenqa. 24Hinaspan Aaronqa bañakunqa sapaqchasqa kaq lugarpi. Chaymantan sacerdote p'achanwan p'achakuspa lloqsimunqa. Hinaspan sacrificio ofrendata ofrecespa k'ananqa, paypa huchankuna hinallataq Israelpa miraynin runakunapa huchankuna perdonasqa kananpaq. 25Saynallataqmi altarpiqa k'anallanqataq hucha perdonasqa kananpaq ofrecesqanku animalkunapa wirantapas.
26Chay orqo kapita ch'inñeq lugarpi kacharimuq runaqa, p'achanta t'aqsaspan bañakunan. Hinaspan chaymantaña campamentomanqa haykuyta atinqa. 27Chay campamentomanta hawamanmi huchakuna perdonasqa kananpaq wañuchisqa kaq torillota hinallataq orqo kapitapas orqomunqaku. Hinaspan chay animalkunapa qaranta, aychanta hinallataq phusnunta ima k'ananqaku. Chay animalkunapa yawarnintan tabernáculo templota ch'uyanchanankupaqqa ña aparankuña. 28Chaykunata k'anaq runaqa p'achantan t'aqsanan hinallataq bañakunan ima. Chaymantañan campamentomanqa kutiykuyta atinqa.
29Kay kamachikuy leykunaqa wiñaypaqmi qankunapaq kanqa hinallataq qankuna ukhupi tiyaq forastero runakunapaqpas: Qanchis kaq killapa chunka p'unchawninpin ayunankichis, saynallataqmi chay p'unchawpiqa aman llank'ankichishchu. 30Chay p'unchawpin sacerdoteqa sacrificio ofrendata noqa Señor Diosman ofrecewanqa, llapallan runakunapa huchankuna perdonasqa kananpaq. Saynapin llapallan runakunaqa noqa Señor Diospa ñawpaqniypi ch'uyanchasqa kanqaku. 31Chay p'unchawmi qankunapaqqa samana p'unchaw kanqa. Hinaspan chay p'unchawpi ayunankichis. Kay kamachikuy leykunaqa wiñaypaqmi qankunapaq kanqa.
32Papanpa rantinta sacerdote kananpaq aceitewan llusispa nombrasqa kaq sacerdoten, huchakuna perdonasqa kananpaq, sacrificio ofrendata ofrecenan. Saynallataqmi sacerdote kananpaq fino linomanta ruwasqa p'achawanpas p'achakunan. Chay p'achaqa sacerdotepaq sapaqchasqa p'achan. 33Saynallataqmi ch'uyanchallanqataq Lugar Santisimota, tabernáculo templota hinallataq altartapas. Sacrificio ofrendatapas ofrecenanmi sacerdotekunapa hinallataq runakunapa huchankuna perdonasqa kananpaqpas.
34Qankunapaqmi kay kamachikuy leykunaqa wiñaypaq kanqa. Kaykunataqa ruwanqa watapi huk kutillatan. Saynapin Israelpa miraynin runakunapa huchankunaqa perdonasqa kanqa, nispa.
Saynatan Aaronqa ruwaran Moisesman Señor Diospa kamachisqanta hina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional