Levítico 15
15
Qarikunapi qenlli impuro kaqkunamanta
1Señor Diosmi Moisesta Aarontawan kamachimuran khaynata nimunankupaq: 2—Israelpa miraynin runakunata khaynata nimuychis: Sichus pipapas qari kayninmanta mukhun q'eya hina lloqsimunqa chayqa, chay runaqa qenlli impuron kanqa. 3Chaymi chay onqoywan kasqanrayku chay runaqa hisp'ayta otaq mana hisp'ayta atispapas qenlli impuron kanqa.
4Saynallataqmi chay runapa puñusqan camapas hinallataq tiyasqan lugarpas qenlli impuro qepanqa. 5Sichus pipas chay runapa puñusqan camata tupaykunqa chayqa, unuwanmi p'achanta t'aqsakunan hinallataq bañakunan ima. Hinaspapas chay camata tupaykuq runaqa asta tutayamunankaman qenlli impuro qepanqa. 6Saynallataqmi pipas chay runapa tiyasqan asientopi tiyanqa chayqa, unuwanmi p'achanta t'aqsakunan hinallataq bañakunan ima. Hinaspapas chay asientopi tiyaq runaqa asta tutayamunankaman qenlli impuro qepanqa.
7Saynallataqmi sichus pipas chay runata tupaykunqa chayqa, unuwanmi p'achanta t'aqsakunan hinallataq bañakunan ima. Hinaspapas chay runaqa asta tutayamunankaman qenlli impuro qepanqa.
8Sichus chay onqoyniyoq runa pi sano runamanpas toqaykunqa chayqa, chay toqayusqan runaqa unuwanmi p'achanta t'aqsakunan hinallataq bañakunan ima. Hinaspapas chay runaqa asta tutayamunankaman qenlli impuro qepanqa.
9Sichus chay onqoyniyoq runa uywa sillana monturapipas tiyanqa chayqa, chay tiyasqan monturaqa qenllin qepanqa. 10Sichus pipas tupaykunqa chay onqoyniyoq runapa tiyasqan lugarpi ima kaqtapas chayqa, chay runaqa qenllin qepanqa asta tutayamunankama. Saynallataqmi chay onqoyniyoq runapa tiyasqan cosaskunata oqarispa apaq runapas unuwanmi p'achanta t'aqsakunan hinallataq bañakunan ima. Hinaspapas chay runaqa asta tutayamunankaman qenlli impuro qepanqa.
11Saynallataq sichus chay onqoyniyoq runa mana makinta mayllikuspa huk runata tupaykunqa chayqa, chay tupaykusqan runaqa unuwanmi p'achanta t'aqsanan hinallataq bañakunan ima. Chay runaqa asta tutayamunankaman qenlli impuro qepanqa.
12Saynallataq sichus chay onqoyniyoq runa huk allpa mankata hap'irunqa chayqa, chay mankaqa p'akisqan kanan. Saynallataq sichus k'ullumanta ruwasqa ima p'ukutapas chay runa tupaykunqa chayqa, chay p'ukutaqa allintan unuwan mayllinanku.
13Sichus chay runa onqoyninmanta sanoyarunqa chayqa, chay sanoyasqan p'unchawmantan qanchis p'unchawta yupanan ch'uyanchakunanpaq. Chaymantan ichaqa p'achankunata t'aqsanan hinallataq pukyu unupi ima bañakunan. Chay runaqa limpion qepanqa. 14Pusaq kaq p'unchawtataqmi Señor Diospa ñawpaqninman presentakunan, *tabernáculo templopa ñawpaqninpi, ishkay kullkuta otaq ishkay malqo palomata apayukuspa. Hinaspan chay lugarpi apamusqanta *sacerdoteman entreganqa. 15Hinaqtinmi sacerdoteqa hukninta chay runapa huchan perdonasqa kananpaq ofrecewanqa. Huknintañataqmi lliwta k'anaspa *sacrificio *ofrendata ofrecewanqa. Saynapin qari kayninmanta onqoyniyoq runataqa sacerdote ch'uyanchanqa noqa Señor Diospa ñawpaqniypi.
16Sichus huk runapa qari kayninmanta mukhun kikillanmanta lloqsimunqa chayqa, chay runaqa unuwanmi enteron cuerponta bañakunan. Hinaspan chay runaqa asta tutayamunankama qenlli impuro qepanqa. 17Sichus chay runapa mukhun sut'uykunqa ima p'achamanpas otaq ima qaramanpas chayqa, chaykunaqa unuwan t'aqsanan kanan. Hinaspan chay p'achaqa otaq chay qarapas asta tutayamunankama qenlli impuro qepanqa.
18Sichus huk qari huk warmiwan puñuspa mukhunta lloqsichinqa chayqa, ishkayninkun unuwan bañakunanku. Hinaspan paykunaqa asta tutayanankama qenlli impuro qepanqaku.
Warmikunapi qenlli impuro kaqkunamanta
19Sichus huk warmi sapa killan yawarnin hamuywan kanqa chayqa, chay warmiqa qanchis p'unchawmi qenlli impuro qepanqa. Sichus pipas chay warmita tupaykunqa chayqa, asta tutayaykuykaman qenlli impuro qepanqa.
20Chay warmipa puñusqan camapas hinallataq tukuy imapi tiyasqanpas qenllin qepanqa, sapa killan yawarnin hamusqan p'unchawkuna duranankama. 21Sichus pipas chay warmipa puñusqan camata tupaykunqa chayqa, p'achantan unuwan t'aqsanan hinallataq bañakunan ima. Hinaspan chay tupaykuqqa asta tutayamunankama qenlli impuro qepanqa. 22Sichus pipas chay warmipa imapi tiyasqantapas tupaykunqa chayqa, p'achantan unuwan t'aqsanan hinallataq bañakunan ima. Saynapin chay tupaykuqqa asta tutayanankama qenlli impuro qepanqa. 23Saynallataq pipas chay warmipa camanpi imapas kaqta otaq tiyasqankunapi imapas kaqta tupaykuqqa asta tutayanankaman qenlli impuro qepanqa.
24Sichus pi qaripas chay warmiwan puñunqa chayqa, chay qaripas qanchis p'unchawmi qenlli impuro qepanqa, chay warmipa yawarninwan chapukusqanrayku. Saynallataqmi chay qaripa puñusqan camapas qenlli impuro qepanqa.
25Sichus pi warmipas yawar apariywan onqonqa otaq sapa killan yawarnin hamusqanpas nishuta duranqa chayqa, chay warmiqa qenllin kanqa imaynan sapa killan yawarnin hamuqtin duranankama qenlli impuro qepan chay hina. 26Chay warmipa puñusqan camapas hinallataq imapi tiyasqankunapas qenllin kanqa asta yawar apariyninmanta sanoyanankama, imaynan sapa killan yawarnin hamuqtin qenlli impuro qepan chay hina. 27Pipas chay cosaskunata tupaykunqa chayqa, qenllin qepanqa. Hinaspapas p'achantan unuwan t'aqsanan hinallataq bañakunan ima. Saynapin asta tutayanankama qenlli impuro qepanqa.
28Chay warmiqa yawar apariynin thañiruqtinmi qanchis p'unchawtawanraq yupanan. Hinaspan chay qanchis p'unchaw pasaruqtinña payqa ch'uya qepanqa. 29Pusaq kaq p'unchawpitaqmi *sacerdoteman apamunqa ishkay kullkuta otaq ishkay malqo palomakunata. Chaykunataqa apamunqa *tabernáculo templopa punkunmanmi. 30Hinaqtinmi sacerdoteqa huknin kaqta hucha perdonasqa kananpaq ofrecewanqa. Huknintañataqmi lliwta k'anaspa *sacrificio *ofrendata ofrecewanqa. Saynatan sacerdoteqa ch'uyanchanqa yawar apariywan kaq warmita noqa Señor Diospa ñawpaqniypi.
31Saynatan qankunaqa ch'uyanchankichis Israelpa miraynin runakunata. Saynapin paykuna ukhupi kaq tabernáculo temployta mana qenllichanqakuchu. Temployta qenllichaspankuqa wañunkumanmi.
32Kay kamachikuy leykunan kanqa qari kayninpi onqoyniyoq kaq runakunapaqqa otaq qari kayninmanta mukhun lloqsimuq qarikunapaqpas. Chayraykun paykunaqa qenlli impuro qepanku. 33Kay kamachikuykunallataqmi kanqa sapa killan yawarnin hamuq warmikunapaqpas, warmiwan puñuqtinku qari kayninmanta mukhun lloqsimuq qarikunapaqpas hinallataq manaraq ch'uyanchasqa qenlli impuro warmiwan puñuq qarikunapaqpas, nispa.
Currently Selected:
Levítico 15: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Levítico 15
15
Qarikunapi qenlli impuro kaqkunamanta
1Señor Diosmi Moisesta Aarontawan kamachimuran khaynata nimunankupaq: 2—Israelpa miraynin runakunata khaynata nimuychis: Sichus pipapas qari kayninmanta mukhun q'eya hina lloqsimunqa chayqa, chay runaqa qenlli impuron kanqa. 3Chaymi chay onqoywan kasqanrayku chay runaqa hisp'ayta otaq mana hisp'ayta atispapas qenlli impuron kanqa.
4Saynallataqmi chay runapa puñusqan camapas hinallataq tiyasqan lugarpas qenlli impuro qepanqa. 5Sichus pipas chay runapa puñusqan camata tupaykunqa chayqa, unuwanmi p'achanta t'aqsakunan hinallataq bañakunan ima. Hinaspapas chay camata tupaykuq runaqa asta tutayamunankaman qenlli impuro qepanqa. 6Saynallataqmi pipas chay runapa tiyasqan asientopi tiyanqa chayqa, unuwanmi p'achanta t'aqsakunan hinallataq bañakunan ima. Hinaspapas chay asientopi tiyaq runaqa asta tutayamunankaman qenlli impuro qepanqa.
7Saynallataqmi sichus pipas chay runata tupaykunqa chayqa, unuwanmi p'achanta t'aqsakunan hinallataq bañakunan ima. Hinaspapas chay runaqa asta tutayamunankaman qenlli impuro qepanqa.
8Sichus chay onqoyniyoq runa pi sano runamanpas toqaykunqa chayqa, chay toqayusqan runaqa unuwanmi p'achanta t'aqsakunan hinallataq bañakunan ima. Hinaspapas chay runaqa asta tutayamunankaman qenlli impuro qepanqa.
9Sichus chay onqoyniyoq runa uywa sillana monturapipas tiyanqa chayqa, chay tiyasqan monturaqa qenllin qepanqa. 10Sichus pipas tupaykunqa chay onqoyniyoq runapa tiyasqan lugarpi ima kaqtapas chayqa, chay runaqa qenllin qepanqa asta tutayamunankama. Saynallataqmi chay onqoyniyoq runapa tiyasqan cosaskunata oqarispa apaq runapas unuwanmi p'achanta t'aqsakunan hinallataq bañakunan ima. Hinaspapas chay runaqa asta tutayamunankaman qenlli impuro qepanqa.
11Saynallataq sichus chay onqoyniyoq runa mana makinta mayllikuspa huk runata tupaykunqa chayqa, chay tupaykusqan runaqa unuwanmi p'achanta t'aqsanan hinallataq bañakunan ima. Chay runaqa asta tutayamunankaman qenlli impuro qepanqa.
12Saynallataq sichus chay onqoyniyoq runa huk allpa mankata hap'irunqa chayqa, chay mankaqa p'akisqan kanan. Saynallataq sichus k'ullumanta ruwasqa ima p'ukutapas chay runa tupaykunqa chayqa, chay p'ukutaqa allintan unuwan mayllinanku.
13Sichus chay runa onqoyninmanta sanoyarunqa chayqa, chay sanoyasqan p'unchawmantan qanchis p'unchawta yupanan ch'uyanchakunanpaq. Chaymantan ichaqa p'achankunata t'aqsanan hinallataq pukyu unupi ima bañakunan. Chay runaqa limpion qepanqa. 14Pusaq kaq p'unchawtataqmi Señor Diospa ñawpaqninman presentakunan, *tabernáculo templopa ñawpaqninpi, ishkay kullkuta otaq ishkay malqo palomata apayukuspa. Hinaspan chay lugarpi apamusqanta *sacerdoteman entreganqa. 15Hinaqtinmi sacerdoteqa hukninta chay runapa huchan perdonasqa kananpaq ofrecewanqa. Huknintañataqmi lliwta k'anaspa *sacrificio *ofrendata ofrecewanqa. Saynapin qari kayninmanta onqoyniyoq runataqa sacerdote ch'uyanchanqa noqa Señor Diospa ñawpaqniypi.
16Sichus huk runapa qari kayninmanta mukhun kikillanmanta lloqsimunqa chayqa, chay runaqa unuwanmi enteron cuerponta bañakunan. Hinaspan chay runaqa asta tutayamunankama qenlli impuro qepanqa. 17Sichus chay runapa mukhun sut'uykunqa ima p'achamanpas otaq ima qaramanpas chayqa, chaykunaqa unuwan t'aqsanan kanan. Hinaspan chay p'achaqa otaq chay qarapas asta tutayamunankama qenlli impuro qepanqa.
18Sichus huk qari huk warmiwan puñuspa mukhunta lloqsichinqa chayqa, ishkayninkun unuwan bañakunanku. Hinaspan paykunaqa asta tutayanankama qenlli impuro qepanqaku.
Warmikunapi qenlli impuro kaqkunamanta
19Sichus huk warmi sapa killan yawarnin hamuywan kanqa chayqa, chay warmiqa qanchis p'unchawmi qenlli impuro qepanqa. Sichus pipas chay warmita tupaykunqa chayqa, asta tutayaykuykaman qenlli impuro qepanqa.
20Chay warmipa puñusqan camapas hinallataq tukuy imapi tiyasqanpas qenllin qepanqa, sapa killan yawarnin hamusqan p'unchawkuna duranankama. 21Sichus pipas chay warmipa puñusqan camata tupaykunqa chayqa, p'achantan unuwan t'aqsanan hinallataq bañakunan ima. Hinaspan chay tupaykuqqa asta tutayamunankama qenlli impuro qepanqa. 22Sichus pipas chay warmipa imapi tiyasqantapas tupaykunqa chayqa, p'achantan unuwan t'aqsanan hinallataq bañakunan ima. Saynapin chay tupaykuqqa asta tutayanankama qenlli impuro qepanqa. 23Saynallataq pipas chay warmipa camanpi imapas kaqta otaq tiyasqankunapi imapas kaqta tupaykuqqa asta tutayanankaman qenlli impuro qepanqa.
24Sichus pi qaripas chay warmiwan puñunqa chayqa, chay qaripas qanchis p'unchawmi qenlli impuro qepanqa, chay warmipa yawarninwan chapukusqanrayku. Saynallataqmi chay qaripa puñusqan camapas qenlli impuro qepanqa.
25Sichus pi warmipas yawar apariywan onqonqa otaq sapa killan yawarnin hamusqanpas nishuta duranqa chayqa, chay warmiqa qenllin kanqa imaynan sapa killan yawarnin hamuqtin duranankama qenlli impuro qepan chay hina. 26Chay warmipa puñusqan camapas hinallataq imapi tiyasqankunapas qenllin kanqa asta yawar apariyninmanta sanoyanankama, imaynan sapa killan yawarnin hamuqtin qenlli impuro qepan chay hina. 27Pipas chay cosaskunata tupaykunqa chayqa, qenllin qepanqa. Hinaspapas p'achantan unuwan t'aqsanan hinallataq bañakunan ima. Saynapin asta tutayanankama qenlli impuro qepanqa.
28Chay warmiqa yawar apariynin thañiruqtinmi qanchis p'unchawtawanraq yupanan. Hinaspan chay qanchis p'unchaw pasaruqtinña payqa ch'uya qepanqa. 29Pusaq kaq p'unchawpitaqmi *sacerdoteman apamunqa ishkay kullkuta otaq ishkay malqo palomakunata. Chaykunataqa apamunqa *tabernáculo templopa punkunmanmi. 30Hinaqtinmi sacerdoteqa huknin kaqta hucha perdonasqa kananpaq ofrecewanqa. Huknintañataqmi lliwta k'anaspa *sacrificio *ofrendata ofrecewanqa. Saynatan sacerdoteqa ch'uyanchanqa yawar apariywan kaq warmita noqa Señor Diospa ñawpaqniypi.
31Saynatan qankunaqa ch'uyanchankichis Israelpa miraynin runakunata. Saynapin paykuna ukhupi kaq tabernáculo temployta mana qenllichanqakuchu. Temployta qenllichaspankuqa wañunkumanmi.
32Kay kamachikuy leykunan kanqa qari kayninpi onqoyniyoq kaq runakunapaqqa otaq qari kayninmanta mukhun lloqsimuq qarikunapaqpas. Chayraykun paykunaqa qenlli impuro qepanku. 33Kay kamachikuykunallataqmi kanqa sapa killan yawarnin hamuq warmikunapaqpas, warmiwan puñuqtinku qari kayninmanta mukhun lloqsimuq qarikunapaqpas hinallataq manaraq ch'uyanchasqa qenlli impuro warmiwan puñuq qarikunapaqpas, nispa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional