Éxodo 29
29
Aarón wawankunapiwan Diospa sacerdoten kanankupaq sapaqchasqa kasqankumanta
(Lv 8.1-36)
1—*Sacerdotekunata noqapaq sapaqchaspaykiqa khaynatan ruwanayki:
Akllaspa hap'imuy huk torillota hinallataq ishkay carnerokunatawan ima. Chay animalkunaqa mana ima defectoyoq sanon kananku. 2Hinaspapas allinnin kaq trigopa fino harinanmanta ruway mana levadurayoq t'antata. Ruwallaytaq mana levadurayoq tortillatapas aceitewan chapusqa masamanta. Saynallataqmi ruwanallaykitaq mana levadurayoq galletaskunatapas aceitewan llusispa. 3Chay ruwasqaykikunatan huk canastaman churanki. Hinaspan ofrecemuwanki torillotawan hinallataq ishkay carnerokunatawan kushkata.
4Hinaspan Aaronta hinallataq wawankunatawan pusamuspayki, unuwan bañanki noqa Señor Dioswan tupananchis *tabernáculo templopa punkunpi. 5Chaymantataq sacerdotekunapaq ruwasqayki p'achakunawan Aaronta p'achachiy: Bordasqa tunicawan, azul tunicawan, *efod nisqa chalecowan hinallataq *pectoralwan ima. Hinaspan efodpa chumpinwan cinturanta watanki. 6Saynallataqmi Aaronpa umantapas wank'inki uma wank'ina telawan. Hinaspan chay telapa hawanman mat'in lawpi churanki huk placapi grabasqata “SEÑOR DIOSPAQ SAPAQCHASQA” niq letrerota. 7Chaymantan ch'uyanchana aceitewan Aaronpa umanman hich'aykuspa llusinki. Hinaspan paytaqa sapaqchanki noqapa sacerdotey kananpaq.
8Saynallatataqmi Aaronpa wawankunatapas ashuykachimuspa, sumaq bordasqa tunicakunawan p'achachinki. 9Hinaspan Aaronta hinallataq wawankunatapas cinturan watakunanku chumpiwan cinturanta watanki. Saynallataqmi umantapas wank'illankitaq uma wank'ina telawan. Saynapin paykunaqa autoridadniyoq kanqaku. Hinaspan Aaronta hinallataq wawankunatapas wiñaypaq noqapa sacerdoteykuna kanankupaq sapaqchanki.
10Chaymantan chay torillota apanki noqa Señor Diosta yupaychana tabernáculo templopa ñawpaqninman, saynapi Aarón hinallataq wawankunapas chay torillopa umanman makinkuta churanankupaq. 11Hinaspan noqa Señor Diosta yupaychawananku tabernáculo templopa ñawpaqninpi, chay torillota wañuchinki. 12Hinaspan chay torillopa yawarninta huk chikanta oqarispa, dedoykiwan llusinki altarpa tawantin esquinanpi kaq waqrakunata. Puchuq yawartañataqmi altarpa tiyasqan lugarman ch'aqchunki. 13Hinaspapas chay wañuchisqayki torillopa wirantaqa orqonkin ch'unchulninmanta, higadonmanta hinallataq rurunninmantapas. Hinaspan chay wirataqa altarpa hawanpi k'ananki. 14Ichaqa chay torillopa aychanta, qaranta hinallataq phusnuntapas, campamentomanta orqospan hawapi k'ananki, chay animal hucha perdonanapaq wañuchisqa ofrenda kasqanrayku.
15Saynallataqmi huknin carnerotapas hap'inki, saynapi Aarón hinallataq wawankunapas chay carneropa umanman makinkuta churanankupaq. 16Chaymantan chay carnerota wañuchinki. Hinaspan yawarninwan altarpa enteron muyuriqninman ch'aqchunki. 17Chaymantan chay carnero ñak'asqaykita kuchunki pedazokunapi. Hinaspan ch'unchulninkunata hinallataq chakinkunatapas mayllinki. Chay mayllisqaykikunatan umantawan hinallataq llapallan aycha kuchusqaykitawan kushkata montonasqata churanki. 18Hinaspan chay carnero ñak'asqaykita altarpa hawanpi llapallanta k'ananki. Chay k'anasqaykin huk mishk'i q'apaq *sacrificio ofrenda noqa Señor Diospaq kanqa.
19Chaymantan huknin kaq carnerotapas hap'inki, saynapi Aarón hinallataq wawankunapas chay carneropa umanman makinkuta churanankupaq. 20Hinaspan chay carnerota ñak'aspa yawarninta huk chikanta oqarispa, Aaronpa phaña ninrinpa ura patachanta llusinki hinallataq wawankunapa phaña ninrinkupa ura patachantapas. Saynallatataqmi phaña makinkupa hinallataq phaña chakinkupa mama dedonkutapas llusinki. Puchuq yawartañataqmi altarpa enteron muyuriqninman ch'aqchunki. 21Saynallataqmi altarpa hawanpi puchuq yawarwan hinallataq ch'uyanchana aceitetawan ima ch'aqchunki Aaronman, wawankunaman, Aaronpa p'achankunaman hinallataq wawankunapa p'achankunamanpas, ch'uyanchasqa kanankupaq. Saynapin Aaronpas, wawankunapas hinallataq p'achankupas noqa Señor Diospaq sapaqchasqa kanqaku.
22Chaymantan oqarinki chay ñak'asqayki carneropa wiranta, chupanta, ch'unchulninkunapa llika wiranta, higadonpa wiranta, ishkaynin rurunninkunata, rurunninkunapa wiranta hinallataq phaña piernantapas. Chay carnero ñak'asqaykiqa sacerdotekuna sapaqchasqa kanankupaq ofrecesqa ofrendan. 23Saynallataqmi oqorillankitaq noqa Señor Diosman ofrecesqa canastapi kaq mana levadurayoq t'antakunamantapas huk muyu t'antata, aceitewan ruwasqa tortillata hinallataq huk galletastapas. 24Hinaspan chay llapallan oqarisqaykikunataqa Aaronpa makinman hinallataq wawankunapa makinmanwan ima hap'ichinki. Hinaqtinmi paykuna ishkay kinsa kutita altoman oqarispa chay ofrendata noqa Señor Diosman ofrecewanqaku. 25Chaymantan paykunapa makinkumanta llapallanta chashkinki. Hinaspan sacrificio k'anana aychatawan kushkata altarpa hawanman churayuspa llapallanta k'ananki. Chay sacrificio ofrendaqa noqa Señor Diospaq k'anasqa sumaq q'apaq ofrendan. 26Chaymantan Aarón noqapa sacerdotey nombrasqa kananpaq carneropa pechonta hap'ispa, noqa Señor Diospa ñawpaqniypi ishkay kinsa kutita altoman oqarispa kuyukachachinki. Hinaspan chay carneropa pechonqa qanpaq kanqa. 27Hinaspapas sacerdoteykuna nombrasqa kanankupaq ofrenda ofrecesqanku carnerokunapa pechonta hinallataq piernantapas alto cieloman oqarispa sapaqchay. Chaykunaqa Aaronpaq hinallataq wawankunapaqmi kanqa. 28Israelpa miraynin runakuna hawkayaypi noqa Señor Dioswan kanankupaq chay sacrificio ofrenda presentawasqanku carneropa pechonpas, piernanpas Aaronpaq hinallataq wawankunapaqwanmi kanqa. Kay kamachikuy leykunaqa Israelpa miraynin llapallan runakunapaqmi wiñaypaq kanqa.
29Aaronpa miraynin runakunapaqmi chay ch'uyanchasqa p'achankunaqa qepanqa. Chay p'achakunawan churayukuspan Aaronpa mirayninkunaqa ch'uyanchana aceitewan llusisqa kanqaku. Hinaspan sacerdoteykuna kanankupaq nombrasqa kanqaku. 30Aaronpa wawankuna paypa rantinta sacerdote kananpaq haykuqqa, Aaronpa ch'uyanchasqa p'achanwanmi churakunan. Hinaspan qanchis p'unchaw chay p'achawan p'achasqa kanqa, yupaychana tabernáculo templopi Lugar Santo nisqapi noqa Señor Diosta serviwananpaq.
31Aarón hinallataq wawankunapas sacerdotey kanankupaq ofrecesqayki carneropa aychantan sapaqchanki. Hinaspan wayk'unki, wayk'unapaq kaq sapaqchasqa lugarpi. 32Hinaqtinmi Aarón wawankunapiwan chay aychata hinallataq canastapi kaq t'antatawan noqa Señor Diosta yupaychana tabernáculo carpapa punkunpi mikhunqaku. 33Chay ofrendakunataqa ofreceranku, huchanku perdonasqa kananpaqmi hinallataq noqa Señor Diospa sacerdoteykuna kanankupaq iman. Saynapin paykunaqa sacerdoteykuna kanankupaq autoridadta chashkiranku. Chayraykun chay ofrendataqa paykunalla mikhunqaku. Ichaqa huk runakunaqa manan chaykunataqa mikhunqachu, chay sacrificio ofrenda ch'uya kasqanrayku. 34Sichus chay aychamanta otaq chay t'antamantapas paqarisnintin p'unchawpaq puchunqa chayqa, chay puchuqtaqa k'anankin. Manan ni pipas chay puchuqkunataqa mikhunanchu, chay sacrificio ofrenda ch'uyanchasqa kasqanrayku.
35Hinaspan noqapa kamachisqayman hina Aaronta hinallataq wawankunatapas qanchisnintin p'unchaw ch'uyanchanki, saynapi nombrasqa kaspa, noqapa sacerdoteykuna kanankupaq. 36Sapa p'unchawmi huk torillota wañuchispa sacrificio ofrendata ofrecewanki (Aaronpa hinallataq wawankunapa) huchankuna perdonasqa kananpaq. Hinaspapas aceitewanmi altarpa hawanta ch'aqchunki, saynapi ch'uyanchasqa kananpaq. 37Qanchis p'unchawmi ofrendakunata ofrecenki altar ch'uyanchasqa kananpaq. Saynapin chay altarqa Diospaq ch'uyanchasqa kanqa. Hinaspapas sichus imapas chay altarman tupaykunqa chayqa, ch'uyanchasqan kanqa.
Sapa p'unchaw ofrendasqankumanta
(Nm 28.1-8)
38Sapa p'unchawmi mana dejaspa, ishkay corderota altarpa hawanpi k'anaspa ofrecewanki. Chay corderokunaqa huk watayoqmi kanan. 39Huk corderotan ofrecewanki tutallamanta. Huknintataqmi ofrecewanki tardeykuyta. 40Primer kaq cordero ofrecewasqaykitawan kushkatan ofrecewallankitaq ishkay kilota hina allin kaq harinata, huk litro aceite olivawan chapusqata. Hinaspan huk litro vinowan chaypa hawanman ch'aqchunki. 41Saynallatataqmi tarden lawmanpas huknin kaq corderota ofrecewallankitaq, imaynatan tutallanmanta ofrecewaranki chaywan iguallata. Chay ofrendakunaqa noqapaqmi mishk'i q'apaq k'anasqa ofrenda.
42Chay sacrificio ofrenda k'anasqaykitaqa llapallan mirayniykikunapas wiñaypaqmi ofrecewanqaku. Chay ofrendataqa *tabernáculo templopa ñawpaqninpin ofrecewanqaku. Chay lugarpin noqaqa qanwan tupasaq parlanaypaq. 43Chay lugarpin noqaqa Israelpa miraynin runakunawan tupasaq. Hinaqtinmi chay lugarqa ch'uyanchasqa kanqa, noqa chay lugarpi kasqayrayku. 44Hinaspan ch'uyanchasaq tupananchis tabernáculo templota hinallataq altartapas. Saynallataqmi ch'uyanchasaq Aaronta hinallataq wawankunatapas, noqapa sacerdoteykuna kanankupaq. 45Noqaqa Israelpa miraynin runakunawan kushkan tiyasaq. Hinaspapas noqaqa paykunapa Diosninmi kasaq. 46Saynapin yachanqaku, noqaqa paykunapa Señor Diosnin kasqayta. Noqan paykunataqa Egipto nacionmanta orqomurani, paykunawan kushka tiyanaypaq. Hinaspapas noqan paykunapa Señor Diosninqa kani.
Currently Selected:
Éxodo 29: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Éxodo 29
29
Aarón wawankunapiwan Diospa sacerdoten kanankupaq sapaqchasqa kasqankumanta
(Lv 8.1-36)
1—*Sacerdotekunata noqapaq sapaqchaspaykiqa khaynatan ruwanayki:
Akllaspa hap'imuy huk torillota hinallataq ishkay carnerokunatawan ima. Chay animalkunaqa mana ima defectoyoq sanon kananku. 2Hinaspapas allinnin kaq trigopa fino harinanmanta ruway mana levadurayoq t'antata. Ruwallaytaq mana levadurayoq tortillatapas aceitewan chapusqa masamanta. Saynallataqmi ruwanallaykitaq mana levadurayoq galletaskunatapas aceitewan llusispa. 3Chay ruwasqaykikunatan huk canastaman churanki. Hinaspan ofrecemuwanki torillotawan hinallataq ishkay carnerokunatawan kushkata.
4Hinaspan Aaronta hinallataq wawankunatawan pusamuspayki, unuwan bañanki noqa Señor Dioswan tupananchis *tabernáculo templopa punkunpi. 5Chaymantataq sacerdotekunapaq ruwasqayki p'achakunawan Aaronta p'achachiy: Bordasqa tunicawan, azul tunicawan, *efod nisqa chalecowan hinallataq *pectoralwan ima. Hinaspan efodpa chumpinwan cinturanta watanki. 6Saynallataqmi Aaronpa umantapas wank'inki uma wank'ina telawan. Hinaspan chay telapa hawanman mat'in lawpi churanki huk placapi grabasqata “SEÑOR DIOSPAQ SAPAQCHASQA” niq letrerota. 7Chaymantan ch'uyanchana aceitewan Aaronpa umanman hich'aykuspa llusinki. Hinaspan paytaqa sapaqchanki noqapa sacerdotey kananpaq.
8Saynallatataqmi Aaronpa wawankunatapas ashuykachimuspa, sumaq bordasqa tunicakunawan p'achachinki. 9Hinaspan Aaronta hinallataq wawankunatapas cinturan watakunanku chumpiwan cinturanta watanki. Saynallataqmi umantapas wank'illankitaq uma wank'ina telawan. Saynapin paykunaqa autoridadniyoq kanqaku. Hinaspan Aaronta hinallataq wawankunatapas wiñaypaq noqapa sacerdoteykuna kanankupaq sapaqchanki.
10Chaymantan chay torillota apanki noqa Señor Diosta yupaychana tabernáculo templopa ñawpaqninman, saynapi Aarón hinallataq wawankunapas chay torillopa umanman makinkuta churanankupaq. 11Hinaspan noqa Señor Diosta yupaychawananku tabernáculo templopa ñawpaqninpi, chay torillota wañuchinki. 12Hinaspan chay torillopa yawarninta huk chikanta oqarispa, dedoykiwan llusinki altarpa tawantin esquinanpi kaq waqrakunata. Puchuq yawartañataqmi altarpa tiyasqan lugarman ch'aqchunki. 13Hinaspapas chay wañuchisqayki torillopa wirantaqa orqonkin ch'unchulninmanta, higadonmanta hinallataq rurunninmantapas. Hinaspan chay wirataqa altarpa hawanpi k'ananki. 14Ichaqa chay torillopa aychanta, qaranta hinallataq phusnuntapas, campamentomanta orqospan hawapi k'ananki, chay animal hucha perdonanapaq wañuchisqa ofrenda kasqanrayku.
15Saynallataqmi huknin carnerotapas hap'inki, saynapi Aarón hinallataq wawankunapas chay carneropa umanman makinkuta churanankupaq. 16Chaymantan chay carnerota wañuchinki. Hinaspan yawarninwan altarpa enteron muyuriqninman ch'aqchunki. 17Chaymantan chay carnero ñak'asqaykita kuchunki pedazokunapi. Hinaspan ch'unchulninkunata hinallataq chakinkunatapas mayllinki. Chay mayllisqaykikunatan umantawan hinallataq llapallan aycha kuchusqaykitawan kushkata montonasqata churanki. 18Hinaspan chay carnero ñak'asqaykita altarpa hawanpi llapallanta k'ananki. Chay k'anasqaykin huk mishk'i q'apaq *sacrificio ofrenda noqa Señor Diospaq kanqa.
19Chaymantan huknin kaq carnerotapas hap'inki, saynapi Aarón hinallataq wawankunapas chay carneropa umanman makinkuta churanankupaq. 20Hinaspan chay carnerota ñak'aspa yawarninta huk chikanta oqarispa, Aaronpa phaña ninrinpa ura patachanta llusinki hinallataq wawankunapa phaña ninrinkupa ura patachantapas. Saynallatataqmi phaña makinkupa hinallataq phaña chakinkupa mama dedonkutapas llusinki. Puchuq yawartañataqmi altarpa enteron muyuriqninman ch'aqchunki. 21Saynallataqmi altarpa hawanpi puchuq yawarwan hinallataq ch'uyanchana aceitetawan ima ch'aqchunki Aaronman, wawankunaman, Aaronpa p'achankunaman hinallataq wawankunapa p'achankunamanpas, ch'uyanchasqa kanankupaq. Saynapin Aaronpas, wawankunapas hinallataq p'achankupas noqa Señor Diospaq sapaqchasqa kanqaku.
22Chaymantan oqarinki chay ñak'asqayki carneropa wiranta, chupanta, ch'unchulninkunapa llika wiranta, higadonpa wiranta, ishkaynin rurunninkunata, rurunninkunapa wiranta hinallataq phaña piernantapas. Chay carnero ñak'asqaykiqa sacerdotekuna sapaqchasqa kanankupaq ofrecesqa ofrendan. 23Saynallataqmi oqorillankitaq noqa Señor Diosman ofrecesqa canastapi kaq mana levadurayoq t'antakunamantapas huk muyu t'antata, aceitewan ruwasqa tortillata hinallataq huk galletastapas. 24Hinaspan chay llapallan oqarisqaykikunataqa Aaronpa makinman hinallataq wawankunapa makinmanwan ima hap'ichinki. Hinaqtinmi paykuna ishkay kinsa kutita altoman oqarispa chay ofrendata noqa Señor Diosman ofrecewanqaku. 25Chaymantan paykunapa makinkumanta llapallanta chashkinki. Hinaspan sacrificio k'anana aychatawan kushkata altarpa hawanman churayuspa llapallanta k'ananki. Chay sacrificio ofrendaqa noqa Señor Diospaq k'anasqa sumaq q'apaq ofrendan. 26Chaymantan Aarón noqapa sacerdotey nombrasqa kananpaq carneropa pechonta hap'ispa, noqa Señor Diospa ñawpaqniypi ishkay kinsa kutita altoman oqarispa kuyukachachinki. Hinaspan chay carneropa pechonqa qanpaq kanqa. 27Hinaspapas sacerdoteykuna nombrasqa kanankupaq ofrenda ofrecesqanku carnerokunapa pechonta hinallataq piernantapas alto cieloman oqarispa sapaqchay. Chaykunaqa Aaronpaq hinallataq wawankunapaqmi kanqa. 28Israelpa miraynin runakuna hawkayaypi noqa Señor Dioswan kanankupaq chay sacrificio ofrenda presentawasqanku carneropa pechonpas, piernanpas Aaronpaq hinallataq wawankunapaqwanmi kanqa. Kay kamachikuy leykunaqa Israelpa miraynin llapallan runakunapaqmi wiñaypaq kanqa.
29Aaronpa miraynin runakunapaqmi chay ch'uyanchasqa p'achankunaqa qepanqa. Chay p'achakunawan churayukuspan Aaronpa mirayninkunaqa ch'uyanchana aceitewan llusisqa kanqaku. Hinaspan sacerdoteykuna kanankupaq nombrasqa kanqaku. 30Aaronpa wawankuna paypa rantinta sacerdote kananpaq haykuqqa, Aaronpa ch'uyanchasqa p'achanwanmi churakunan. Hinaspan qanchis p'unchaw chay p'achawan p'achasqa kanqa, yupaychana tabernáculo templopi Lugar Santo nisqapi noqa Señor Diosta serviwananpaq.
31Aarón hinallataq wawankunapas sacerdotey kanankupaq ofrecesqayki carneropa aychantan sapaqchanki. Hinaspan wayk'unki, wayk'unapaq kaq sapaqchasqa lugarpi. 32Hinaqtinmi Aarón wawankunapiwan chay aychata hinallataq canastapi kaq t'antatawan noqa Señor Diosta yupaychana tabernáculo carpapa punkunpi mikhunqaku. 33Chay ofrendakunataqa ofreceranku, huchanku perdonasqa kananpaqmi hinallataq noqa Señor Diospa sacerdoteykuna kanankupaq iman. Saynapin paykunaqa sacerdoteykuna kanankupaq autoridadta chashkiranku. Chayraykun chay ofrendataqa paykunalla mikhunqaku. Ichaqa huk runakunaqa manan chaykunataqa mikhunqachu, chay sacrificio ofrenda ch'uya kasqanrayku. 34Sichus chay aychamanta otaq chay t'antamantapas paqarisnintin p'unchawpaq puchunqa chayqa, chay puchuqtaqa k'anankin. Manan ni pipas chay puchuqkunataqa mikhunanchu, chay sacrificio ofrenda ch'uyanchasqa kasqanrayku.
35Hinaspan noqapa kamachisqayman hina Aaronta hinallataq wawankunatapas qanchisnintin p'unchaw ch'uyanchanki, saynapi nombrasqa kaspa, noqapa sacerdoteykuna kanankupaq. 36Sapa p'unchawmi huk torillota wañuchispa sacrificio ofrendata ofrecewanki (Aaronpa hinallataq wawankunapa) huchankuna perdonasqa kananpaq. Hinaspapas aceitewanmi altarpa hawanta ch'aqchunki, saynapi ch'uyanchasqa kananpaq. 37Qanchis p'unchawmi ofrendakunata ofrecenki altar ch'uyanchasqa kananpaq. Saynapin chay altarqa Diospaq ch'uyanchasqa kanqa. Hinaspapas sichus imapas chay altarman tupaykunqa chayqa, ch'uyanchasqan kanqa.
Sapa p'unchaw ofrendasqankumanta
(Nm 28.1-8)
38Sapa p'unchawmi mana dejaspa, ishkay corderota altarpa hawanpi k'anaspa ofrecewanki. Chay corderokunaqa huk watayoqmi kanan. 39Huk corderotan ofrecewanki tutallamanta. Huknintataqmi ofrecewanki tardeykuyta. 40Primer kaq cordero ofrecewasqaykitawan kushkatan ofrecewallankitaq ishkay kilota hina allin kaq harinata, huk litro aceite olivawan chapusqata. Hinaspan huk litro vinowan chaypa hawanman ch'aqchunki. 41Saynallatataqmi tarden lawmanpas huknin kaq corderota ofrecewallankitaq, imaynatan tutallanmanta ofrecewaranki chaywan iguallata. Chay ofrendakunaqa noqapaqmi mishk'i q'apaq k'anasqa ofrenda.
42Chay sacrificio ofrenda k'anasqaykitaqa llapallan mirayniykikunapas wiñaypaqmi ofrecewanqaku. Chay ofrendataqa *tabernáculo templopa ñawpaqninpin ofrecewanqaku. Chay lugarpin noqaqa qanwan tupasaq parlanaypaq. 43Chay lugarpin noqaqa Israelpa miraynin runakunawan tupasaq. Hinaqtinmi chay lugarqa ch'uyanchasqa kanqa, noqa chay lugarpi kasqayrayku. 44Hinaspan ch'uyanchasaq tupananchis tabernáculo templota hinallataq altartapas. Saynallataqmi ch'uyanchasaq Aaronta hinallataq wawankunatapas, noqapa sacerdoteykuna kanankupaq. 45Noqaqa Israelpa miraynin runakunawan kushkan tiyasaq. Hinaspapas noqaqa paykunapa Diosninmi kasaq. 46Saynapin yachanqaku, noqaqa paykunapa Señor Diosnin kasqayta. Noqan paykunataqa Egipto nacionmanta orqomurani, paykunawan kushka tiyanaypaq. Hinaspapas noqan paykunapa Señor Diosninqa kani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional