Éxodo 28
28
Sacerdotekunapa p'achanmanta
(Ex 39.1-31)
1(Diosmi Moisesta nillarantaq khaynata):
—Noqa Señor Diospa sacerdoteykuna kanankupaq Israelpa miraynin runakuna ukhumanta akllay wawqeyki Aaronta kay wawankunatawan: Nadabta, Abiuta, Eleazarta hinallataq Itamartawan ima. Hinaspa ñawpaqniykiman ashuykachiy. 2Hinaspan wawqeyki Aaronpaq ruwapunki sacerdote p'achakunata, saynapi ancha respetasqa hinallataq sumaq p'achasqa kananpaq. 3Noqan runakunaman yachayta qorani p'acha ruwanankupaq oficiota. Paykunatan ninki Aaronpaq p'achakunata ruwanankupaq. Saynapin Aaronqa noqapaq sapaqchasqa sacerdotey kanqa. 4Paykunaqa kay p'achakunatan ruwananku: Qasqonpi *pectoral nisqa pecherata, *efod nisqa chalecota, mana mangayoq azul tunicata, bordasqa tunicata, uma wank'ina telata hinallataq cinturan watakunanpaq chumpitawan ima. Chay p'achakunatan wawqeyki Aaronpaq hinallataq wawankunapaqpas ruwanqaku, saynapi sacerdoteykuna kaspa serviwanankupaq. 5Chay p'achakunata ruwanankupaqqa kaykunatan huñunanku: Qorita, azul q'aytuta, nina sansa hina puka q'aytuta, morado q'aytuta hinallataq fino *linomanta ruwasqa q'aytutawan ima.
Efod nisqa chalecomanta
(Ex 39.2-7)
6Chay *efod nisqa chalecotaqa ruwanqaku qoriyoq hilomanta, azul q'aytumanta, morado q'aytumanta, nina sansa hina puka q'aytumanta hinallataq fino *linomanta ruwasqa q'aytumantawan iman suma-sumaq bordasqata. 7Chay efodqa ishkay tiranteyoqkunan kanan, saynapi sacerdotepa ishkaynin rikranpi juntasqa kananpaq. 8Cinturan watakunanpaq chumpipas ch'ulla piezallan efodwan kanan. Chay chumpitan ruwanqaku qoriyoq q'aytumanta, azul q'aytumanta, morado q'aytumanta, nina sansa hina puka q'aytumanta hinallataq fino linomanta ruwasqa q'aytumantawan ima.
9Saynallataqmi ónice nisqa ishkay alhaja rumichakunapa hawanpi Israelpa miraynin runakunapa, chunka ishkayniyoq ayllunkunapa sutinta churanki. 10Chay sutikunataqa kurak kaqmanta qallarispan asta sullk'a kaqkama churanki. Primer kaq rumipin soqtantin ayllukunapa sutinta churanki. Ishkay kaq rumipiñataqmi wakin soqta ayllukunapa sutinta churanki. 11Israelpa miraynin ayllukunapa sutinkunaqa alhaja rumikunapin sumaq labrasqa kanan. Chaytaqa huk joyero runan ruwanan, imaynan huk sellopi sutitapas sumaq-sumaqta ruwanku chay hinata. Chay rumikunata hap'inanpaqtaqmi qorimanta monturakunata ruwanayki. 12Chay ishkay alhaja rumikunatan churanayki *efod nisqa chalecopa rikran hawapi, saynapi siempre yuyarinapaq. Hinaspapas Aaronmi noqa Señor Diospa ñawpaqniypi chunka ishkayniyoq ayllukunapa sutintaqa ishkaynin rikranpi apanqa, saynapi ama qonqasqa kanankupaq. 13Chay alhaja rumikunata hap'inanpaq monturakunatapas qorimantan ruwanayki. 14Saynallataqmi ruwallankitaq qorimanta simp'asqa ishkay cadenachakunatapas. Hinaspan chay simp'asqa cadenachakunata hap'ichinki alhaja rumipa monturanman.
Qasqonpi churakunanpaq pectoralmanta
(Ex 39.8-21)
15Saynallataqmi qasqonpi juzgananpaq *pectoraltapas suma-sumaqta ruwanki, imaynan *efod nisqa chalecotapas ruwanki qoriyoq hilomanta, azul q'aytumanta, morado q'aytumanta, nina sansa hina puka q'aytumanta hinallataq fino *linomanta ruwasqa q'aytumantawan ima chay hinata. Chay pectoraltaqa suma-sumaq bordasqatan ruwanayki. 16Chay pectoralqa ishkayman doblasqan kanan, huk bolsón hina cuadrado. Hinaspan sapankama ladonman ishkay chunka ishkayniyoq centimetrota medinan. 17Chay pectoralpa hawanmanmi hap'ichinki tawa filapi alhaja rumikunata. Primer kaq filapin kanan huk sárdica rumi, huk topacio rumi hinallataq huk carbunclo rumi ima. 18Ishkay kaq filapitaqmi kanan huk esmeralda rumi, huk zafiro rumi hinallataq huk diamante rumi ima. 19Kinsa kaq filapitaqmi kanan huk jacinto rumi, huk *ágata rumi hinallataq huk amatista rumi ima. 20Tawa kaq filapitaqmi kanan huk berilo rumi, huk ónice rumi hinallataq huk jaspe rumi ima. Tukuy kay alhaja rumikunaqa sapankaman qorimanta ruwasqa monturawan hap'ichisqa kanan. 21Israelpa chunka ishkayniyoq wawankunapa sutinkuman hinan, chay rumikunaqa chunka ishkayniyoq kanan. Chay chunka ishkayniyoq rumikunapitaqmi huk sello hina sapanka *ayllupa sutin grabasqa kanan.
22Ruwallankitaqmi qori puromanta simp'asqa cadenachakunatapas, saynapi chay qasqonpi kaq pectoralpi churasqa kananpaq. 23Ruwallankitaqmi qorimanta ishkay anillokunatapas. Hinaspan chay pectoralpa sapa law puntanpi churanki. 24Hinaspan chay pectoralpa puntankunapi kaq anillokunapi churanki qorimanta simp'asqa ishkay cadenachakunata. 25Hinaspa chay cadenachakunapa ishkaynin puntankunata hap'ichiy efodpa rikrapi kaq ónice alhaja rumipa monturankunaman, saynapi efodpa qasqon lawpi sujetasqa kananpaq. 26Hinaspapas ruwallankitaqmi qorimanta ishkay anillokunatapas. Hinaspan chaykunata pectoralpa uran law puntankunapi churanki, efodwan tupanakuq ukhun lawpi. 27Ruwallaytaqyá qorimanta ishkay anillokunatapas. Hinaspan chaykunata churanki efodpa ishkaynin tirantenkunapa ñawpaqninpi, cinturanpi watakunan chumpipa tumpa wichayninpi, costurapa kasqan lugarpi. 28Hinaspan pectoralpa anillonkunata hap'ichinki efodpa anillonkunaman azul q'aytuwan. Saynapin chay pectoralqa efodpa chumpinpa tumpa wichayninpi qepanqa; hinaspan efodwan juntasqa kanqa. 29Aaronqa sapa kutin tabernáculo temploman haykuspanqa, juzganan pectoralta qasqonpi churayukuspan haykunan. Hinaspapas chay pectoralpiqa Israelpa wawankunapa chunka ishkayniyoq sutinkunatan qasqonpi apanan, saynapi noqa Señor Diospa ñawpaqniypi paykuna yuyarisqa kanankupaq. 30Chay juzgana pectoral ukhumanmi *Urim nisqa rumita hinallataq *Tumim nisqa rumitawan churanki, saynapi Aarón noqapa ñawpaqniypi kaspa sonqon hawapi siempre apakachananpaq. Chay rumikunawanmi Aaronqa Israelpa miraynin runakunata justiciata ruwanqa.
Sacerdotepa huk p'achankunamanta
(Ex 39.22-31)
31Hinaspapas ruwallankitaqmi Efodpa pachanpi kaq mana mangayoq azul tunicatapas. 32Chay azul tunicapa chawpinpin uma ustuchinapaq t'oqo kanqa. Chay t'oqopa muyuriqninqa allin-allin rebetesqan kanan huk ponchopa kunkan hina, saynapi ama llik'ikunanpaq. 33Hinaspapas ruwallaytaq granadilla hina adornokunata, azul q'aytumanta, morado q'aytumanta hinallataq nina sansa hina puka q'aytumantawan ima. Chay adornokunataqa azul tunicapa enteron uray law patanpin qorimanta ruwasqa campanillakunawan chawpinasqata churanki. 34Primertaqa qorimanta ruwasqa huk campanillatan churanki; chaypa qepanmanñataqmi churanki huk granadillata, chaypa qepanmanñataq qorimanta huk campanillata, chaypa qepanmanñataq huk granadillata. Saynatan chay adornokunataqa tunicapa enteron muyuriqnin uray law patanpi churanki. 35Sacerdote Aarón templo ukhuman noqa Señor Diosta serviwananpaq haykuspaqa, tunicanwan churayukuspan haykunan. Hinaspan chay campanillakunaqa haykuqtinpas hinallataq lloqsimuqtinpas waqanqa, saynapi mana wañunanpaq.
36Hinaspapas ruwallaytaq qori puromanta mat'inpi churakunanpaq huk placata. Chay placapin ruwanki huk letrakunata khayna niqta: “SEÑOR DIOSPAQ SAPAQCHASQA” nispa. Chay letrakunataqa ruwanayki imaynan sellopipas ruwanku chay hinatan. 37Chay letrero placataqa azul cordonwanmi uma wank'ina telapa ñawpaqnin lawpi watanki. 38Aaronqa siemprepunin chay letrero placataqa mat'inpi apanan. Israelpa miraynin runakuna ofrendata qowaspanku huchallikuqtinkupas, Aaronmi chay huchankuta apanqa. Ichaqa chay letrerota Aarón mat'inpi tukuy tiempo apasqanraykun noqa Señor Diosqa ofrendankuta chashkisaq.
39Hinaspapas ruwallaytaqyá fino *lino hilomanta huk yuraq *túnica p'achatapas sumaq bordasqata hinallataq huk uma wank'ina telatapas. Saynallataqmi ruwallankitaq cinturan watakunan chumpitapas sumaq bordasqata. Chaytaqa ruwanan allin borday yachaq runan. 40Saynallataqmi Aaronpa wawankunapaqpas ruwanki túnica p'achakunata, cinturanta watakunanpaq chumpikunata, uma wank'ina telakunatawan ima, saynapi respetasqa hinallataq suma-sumaq p'achasqa kanankupaq.
41Chay pach'akunawanmi wawqeyki Aaronta hinallataq wawankunatapas p'achachinki. Hinaspan paykunata noqapaq sapaqchaspa, aceitewan llusiyuspa nombranki, noqa Señor Diospa sacerdoteykuna kanankupaq. 42Saynallataqmi ruwallankitaq fino *lino hilomanta calzoncillokunatapas, saynapi cinturankumanta asta moqonkukama tapananpaq. 43Aaronpas hinallataq wawankunapas chay calzoncillowan churakuspan, noqa Señor Dioswan Tupana Tabernáculo Templomanqa haykunanku. Saynallataqmi noqata serviwanankupaq altarman ashuykuspankupas calzoncilloyoq kananku; saynapin paykunaqa mana huchallikunqakuchu. Hinaspan mana wañunqakuchu. Kay kamachikuy leykunatan Aaronpas hinallataq miraynin (sacerdotekunapas) wiñaypaq kasukunanku.
Currently Selected:
Éxodo 28: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Éxodo 28
28
Sacerdotekunapa p'achanmanta
(Ex 39.1-31)
1(Diosmi Moisesta nillarantaq khaynata):
—Noqa Señor Diospa sacerdoteykuna kanankupaq Israelpa miraynin runakuna ukhumanta akllay wawqeyki Aaronta kay wawankunatawan: Nadabta, Abiuta, Eleazarta hinallataq Itamartawan ima. Hinaspa ñawpaqniykiman ashuykachiy. 2Hinaspan wawqeyki Aaronpaq ruwapunki sacerdote p'achakunata, saynapi ancha respetasqa hinallataq sumaq p'achasqa kananpaq. 3Noqan runakunaman yachayta qorani p'acha ruwanankupaq oficiota. Paykunatan ninki Aaronpaq p'achakunata ruwanankupaq. Saynapin Aaronqa noqapaq sapaqchasqa sacerdotey kanqa. 4Paykunaqa kay p'achakunatan ruwananku: Qasqonpi *pectoral nisqa pecherata, *efod nisqa chalecota, mana mangayoq azul tunicata, bordasqa tunicata, uma wank'ina telata hinallataq cinturan watakunanpaq chumpitawan ima. Chay p'achakunatan wawqeyki Aaronpaq hinallataq wawankunapaqpas ruwanqaku, saynapi sacerdoteykuna kaspa serviwanankupaq. 5Chay p'achakunata ruwanankupaqqa kaykunatan huñunanku: Qorita, azul q'aytuta, nina sansa hina puka q'aytuta, morado q'aytuta hinallataq fino *linomanta ruwasqa q'aytutawan ima.
Efod nisqa chalecomanta
(Ex 39.2-7)
6Chay *efod nisqa chalecotaqa ruwanqaku qoriyoq hilomanta, azul q'aytumanta, morado q'aytumanta, nina sansa hina puka q'aytumanta hinallataq fino *linomanta ruwasqa q'aytumantawan iman suma-sumaq bordasqata. 7Chay efodqa ishkay tiranteyoqkunan kanan, saynapi sacerdotepa ishkaynin rikranpi juntasqa kananpaq. 8Cinturan watakunanpaq chumpipas ch'ulla piezallan efodwan kanan. Chay chumpitan ruwanqaku qoriyoq q'aytumanta, azul q'aytumanta, morado q'aytumanta, nina sansa hina puka q'aytumanta hinallataq fino linomanta ruwasqa q'aytumantawan ima.
9Saynallataqmi ónice nisqa ishkay alhaja rumichakunapa hawanpi Israelpa miraynin runakunapa, chunka ishkayniyoq ayllunkunapa sutinta churanki. 10Chay sutikunataqa kurak kaqmanta qallarispan asta sullk'a kaqkama churanki. Primer kaq rumipin soqtantin ayllukunapa sutinta churanki. Ishkay kaq rumipiñataqmi wakin soqta ayllukunapa sutinta churanki. 11Israelpa miraynin ayllukunapa sutinkunaqa alhaja rumikunapin sumaq labrasqa kanan. Chaytaqa huk joyero runan ruwanan, imaynan huk sellopi sutitapas sumaq-sumaqta ruwanku chay hinata. Chay rumikunata hap'inanpaqtaqmi qorimanta monturakunata ruwanayki. 12Chay ishkay alhaja rumikunatan churanayki *efod nisqa chalecopa rikran hawapi, saynapi siempre yuyarinapaq. Hinaspapas Aaronmi noqa Señor Diospa ñawpaqniypi chunka ishkayniyoq ayllukunapa sutintaqa ishkaynin rikranpi apanqa, saynapi ama qonqasqa kanankupaq. 13Chay alhaja rumikunata hap'inanpaq monturakunatapas qorimantan ruwanayki. 14Saynallataqmi ruwallankitaq qorimanta simp'asqa ishkay cadenachakunatapas. Hinaspan chay simp'asqa cadenachakunata hap'ichinki alhaja rumipa monturanman.
Qasqonpi churakunanpaq pectoralmanta
(Ex 39.8-21)
15Saynallataqmi qasqonpi juzgananpaq *pectoraltapas suma-sumaqta ruwanki, imaynan *efod nisqa chalecotapas ruwanki qoriyoq hilomanta, azul q'aytumanta, morado q'aytumanta, nina sansa hina puka q'aytumanta hinallataq fino *linomanta ruwasqa q'aytumantawan ima chay hinata. Chay pectoraltaqa suma-sumaq bordasqatan ruwanayki. 16Chay pectoralqa ishkayman doblasqan kanan, huk bolsón hina cuadrado. Hinaspan sapankama ladonman ishkay chunka ishkayniyoq centimetrota medinan. 17Chay pectoralpa hawanmanmi hap'ichinki tawa filapi alhaja rumikunata. Primer kaq filapin kanan huk sárdica rumi, huk topacio rumi hinallataq huk carbunclo rumi ima. 18Ishkay kaq filapitaqmi kanan huk esmeralda rumi, huk zafiro rumi hinallataq huk diamante rumi ima. 19Kinsa kaq filapitaqmi kanan huk jacinto rumi, huk *ágata rumi hinallataq huk amatista rumi ima. 20Tawa kaq filapitaqmi kanan huk berilo rumi, huk ónice rumi hinallataq huk jaspe rumi ima. Tukuy kay alhaja rumikunaqa sapankaman qorimanta ruwasqa monturawan hap'ichisqa kanan. 21Israelpa chunka ishkayniyoq wawankunapa sutinkuman hinan, chay rumikunaqa chunka ishkayniyoq kanan. Chay chunka ishkayniyoq rumikunapitaqmi huk sello hina sapanka *ayllupa sutin grabasqa kanan.
22Ruwallankitaqmi qori puromanta simp'asqa cadenachakunatapas, saynapi chay qasqonpi kaq pectoralpi churasqa kananpaq. 23Ruwallankitaqmi qorimanta ishkay anillokunatapas. Hinaspan chay pectoralpa sapa law puntanpi churanki. 24Hinaspan chay pectoralpa puntankunapi kaq anillokunapi churanki qorimanta simp'asqa ishkay cadenachakunata. 25Hinaspa chay cadenachakunapa ishkaynin puntankunata hap'ichiy efodpa rikrapi kaq ónice alhaja rumipa monturankunaman, saynapi efodpa qasqon lawpi sujetasqa kananpaq. 26Hinaspapas ruwallankitaqmi qorimanta ishkay anillokunatapas. Hinaspan chaykunata pectoralpa uran law puntankunapi churanki, efodwan tupanakuq ukhun lawpi. 27Ruwallaytaqyá qorimanta ishkay anillokunatapas. Hinaspan chaykunata churanki efodpa ishkaynin tirantenkunapa ñawpaqninpi, cinturanpi watakunan chumpipa tumpa wichayninpi, costurapa kasqan lugarpi. 28Hinaspan pectoralpa anillonkunata hap'ichinki efodpa anillonkunaman azul q'aytuwan. Saynapin chay pectoralqa efodpa chumpinpa tumpa wichayninpi qepanqa; hinaspan efodwan juntasqa kanqa. 29Aaronqa sapa kutin tabernáculo temploman haykuspanqa, juzganan pectoralta qasqonpi churayukuspan haykunan. Hinaspapas chay pectoralpiqa Israelpa wawankunapa chunka ishkayniyoq sutinkunatan qasqonpi apanan, saynapi noqa Señor Diospa ñawpaqniypi paykuna yuyarisqa kanankupaq. 30Chay juzgana pectoral ukhumanmi *Urim nisqa rumita hinallataq *Tumim nisqa rumitawan churanki, saynapi Aarón noqapa ñawpaqniypi kaspa sonqon hawapi siempre apakachananpaq. Chay rumikunawanmi Aaronqa Israelpa miraynin runakunata justiciata ruwanqa.
Sacerdotepa huk p'achankunamanta
(Ex 39.22-31)
31Hinaspapas ruwallankitaqmi Efodpa pachanpi kaq mana mangayoq azul tunicatapas. 32Chay azul tunicapa chawpinpin uma ustuchinapaq t'oqo kanqa. Chay t'oqopa muyuriqninqa allin-allin rebetesqan kanan huk ponchopa kunkan hina, saynapi ama llik'ikunanpaq. 33Hinaspapas ruwallaytaq granadilla hina adornokunata, azul q'aytumanta, morado q'aytumanta hinallataq nina sansa hina puka q'aytumantawan ima. Chay adornokunataqa azul tunicapa enteron uray law patanpin qorimanta ruwasqa campanillakunawan chawpinasqata churanki. 34Primertaqa qorimanta ruwasqa huk campanillatan churanki; chaypa qepanmanñataqmi churanki huk granadillata, chaypa qepanmanñataq qorimanta huk campanillata, chaypa qepanmanñataq huk granadillata. Saynatan chay adornokunataqa tunicapa enteron muyuriqnin uray law patanpi churanki. 35Sacerdote Aarón templo ukhuman noqa Señor Diosta serviwananpaq haykuspaqa, tunicanwan churayukuspan haykunan. Hinaspan chay campanillakunaqa haykuqtinpas hinallataq lloqsimuqtinpas waqanqa, saynapi mana wañunanpaq.
36Hinaspapas ruwallaytaq qori puromanta mat'inpi churakunanpaq huk placata. Chay placapin ruwanki huk letrakunata khayna niqta: “SEÑOR DIOSPAQ SAPAQCHASQA” nispa. Chay letrakunataqa ruwanayki imaynan sellopipas ruwanku chay hinatan. 37Chay letrero placataqa azul cordonwanmi uma wank'ina telapa ñawpaqnin lawpi watanki. 38Aaronqa siemprepunin chay letrero placataqa mat'inpi apanan. Israelpa miraynin runakuna ofrendata qowaspanku huchallikuqtinkupas, Aaronmi chay huchankuta apanqa. Ichaqa chay letrerota Aarón mat'inpi tukuy tiempo apasqanraykun noqa Señor Diosqa ofrendankuta chashkisaq.
39Hinaspapas ruwallaytaqyá fino *lino hilomanta huk yuraq *túnica p'achatapas sumaq bordasqata hinallataq huk uma wank'ina telatapas. Saynallataqmi ruwallankitaq cinturan watakunan chumpitapas sumaq bordasqata. Chaytaqa ruwanan allin borday yachaq runan. 40Saynallataqmi Aaronpa wawankunapaqpas ruwanki túnica p'achakunata, cinturanta watakunanpaq chumpikunata, uma wank'ina telakunatawan ima, saynapi respetasqa hinallataq suma-sumaq p'achasqa kanankupaq.
41Chay pach'akunawanmi wawqeyki Aaronta hinallataq wawankunatapas p'achachinki. Hinaspan paykunata noqapaq sapaqchaspa, aceitewan llusiyuspa nombranki, noqa Señor Diospa sacerdoteykuna kanankupaq. 42Saynallataqmi ruwallankitaq fino *lino hilomanta calzoncillokunatapas, saynapi cinturankumanta asta moqonkukama tapananpaq. 43Aaronpas hinallataq wawankunapas chay calzoncillowan churakuspan, noqa Señor Dioswan Tupana Tabernáculo Templomanqa haykunanku. Saynallataqmi noqata serviwanankupaq altarman ashuykuspankupas calzoncilloyoq kananku; saynapin paykunaqa mana huchallikunqakuchu. Hinaspan mana wañunqakuchu. Kay kamachikuy leykunatan Aaronpas hinallataq miraynin (sacerdotekunapas) wiñaypaq kasukunanku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional