Psom 97
97
Bondie Monark Siprem
1LESEGNER, limem lerwa! Later dans ar lazwa!
Tou bann lil atraver losean, montre zot kontantman!
2Niaz ek marenwar epe anvlop li;
so regn gouverne par drwatir ek lazistis.
3Enn laflam mars divan li,
e bril bann ennmi otour li.
4Zekler ekler lemond
e kan later trouv sa, li tranble.
5Montagn fonn kouma lasir dan prezans LESEGNER,
devan Lesegner, monark liniver.
6Lesiel anons so drwatir
e tou bann pep trouv so laglwar.
7Bann ki ador idol gagn onte;
bann ki fer vantar ar zot idol initil;
tou bann divinite, prostern zot devan li.
8Lepep Sion tann sa e li dan lazwa
e bann lavil dan Zide pe selebre
akoz to zizman, O Bondie.
9SEGNER, tomem ki Pli Lao lor later antie;
tomem pli eleve ki tou bann ti-bondie.
10LESEGNER kontan bann ki deteste lemal;
li protez lavi so bann fidel;
li aras zot dan lame bann ki pratik lemal.
11Lalimier ekler lavi dimoun drwat;
lazwa aroz bann leker drwat.
12Zot tou ki viv drwat, montre zot lazwa dan LESEGNER.
Glorifie so nom ki sin.
Currently Selected:
Psom 97: KMOTPOR
Highlight
Copy
Compare
Share
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
