Psom 149
149
Nou sant so laglwar
1Alelouya!
Sant enn nouvo sante pou selebre LESEGNER;
Sant so laglwar dan lasanble so pep fidel.
2Izrael, exprim to boner akoz to Kreater;
pep Sion, montre zot lazwa, selebre zot Lerwa.
3Selebre so laglwar avek bann danse,
selebre so grander ar lamizik tanbourin ek laarp.
4LESEGNER trouv so boner omilie so pep
e li kouronn bann feb ar laviktwar.
5Fer fet pou rann glwar Bondie, zot ki fidel,
e pas lanwit dan rezwisans.
6Sant louanz Bondie for-for,
e dan zot lame zot tini lepe ki bien fite de kote,
7pou konbat bann nasion,
pou pini bann pep,
8pou ansenn zot lerwa,
pou atas bann dirizan ar boule feray,
9pou ekzekit santans ki finn prononse lor zot.
Samem loner tou bann fidel.
Alelouya, nou loue LESEGNER!
Currently Selected:
Psom 149: KMOTPOR
Highlight
Copy
Compare
Share
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
