Psom 122
122
Louanz pou Zerizalem
Enn kantik pou pelerinaz. Enn Psom David.
1Mo ti ere ler zot ti dir mwa,
“Anou al dan lakaz LESEGNER.”
2Aster ala nou la
devan to laport Zerizalem!
3Lavil Zerizalem finn bien konstrir,
li form enn linite parfe.
4Isi mem bann tribi viv,
bann tribi LESEGNER,
isi mem zot monte pou remersie LESEGNER
dan fason li ti dir bizin fer.
5Isi mem ki bann lerwa Izrael asize pou fer lazistis,
lor tronn desandan David.
6Anou priye pou lape dan Zerizalem:
“Ki zot konn prosperite, bann ki kontan twa.
7Lape regn dan lavil
ek sekirite dan bann pale.”
8Pou bienet mo fami ek konesans
mo dir Zerizalem, “Lape beni twa!”
9Pou boner lakaz LESEGNER nou Bondie
mo priye pou to prosperite.
Currently Selected:
Psom 122: KMNT
Highlight
Copy
Compare
Share
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
