Psom 121
121
Bondie, nou protekter
Enn kantik pou pelerinaz.
1Mo get lao lor montagn;
kot mo sekour pou sorti?
2Sekour pou vinn depi LESEGNER,
ki finn kree later ek lesiel.
3Li pa pou les twa glise, tonbe;
to protekter pa pou dormi.
4Protekter Izrael
pa kas kou, pa ferm lizie.
5LESEGNER pou vey lor twa;
LESEGNER koste ar twa, kouma enn lonbraz ki protez twa.
6Soley pa pou fer twa ditor dan lazourne,
ni lalinn pa pou fer twa dimal aswar.
7LESEGNER pou protez twa kont tou danze;
li pou prezerv to lavi.
8LESEGNER pou protez twa ler to sorti ek ler to retourne,
aster, pli divan ek touletan.
Currently Selected:
Psom 121: KMNT
Highlight
Copy
Compare
Share
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
