Irm 12
12
Enkishui tiatua enkisiaayiare e Nkai
1Aishiraki naa intae, ilalashera laainei, te ilo ng'ur le Nkai, enchoru iseseni linyi metaa olasar oishu, osinya neng'amunoyu te Nkai, amu ina eseremata inyi e nkiyang'et. 2Eminturubare ate ena kop kake embelekenyata enchoo eitang'ejuki intae indamunot pee itumutumu aaitadedeyie eyieunoto e Nkai, naa supat ninye neng'amunoyu naa bayaroti.
3Amu ore te nkaraki empiris naaishooki nanu, ajoki pooki ng'ae linyi pee medamu ajo ailepie kewan alang enairirikino kake pee etem aiguanare kewan too naatiu, aitorisioki tung'ani kewan entemet e nkirukoto naishoo Enkai ninye. 4#1 Ilkor 12.12 Amu ore anaa enikiaata irubat kumok to sesen obo, neme nabo esiaai oo rubat pooki, 5neijia sii kitiu iyiook, ore hoo nikira kumok, kira osesen obo ti atua Kristo, nikira rubat olikae o likae. 6#1 Ilkor 12.4-11 Ore kiaata nkishorunot naapaasha anaa eneba empiris naishooki iyiook, mataasishore nena: ore paa enaibon e Nkai, neiririkino enkirukoto ang; 7ore paa ene nkisiaayiare nikisiaaishore, ore paa ene nkiteng'enare, nikinteng'enishore; 8ore paa ene nkikoo nikinkokishore; ore paa ene leng'on te nkaminino; ore paa eretore, neaku te nkisosion; ore paa eno lng'ur, niking'urrie te nchipai.
Inaaitanapaki oloiruko Kristo
9Emincho enyorrata ejing esunkureisho; embai intae intorrok, entirrisha isupati; 10entonyorrata intae maate to sotua loo lalashera; entukujata te nkanyit. 11Emincho enkisosion inyi edukenya, entaa lkirowua te Nkiyang'et, esiayia Olaitoriani. 12Enting'idata to siligi linyi enting'iria to sina, entasheikinoto enkomono. 13Enchooi te nkaraki lelo sinyat ooata ngolikinot, entaa loonyor enkitoomono oo lomon.
14 #
Mat 5.44; Lk 6.28 Entamayian lelo ooisilisil intae; entamayian emidek ninche. 15Enting'idata o lelo oong'ida ninchirishiri o lelo ooishir. 16#Ndung 3.7 Entotoni ining'ong'o olikae o likae emiika, entushulare lelo oomeni; emitiira. 17Emilakie entorroni enkae torroni, kake ore enaishiaakino te pooki ng'ae entipik intae indamunot. 18Te naa keidimayu, paa intae etioorie, entotoni te seriani o pooki ng'ae. 19#Enkig 32.35 Ilanyor laainei, emintalaku ilapi, kake entung'eiki mbaa inyi engoro e Nkai; amu etisiraki aajo, “Enaai elap, nanu oitalaku lapi, Olaitoriani ojo.” 20#Ndung 25.21-22 A'a, “Ore pee eeta olmang'atinta lino esumash, intotio; ore pee eeta enkure nchoo entoki naok; amu ore inko neijia, inkuk naayupuyup inteleikia elukunya enye.” 21Emincho entorroni emir intae, kake entimir entorroni too supati.
Currently Selected:
Irm 12: SINYATI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2020
©Bible Society of Tanzania, 2020
