ISAYA 39
39
Ya/abuusér Babulónír daahh
(2Wat 20:12-19)
1Qoomaadae waawutmo Merodak-baladan, garmoó Baladani, waawutmoó Babuloni ngiwa axaás adór Hesekia ira tiíq, nee adór ira huunguú/, guri ya/abuuseérí ya/aáw kuwa barwito'órí huwi nee qeemu dimbadimbé. 2Naagáy Hesekia mukdá' guri dahi'ís, do'oduú peésa kay baabatsi guri dir'íní laqán, peésa gari laqán nee sahaábuwo nee muruú ta naanúr tsu'umaamisi, nee di/tá tlaxo gawit, nee xooslár slaqwara sleémeero tidá' baraá do'ósí dirii'. Gár aa meetiís laqaamaro i káhh, ar baraá yaamuwose sa dawa. 3Aluuwo aarusmo Isaya iri amór waawutmo Hesekia káy, guri báy, «Mukwí gár i kaahi a milá? Nee amór ni dahhiya' a amá niwa dirógí hardihiyé'.»
Hesekia iri oó', «Mukwí amór i dahhi ka ló'wa saaw. A baraá yaamaá Babuloni.»
4Isaya iri oó', «Baraá do'oge gár naa ariyé'?
«Hesekia iri oó', «Umuú gár baraá dooeéní diriia ngaa ariyé', gár naa meetiís laqaamaro i káhh.»
5Aarusmo Isaya Hesekia guri báy, «Axweesantá AAKOÓ MUNGÚ Aleesleemusmo iiárií qaaseek, 6‹Ga/aaweek, baala ni xeér umuú gár baraá do'ógí diriia, nee muruudá sleémeero xwayliteérók aa baabáts ay laarí, sleémeero kinar tláy ay baraá yaamaá Babuloni, gár ta meetisi i káhh tam ar wák. Anuú AAKOÓ MUNGÚ tí ngina oó'. 7Slám baraá daaqaywoge, bahh'ale kunár tláy baraá yaamaá Babuloni, kuri karmumúy as tawa gadiyuusi baraá doó waawutmoó Babulonír wa ale.› » 8Hesekia Isaya guri báy, «/Aymuusíng AAKOÓ MUNGÚ i kaahi i qón.» Asma ina baraá muunaáwósí oó', «Deelo sleémeero ar slafingw'eene wayda nee amohhooa i dayá'.»
Currently Selected:
ISAYA 39: IRQW
Highlight
Copy
Compare
Share
Want to have your highlights saved across all your devices? Sign up or sign in
The Bible in Iraqw © Bible Society of Tanzania, 2004.
