ISAYA 23

Yaamaá Tiro nee Sidoni ki qwaarees

1Kaangwí a iigu'utuú Mungú aa laqán daanduú Tiroro.

Kuungaásá múk Tarshishi awa baraá tlawtár hi'iimamitá' tsuunqumisé',

asma gixsár Tiro kaa hhaamiís tam maraydaá afaá tlawi i kahhiyá'.

Bál bar naa ki/é' Kuprór wa ale,

kaangwí u axasá'.

2Xasliité' kuungaásingaá yaamuloouusér afaá tlawi,

xasliité' kuungaásingaá halanuusér Sidoni,

kuungaásingá' ya/abuuserhúng tlawi gaa waawaarahh,

3niri hi'iimamitiyé' baraá tlabeemoó wa alé,

slaasláwarhúng a balángw Shihórír daáhh,

bu'úngw yaaér Nili,

Kuungá' halaanu'uuma kari tlehhé' nee xoordaá yaariir.

4Muruuté' kuungaásá Sidoni, múk gixsar'ín taa harweér ar koo/ír gawit,

asma tlawi sleeme kaangwí gu alki/ít

i kat, «Aníng asltá xwayla aga baloó tsaqiiká, sleeme aga baloó laqwaaliiká,

daaqoó naa umiím i kaahh,

tam dasuú naa ureemiís i kaahh.»

5Kángw Tiro kawa hhaamiís, burkwa axaás baraá yaamaá Misriro,

múk Misri iri slahhaa' ló'wa alé.

6Tlawsé', ta'aaimé' ay yaamaá Tarshishi,

tsuunqumiisé' kuungaásá yaamuloouusér afaá tlawi.

7Gixsarí an gixsár qwal/úwo dír Tiroro,

gixsadá' taa tleéhh iimír aáng wa alé,

tidá' yaamuloouuseerós ayeemaá sawen gaa aalír eer.

8Heé muruuwí tlákw gwaa qoomees daanduú Tiroro a heemá,

gixsarí waawitá gun slam'í dahamaamís

halaanuuseerós an geeraharuuse,

nee mukós kudá' muruú weermamiís an múk ta ilaiwawa/i baraá yaamuwo.

9AAKOÓ MUNGÚ Aleesleemusmo kaangwí guna qoomeés,

as daara/angw'ín kudá' aa xirfuut nguwa slasla/areesi,

nee mukdá' sleémeero ta ilaiwawa/i nguwa mureekeesi baraá yaamuwo.

10Baraá yaamuuwók ar waaraahheek adór yaaér Nili,

kuungaásá múk Tarshishi,

asma daxta gár nu tatlmis i káhh.

11Asma inós dakós gwaa tleés gawaá daanduú tlawi,

waawuti'iima gari diingiís.

AAKOÓ MUNGÚ hara'aya gaa oó'

ar koo/ír gawit ar Kana'ani kawa hhaamisi.

12I kaahi, «Aá gixsár Sidoni, tidár baramaanuso'o,

kiíng qwal/uwo a ki/iká,

tam bar yaamaá Kuprórí goba,

amorqae amohhooa a sleeraaká sleeme.»

13Ga/aaweek mukdá' makaá sla/a ngaa geemay niwa haratlaya' amór gixsár Tiro a múk Kaldayo, slám a múk Ashururoká. Inooín an múk gixsa gaa harweer ar /aampu, as kawa i haratlay, maraywós kudaá waawitá kiri taangúy.

14Tsuunqumiisé' kuungaásá miringér Tarshishi,

asma koo/irhúng tidá' tay gwaagoba' kaa gaás.

15Baalaadae gixsár Tiro ka gunqarees harqoomoó kureeraá miberaá faanqwe, kureeriiká' a harqoomoó hotaá waawutmoó wák. Kureeraá mibeeraá faanqw birna faakiyé', gixsár Tiro gár ga slaw a slaqás nee tidá' muu aa daa'ángw wa óh daanduú sli'imaro, tawa kaahi,

16«Mariímbarók taatahheek,

tláw baraá gixsa wa hi'iimiteek,

kiíngasír sli'iimuso'o ar taa gunqaareés,

daa'ángw tsuú' daaeek,

daa'ángw yaariír daaeek,

daqaní dooqa ti malé insláy.»

17Alaá kureeriiká mibeeraá faanqwe AAKOÓ MUNGÚ gixsár Tiro ga malé pa/ángwií haniis, inós tiri malé weeramisuú eér, iri kí/ baraá sli'ima nee waawituú xoordu sleémeero gawaá daanduú yaamuwo. 18Peésaadá' ni sleer kari paraatl as AAKOÓ MUNGÚ, peésaadá' ka batsiiká, laqaá ka amohhe'eesiiká, ala aqo har mukdá' AAKOÓ MUNGÚ ngu sluufmamisá' kilooín kan muruú /aymár yaariírár tlaaxw nee tlabaá hhohho'.

Currently Selected:

ISAYA 23: IRQW

Highlight

Copy