ISAYA 12
12
Daa'ángw sluufaay
1Baalaadae kuúng an o',
«AAKOÓ MUNGÚ án kuúng u sluufmiís,
asma tam geeraawo aníng iga i buuhhi,
buhhtaawók iga meér,
nee aníng iga gurkwa/ás.
2Ga/aawaak, Mungú an ba/amar'eé',
inós un harahhiíf, sleeme a da'ayumitaaká.
Asma AAKOÓ MUNGÚ an /uuruueé' nee daa'angw'eé',
inós an ba/amusmooeé'.»
3Kuungá' ma'aay i qwal/úr hhekitá'
baraá hhaleeraá ba/ama.
4Baalaadae kuungá' an oa',
«AAKOÓ MUNGÚ sluufmisaak,
firimaak ar umuuwós.
Xoordu tlehhmi'iiwós ti xu'utise',
adór umuuwós ira xirfuút na alki/iitaak.
5AAKOÓ MUNGÚ xirif ti dae', asma muruú urén guna tleéhh,
tí i xu'utit baraá yaamu sleémeerowo.
6Tsee'é' nee daaé' ar qwala/,
kuungaá yaamuloouusér Siyoni.
Asma oo muruú urén gu tlehhiít tla/angwhunge,
a Mungú, kudá' Hhoohhoó' oo Israeli.»
Currently Selected:
ISAYA 12: IRQW
Highlight
Share
Copy
Want to have your highlights saved across all your devices? Sign up or sign in
The Bible in Iraqw © Bible Society of Tanzania, 2004.
