زَڢَنِيَ 3
3
حُكُنْثِ عَكَنْ شُوغَبَنِّنْ يَهُودَ
1كَيْتُوانْكَ، كَيْ بِرْنِ مَيْ تَيَرْوَ،
مَيْ ڧَظَنْتَا، مَيْيِ وَمُتَنٜىٰنْسَ دَنِّيَ!
2بَايَ كَسَ كُنّٜىٰ غَ كُواْوَ،
بَلّٜىٰ مَا يَكَرْٻِ ڠَرَ؞
بَيْ دُواْغَضَ غَ يَهْوٜىٰهْ بَ،
بَيْ مَا كُسَنْثِ اللَّهْ نْسَ بَ؞
3شُوغَبَنِّنْسَ ذَاكُواْكِ نٜىٰ مَاسُ رُورِ،
أَلْڧَلَنْسَ ݣَرْكٜىٰتَيْ نٜىٰ مَاسُ ڢِتُواْوَ دَ يَمَّ،
بَاسَ بَرِنْ كُواْمٜىٰ حَرْ غَرِ يَوَايٜىٰ؞
4أَنَّبَاوَنْسَ یَنْ بَنْظَنٜىٰ،
مَاسُثِنْ أَمَانَ؞
ڢِرِسْتُواْثِنْسَ كُمَ سُنْيِ بَنْظَ
دَ أَبِنْدَ يَكٜىٰ مَيْ ڟَرْكِے؞
سُنْ كُمَ ٻَاتَ كُواْيَرْوَرْ اللَّهْ؞
5 يَهْوٜىٰهْ وَنْدَ يَكٜىٰ ثِكِنْ بِرْنِنْ،
مَيْ أَدَلْثِے نٜىٰ، بَايَ كُسْكُرٜىٰ؞
كُواْوَثٜىٰ سَاڢِيَ يَكَنْ نُونَ أَدَلْثِنْسَ،
بَايَ كَاسَوَ كُواْوَثٜىٰ سَاڢِيَ؞
عَمَّا مَرَرْ أَدَلْثِے بَيْ سَنْ كُنْيَابَ؞
6 يَهْوٜىٰهْ يَثٜىٰ،
«نَارِغَا نَايَنْكٜىٰ ڧَبِيلُنْ دُونِيَا،
وُرَارٜىٰنْ ٻُيَنْسُ سُنْ لَلَثٜىٰ؞
نَا كُمَ لَلَتَرْدَ هَنْيُواْيِنْسُ،
بَا مَيْ تَڢِيَ عَكَنْسُ؞
أَنْ مَيْدَ بِرَنٜىٰنْسُ كُڢَيْ
حَرْ مَا بَعَضَغٜىٰ مُتُمْبَ،
بَابُ كُواْوَ عَثِكِ؞
7نَثٜىٰ، لَلَّيْ مُتَنٜىٰنَ ذَاسُجِڟُواْرُواْنَ،
ذَاسُ كَرْٻِ ڠَرَ،
بَذَاسُ ڧَارَ كَوْ دَ حَنْكَلِنْسُبَ،
دَغَ دُكَنْ أَبِنْدَ نَجَا مُسُ كُنّٜىٰ؞
عَمَّا سُكَڧَارَ يِنْ مَرْمَرِ
سُڧَظَنْتَرْدَ أَيُّكَنْسُ؞
8سَبُواْدَ حَكَ نِے يَهْوٜىٰهْ نَثٜىٰ،
‹كُجِرَا رَانَرْ دَ ذَنْ تَاشِ إِنْيِ زَرْغِنْ أَلْعُمَّيْ؞
غَمَا نَايِ نِيَّ ذَنْ تَتَّارَ ڧَبِيلُ
سُذَمَ بَبَّنْ تَارُوانْ مُلْكُواْكِ،
دُواْمِنْ إِنْ ظُبَ مُسُ ڢُشِنَ مَيْ ذَاڢِ
دَ دُكَنْ هَوْشِنَ؞
غَمَا كَمَرْ ڢُشِنْ مُتُمْ مَيْ كِيشِنْ ڧَوْنَ،
ڢُشِنَ ذَيْ كُنُّ دَ ذَاڢِ،
دُكَنْ دُونِيَا كُوَ ذَاتَ ڧُواْنٜىٰ؞› »
تُوبَرْ ڧَبِيلُ
9«عِ، أَ لُواْكَثِنْ ذَنْ ثَنْجَ إِرِنْ مَغَنَرْ ڧَبِيلُ
ذُوَا ڟَبْتَاثِّيَرْ مَغَنَ،
دُكَنْسُ ذَاسُيِ كِرَا غَ سُونَنْ يَهْوٜىٰهْ،
سُكُمَ بَوْتَا مَسَ دَ ذُوثِيَا طَيَ؞
10تُنْدَغَ نٜىٰسَنْ يَنْكِنْ إِتِيُواْڢِيَ،
مَاسُ يِمِنِ سُجَّدَ،
مُتَنٜىٰنْ ذُوثِيَاتَ دَسُكٜىٰ أَوَرْوَڟٜىٰ
ذَاسُ كَٰوُاْ مِنِ هَدَايَ؞»
11«أَ رَانَرْ نَنْ بَذَاعَ كُنْيَتَرْ دَكُو بَ،
سَبُواْدَ أَيُّكَنْ تَاوَيٜىٰنْ دَ كُنْيِ مِنِ؞
غَمَا ذَنْ ڢِتَرْدَ مَاسُ طَغَ كَيْ
دَ مَاسُ تَاڧَمَ دَغَ ثِكِنْكُ؞
بَذَاكُ ڧَارَ طَغَ كَيْ
عَبَبَّنْ تُدُنَ مَيْ ڟَرْكِے بَ؞
12ذَنْ كُوَ بَرْ مُتَنٜىٰ مَاسُ سَوْڧِنْ كَيْ
دَ مَرَسَ ڧَرْڢِے عَثِكِنْكُ،
ذَاسُ نٜىٰمِ وُرِنْ ٻُيَ أَوُرِنْ يَهْوٜىٰهْ؞
13ضَغُواْوَرْ جَمَعَرْ إِسْرَٰٓءِيلَ
بَذَاسُ سَاكٜىٰ عَيْكَتَ مُغُنْتَا بَ،
بَذَاسُ كُمَ ڢَطِ ڧَضْيَابَ،
بَذَاعَ سَامِ ڧَضْيَا عَبَاكِنْسُبَ
كُواْ رُوطُ أَ هَرْشٜىٰنْسُبَ؞
ذَاسُيِ كِيوُاْ، سُݣُونْتَ
بَاوَنْدَ ذَيْ ڟُواْرَتَرْ دَسُو؞»#رُعُيَ 14.5
وَاڧَرْ مُرْنَ
14«رٜىٰرَ دَ ڧَرْڢِے، يَا كٜىٰ ذُوثِيَاتَ سِهِيُواْنَ!
تَادَ مُرْيَ، يَا إِسْرَٰٓءِيلَ!
يِمُرْنَ، يِڢَضٍ ثِكِ دَ دُكَنْ ذُوثِيَارْكِ،
يَا كٜىٰ ذُوثِيَاتَ عُرُوشَلِيمَ!
15 يَهْوٜىٰهْ يَا كَوَرْدَ حُكُنْثِ دَغَ كَنْكِ،
يَكُواْرِ أَبُواْكَنْ غَابَنْكِ؞
يَهْوٜىٰهْ سَرْكِنْ إِسْرَٰٓءِيلَ يَنَ ڟَكِيَرْكِ،
بَذَاكِ ڧَارَ جِنْ ڟُواْرُوانْ مَسِيڢَبَ؞
16أَ رَانَرْ نَنْ ذَاعَ ثٜىٰ وَ عُرُوشَلِيمَ،
‹كَدَ كِجِڟُواْرُواْ، يَا سِهِيُواْنَ،
كَدَ حَنُّوَنْكِ سُيِ سَنْيِ؞
17 يَهْوٜىٰهْ اللَّهْ نْكِ يَنَ ڟَكِيَرْكِ،
مَيْ يَاڧِ نٜىٰ مَيْ بَادَ نَصَرَا؞
ذَيْ يِڢَضٍ ثِكِ يَيِ مُرْنَ عَكَنْكِ،
ذَيْسَابُنْتَكِ سَبُواْدَ ڧَوْنَرْسَ،
ذَيْ رٜىٰرَ وَاڧَرْ مُرْنَ دَ ڧَرْڢِے عَكَنْكِ،
18كَمَرْ يَدَّ عَكَنْيِ أَ رَانَرْ بِكِ؞› »
كُواْمُواْوَرْ یَنْ بَوْتَا
«ذَنْ كَوَرْدَ مَسِيڢَ دَغَ غَرٜىٰكُ،
بَذَاكُ ڧَارَ شَنْ كُنْيَرْتَبَ؞
19غَاشِ، أَوَنَّنْ لُواْكَثِ
ذَنْ حُكُنْتَ دُكَنْ مَاسُ مُكُ دَنِّيَ؞
ذَنْ كُمَ ثٜىٰثِ غُرْغُ،
إِنْ تَتَّارَ وَطَنْدَ عَكَ كُواْرَ،
ذَنْ مَيْدَسُو أَبِنْ يَبُواْ إِنْكُمَ سَا سُيِ سُونَ،
أَدُكَنْ وُرَارٜىٰنْ دَ سُكَشَا كُنْيَا؞
20أَوَنَّنْ لُواْكَثِ ذَنْ كَٰوُاْكُ غِدَا،
أَ لُواْكَثِنْدَ نَتَتَّرَاكُ؞
عِ، ذَنْسَا كُيِ سُونَ كُسَامِ يَبُواْ
عَثِكِنْ دُكَنْ ڧَبِيلُنْ دُونِيَا،
سَعَدَّ نَمَيَرْ مُكُ دَ أَلْبَرْكُنْكُ
كُنَ غَنِ دَ عِدُوانْكُ؞
نِے يَهْوٜىٰهْ نَا ڢَطَا؞»
Currently Selected:
زَڢَنِيَ 3: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
