زَڢَنِيَ 2
2
كِرَا دُواْمِنْ تُوبَ
1«كُتَتَّارُ، عِ، كُتَتَّارُ
يَا كٜىٰ أَلْعُمَّ مَرَرْ كُنْيَا،
2كَاڢِنْ أَوَاڟَرْ دَكُو
كَمَرْ دُوسَرْ دَ عَكَ هُورَ،
كَاڢِنْ ذَاڢِنْ ڢُشِنْ يَهْوٜىٰهْ
يَسَوْكُواْ عَبِسَنْكُ،
كَاڢِنْ رَانَرْ ڢُشِنْ يَهْوٜىٰهْ
تَسَوْكُواْ عَكَنْكُ؞
3كُنٜىٰمِ يَهْوٜىٰهْ،
يَا كُو مَاسُ سَوْڧِنْ كَيْ نَڧَسَرْ؞
كُو وَطَنْدَ كُكٜىٰبِنْ عُمَرْنَنْسَ،
كُنٜىٰمِ أَدَلْثِے، كُنٜىٰمِ سَوْڧِنْ كَيْ،
وَتَڧِيلَ ذَاعَ ٻُواْيٜىٰكُ أَ رَانَرْ ڢُشِنْ يَهْوٜىٰهْ؞»
حُكُنْثِ عَكَنْ ڢِلِسْتِيَ
4«ذَاعَبَرْ غَاظَ كُڢَيْ
أَشْكٜىٰلُوانْ ذَاتَ ذَمَ دَاجِ
جَمَعَرْ أَشْدُوادْ ذَاعَ كُواْرٜىٰسُ دَ ڟَكَرْ رَانَ،
ذَاعَ تُمْٻُكٜىٰ عٜىٰكْرُوانْ؞#عِشـ 14.29-31؛ إِرْمِ 47.1-7؛ هِظْ 25.15-17؛ يُواوْ 3.4-8؛ عَمُواسْ 1.6-8؛ زَكْ 9.5-7
5كَيْتُوانْكُ، كُو مَذَوْنَنْ بَاكِنْ تٜىٰكُ،
كُو أَلْعُمَّرْ كٜىٰرٜىٰتِيَاوَا!
مَغَنَرْ يَهْوٜىٰهْ تَنَ غَابَادَكُو،
يَا كَنْعَنَ، ڧَسَرْ ڢِلِسْتِيَ؞
ذَنْ هَلَكَاكِ،
بَكُوَ ذَاعَ ضَغٜىٰ وَنِبَ؞
6بَاكِنْ تٜىٰكُ ذَاتَ ذَمَ وُرِنْ كِيوُاْ،
ذَيْ ذَمَ وُرِنْ ذَمَنْ مَكِيَايَ،
دَ كُمَ وُرِنْ ذَمَنْ غَرْكُنَ؞
7بَاكِنْ تٜىٰكُنْ ذَاتَ ذَمَ وُرِنْ غَادُواْ
نَضَغُواْوَرْ غِدَنْ يَهُودَ،
وُرِنْ دَ ذَاسُيِ كِيوُاْ؞
أَغِدَاجٜىٰنْ أَشْكٜىٰلُوانْ
ذَاسُ ݣُونْتَ إِنْ يَمَّ تَيِ؞
غَمَا يَهْوٜىٰهْ اللَّهْ نْسُ ذَيْ كُلَ دَسُو،
ذَيْ كُمَ مَيَرْ مُسُ دَ أَلْبَرْكُنْسُ نَدَا؞»
حُكُنْثِ عَكَنْ مُواْوَبْ دَ أَمُّوانْ
8«نَجِ بَعَرْ دَ مُواْوَبْ تَكٜىٰيِ
دَ زَرْغِنْ أَمُّواْنَاوَا،
يَدَّ سُكَ ڟُواْكَنِ مُتَنٜىٰنَ
سُكَ بُغَ ڧِرْجِ ذَاسُثِنْيٜىٰ ڧَسَرْ مُتَنٜىٰنَ؞#عِشـ 15.1—16.14؛ 25.10-12؛ إِرْمِ 48.1—49.6؛ هِظْ 21.28-32؛ 25.1-11؛ عَمُواسْ 1.13-15
9سَبُواْدَ حَكَ، نِے يَهْوٜىٰهْ مَيْ ضُنْدُنَا نَثٜىٰ،
حَڧِيڧَ نَا ضَنْڟٜىٰ دَ رَيْنَ ثٜىٰوَ
مُواْوَبْ ذَاتَ ذَمَ كَمَرْ سُواْدُوامْ،
أَمُّواْنَاوَا كُمَ كَمَرْ غُواْمُواْرَ،
ڧَسَرْ ذَاتَثِكَ دَ ڧَيُواْيِ
مَيْ رَامُكَنْ غِشِرِ، مَرَرْ أَمْڢَانِ حَرْ أَبَدَا؞
ضَغُواْوَرْ جَمَعَتَ ذَاسُ ڨُوثٜىٰ مُسُ كَايَ،
مُتَنٜىٰنَ دَ سُكَ ڟِيرَا ذَاسُ غَاجٜىٰسُ؞#ڢَارْ 19.24
10وَنَّنْ ذَيْ ذَمَ سَكَمَكُوانْ غِرْمَنْ كَنْسُ،
سَبُواْدَ سُكَيِ رٜىٰنِ، سُكَ كُمَ بُغَ ڧِرْجِ،
سُكَيِ غَابَادَ مُتَنٜىٰنْ يَهْوٜىٰهْ مَيْ ضُنْدُنَا؞
11 يَهْوٜىٰهْ ذَيْ ذَمَ أَبِنْ ڟُواْرُواْ أَغَرٜىٰسُ،
عِ، ذَيْ هَلَّكَرْ دَ دُكَنْ أَلُّواْلِنْ دُونِيَا؞
أَغَرٜىٰشِ كُواْوَثٜىٰ أَلْعُمَّ ذَاتَ رُسُنَ،
كُواْوَثٜىٰ عَڧَسَرْتَ كُواْ عَڟِبِرِنْتَ؞»
حُكُنْثِ عَكَنْ كُشْ
12«كُو مُتَنٜىٰنْ إِتِيُواْڢِيَ#2.12 إِتِيُواْڢِيَ: دَ إِبْرَانِيَنْثِ أَنْرُبُوتَ «كُشْ» نٜىٰ أَنَنْ؞ وَنَّنْ سُونَ يَڧُنْشِ سَاشٜىٰنْ كُدَنْثِنْ مَصَرْ دَ سَاشٜىٰنْ سُدَنْ دَ سَاشٜىٰنْ إِتِيُواْڢِيَ، وَتُواْ حَبَشَ؞ كُمَ،
ذَاعَ كَكَّشٜىٰكُ دَ تَكُواْبِنَ؞»#عِشـ 18.1-7
حُكُنْثِ عَكَنْ أَسُّرِيَ
13«يَهْوٜىٰهْ ذَيْ مِيڧَ حَنُّنْسَ غَابَادَ أَرٜىٰوَ،
يَهَلَّكَ أَسُّرِيَ؞
ذَيْ مَيْدَ نِنٜىٰبَ كُڢَيْ،
بُوسَشِّيَ كَمَرْ هَمَادَ؞#عِشـ 10.5-34؛ 14.24-27؛ نَهْ 1.1—3.19
14غَرْكُنَ ذَاسُ ݣُونْتَ أَڟَكِيَرْتَ،
دَ كُواْوَنٜىٰ إِرِنْ نَامَنْ دَاجِ؞
عُنْغُلُ دَ مُجِيَرْ دَاجِ
ذَاسُ ذَوْنَ عَكَوُنَنْ غِنْشِڧَنْتَ؞
كُوكَنْ مُجِيَ ذَيْ يِتَڢِتُواْوَ دَغَ تَغَ،
نَهَنْكَكَ كُمَ دَغَ بَاكِنْ ڧُواْڢَ؞
كَتَكَنْ سٜىٰدَ نَغِنٜىٰ غِنٜىٰنْتَ،
أَبُواْكَنْ غَابَنْتَ ذَاسُ وَرْوَارٜىٰ؞
15وَنَّنْ نٜىٰ بِرْنِ مَيْ تَاڧَمَ،
وَنْدَ دَا يَذَوْنَ لَاڢِيَ،
وَنْدَ يَثٜىٰ وَكَنْسَ،
‹نِے كَطَيْنٜىٰ، بَا وَنِ سَيْنِے!›
غَاشِ، يَذَمَ كُڢَيْ،
وُرِنْ ݣُونْثِيَرْ نَمُواْمِنْ دَاجِ!
دُكْ وَنْدَ يَوُثٜىٰ تَوُرِنْسَ،
ذَيْ يِڟَكِ، يَكَطَ كَيْ؞»
Currently Selected:
زَڢَنِيَ 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
