زَڢَنِيَ 1
1
1أَ زَامَانِنْ دَ سَرْكِے يُواْسِيَا طَنْ أَمُوانْ يَكٜىٰ مُلْكِ أَ يَهُودَ، أَنَّبِے زَڢَنِيَ طَنْ كُشْ، طَنْ غٜىٰدَلِيَ، جِيكَنْ أَمَرِيَ نَغِدَنْ هٜىٰزٜىٰكِيَ، يَڢَطِ مَغَنَرْ دَ يَهْوٜىٰهْ يَغَيَ مَسَ؞#2 سَرْ 22.1—23.30؛ 2 تَارْ 34.1—35.27
حُكُنْثِ عَكَنْ دُكَنْ حَلِتَّ
2إِنْجِ يَهْوٜىٰهْ «ذَنْ شَارٜىٰ دُكَنْ كُواْمٜىٰ
وَنْدَ يَكٜىٰ أَ ڢُسْكَرْ دُونِيَا؞
3ذَنْ شَارٜىٰ یَنْ أَدَمْ دَ دَبُّواْبِے،
ذَنْ شَارٜىٰ ڟُنْڟَيٜىٰنْ سَرَرِنْ سَمَ
دَ كِيڢَيٜىٰنْ تٜىٰكُ؞
ذَنْ تُمْٻُكٜىٰ مُوغَيٜىٰ
إِنْكُمَ كَوَرْدَ یَنْ أَدَمْ دَغَ ڢُسْكَرْ دُونِيَا،
نِے يَهْوٜىٰهْ، نَا ڢَطَا؞»
حُكُنْثِ عَكَنْ مَاسُ سُجَّدَ غَ وَطَنْسُ أَلُّواْلِ
4«ذَنْ مِيڧَ هَنُّونَ إِنْيِ غَابَادَ يَهُودَ،
إِنْيِ غَابَادَ دُكَنْ مَذَوْنَنْ عُرُوشَلِيمَ؞
ذَنْ كَوَرْدَ ضَغُواْوَرْ مُتَنٜىٰ مَاسُ سُجَّدَ غَ بَعَلْ،
دَ سُونَيٜىٰنْ ڢِرِسْتُواْثِنْ غُمَكَنَّنْ؞
5ذَنْ كَوَرْدَ مَاسُ هَوَ عَكَنْ رُڢِنْ غِدَاجٜىٰ،
مَاسُ بَوْتَاوَ رَانَ دَ وَتَ دَ تَوْرَرِ؞
ذَنْ كَوَرْدَ مَاسُ دُرْڧُسَ دَ ضَنْڟُوَا غَ يَهْوٜىٰهْ،
سُنَ كُمَ ضَنْڟُوَا غَ مُواْلٜىٰكْ؞
6ذَنْكَوَرْدَ وَطَنْدَ سُكَ جُويَا بَايَ
غَ بِنْ يَهْوٜىٰهْ،
دَ وَطَنْدَ بَسُ نٜىٰمِ وَنِ أَبُ دَغَ يَهْوٜىٰهْ بَ،
بَسُ كُوَ نٜىٰمِ نُڢِنْسَبَ؞»
7يِ شِضُ أَغَبَنْ عُبَنْغِجِ يَهْوٜىٰهْ!
غَمَا رَانَرْ يَهْوٜىٰهْ تَايِ كُسَ؞
يَهْوٜىٰهْ يَا شِرْيَ يَمِيڧَ مُتَنٜىٰنْسَ هَدَايَ،
يَكُمَ كٜىٰٻٜىٰ وَطَنْدَ ذَاسُ عَيْكَتَ حُكُنْثِنْسَ؞
حُكُنْثِ عَكَنْ دَتَّاوَنْ سَرْكِے
8«أَ رَانَرْ دَنِے يَهْوٜىٰهْ ذَنْ مِيڧَ مُتَنٜىٰنَ هَدَايَ،
ذَنْ حُكُنْتَ دَتَّاوَنْ سَرْكِے دَ یَیَنْسَ مَظَا،
دَ مَاسُ سَا رِيغُنَنْ سُجَّدَ غَ أَلُّواْلِنْ بَاڧِ؞
9أَ رَانَرْ نَنْ، ذَنْ حُكُنْتَ
دُكَنْ مَاسُ أَلْعَادَرْ ڟَلّٜىٰ عَبَاكِنْ ڧُواْڢَ،#1.9 وَنَّنْ أَلْعَٰدَثٜىٰ تَ أَدِّينِنْ ڢِلِسْتِيَاوَا؞ دُوبِے 1 سَمْ 5.5؞
دَ وَطَنْدَ سُكَ ثِكَ غِدَنْ مَيْغِدَنْسُ
دَ كَايَنْ ڨُوثٜىٰ دَ نَرُوطُ؞»
حُكُنْثِ عَكَنْ یَنْ كَاسُوَنْ عُرُوشَلِيمَ
10إِنْجِ يَهْوٜىٰهْ «أَ رَانَرْ نَنْ،
ذَاعَ جِ ڧَارَرْ كُوكَا دَغَ ڧُواْڢَرْ كِيڢِ،
إِيهُ كُمَ دَغَ سَشٜىٰ نَبِيُ،
ڧَارَرْ ڢَرْڢَشٜىٰوَ دَغَ تُدَّيْ؞
11يِكُوكَا، يَا كُو مَذَوْنَنْ سَشٜىٰنْ مَكْتٜىٰشْ!
غَمَا دُكَنْ یَنْ كَاسُوَ سُنْ هَلَّكَ،
دُكَنْ مَاسُ سَيَرْ دَ أَظُرْڢَا
أَنْكَوَرْ دَسُو؞»
حُكُنْثِ عَكَنْ مَرَسَ بَادَ غَسْكِيَ
12«أَ لُواْكَثِنَّنْ،
ذَنْ بِنْثِكٜىٰ عُرُوشَلِيمَ دَ ڢِتِلُ،
ذَنْ حُكُنْتَ مَاسُ ذَمَنْ ڧِنْ كُلَ،
وَطَنْدَ سُكٜىٰثٜىٰوَ أَ ذُوثِيَارْسُ،
‹يَهْوٜىٰهْ بَذَيْ يِمَنَ أَلْحٜىٰرِبَ،
بَذَيْ كُمَيِ مَنَ ٻَرْنَبَ؞›
13ذَاعَݣُوشِ أَرْزِڧِنْسُ،
غِدَاجٜىٰنْسُ كُمَ ذَاعَ هَلَكَاسُ؞
كُواْدَيَكٜىٰ سُنْ غِنَا غِدَاجٜىٰ،
بَذَاسُ ذَوْنَ عَثِكِيبَ؞
كُواْدَيَكٜىٰ سُنْ شُوكَ غُواْنَكِنْ إِنَبِے،
بَذَاسُ شَا ضُوً إِنَبِے دَغَ ثِكِنْسُبَ؞»
رَانَرْ يَهْوٜىٰهْ
14بَبَّرْ رَانَرْ يَهْوٜىٰهْ تَيِ كُسَ،
تَيِ كُرْكُسَ، تَنَ ذُوَا دَ سَوْرِ،
ڧَارَرْ رَانَرْ يَهْوٜىٰهْ تَنَدَ طَاثِ
أَ رَانَرْ مَيْ عِيَ يَاڧِ ذَيْ يِكُوكَا مَيْ ذَاڢِ؞
15رَانَرْ نَنْ رَانَرْ ڢُشِثٜىٰ،
رَانَرْ بَڧِنْ ثِكِ دَ وَهَلَ،
رَانَرْ هَلَّكَ دَ ٻَرْنَ،
رَانَرْ دُهُ بَڧِ ڧِرِنْ،
رَانَرْ غِرْغِجٜىٰ دَ بَڧِنْ دُهُ،
16رَانَرْ ڧَارَرْ ڧَهُواْ دَ إِيهٌ يَاڧِ
غَابَادَ بِرَنٜىٰ مَاسُ كَتَنْغَ
كُمَ غَابَادَ وُرَارٜىٰ مَاسُ ڟَيِ؞
17«ذَنْ كَٰوُاْ وَنِ إِرِنْ وَهَلَ عَكَنْ مُتَنٜىٰ،
حَرْ سُيِ تَڢِيَ كَمَرْ مَكَڢِ؞
سَبُواْدَ سُنْيِ وَ يَهْوٜىٰهْ ذُنُوبِ،
ذَاعَ ظُبَرْدَ جِنِنْسُ كَمَرْ ضُوَ
نَامَنْ جِكِنْسُ كُمَ كَمَرْ تَاكِ؞
18أَ رَانَرْ ڢُشِنْ يَهْوٜىٰهْ
كُواْ أَظُرْڢَرْسُ كُواْ ظِينَارِيَرْسُ
بَذَاسُ كُٻُتَرْ دَسُو بَ؞
كَمَرْ ڢُشِنْ مُتُمْ مَيْ كِيشِنْ ڧَوْنَ،
ڢُشِنْ يَهْوٜىٰهْ ذَيْ كُنَّ دَ ذَاڢِ،
دُكَنْ دُونِيَا ذَاتَ هَلَّكَ؞
عِ، ذَيْ هَلَّكَرْ دَ دُكَنْ مَذَوْنَنْ دُونِيَا،
ڧَرْشٜىٰ مَيْ بَرَظَنَ؞»
Currently Selected:
زَڢَنِيَ 1: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
