زَكَرِيَّا 7
7
تَمْبَيَ غَمٜىٰدَ أَظُمِ
﴿شٜىٰكَرَا 518 كَاڢِنْ حَيْڢُوَرْ عِيسَىٰ﴾
1أَ رَانَ تَهُطُ غَ وَتَنْ تَرَ، وَتُواْ كِسْلٜىٰبْ، أَ شٜىٰكَرَا تَهُطُ تَمُلْكٍ سَرْكِے دَرِيُسْ، يَهْوٜىٰهْ يَايِ مَغَنَ دَ زَكَرِيَّا؞ 2كَاڢِنْ لُواْكَثِنْ، مُتَنٜىٰنْ بٜىٰتٜىٰلْ سُنْ رِغَا سُنْ عَيْكَ شَرٜىٰظٜىٰرْ تَرٜىٰدَ رٜىٰغٜىٰمّٜىٰلٜىٰكْ دَ مُتَنٜىٰنْسُ سُضُواْڧِ أَلْحٜىٰرِ دَغَ يَهْوٜىٰهْ 3سُكُمَ تَمْبَيِ ڢِرِسْتُواْثِنْ دَسُكٜىٰ عَثِكِنْ غِدَنْ يَهْوٜىٰهْ مَيْ ضُنْدُنَا، سُكُمَ تَمْبَيِ أَنَّبَاوَا سُثٜىٰ «كُواْ ذَامُ نُونَ بَڧِنْ ثِكِ تَوُرِنْ يِنْ أَظُمِ أَوَتَ نَبِيَرْ كَمَرْ يَدَّ مُكَ سَابَايِ؟»#7.3 أَظُمِ: أَنَ يِنْ وَنَّنْ أَظُمِ دُواْمِنْ تُنَاوَا دَ رُشٜىٰوَرْ هَيْكَلِ تَهَنُّنْ سَرْكِنْ بَابِيلَ أَ شٜىٰكَرَا تَ 587-586 كَاڢِنْ حَيْڢُوَرْ أَنَّبِے عِيسَىٰ؞
يَهْوٜىٰهْ يَڧِے أَظُمِنْ ڧَضْيَا
4سَيْ يَهْوٜىٰهْ مَيْ ضُنْدُنَا يَيِ مَغَنَ دَنِے ثٜىٰوَ 5إِنْ كَيْ وَ دُكَنْ مُتَنٜىٰنْ ڧَسَرْدَ ڢِرِسْتُواْثِے وَنَّنْ سَڧُواْ؞ يَثٜىٰ «أَوَطَنَّنْ شٜىٰكَرُ سَبَعِنْ نَذَمَنْ بَوْتَرْكُ، أَغَنِنْكُ، نُونَ بَڧِنْ ثِكِ تَوُرِنْ أَظُمِ وَنْدَ كُكَيِ عَكُواْوَنٜىٰ وَتَنْ بِيَرْ دَ نَبَݣَويْ دَ غَسْكٜىٰ سَبُواْدَنِنٜىٰ كُكَيِ وَنَّنْ أَظُمِ؟ 6سَعَدَّ كُمَ كُكَثِ كُكَشَا، بَ سَبُواْدَ كَنْكُ بَنٜىٰ؟ 7بَ إِرِنْ وَنَّنْ سَڧُواْ نٜىٰ يَهْوٜىٰهْ يَسَنَرْ تَبَاكِنْ أَنَّبَاوَا نَدَا بَ؟ بَ إِرِنْ وَنَّنْ سَڧُواْ نٜىٰ عَكَ بَايَرْ أَ لُواْكَثِنْ دَ عُرُوشَلِيمَ دَ غَرُرُوَنْتَ دَسُكٜىٰ كٜىٰوَيٜىٰ دَ عِتَ سُنَ ثِكٜىٰ دَ مُتَنٜىٰ دَ أَرْزِڧِ، كُمَ يَنْكِنْ نٜىٰغٜىٰبْ عَكُدُ دَ يَنْكِنْ ڧأَنَانً تُدَّيْ، سُو مَا سُنَ ثِكٜىٰ دَ مُتَنٜىٰبَ؟»
دَلِيلِنْ دَ عَكَ كَيْ إِسْرَٰٓءِيلَاوَا ذُوَا ڧَسَرْ بَوْتَا
8 يَهْوٜىٰهْ يَا سَاكٜىٰيِنْ مَغَنَ دَ زَكَرِيَّا ثٜىٰوَ 9«إِنْجِ يَهْوٜىٰهْ مَيْ ضُنْدُنَا، ‹كُيِ شَرِيعَرْ غَسْكِيَ، كُنُونَ أَلْحٜىٰرِ دَ تَوْسَيِ غَ جُونَنْكُ؞ 10كَدَ كُدَنّٜىٰ مَاتَانْدَ مَذَنْسُ سُكَ مُتُ، كُواْ مَرَايُ، كُواْ وَطَنْدَ بَ یَنْ ڧَسَابَ، كُواْ مَتَلَوْتَ؞ كَدَ وَنِنْكُ يَشِرْيَ وَطَنْعُوَنْسَ مُغُنْتَا أَ ذُوثِيَا؞›
11«عَمَّا كَاكَنِّنْكُ سُنْڧِے سُجِ وَنَّنْ سَڧُواْ؞ سُكَيِ كُنّٜىٰنْ ڧَشِ، سُكَ تُواْشٜىٰ كُنُّوَنْسُ دَ يَڟُ دُواْمِنْ كَدَ سُجِ؞ 12سُكَ مَيْدَ ذُوثِيَارْسُ كَمَرْ دُوڟٜىٰ، دُواْمِنْ كَدَ سُجِ كُواْيَرْوَرْ مُوسَٰى دَ مَغَنَرْ دَ يَهْوٜىٰهْ مَيْ ضُنْدُنَا يَعَيْكَ تَوُرِنْ رُوحُنْسَ تَبَاكِنْ أَنَّبَاوَنْ دَا؞ دَلِيلِنْدَ يَسَا يَهْوٜىٰهْ مَيْ ضُنْدُنَا يَيِ ڢُشِے دَسُو سُواْسَيْ كٜىٰنَنْ؞
13«دَيَكٜىٰ سُنْڧِے سُجِنِ أَ سَعَدَّ نَكِرَاسُ، حَكَمَا سَعَدَّ سُنْيِ كِرَا، نِے مَا نَا ڧِ إِنْجِيسُ، ‹إِنْجِ يَهْوٜىٰهْ مَيْ ضُنْدُنَا؞› 14نَا وَرْوَڟَاسُ دَ غُوغُوَ ذُوَا ثِكِنْ أَلْعُمَّنْدَ دَا سُو بَسُ سَنْسُبَ؞ سَبُواْدَ حَكَ سَيْ ڧَسَرْسُ تَذَمَ كُڢَيْ، بَا مَيْ كَيْ دَ كَٰوُاْوَ عَثِكِنْتَ؞ تَهَكَ سُكَ مَيْدَ ڧَسَا مَيْ دَاطِے تَذَمَ كُڢَيْ؞»
Currently Selected:
زَكَرِيَّا 7: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
