زَكَرِيَّا 6
6
رُعُيَ تَتَݣُوسْ: كٜىٰكُنَنْ دُواْكِنْ يَاڧِ غُدَا حُطُ
1نَا سَاكٜىٰ طَغَ عِدَنُونَ سَيْ نَغَ كٜىٰكُنَنْ دُواْكِنْ يَاڧِ غُدَا حُطُ سُنَ ڢِتُواْوَ دَغَ ڟَكَانِنْ مَنْيَنْ تُدَّيْ بِيُ؞ تُدَّنَّنْ كُوَ نَڧَرْڢٜىٰنْ تَغُلَّنٜىٰ؞ 2كٜىٰكٜىٰنْ دُواْكِ نَڢَرْكُوانْ، جَجَّيٜىٰنْ دَوَكِنٜىٰ سُكٜىٰ جَنْسَ؞ كٜىٰكٜىٰنْ دُواْكِ نَبِيُنْ كُمَ، بَڧَڧٜىٰنْ دَوَكِنٜىٰ سُكٜىٰ جَنْسَ؞#رُعُيَ 6.4،5 3كٜىٰكٜىٰنْ دُواْكِ نَعُكُنْ، ڢَرَرٜىٰنْ دَوَكِنٜىٰ سُكٜىٰ جَنْسَ؞ كٜىٰكٜىٰنْ دُواْكِ نَهُطُنْ كُوَ دَوَكِنْ دَسُكٜىٰ جَنْسَ كَلَرْسُ ضُوً تُواْكَنٜىٰ دَ طِغُواْ طِغُواْ؞#رُعُيَ 6.2 4سَعَنً نَتَمْبَيِ مَلاَىِٕكَنْ دَيَكٜىٰ مَغَنَ دَنِے نَثٜىٰ «يَا مَيْغِرْمَ، مٜىٰنٜىٰنٜىٰ مَعَنَرْ وَطَنَّنْ؟»
5مَلاَىِٕكَنْ يَأَمْسَ يَثٜىٰمِنِ «وَطَنَّنْ نٜىٰ رُوحُواْحِ حُطُ دَغَ ڢُسْكُواْكِ حُطُ نَسَمَ وَطَنْدَ سُكٜىٰ ڟَيَاوَا أَغَبَنْ عُبَنْغِجِنْ دُكَنْ دُونِيَا؞ يَنْذُ ذَاسُ ڢِتَ سُيِ مَسَ عَيْكِنٜىٰ؞#رُعُيَ 7.1 6كٜىٰكٜىٰنْ دُواْكِ مَيْ بَڧَڧٜىٰنْ دَوَكِ ذَيْ تَڢِے تَيَنْكِنْ أَرٜىٰوَ، مَيْ ڢَرَرٜىٰنْ دَوَكِ ذَيْ تَڢِے تَيَنْكِنْ يَمَّ، سَعَنً مَيْ دَوَكِنْ كَلَرْ ضُوً تُواْكَ دَ طِغُواْ طِغُواْ ذَيْ تَڢِے تَيَنْكِنْ كُدُ؞» 7وَطَنَّنْ دَوَكِ مَاسُ ڧَرْڢِے سُكَ ڢِتُواْ سُنَ مَرْمَرِ سُتَڢِے دُواْمِنْ سُيِ تَكَيْوَ دَ كَٰوُاْوَ سُيِ سِنْتِرِ كُواْعِنَ عَثِكِنْ دُونِيَا؞ سَيْ مَلاَىِٕكَنْ يَثٜىٰ مُسُ «كُتَڢِے كُيِ تَكَيْوَ دَ كَٰوُاْوَ كُنَ يِنْ سِنْتِرِ كُواْعِنَ عَثِكِنْ دُونِيَا؞» سُكَ كُوَ تَڢِے سُكَيِ حَكَ؞ 8سَيْ مَلاَىِٕكَنْ يَتَادَ مُرْيَ يَكِرَا نِے يَثٜىٰ «دُوبَ، وَطَنْدَ سُكَ تَڢِے يَنْكِنْ أَرٜىٰوَ سُنْ سَا ڢُشِنْ يَهْوٜىٰهْ يَا ݣُونْتَ؞»
عَلَمَرْ كٜىٰٻٜىٰوَرْ يُواْشُوَ
9سَيْ يَهْوٜىٰهْ يَيِ مَغَنَ دَنِے ثٜىٰوَ 10«كَيْ دَ كَنْكَ كَتَڢِے غِدَنْ يُواْسِيَا طَنْ زَڢَنِيَ يَوْ طِنَّنْ؞ أَوُرِنْ ذَاكَ كَرْٻِ ݣَوْتَادَغَ حَنُّنْ هٜىٰلْدَيْ دَ تُواْبِيَ دَ يٜىٰدَيَ وَطَنْدَ سُكَ إِسُواْ دَغَ بَوْتَا عَڧَسَرْ بَابِيلَ؞ 11وَنَّنْ ݣَوْتَرْ أَظُرْڢَا دَ ظِينَارِيَ وَدَّ سُكَ كَٰوُاْ، كَطَوْكَ كَيِ هُولَرْ مُلْكِ دَ عِتَ، سَعَنً كَسَا عَكَنْ بَبَّنْ ڢِرِسْتِ يُواْشُوَ طَنْ يٜىٰهُواْظَدَكْ؞ 12كَڢَطَا مَسَ أَبِنْدَ يَهْوٜىٰهْ مَيْ ضُنْدُنَا يَثٜىٰ؞ ‹غَا مُتُمِنْ دَ عَكٜىٰثٜىٰ دَشِ رٜىٰشٜىٰ! دَغَ عِنْدَ يَكٜىٰ ڟِرُواْوَ ذَيْ يَطُ، يَتَڢِے يَغِنَ هَيْكَلِنْ يَهْوٜىٰهْ؞#إِرْمِ 23.5؛ 33.15؛ زَكْ 3.8 13شِينٜىٰ ذَيْ غِنَا هَيْكَلِنْ يَهْوٜىٰهْ يَكُمَ كَسَنْثٜىٰ دَ طَوْكَكَ؞ ذَيْ كُوَ ذَوْنَ يَيِ مُلْكِ عَكُجٜىٰرَرْ مُلْكِنْسَ، يَكُمَ كَسَنْثٜىٰ ڢِرِسْتِ عَكُجٜىٰرَرْ مُلْكِنْسَ؞ كُواْمٜىٰ كُوَ ذَيْ كَسَنْثٜىٰ ثِكِنْ سَلَمَ؞ 14وَنَّنْ هُولَرْ مُلْكِ ذَيْ كَسَنْثٜىٰ أَ هَيْكَلِنْ يَهْوٜىٰهْ دُواْمِنْ يَذَمَ أَبِنْ تُنَاوَا دَ هٜىٰلْدَيْ، تُواْبِيَ، يٜىٰدَيَ دَ كُمَ يُواْسِيَا طَنْ زَڢَنِيَ؞›
15«مُتَنٜىٰ دَغَ نٜىٰسَ ذَاسُذُواْ سُغِنَ هَيْكَلِنْ يَهْوٜىٰهْ؞ تَهَكَنٜىٰ ذَاكُ سَنِ ثٜىٰوَ يَهْوٜىٰهْ مَيْ ضُنْدُنَا نٜىٰ يَعَيْكٜىٰنِ غَرٜىٰكُ؞ دُكَنْ وَنَّنْ ذَيْثِكَ عِدَنْ كُنْيِ بِيَيَّ سُواْسَيْ دَ مُرْيَرْ يَهْوٜىٰهْ اللَّهْ نْكُ؞»
Currently Selected:
زَكَرِيَّا 6: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
