رُوتْ 4
4
بُواْوَظْ يَعَوْرِ رُوتْ
1أَنَانً سَيْ بُواْوَظْ يَتَڢِے وُرِنْ تَارُوَ ثِكِنْ ڧُواْڢَرْ غَرِ يَذَوْنَ؞ سَيْكُوَ غَا مُتُمِنْ دَنْغِ نَكُسَ، وَنَّنْ دَ بُواْوَظْ يَيِظَنْثٜىٰ عَكَيْ، يَنَ وُثٜىٰوَ؞ سَيْ بُواْوَظْ يَكِرَشِ يَثٜىٰ «أَبُواْكِ، كَذُواْ نَنْ كَذَوْنَ؞» سَيْ يَجٜىٰ يَذَوْنَ؞ 2سَيْ بُواْوَظْ يَكِرَا شُوغَبَنِّنْ غَرِ غُدَا غُواْمَ، يَثٜىٰمُسُ سُذَوْنَ؞ سَيْسُكَ ذَوْنَ؞
3سَيْ بُواْوَظْ يَثٜىٰ وَدَنْغِنْسَ نَكُسَ «نَعُواْمِ وَدَّ تَدَاوُاْ دَغَ ڧَسَرْ مُواْوَبْ، تَنَسُواْ تَسَيَرْ دَ غُواْنَرْ#4.3 سَيَرْ دَ غُواْنَرْ: بَ غُواْنَرْ ثٜىٰ نَعُواْمِ تَكٜىٰ سَيَرْوَ بَ، عَمَّا حَكِّنْ ڢَنْسَرْ غُواْنَرْ نٜىٰ؞ لِـ ڢِرْ 25.23؞ عٜىٰلِمٜىٰلٜىٰكْ طَنْعُوَنْمُ؞ 4نَا غَا يَيِݣَوْ كَسَنِ؞ عِدَنْ كُوَ ذَاكَ ڢَنْسَ، سَيْكَڢَنْسَ أَعِدُوانْ وَطَنْدَ سُكٜىٰ ظَوْنٜىٰ أَنَنْ دَ كُمَ شُوغَبَنِّنْ جَمَعَتَ؞ إِنْ كُمَ بَاكَاسُواْ، سَيْ كَڢَطَا، غَمَا بَابُوَنِ وَنْدَ يَكٜىٰدَ وَنَّنْ حَكِّنْ سَيْ كَيْ؞ نِنٜىٰ كُمَ نَكٜىٰبِيٜىٰ دَكَيْ؞»
سَيْ مُتُمِنَّنْ يَأَمْسَ يَثٜىٰ «ذَنْڢَنْسَ؞»
5سَعَنً بُواْوَظْ يَثٜىٰ مَسَ «تُواْ، رَانَرْدَ كَسَيِ غُواْنَرْ دَغَ حَنُّنْ نَعُواْمِ، ذَاكَ كُمَ طَوْكِ رُوتْ یَرْ ڧَسَرْ مُواْوَبْ، وَدَّ مِجِنْتَ يَمُتُ؞ تَهَكَ ذَاعَ سَامِ یَیَنْ دَ ذَاسُ أَمْسَ سُونَنْ مِجِنْتَ دَ يَمُتُ، سُكُمَ مَلَّكِ رَبُوانْ غَادُوانْسَ؞»
6سَيْ دَنْغِنَّنْ مَڢِے كُسَ يَثٜىٰ «إِنْ حَكَنٜىٰ بَذَنْ عِيَ ڢَنْشِ غُواْنَرْ بَ؞ غَمَا إِنْ نَيِهَكَ، ذَنْٻَاتَ غَادُوانْ دَ ذَنْبَا یَیَنَ؞ بَذَنْ عِيَ إِنْڢَنْشِ غُواْنَرْبَ، سَيْ كَڢَنْسَ؞»
7أَ زَامَانِنْ دَا عَ إِسْرَٰٓءِيلَاوَا أَݣَويْ وَتَ أَلْعَادَا ثٜىٰوَ دُكْ وَنْدَ يَكٜىٰبَا وَنِ دَامَرْ ڢَنْسَ كُواْ سَيٜىٰنْ أَبُ، يَكَنْ ثِرٜىٰ تَاكَلْمِنْسَ يَبَا مَيْ كَرْٻَرْ دَامَرْ ڢَنْسَرْ كُواْ سَيٜىٰنْ؞ يِنْ حَكَنٜىٰ يَكَنْ تَبَّتَرْ دَ ذَنْثٜىٰنْ أَعِدُوانْ جَمَعَ؞#مَيْ شَـ 25.9 8دُواْمِنْ حَكَ سَيْ دَنْغِنَّنْ مَڢِے كُسَ يَثِرٜىٰ تَاكَلْمِنْسَ يَمِيڧَوَ بُواْوَظْ يَنَ ثٜىٰوَ «تُواْ، سَيْ كَڢَنْشِ غُواْنَرْ؞»
9سَيْ بُواْوَظْ يَثٜىٰ وَشُوغَبَنِّنْ غَرِنْ دَ دُكَنْ مُتَنٜىٰنْ دَسُكٜىٰ أَوُرِنْ «يَوْ كُو شَيْدُ نٜىٰ ثٜىٰوَ نَسَيِ دُكَنْ أَبِنْدَ يَكٜىٰ نَ عٜىٰلِمٜىٰلٜىٰكْ دَ نَ كِلِيُوانْ دَ نَ مَلُوانْ دَغَ حَنُّنْ نَعُواْمِ؞ 10ذَنْ كُمَ طَوْكِ رُوتْ یَرْ ڧَسَرْ مُواْوَبْ مَاتَرْ مَلُوانْ وَنْدَ يَمُتُ؞ تَهَكَ ذَاعَ عِيَ حَيْڢِ يَرُواْ وَنْدَ ذَيْغَاجِ أَبِنْدَ مِجِنْتَ يَكٜىٰدَشِ، يَكُمَ أَمْسَ سُونَنْسَ، دُواْمِنْ كَدَ سُونَنْسَ يَمُتُ ثِكِنْ دَنْغِنْسَ دَ كُمَ غَرِنْسَ؞ يَوْ كُو شَيْدُ نٜىٰ؞»#مَيْ شَـ 25.5-6
11سَيْ دُكَنْ مُتَنٜىٰ تَرٜىٰدَ شُوغَبَنِّنْ دَسُكٜىٰ أَوَجٜىٰنْ شَرِيعَ عَڧُواْڢَرْ غَرِ سُكَ أَمْسَ «عِ، مُو شَيْدُ نٜىٰ؞ بَرِ يَهْوٜىٰهْ يَسَا مَثٜىٰنَّنْ دَ ذَاتَ شِغَ غِدَنْكَ يَوْ تَذَمَ كَمَرْ رَحِيلَةُ دَ لَيْعَتُ، وَطَنْدَ سُكَ ذَمَ كَاكَنِّنْ كَاكَنِّنْ غِدَنْ إِسْرَٰٓءِيلَ؞ بَرِ كُمَ كَيَلْوَتَ أَ عٜىٰڢْرَتَ، كَكُمَيِ سُونَ أَ بَيْتَلَحْمِ؞#ڢَارْ 29.31 12يَهْوٜىٰهْ يَبَاكَ یَیَ دَغَ مَثٜىٰنَّنْ وَطَنْدَ ذَاسُ ذَمَ كَمَرْ یَیَنْ كَكَنْمُ ڢٜىٰرٜىٰظْ طَنْ تَمَرْ دَ يَهُودَ؞»#ڢَارْ 38.27-30
13سَيْ بُواْوَظْ يَطَوْكِ رُوتْ تَذَمَ مَاتَرْسَ؞ يَهْوٜىٰهْ كُوَ يَسَا مَتَ أَلْبَرْكَ تَايِثِكِ تَاحَيْڢِ طَا؞ 14سَيْ مَاتَانْ غَرِ سُكَثٜىٰ وَ نَعُواْمِ «أَلْبَرْكَ تَا تَبَّتَا غَ يَهْوٜىٰهْ، دُواْمِنْ بَيْبَرْكِ بَابُ دَنْغِ نَكُسَبَ، يَبَاكِ طَا؞ بَرِ طَنَّنْ يَيِ سُونَ عَ إِسْرَٰٓءِيلَ! 15ذَيْ ذَمَ مَيْ سَابُنْتَا مِكِ رَيْ، مَيْ لُورَ دَكٜىٰ أَڟُوڢَرْكِ؞ شِے كُوَ يَرُوانْ مَاتَرْ طَنْكِ نٜىٰ وَدَّ تَنَ ڧَوْنَرْكِ سُواْسَيْ، حَرْ مَا تَڢِے مِكِ یَیَ مَظَا بَݣَويْ!»
16نَعُواْمِ تَطَوْكِ جَرِرِنْ تَلُورَ دَشِ كَمَرْ عِتَ تَحَيْڢٜىٰشِ؞ 17سَيْ مَاتَانْدَ سُكٜىٰ مَڨُوبْتَنْتَ سُكَثٜىٰ «غَاشِ عَڧَرْشٜىٰ نَعُواْمِ تَسَامِ يَرُواْ!» سُكَسَا مَسَ سُونَ عُواْبٜىٰدْ وَنْدَ يَذَمَ بَابَنْ يٜىٰسّٜىٰ؞ شِينٜىٰ كُمَ كَكَنْ دَاوُدَ؞
أَصَلِنْ ذُرِيَرْ دَاوُدَ
18غَا يَدَّ ذُرِيَرْ تَكَسَنْثٜىٰ؞
دَغَ ڢٜىٰرٜىٰظْ ذُوَا دَاوُدَ؞ ڢٜىٰرٜىٰظْ يَحَيْڢِ هٜىٰظْرُوانْ، 19هٜىٰظْرُوانْ يَحَيْڢِ رَمْ، رَمْ كُمَ يَحَيْڢِ أَمِّنَدَبْ؞ 20أَمِّنَدَبْ يَحَيْڢِ نَشُوانْ، نَشُوانْ يَحَيْڢِ سَلْمُوانْ؞ 21سَلْمُوانْ يَحَيْڢِ بُواْوَظْ، بُواْوَظْ يَحَيْڢِ عُواْبٜىٰدْ 22عُواْبٜىٰدْ يَحَيْڢِ يٜىٰسّٜىٰ، يٜىٰسّٜىٰ يَحَيْڢِ دَاوُدَ؞
Currently Selected:
رُوتْ 4: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020