رُوتْ 2
2
رُوتْ أَ غُواْنَرْ بُواْوَظْ
1نَعُواْمِ تَنَدَ وَنِ مُتُمْ دَغَ دَنْغِنْ مِجِنْتَ عٜىٰلِمٜىٰلٜىٰكْ، مَيْ سُونَ بُواْوَظْ؞ شِ بَبَّنْ مُتُمْ نٜىٰ، مَيْ أَرْزِڧِ كُمَ؞ 2وَتَرَانَ سَيْ رُوتْ یَرْ ڧَسَرْ مُواْوَبْ تَثٜىٰ وَ نَعُواْمِ «بَرِ إِنْ تَڢِے غُواْنَكِنْ مَاسُ غِرْبِے إِنْيِ كَالَنْ كَوُنَنْ حَڟِ أَغُواْنَرْ وَنْدَ ذَنْسَامِ ڢَضٍ جِنِ أَغَبَنْسَ؞»#لِـ ڢِرْ 19.9،10؛ مَيْ شَـ 24.19
سَيْ نَعُواْمِ تَأَمْسَ «تُواْ، یَتَ، كِتَڢِے؞»
3رُوتْ تَتَڢِے، تَنَ بِنْ بَايَنْ مَاسُ غِرْبِے تَنَ كَالَ؞ سَيْ يَذَمَ ثٜىٰوَ تَسَامِ كَنْتَ أَغُواْنَرْ بُواْوَظْ دَنْغِنْ عٜىٰلِمٜىٰلٜىٰكْ؞
4أَنَانً سَيْغَا بُواْوَظْ يَ إِسُواْ دَغَ بَيْتَلَحْمِ، يَغَيْ دَ مَاسُ غِرْبِنْ يَثٜىٰ «يَهْوٜىٰهْ يَكَسَنْثٜىٰ تَرٜىٰدَكُو!»
سُكَ أَمْسَ «يَهْوٜىٰهْ يَ أَلْبَرْكَثٜىٰكَ!»
5سَعَنً بُواْوَظْ يَتَمْبَيِ شُوغَبَنْ بَايِنْسَ مَاسُيِمَسَ غِرْبِے يَثٜىٰ «يَارِنْيَرْ ثَنْ، یَرْ وَثٜىٰ ثٜىٰ؟»
6شُوغَبَنْ مَاسُ غِرْبِنْ يَأَمْسَ «أَيْ، عِتَ یَرْ ڧَسَرْ مُواْوَبْ ثٜىٰ وَدَّ تَذُواْ تَرٜىٰدَ نَعُواْمِ دَغَ ڧَسَرْ مُواْوَبْ؞ 7تَا نٜىٰمِ إِظْنِ تَيِ كَالَ تَنَ بِنْ بَايَنْ مَاسُ غِرْبِے؞ تَا ڢَارَ عَيْكِ تُنْدَ سَڢٜىٰ كُمَ تَا ثِيغَبَ حَرْ ذُوَا يَنْذُ؞ سَيْ يَنْذُ نٜىٰ دَ تَدَكَتَ دُواْمِنْ تَهُوتَ عَ إِنُوَ كَطَنْ؞»
8سَيْ بُواْوَظْ يَجٜىٰ وُرِنْ رُوتْ يَثٜىٰ «كِسَوْرَرَ، یَتَ؞ كِڟَيَ أَنَنْ كِيِكَالَ، كَدَ كِتَڢِے غُواْنَرْ وَنِ؞ كِدِنْغَ بِنْ بَايَنْ یَنْ مَاتَانْ دَسُكٜىٰيِ مِنِ غِرْبِے؞ 9كِلُورَ دَ غُواْنَرْ دَسُكٜىٰ غِرْبِے، كِبِيسُ؞ نَارِغَا نَا غَرْغَطِے سَمَارِنْ كَدَ سُدَامٜىٰكِ؞ عِدَنْ كُمَ كِنْ جِ ڧِشِنْ ضُوَ، سَيْ كِتَڢِے كِشَا ضُوً دَ بَايِنْ سُكَ ثِكَ عَتُلُنَنْ؞»
10سَيْ رُوتْ تَرُسُنَ دَ ڢُسْكَرْتَ حَرْ ڧَسَا تَثٜىٰ «مٜىٰيَسَا نَسَامِ ڢَضٍ جِنِ أَغَبَنْكَ حَكَ، نِے دَ نَكٜىٰ بَڧُوَ؟»
11سَيْ بُواْوَظْ يَأَمْسَ يَثٜىٰ «أَنْ ڢَطَا مِنِ إِرِنْ ڧَوْنَ دَ كِرْكِنْ دَ كِكَيِ وَمَامَرْ مِجِنْكِ تُنْ مُتُوَرْ مِجِنْكِ؞ إِنَ سَنٜىٰ دَ يَدَّ كِكَ بَرْ إِيَايٜىٰنْكِ دَ ڧَسَرْكِے دَ يَدَّ كِكَ ذُواْ وُرِنْ مُتَنٜىٰنْ دَ بَاكِ تَٻَ سَنِنْسُبَ أَدَا؞ 12بَرِ يَهْوٜىٰهْ يَبَاكِ لَادَ سَبُواْدَ أَبِنْدَ كِكَيِ؞ بَرِ عُبَنْغِجِ اللَّهْ نَ إِسْرَٰٓءِيلَ وَنْدَ كِكَ ذُواْ وُرِنْسَ نٜىٰمَنْ مَڢَكَا يَبَاكِ ثِكَكّٜىٰنْ لَادَ؞»
13سَيْ رُوتْ تَثٜىٰ «مَيْغِرْمَ، بَرِ إِنْيِ تَسَامُنْ ڢَضٍ جِنِ أَغَبَنْكَ؞ كَيِ وَبَيْوَرْكَ مَغَنَ مَيْ ڧَرْڢَڢَاوَرْ ذُوثِيَا، كُواْدَيَكٜىٰ بَنْ كَيْ طَيَ دَغَ ثِكِنْ بَايِنْكَ دَرَجَبَ؞»
14دَ لُواْكَثِنْ ثِنْ عَبِنْثِ يَيِ، سَيْ بُواْوَظْ يَثٜىٰ وَ رُوتْ «ذُواْ كِثِ عَبِنْثِ؞ كِدِنْغَ ڟُواْمَ غُرَاسَرْكِے عَثِكِنْ ضُوً ڟَامِ دَغَ یَیَنْ إِنَبِے؞ سَيْ تَذَوْنَ كُسَدَ مَاسُ غِرْبِنْ؞» بُواْوَظْ كُوَ يَمِيڧَ مَتَ غَسَشّٜىٰنْ حَڟِ؞ تَاثِ تَاڧُواْشِ حَرْ تَضَغٜىٰ سَوْرَ؞
15دَ رُوتْ تَتَاشِ تَكُواْمَ يِنْ كَالَ، سَيْ بُواْوَظْ يَعُمَرْثِ مَعَيْكَتَنْسَ يَثٜىٰ «كُبَرْتَ تَيِكَالَ ثِكِنْ دَمِ دَمٍ حَڟِنْ دَ عَكَ غِرْبٜىٰ؞ كَدَ كُهَنَتَ؞ 16كُدِنْغَ ذَارٜىٰ وَطَنْسُ كُبَرْسُ سُڢَاطِ دُواْمِنْ تَݣُوشٜىٰ، كَدَ كُڟَاوَتَا مَتَ؞»
17سَبُواْدَ حَكَ رُوتْ تَايِ كَالَ أَغُواْنَرْ حَرْ يَمَّ؞ دَ تَبُغَ أَبِنْدَ تَتَارَ سَيْ تَسَامِ ڟَابَرْ حَڟِ وَجٜىٰنْ مُودُ عَشِرِنْ؞ 18تَا طَوْكَ تَكُواْمَ غَرِ تَنُونَ وَ مَامَرْ مِجِنْتَ أَبِنْدَ تَتَارَ؞ رُوتْ تَا كُمَبَا مَامَرْ مِجِنْتَ سَوْرَنْ عَبِنْثِنْ دَ يَرَغُ بَايَنْدَ تَثِ تَڧُواْشِ؞
19نَعُواْمِ تَا تَمْبَيٜىٰتَ تَثٜىٰ «كَيْ! إِنَا كِكَيِ كَالَ يَوْ؟ أَعِنَا كِكَيِ عَيْكِ؟ مَيْ أَلْبَرْكَ نٜىٰ وَنْدَ يَكُلَ دَكٜىٰ!»
سَيْ رُوتْ تَڢَطَا مَتَ غَمٜىٰدَ مُتُمِنْ دَ تَيِكَالَ أَغُواْنَرْسَ؞ تَثٜىٰ «مُتُمِنْدَ نَيِكَالَ أَغُواْنَرْسَ يَوْ، سُونَنْسَ بُواْوَظْ؞»
20نَعُواْمِ تَاثٜىٰ وَ رُوتْ مَاتَرْ طَنْتَ «بَرِ يَهْوٜىٰهْ يَ أَلْبَرْكَثٜىٰ شِ؞ يَهْوٜىٰهْ بَيْ دَيْنَ نُونَ أَلْحٜىٰرِنْسَ غَ مَاسُرَيْ دَ مَتَتُّو بَ؞ أَيْ، وَنَّنْ مُتُمْ دَنْغِنْمُ نٜىٰ نَكُسَ، شِ طَيَ نٜىٰ دَغَ ثِكِنْ وَطَنْدَ سُكٜىٰ دَ حَكِّنْ ڢَنْسَرْمُ؞»#لِـ ڢِرْ 25.25
21سَيْ رُوتْ یَرْ ڧَسَرْ مُواْوَبْ تَثٜىٰ «بَنْدَ حَكَمَا، بُواْوَظْ يَثٜىٰ إِنْثِيغَبَدَ ذُوَا غُواْنَرْسَ إِنْ دِنْغَ بِنْ بَايِنْسَ إِنَ كَالَ حَرْ سَيْ أَنْغَمَ غِرْبِے دُكَ؞»
22نَعُواْمِ تَأَمْسَ تَثٜىٰ «دَيْدَيْ نٜىٰ، یَتَ؞ أَيْ، يَڢِ ݣَوْ كِيِكَالَ أَغُواْنَرْ دَ مَتَ مَاسُيِ وَ بُواْوَظْ عَيْكِ سُكٜىٰ؞ عِدَنْ كِنْجٜىٰ غُواْنَرْ وَنِ دَبَمْ، أَنَ عِيَيِ مِكِ رَشِنْ كُنْيَا أَوُرِنْ؞»
23دُواْمِنْ حَكَ، رُوتْ تَثِيغَبَدَ بِنْ مَاتَا مَاسُيِ وَ بُواْوَظْ عَيْكِ، بَتَبَرْسُبَ حَرْ سَيْ دَ عَكَ غَمَ غِرْبِنْ حَڟِنْ بَلٜىٰ دَ نَأَلْكَمَ؞ تَا كُوَ ثِيغَبَدَ ذَمَ تَرٜىٰدَ مَامَرْ مِجِنْتَ؞
Currently Selected:
رُوتْ 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020