مِيكَ 6
6
ڧَارَرْ يَهْوٜىٰهْ عَكَنْ إِسْرَٰٓءِيلَ
1إِسْرَٰٓءِيلَ، كُجِ أَبِنْدَ يَهْوٜىٰهْ يَغَيَ مِنِ؞
«تَاشِ كَبَيَّنَ ڧَارَتَ عَكَنْ إِسْرَٰٓءِيلَ
أَغَبَنْ مَنْيَنْ تُدَّيْ،
بَرِ تُدَّيْ سُجِ مُرْيَرْكَ؞»
2يَا كُو مَنْيَنْ تُدَّيْ،
كُجِ إِرِنْ ڧَارَرْ دَ يَهْوٜىٰهْ يَكٜىٰيِ،
يَا كُو تُوشٜىٰنْ دُونِيَا، كُسَوْرَرَ!
غَمَا يَهْوٜىٰهْ يَنَدَ ڧَارَ
عَكَنْ مُتَنٜىٰنْسَ،
يَنَ زَرْغِنْ إِسْرَٰٓءِيلَ؞
3«يَا جَمَعَتَ، مٜىٰنَيِ مُكُ؟
تَيَيَا نَغَجِيَرْ دَكُو؟
كُ أَمْسَ مِنِ!
4بَنِينٜىٰ نَا ڢِتَرْدَكُو
دَغَ ڧَسَرْ مَصَرْ بَ؟
بَنِينٜىٰ نَا ڢَنْشٜىٰكُ
دَغَ غِدَنْ بَوْتَبَ؟
بَنِينٜىٰ نَا عَيْكِ مُوسَٰى دَ هَٰرُونَ دَ مَرْيَمُ
سُجَغُواْرَنْثٜىٰكُبَ؟#ڢِتْ 4.10-16؛ 12.50-51؛ 15.20
5يَا جَمَعَتَ،
كُتُنَ دَ أَبِنْدَ سَرْكِے بَلَكْ نَ مُواْوَبْ
يَشِرْيَ يَيِ مُكُ؞
كُتُنَ دَ أَبِنْدَ بَلَعَمْ طَنْ بٜىٰيُوارْ
يَأَمْسَ مَسَ؞
كُتُنَ دَ أَبِنْدَ يَڢَرُ
عَكَنْ حَنْيَ دَغَ شِتِّمْ ذُوَا غِلْغَلْ،
دُواْمِنْ كُسَنْ أَيُّكَنْ ثٜىٰتُوانْ يَهْوٜىٰهْ؞»#لِـ ڧِدْ 22.2—24.25؛ يُواشْ 3.1—4.19
أَبِنْ دَ يَهْوٜىٰهْ يَكٜىٰ بُڧَاتَ
6«دَمٜىٰ ذَنْذُواْ غَبَنْ يَهْوٜىٰهْ
إِنْيِ سُجَّدَ أَغَبَنْ اللَّهْ نَسَمَ؟
كُواْ إِنْ ذُواْ غَبَنْسَ دَ هَدَايَرْ ڧُواْنَاوَا
تَطَنْ سَانِيَ مَيْ شٜىٰكَرَا طَيَنٜىٰ؟
7كُواْ رَغُنَ دُبَّيْنٜىٰ
ذَاسُ غَمْشِ يَهْوٜىٰهْ؟
كُواْ كُواْغُنَ دُبُنْ دُبَّيْ
نَمَنْ ظَيْتُنّٜىٰ؟
كُواْ إِنْ بَادَ طَنْ ڢَارِنَ
دُواْمِنْ هَدَايَرْ لَيْڢُواْڢِنَ نَسَاٻُواْ؟
كُواْ إِنْ بَادَ یَیَنَ
دُواْمِنْ ذُنُبَيْنَ؟»
8أَعَ، يَا كَيْ طَنْ أَدَمْ،
يَهْوٜىٰهْ يَارِغَيَا نُونَ مَكَ
أَبِنْدَ يَكٜىٰ مَيْݣَوْ؞
يَڢَطَا مَكَ أَبِنْدَ يَكٜىٰ نٜىٰمَ
دَغَ غَرٜىٰكَ؞
أَبِنْ دَيَكٜىٰ نٜىٰمَ، شِينٜىٰ
كَيِ أَدَلْثِے،
كَڧَوْنَثِ يِنْ جِنْڧَيْ،
كَيِ تَڢِيَرْكَ دَ اللَّهْ نْكَ ثِكِنْ سَوْڧِنْ كَيْ؞
9كُكَسَ كُنّٜىٰ!
يَهْوٜىٰهْ يَنَ كِرَا
غَ مُتَنٜىٰنْ بِرْنِنْ عُرُوشَلِيمَ؞
حِكِمَ ثٜىٰ ڨُورَيْ
أَجِڟُواْرُوانْ سُونَنْ يَهْوٜىٰهْ؞
كُكَسَ كُنّٜىٰ!
يَهْوٜىٰهْ يَسَا مُكُ لُواْكَثِنْ هَلَّكَ؞
10«كُواْ ذَنْ مَنْتَادَ أَرْزِڧِنْ دَ عَكَ سَامُ
تَهَنْيَرْ مُغُنْتَا أَغِدَنْ مُوغُ؟
كُواْ ذَنْ مَنْتَادَ مُودُنْ أَوُاْ
وَنْدَ عَكَ بُبُّغَ غِنْدِنْسَ؟
11كُواْ بَذَنْ حُكُنْتَ مُتُمْ
مَيْ مُودُنْ أَوُاْ نَڧَضْيَا،
دَ بُهُنَنْ أَوُاْ نَثُوتَابَ؟
12مَاسُ أَرْزِڧِنْ بِرْنِنْكُ،
ثُوتَا سُكٜىٰتَيِ وَتَلَكَاوَا؞
مَذَوْنَنْ ڧَسَرْكُ كُمَ
سَيْ ڧَضْيَا سُكٜىٰ تَيِ؞
13دُواْمِنْ حَكَ ذَنْ بُغٜىٰكُ دَ ثِيوُاْ،
إِنْ مَيْدَكُو كُڢَيْ سَبُواْدَ ذُنُبَنْكُ؞
14ذَاكُثِ،
عَمَّا بَذَاكُ ڧُواْشِبَ،
ثِكِنْكُ دَيْ ذَيْ كَسَنْثٜىٰ دَ ذَاڢِنْ يُنْوَ؞
ذَاكُ تَارَ،
عَمَّا بَذَاكُ أَجِيٜىٰ كُواْمٜىٰبَ،
طَنْ أَبِنْدَ كُكَ أَجِيٜىٰ كُمَ،
عَثِكِنْ يَاڧِ ذَنْ لَلَتَرْ دَشِ؞
15ذَاكُيِ شُوكَ،
عَمَّا بَذَاكُيِ غِرْبِبَ؞
ذَاكُ مَڟٜىٰ یَیَنْ ظَيْتُنْ،
عَمَّا بَذَاكُيِ أَمْڢَانِ دَ مَنْسَبَ؞
ذَاكُ مَڟٜىٰ یَیَنْ إِنَبِے،
عَمَّا بَذَاكُ شَا ضُوً بَ؞
16غَمَا كُنْ كِيَايٜىٰ مُوغَيٜىٰنْ ڧَٰعِدُواْدِنْ عُوامْرِ،
دَ دُكَنْ أَيُّكَنْ غِدَنْ أَهَبْ،
كُكَيِ تَڢِيَ عَثِكِنْ مُوغَيٜىٰنْ شَوَرَرْسُ؞
دُواْمِنْ حَكَ ذَنْ مَيْدَكُو كُڢَيْ،
كُذَمَ أَبِنْ جَنْ ڟَكِ؞
تَهَكَ، كُو مُتَنٜىٰنَ، كُواْعِنَ ذَاكُ شَا رٜىٰنِ؞»#1 سَرْ 16.23-34؛ 21.25-26
Currently Selected:
مِيكَ 6: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
