مِيكَ 5
5
1يَنْذُ، كِتَتَّارَ سُواْجُواْجِنْكِ
غَمَا أَنْكٜىٰوَيٜىٰكِ دَ يَاڧِ،
دَ سَنْدَا عَكَ بُغِ سَرْكِنْ إِسْرَٰٓءِيلَ،
عَكَ بُغٜىٰشِ عَكُمَتُ؞
اللَّهْ يَيِ أَلْڧَوَرِنْ مَيْ مُلْكِ دَغَ بَيْتَلَحْمِ
2إِنْجِ يَهْوٜىٰهْ،
«عَمَّا كٜىٰ غَرِنْ بَيْتَلَحْمِ نَ عٜىٰڢْرَتَ،
كٜىٰ یَرْ ڧَرَمَثٜىٰ عَثِكِنْ
ذُرِيَرْ يَهُودَ،
عَمَّا دَغَ ثِكِنْكِ وَنِ ذَيْڢِتُواْ دُواْمِنَ
وَنْدَ ذَيْ يِمُلْكٍ إِسْرَٰٓءِيلَ
وَنْدَ أَصَلِنْسَ دَغَ زَامَانِنْ دَا نٜىٰ،
دَغَ ݣُونَكِنْ دَا يَكٜىٰ؞»#مَتْ 2.6؛ يَحـ 7.42
3سَبُواْدَ حَكَ يَهْوٜىٰهْ ذَيْ يَاشٜىٰ مُتَنٜىٰنْسَ،
حَرْ سَيْ عِتَ وَدَّ تَكٜىٰ جِنْ ذَاڢِنْ حَيْڢُوَ تَحَيْڢُ؞
سَعَنً نٜىٰ سَوْرَنْ یَنْعُوَنْسَ
ذَاسُ كُواْمَ وُرِنْ مُتَنٜىٰنْ إِسْرَٰٓءِيلَ؞
4كَمَرْ مَكِيَايِ، ذَيْ لُورَ دَ مُتَنٜىٰنْسَ
دَ ڧَرْڢِنْدَ يَڢِتُواْ دَغَ وُرِنْ يَهْوٜىٰهْ،
عَثِكِنْ طَوْكَكَرْ سُونَنْ يَهْوٜىٰهْ اللَّهْ نْسَ؞
مُتَنٜىٰنْسَ ذَاسُ ذَوْنَ لَاڢِيَ،
غَمَا إِيكُوانْ سُونَنْسَ،
ذَاعَ سَنْ دَشِ كُواْعِنَ عَدُونِيَا،
5غَمَا شِے مَيْ سَلَمَنٜىٰ؞
ثٜىٰتُواْ دَ حُكُنْثِ
سَعَدَّ أَسُّرِيَاوَا
ذَاسُ كَٰوُاْ مَنَ يَاڧِ،
سُهُودَ كَتَنْغَرْ بِرْنِنْمُ،
ذَامُسَا مَكِيَايَ بَݣَويْ
دَ شُوغَبَنِّ تَݣُوسْ
سُيِ غَابَادَسُو؞
6دَ تَكُواْبِے، شُوغَبَنِّنَّنْ
ذَاسُيِ مُلْكٍ ڧَسَرْ أَسُّرِيَ،
ڧَسَرْ نِمْرُوادْ كُمَ دَ بَاكِنْ تَكُواْبِے؞
تَهَكَ مَيْ مُلْكٍ ذَيْ كُٻُتَرْ دَمُو
دَغَ حَنُّنْ أَسُّرِيَاوَا،
سَعَدَّ سُكَ كَٰوُاْ وَ ڧَسَرْمُ يَاڧِ،
كُواْ سُشِغَ بَاكِنْ إِيَاكَرْ ڧَسَرْمُ؞#ڢَارْ 10.8-10
ضَغُواْوَرْ جَمَعَ ذَاسُ ذَوْنَ لَاڢِيَ
7ضَغُواْوَرْ ذُرِيَرْ يَعْڧُوبَ
وَدَّ تَكٜىٰ أَڟَكِيَرْ ڧَبِيلُ مَيْ يَوَ،
ذَاتَ كَسَنْثٜىٰ كَمَرْ رَٻَ
مَيْ سَابُنْتَاوَا دَغَ وُرِنْ يَهْوٜىٰهْ،
كَمَرْ يَيَّڢِنْ ضُوً سَمَ عَكَنْ ثِيَوَ،
وَطَنْدَ بَسُ دُواْغَضَ غَ مُتَنٜىٰ
كُواْ سُسَا رَيْ غَ یَنْ أَدَمْ بَ؞
8ضَغُواْوَرْ ذُرِيَرْ يَعْڧُوبَ،
وَدَّ تَكٜىٰ ذَمَ عَثِكِنْ أَلْعُمَّيْ،
وَدَّ تَكٜىٰ أَڟَكِيَرْ ڧَبِيلُ دَيَوَ،
ذَاتَ كَسَنْثٜىٰ كَمَرْ ذَاكِ
أَڟَكِيَرْ نَمُواْمِنْ دَاجِ عَكُرْمِ،
كَمَرْ ذَاكِ مَيْ ڧَرْڢِے أَڟَكِيَرْ
غَرْكٜىٰنْ تُمَكِ،
وَنْدَ إِنْ يَيِ ڟَلّٜىٰ يَڢَاطَ عَكَنْسُ،
ذَيْ يَيَّاغٜىٰسُ،
كُمَبَا مَيْ عِيَ كُٻُتَرْ دَسُو؞
9تَهَكَ حَنُّنْ ضَغُواْوَرْ ذُرِيَرْ يَعْڧُوبَ
ذَيْثِ نَصَرَا عَكَنْ أَبُواْكَنْ غَابَنْسَ،
مَاسُ غَابَادَسُو دُكَ،
ذَاعَ كَوَرْ دَسُو؞
10«إِنْجِنِ يَهْوٜىٰهْ، أَ رَانَرْ نَنْ،
ذَنْ كَوَرْدَ دَوَكِنْكُ،
إِنْ هَلَّكَرْ دَ كٜىٰكُنَنْ دُواْكِنْكُ؞
11ذَنْ كَوَرْدَ بِرَنٜىٰنْ ڧَسَرْكُ
إِنْ رُرُّشٜىٰ وُرَارٜىٰنْ ٻُيَنْكُ؞
12ذَنْ كَوَرْدَ بُواْكَيٜىٰ دَغَ ڧَسَرْكُ،
بَذَاكُ ڧَارَ سَامُنْ مَاسُ دُوبَابَ؞
13ذَنْ كَوَرْدَ صِڢُّواْڢِنْ غُمَكَنْكُ
دَ دُووَڟُنْ سُجَّدَرْ دَسُكٜىٰ ثِكِنْكُ؞
بَذَاكُ ڧَارَ دُرْڧُسَاوَ
عَيْكِنْ حَنُّوَنْكُبَ؞
14ذَنْ تُمْٻُكٜىٰ غُمَكَنْكُ
نَ أَشٜىٰرَ دَغَ ثِكِنْكُ،
إِنْ هَلَّكَرْ دَ غَرُرُوَنْكُ؞
15دَ ذَاڢِنْ ڢُشِے
ذَنْيِ رَامُوَا عَكَنْ أَلْعُمَّنْ
دَ بَسُيِ بِيَيَّبَ؞»
Currently Selected:
مِيكَ 5: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
