مِيكَ 7
7
لَلَثٜىٰوَرْ إِسْرَٰٓءِيلَ
1كَيْتُواْنَ!
غَمَا نَا ذَمَ كَمَرْ مَيْ يُنْوَ،
وَنْدَ بَيْ سَامِ كُواْمٜىٰبَ
بَايَنْدَ عَكَيِ غِرْبِنْ أَمْڢَانِنْ غُواْنَ،
بَايَنْدَ عَكَيِ كَالَ أَغُواْنَرْ إِنَبِے؞
بَابُ یَیَنْ إِنَبِنْدَ ذَاعَ ڟِنْكَ عَثِ،
بَابُ یَیَنْ ٻَوْرٜىٰنْ دَ سُكَ نُونَ،
وَنْدَ رَيْنَ يَكٜىٰسُواْ؞
2بَابُ مَاسُ حَلِنْ اللَّهْ دَ سُكَ ضَغٜىٰ عَڧَسَرْ،
بَابُ مَيْ غَسْكِيَ أَ ظُوثِ وَنْدَ يَضَغٜىٰ؞
كُواْوَ يَنَ نٜىٰمَنْ دَامَرْ كَشٜىٰ وَنِ،
كُواْوَ يَنَ ڢَرَوْتَرْ طَنْعُوَنْسُ دَ تَرْكُواْ؞
3حَنُّوَنْسُ ڠُونِنْ عَيْكَتَ مُغُنْتَا نٜىٰ،
سَرْكِے دَ أَلْڧَلِ دُكْ سُنَ نٜىٰمَنْ ثِنْ حَنْثِ،
بَبَّنْ مُتُمْ يَنَ سَا عَيِ
أَبِنْدَ ذُوثِيَارْسَ تَكٜىٰسُواْ؞
تَهَكَ سُنَ جُجُّويٜىٰ غَسْكِيَ؞
4مُتُمْ مَڢِے كِرْكِ عَثِكِنْسُ
كَمَرْ إِتَاثٜىٰ مَرَرْ یَیَ نٜىٰ؞
مَڢِے غَسْكِيَ عَثِكِنْسُ كُمَ
كَمَرْ إِتَاثٜىٰنْ لٜىٰمُوانْ ڟُنْڟُ
مَرَرْ یَیَنٜىٰ سَيْ ڧَيَ؞
رَانَرْ حُكُنْثِنْسُ تَذُواْ،
رَانَرْ دَ عَكَ ڢَطَا مُسُ
تَبَاكِنْ أَنَّبَاوَا مَاسُ غَادِنْسُ،
يَنْذُ كُواْوَ يَضِكِثِے؞
5كَدَ كَدُواْغَرَ غَ مَڨُوبْثِنْكَ،
كَدَ كَأَمِنْثٜىٰ دَ أَبُواْكِنْكَ،
كُواْ دَ مَاتَرْكَ وَدَّ كَكٜىٰ ڧَوْنَ،
لُورَ دَ مَغَنَرْ بَاكِنْكَ؞
6غَمَا طَا يَنَ رٜىٰنَ بَابَنْسَ،
یَ مَثٜىٰ كُمَ تَنَ تَيَرْ وَ مَامَرْتَ،
مَاتَرْ طَا تَنَ يِنْ غَابَادَ مَامَرْ مِجِنْتَ؞
أَبُواْكَنْ غَابَنْ مُتُمْ، مُتَنٜىٰنْ غِدَنْسَ نٜىٰ؞#مَتْ 10.35-36؛ لُكْ 12.53
7عَمَّا نِے ذَنْ ظُبَ عِدُواْ غَ يَهْوٜىٰهْ
ذَنْ جِرَا اللَّهْ مَيْ ثٜىٰتُواْنَ،
اللَّهْ نَا كُوَ ذَيْجِينِ؞
يَهْوٜىٰهْ ذَيْ كَٰوُاْ ثٜىٰتُواْ
8يَا أَبُواْكَنْ غَابَنَ،
كَدَ كُيِ مُرْنَ عَكَيْنَ،
غَمَا سَعَدَّ نَڢَاطِ، ذَنْ تَاشِ؞
سَعَدَّ نَذَوْنَ عَثِكِنْ دُهُ،
يَهْوٜىٰهْ ذَيْ ذَمَ حَصْكٜىٰ أَغَرٜىٰنِ؞
9ذَنْ جِمْرٜىٰ دَ ڢُشِنْ يَهْوٜىٰهْ
غَمَا نَا يِمَسَ ذُنُوبِ؞
عَمَّا عَڧَرْشٜىٰ ذَيْ ڟَيَ مِنِ،
يَدَيْدَيْتَ مُغُنْتَارْ دَ عَكَيِ مِنِ؞
ذَيْ كَٰوُاْ نِے ثِكِنْ حَصْكٜىٰ،
ذَيْ نُونَ أَ ڢِيلِ بَ نِے دَ لَيْڢِے؞
10سَعَنً أَبُواْكَنْ غَابَنَ ذَاسُ غَنِ،
كُنْيَا ذَاتَ رُڢٜىٰ وَطَنْدَ سُكَثٜىٰ مِنِ،
«إِنَا يَهْوٜىٰهْ اللَّهْ نْكَ؟»
عِدَنُونَ ذَاسُغَ ڢَاطُوَرْسُ،
يَنْذُ ذَاعَ تَتَّاكٜىٰسُ كَمَرْ لَاكَ عَتِيتُنَ؞
11رَانَرْ سَاكٜىٰ غِنَا كَتَنْغَرْكُ تَنَ ذُوَا،
رَانَرْ دَ ذَاعَ ڧَارَ ڢَاطِنْ إِيَاكَرْ ڧَسَرْكُ؞
12أَ رَانَرْ نَنْ مُتَنٜىٰنْكُ
ذَاسُ دَاوُاْ وُرِنْكُ،
دَغَ أَسُّرِيَ
دَ كُواْغِنْ يُڢِرٜىٰتِسْ أَغَبَسْ،
دَغَ كُمَ مَصَرْ عَكُدُ،
دَغَ مَنْيَنْ تُدَّيْ
دَ تٜىٰكُنَ مَاسُ نِيسَ؞
13عَمَّا ڧَسَا كٜىٰوَيٜىٰ دَ تَاكُ
ذَاتَ ذَمَ كُڢَيْ،
سَبُواْدَ مُغُنْتَارْ مَذَوْنَنْ دَسُكٜىٰ ثِكِنْتَ؞
جِنْڧَنْ يَهْوٜىٰهْ عَكَنْ إِسْرَٰٓءِيلَ
14يَا يَهْوٜىٰهْ،
يِكِيوُانْ مُتَنٜىٰنْكَ دَ سَنْدَنْكَ،
غَرْكٜىٰنْ تُمَكِنْكَ نَغَادُواْ،
غَرْكٜىٰنْكَ وَنْدَ يَكٜىٰ ظَوْنٜىٰ شِ كَطَيْ
عَكُرْمِ أَڟَكِيَرْ ڧَسَا مَيْ أَلْبَرْكَ؞
بَرِ سُڢِتَ سُيِ كِيوُاْ عَڧَسَرْ بَشَنْ
دَ ڧَسَرْ غِلٜىٰيَدْ كَمَرْ ݣُونَكِنْ دَا؞
15إِنْجِ يَهْوٜىٰهْ،
«ذَنْ نُونَ مُسُ أَيُّكَنْ بَنْ مَامَاكِ،
كَمَرْ عَݣُونَكِنْ دَ سُكَ ڢِتَ دَغَ مَصَرْ؞
16أَلْعُمَّيْ ذَاسُ غَنِ
ذَاسُ كُمَ شَا كُنْيَا عَكَنْ دُكَنْ إِيكُوانْسُ؞
ذَاسُ سَا حَنُّ عَبَاكِ،
كُنُّوَنْسُ ذَاسُ تُواْشٜىٰ؞
17ذَاسُ لَشٜىٰ ڧُورَا كَمَرْ مَثِيجِ،
كَمَرْ حَلِتُّو مَاسُ رَرَّڢٜىٰ؞
ذَاسُ ڢِتَ دَ ضَوَرْ جِكِے،
دَغَ وُرَارٜىٰنْ ٻُيَنْسُ،
ذَاسُ جُويُواْ وُرِينَ، نِے يَهْوٜىٰهْ اللَّهْ نْكُ،
سَبُواْدَ ڟُواْرُواْ؞»
بَابُ وَنِ كَمَرْ اللَّهْ
18بَابُوَنِ اللَّهْ كَمَرْكَ،
يَا يَهْوٜىٰهْ!
كَيْ اللَّهْ نٜىٰ مَيْ يَاڢٜىٰ لَيْڢِے،
مَيْ كَوَرْدَ ذُنُوبِ
نَضَغُواْوَرْ جَمَعَرْكَ تَغَادُواْ؞
بَاكَ رِڧٜىٰ ڢُشِنْكَ حَرْ أَبَدَا،
غَمَا كَنَ جِنْ دَاطِے
كَنُونَ ڧَوْنَ مَرَرْ ثَنْجَاوَا؞
19ذَاكَ سَاكٜىٰ جُويُواْوَ كَيِ مَنَ جِنْڧَيْ
ذَاكَ تَتَّاكَ لَيْڢُواْڢِنْمُ ڧَرْڧَشِنْ ڧَڢَاڢُنْكَ؞
ذَاكَ جٜىٰڢَرْ دَ دُكَنْ ذُنُبَنْمُ
عَثِكِنْ ظُرْڢَڢَّنْ تٜىٰكُ؞
20ذَاكَ نُونَ أَمِنْثِنْكَ غَ مُتَنٜىٰنْكَ،
ڧَوْنَرْكَ مَرَرْ ثَنْجَاوَا
غَ ذُرِيَرْ يَعْڧُوبَ دَ إِبْرَٰهِيمْ،
كَمَرْ يَدَّ كَرَنْڟٜىٰوَ
كَاكَنِّنْمُ تُنْ زَامَانِنْ دَا؞
Currently Selected:
مِيكَ 7: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
