مِيكَ 4
4
مُلْكٍ يَهْوٜىٰهْ نَسَلَمَنٜىٰ
﴿عِشـ 2.2-4﴾
1عَكْوَانَكِے مَاسُ ذُوَا،
تُدُ عِنْدَ غِدَنْ يَهْوٜىٰهْ يَكٜىٰ
ذَيْ ذَمَ تُدُ مَڢِے مُهِمَّنْثِ؞
ذَاعَ غِرْمَمَشِ ڢِيٜىٰدَ كُواْوَنٜىٰ تُدُ؞
ڧَبِيلُ كُوَ ذَاسُيِ تَغُدُ ذُوَا ثِكِنْسَ؞
2أَلْعُمَّيْ دَيَوَ ذَاسُذُواْ سُثٜىٰ،
«كُذُواْ، مُهَوْرَ تُدُنْ يَهْوٜىٰهْ،
ذُوَا غِدَنْ اللَّهْ نَ يَعْڧُوبَ،
يَكُواْيَ مَنَ هَنْيُواْيِنْسَ،
مُو كُمَ مُيِ تَڢِيَ أَ حَنْيَرْسَ؞»
غَمَا دَغَ سِهِيُواْنَ كُواْيَرْوَا ذَاتَ ڢِتُواْ،
دَغَ عُرُوشَلِيمَ مَغَنَرْ يَهْوٜىٰهْ ذَاتَ ذُواْ؞
3 يَهْوٜىٰهْ ذَيْ شَرْعَنْتَ ڟَكَانِنْ ڧَبِيلُ
مَاسُيَوَ،#يُواوْ 3.10
كُمَ ذَيْ شِرْيَ ڟَكَانِنْ أَلْعُمَّيْ
مَاسُ ڧَرْڢِے دَسُكٜىٰ دَنِيسَ؞
ذَاسُ مَيْدَ تَكُبَنْسُ غَرْمَرْ نُواْمَ،
مَاسُنْسُ كُمَ وُڧَڧٜىٰنْ ڠَرَ عِتَتُوَ؞
أَلْعُمَّ بَذَاتَ ڧَارَ طَغَ تَكُواْبِنْ يَاڧِ
غَ وَتَ أَلْعُمَّبَ؞
بَذَاسُ ڧَارَ كُواْيُوانْ دَبَرَرْ يَاڧِبَ كُمَ؞
4كُواْوَنٜىٰ مُتُمْ ذَيْ ذَوْنَ ثِكِنْ سَلَمَ
عَڧَرْڧَشِنْ إِتَاثٜىٰنْ إِنَبِنْسَ دَ نَٻَوْرٜىٰنْسَ؞#زَكْ 3.10
بَاوَنْدَ ذَيْ ڟُواْرَتَرْ دَشِ،
غَمَا يَهْوٜىٰهْ مَيْ ضُنْدُنَا نٜىٰ يَڢَطَا؞
5كُواْدَيَكٜىٰ كُواْوَثٜىٰ ڧَبِيلَ تَنَبِنْ اللَّهْنْتَ،
عَمَّا مُو ذَامُبِے يَهْوٜىٰهْ اللَّهْ نْمُ
حَرْ أَبَدَا أَبَدِنْ؞
إِسْرَٰٓءِيلَاوَا ذَاسُ دَاوُاْ دَغَ بَوْتَا
6إِنْجِ يَهْوٜىٰهْ،
«أَ رَانَرْ نَنْ، ذَنْ تَتَّارَ غُرَغُ
إِنْكُمَ تَتَّارَ وَطَنْدَ عَكَ كُواْرَ،
دَ وَطَنْدَ نَوَهَلْشٜىٰسُ؞
7ذَنْ مَيْدَ غُرَغُ ضَغُواْوَرْ جَمَعَتَ،
وَطَنْدَ عَكَ كُواْرَ كُمَ
أَلْعُمَّ مَيْ ڧَرْڢِے؞
نِے يَهْوٜىٰهْ ذَنْيِ مُلْكِنْسُ
عَتُدُنْ سِهِيُواْنَ،
دَغَ يَنْذُ ذُوَا حَرْ أَبَدَا؞
8يَا كَيْ حَصُومِيَا تَغَادِنْ تُمَكِ،
تُدُنَ ذُوثِيَاتَ سِهِيُواْنَ،
أَغَرٜىٰكِ مُلْكِ نَدَا ذَيْ كُواْمَ،
مُلْكِنَّنْ نَذُوثِيَاتَ عُرُوشَلِيمَ؞»
9يَنْذُ، مٜىٰيَسَا كِكٜىٰ كُوكَا دَ ڧَرْڢِے؟
بَابُ سَرْكِے عَثِكِنْكِ نٜىٰ؟
مَيْ بَاكِ شَوَرَا يَمُتُ نٜىٰ؟
دَلِيلِ كٜىٰنَنْ دَ يَسَا عَذَابَ تَڢَاطُواْ مِكِ
كَمَرْ مَثٜىٰ مَيْ جِ دَ ذَاڢِنْ حَيْڢُوَ؟
10يِبِرْغِمَ ثِكِنْ ذَاڢِ دَ نِيشِ،
يَا كٜىٰ ذُوثِيَاتَ سِهِيُواْنَ،
كَمَرْ مَثٜىٰ مَيْجِ دَ ذَاڢِنْ حَيْڢُوَ؞
غَمَا يَنْذُ ذَاكِ ڢِتَ دَغَ بِرْنِ،
كِذَوْنَ عَتٜىٰنْتِ عَبَايَنْ غَرِ،
ذَاكِ تَڢِے بَابِيلَ؞
دَغَ ثَنْ نٜىٰ يَهْوٜىٰهْ ذَيْڢَنْشٜىٰكِ
دَغَ حَنُّنْ أَبُواْكَنْ غَابَنْكِ؞
11يَنْذُ، أَلْعُمَّيْ دَيَوَ
سُنْ تَارُ سُنَ غَابَادَكٜىٰ سُنَ ثٜىٰوَ
«بَرِ عَڧَظَنْتَرْدَ عِتَ،
بَرِ مُظُبَ عِدُواْ عَكَنْ سِهِيُواْنَ؞»
12عَمَّا بَسُ سَنْ تُنَانِنْ يَهْوٜىٰهْ بَ،
بَسُ غَانٜىٰ شِرِنْسَبَ،
ثٜىٰوَ يَتَتَّرَاسُ كَمَرْ دَمٍ حَڟِ،
حَڟِنْ دَ عَكَ كَيْ وُرِنْ بُغُنْ حَڟِ؞
13إِنْجِ يَهْوٜىٰهْ،
«يَا كٜىٰ ذُوثِيَاتَ سِهِيُواْنَ، تَاشِ كِتَتَّكَ!
غَمَا ذَنْبَاكِ ڧَرْڢِے كَمَرْ بِجِمِ
مَيْ ڧَهُواْنِنْ ڧَرْڢٜىٰ مَيْ ڧَڢَاڢُنْ تَغُلَّ؞
ذَاكِ بُغِ ڧَبِيلُ دَيَوَ؞
ذَاكِمِيڧَ أَرْزِڧِنْسُ غَ يَهْوٜىٰهْ،
دُوكِيَرْسُ غَ عُبَنْغِجِنْ دُكَنْ دُونِيَا؞»
Currently Selected:
مِيكَ 4: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
