مِيكَ 1
1
1أَ زَامَانِنْ دَ سَرْكِے يُواْتَمْ يَكٜىٰ مُلْكِ أَ يَهُودَ، مِيكَ مُتُمِنْ مُواْرٜىٰشٜىٰتْ يَڢَطِ مَغَنَرْ دَ يَهْوٜىٰهْ يَغَيَ مَسَ؞ يَكُمَ ثِيغَبَ أَ زَامَانِنْ وَطَنَّنْ سَرَاكُنَ، وَتُواْ سَرْكِے أَهَظْ دَ سَرْكِے هٜىٰزٜىٰكِيَ، كُواْوَنّٜىٰنْسُ يَغَاجِ مُلْكِ دَغَ وَنْدَ يَمُتُ؞ يَهْوٜىٰهْ يَا بَيَّنَوَ مِيكَ أَبُبُوَنَّنْ عَكَنْ سَمَرِيَ دَ عُرُوشَلِيمَ؞#2 سَرْ 15.32—16.20؛ 18.1—20.21؛ 2 تَارْ 27.1-7؛ 28.1—32.33
وَاڧَرْ مَكُواْكِ دُواْمِنْ سَمَرِيَ دَ عُرُوشَلِيمَ
2كَسَ كُنّٜىٰ، يَا كُو دُكَنْ ڧَبِيلُ،
سَوْرَرَ، يَا كٜىٰ دُونِيَا
دَ دُكَنْ أَبِنْدَ يَكٜىٰ ثِكِنْكِ؞
عُبَنْغِجِ يَهْوٜىٰهْ دَ كَنْسَ
يَنَ كَٰوُاْ شَيْدَ عَكَنْكُ،
يَهْوٜىٰهْ ذَيْ يِمَغَنَ
دَغَ هَيْكَلِنْسَ مَيْ ڟَرْكِے؞
3غَاشِ، يَهْوٜىٰهْ يَنَ ذُوَا
دَغَ وُرِنْ ذَمَنْسَ مَيْ ڟَرْكِے؞
ذَيْ سَوْڧُواْ،
يَيِ تَڢِيَ عَكَنْ مَنْيَنْ تُدَّنْ دُونِيَا؞
4مَنْيَنْ تُدَّيْ ذَاسُ نَرْكٜىٰ
عَڧَرْڧَشِنْ تَڢِنْ ڧَڢَاڢُنْسَ
كَمَرْ كَكِنْ ظُمَ أَغَبَنْ وُتَا،
سُنَ غَنْغَرُواْوَ كَمَرْ ضُوَ
دَغَ كَنْ تُدُ ذُوَا ݣُورِ؞
5دُكَنْ وَنَّنْ سَبُواْدَ ذُنُوبِنْ غَنْغَنْثِ
نَظُرِيَرْ يَعْڧُوبَ نٜىٰ،
وَتُواْ ذُنُوبِنْ غِدَنْ إِسْرَٰٓءِيلَ؞
مٜىٰنٜىٰنٜىٰ صَاٻُواْ صَاٻُوانْ ذُرِيَرْ يَعْڧُوبَ؟
أَشٜىٰ، بَبَوْتَرْ غُمَكَ
وَنْدَ سَمَرِيَ تَكُواْيَ مُسُبَ؟
مٜىٰنٜىٰنٜىٰ لَيْڢِنْ وُرَارٜىٰنْ سُجَّدَ عَتُدَّيْ نَ يَهُودَ؟
أَشٜىٰ، بَبَوْتَرْ غُمَكَ
وَنْدَ عُرُوشَلِيمَ تَكُواْيَ مُسُبَ؟
6سَبُواْدَ حَكَ، إِنْجِ يَهْوٜىٰهْ،
«ذَنْ مَيْدَ سَمَرِيَ
تُلِنْ بُواْلَ نَبَايَنْ غَرِ،
تَذَمَ ڢِيلِ عِنْدَ عَكٜىٰ دَسَ إِتَاثٜىٰنْ إِنَبِے؞
ذَنْ وَاڟَرْدَ دُووَڟُنْ تُوشٜىٰنْتَ ثِكِنْ ݣُورِ،
إِنْكُمَ تُواْنٜىٰ دُووَڟُنْ غِنِنْتَ؞
7ذَاعَ ڢَرْڢَشٜىٰ دُكَنْ صِڢُّواْڢِنْ سُجَّدَ عَثِكِنْتَ،
دُكَنْ ݣَوْتَنْ دَ عَكَبَا كَارُوَيْ
ثِكِنْ بَوْتَرْ غُمَكَ،
ذَاعَ ڧُواْنٜىٰ دَ وُتَا؞#1.7 كَارُوَيْ: أَغِدَنْ بَوْتَرْ غُمَكَ، مُتَنٜىٰ سُكَنْيِ جِمَاعِ دَ كَارُوَيْ عَكَنْ سُنَ سُجَّدَ غَ غُمَكَنْ؞ كُطِنْ دَ عَكَ سَامُ تَوَنَّنْ حَنْيَ، سُكَنْيِ أَمْڢَانِ دَشِ وَجٜىٰنْ غِنَا أَدِّينِنْ؞
دُكَنْ غُمَكَنْتَ ذَاسُ ذَمَ أَبِنْ بَنْظَ،
غَمَا تَوُرِنْ ݣَوْتَنْ كَارُوَنْثِ نٜىٰ عَكَ تَتَّرَاسُ،
ݣَوْتَنْ كَارُوَنْثِ كُوَ ذَاسُ سَاكٜىٰ ذَمَ
عَبَڧُوَرْ ڧَسَا؞»
كُوكَنْ مِيكَ دُواْمِنْ إِسْرَٰٓءِيلَ دَ يَهُودَ
8سَبُواْدَ وَنَّنْ ذَنْيِ مَكُواْكِ
إِنْيِ كُوكَا،
ذَنْ تُوٻٜىٰ، إِنْيِ تَڢِيَ ڟِرَرَ؞
ذَنْيِ رُورِ كَمَرْ كَرْنُكَنْ دَاجِ،
إِنْيِ كُوكَا كَمَرْ جِمِنُ؞
9غَمَا رَوْنِنْ سَمَرِيَ مَرَرْ وَرْكٜىٰوَ نٜىٰ،
يَكُوَ ذُواْ وَ يَهُودَ،
يَمَا كَيْ عُرُوشَلِيمَ، ڧُواْڢَرْ جَمَعَتَ؞
10كَدَ أَ ڢَطٜىٰشِ عَكُنّٜىٰنْ
أَبُواْكَنْ غَابَنْمُ أَ غَتْ،
سَمْ سَمْ كَدَ عَيِ كُوكَا؞
أَ بٜىٰتْ لٜىٰيَڢْرَ
عَيِ بِرْغِمَ كَوَيْ ثِكِنْ تَٻُواْ؞
11كُو مَذَوْنَنْ شَڢِرْ،
كُوُثٜىٰ ثِكِنْ ڟِرَيْثِ دَ كُنْيَا؞
كُو مَذَوْنَنْ ذَاعَنَنْ
كَدَ كُڢِتَ؞
بٜىٰتٜىٰظٜىٰلْ دَ جَمَعَرْتَ سُنَ كُوكَا
بَذَاكُ سَامِ تَيْمَكُواْ أَوُرِنْتَبَ؞
12غَمَا مَذَوْنَنْ مَرُواتْ
سُنَ مَرْمَرِ سُنَ جِضَانْ أَلْحٜىٰرِ،
عَمَّا مَسِيڢَ تَسَوْڧُواْ ڧُواْڢَرْ عُرُوشَلِيمَ
دَغَ وُرِنْ يَهْوٜىٰهْ؞
13كُو مَذَوْنَنْ لَكِشْ،
كُشِرْيَ كٜىٰكُنَنْ دُواْكِنْكُ، كُغُدُ؞
غَمَا كُنْبِے غُرْبِنْ ذُوثِيَاتَ سِهِيُواْنَ
نَذُنُوبِنْ غَنْغَنْثِ،
كُكَ كُمَسَا إِسْرَٰٓءِيلَ تَيِ ذُنُوبِ؞
14دُواْمِنْ حَكَ، يَا كُو مُتَنٜىٰنْ يَهُودَ،
سَيْ كُبَادَ ݣَوْتَيْ نَبَنْ ݣُونَ
غَ مَذَوْنَنْ مُواْرٜىٰشٜىٰتْ غَتْ؞
غِدَاجٜىٰنْ عَكْظِبْ مَاسُ رُوطُ نٜىٰ
سَرَاكُنَنْ إِسْرَٰٓءِيلَ مَا ذَاسُ غَانٜىٰ؞
15إِنْجِنِ يَهْوٜىٰهْ،
ذَنْ سَاكٜىٰ كَٰوُاْ وَنْدَ ذَيْثِكُ دَ يَاڧِ،
كُو مَذَوْنَنْ مَرٜىٰشَ؞
سَرْكِنْ إِسْرَٰٓءِيلَ مَيْ طَوْكَكَ
ذَيْ غُدُ يَٻُيَ عَكُواْغُوانْ أَدُلَّمْ؞
16يَا كٜىٰ يَهُودَ، كِيِ أَسْكِ،
كِيِ وَكَنْكِ ڨُولْڨُولْ،
سَبُواْدَ مَكُواْكِنْ ڧَوْنَتَتُّنْ یَیَنْكِ؞
كِيِ وَكَنْكِ ڨُولْڨُولْ
كَمَرْ كَنْ عُنْغُلُ،
غَمَا یَیَنْكِ سُنْ تَڢِے بَوْتَا
أَوَتَ ڧَسَا؞
Currently Selected:
مِيكَ 1: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
