مِيكَ 2
2
ڧَرْشٜىٰنْ مَاسُ دَنّٜىٰ مَرَسَ ڧَرْڢِے
1كَيْتُوانْ مَاسُ شِرْيَ مُغُنْتَا،
مَاسُ ڧُلّٜىٰ ڧُلّٜىٰنْ مُغُنْتَا عَكَنْ غَدَجٜىٰنْسُ!
دَ غَرِ يَوَايٜىٰ، سُكَنْ ڢِتَ سُأَيْكَتَ مُغُنْتَارْ،
دُواْمِنْ إِيكُوانْ عَيْكَتَاوَا يَنَ حَنُّنْسُ؞
2سُكَنْيِ كِيشِنْ غُواْنَكِ،
سُڨُوثٜىٰ؞
سُكَنْيِ كِيشِنْ غِدَاجٜىٰ،
سُڨُوثٜىٰ؞
سُكَنْ دَنّٜىٰ مُتُمْ،
سُڨُوثٜىٰ غِدَنْسَ دَ غَادُوانْسَ؞
3سَبُواْدَ حَكَ، إِنْجِ يَهْوٜىٰهْ،
«غَاشِ، إِنَ شِرْيَ مَسِيڢَ
غَ وَنَّنْ عِيَلِ،
وَدَّ بَذَاكُ عِيَ ڢِتَرْدَ كَنْكُ
دَغَ ثِكِيبَ؞
بَذَاكُيِ تَڢِيَ دَ تَاڧَمَ بَ،
غَمَا ذَيْ ذَمَ مُوغُنْ لُواْكَثِنٜىٰ؞
4أَ رَانَرْ نَنْ ذَاعَ طَغَ وَاڧَرْ ڟُواْكَنَ عَكَنْكُ،
ذَاعَيِ كُوكَا نَبَڧِنْ ثِكِ مَيْ ذَاڢِ عَثٜىٰ،
« ‹تَامُ تَا ڧَارٜىٰ!
يَهْوٜىٰهْ يَا ثَنْجَ رَبُوانْ مُتَنٜىٰنَ،
يَكَوَرْ دَشِ دَغَ غَرٜىٰنِ!
يَرَرَّبَ غُواْنَكِنْمُ
غَ وَطَنْدَ سُكَثِمُ دَ يَاڧِ؞› »
5دُواْمِنْ حَكَ، أَ لُواْكَثِنْ دَ ذَاعَ مَيَرْدَ ڧَسَا،
بَذَاكُ سَامِ رَبُوانْكُ
عَثِكِنْ تَارُوانْ جَمَعَرْ يَهْوٜىٰهْ بَ؞
6مُتَنٜىٰنْ سُكَيِ مِنِ وَعَظِ سُكَثٜىٰ،
«كَدَ كَيِ وَعَظِ!
كَدَيْنَ يِنْ وَعَظِ عَكَنْ أَبُبُوَنَّنْ،
بَابُ أَبِنْ كُنْيَرْ دَ ذَيْسَامٜىٰمُ!»
7دَيْدَيْ نٜىٰ أَ ڢَطِ حَكَ،
يَا ذُرِيَرْ يَعْڧُوبَ؟
حَڧُرِنْ يَهْوٜىٰهْ يَا كَاسَ نٜىٰ؟
كُواْ شِينٜىٰ يَيِ وَطَنَّنْ أَبُبُوَ؟
مَغَنَرْ يَهْوٜىٰهْ بَاتَدَ أَمْڢَانِ
غَ مَيْ تَڢِيَ دَيْدَيْ عَثِكِنْتَ كٜىٰنَنْ؟
8 يَهْوٜىٰهْ يَأَمْسَ يَثٜىٰ،
«عَمَّا كُكَنْيِ دَ مُتَنٜىٰنَ
كَمَرْ سُو أَبُواْكَنْ غَابَنٜىٰ؞
كُكَنْ تُوٻٜىٰ رِيغُنَنْ مَاسُ وُثٜىٰوَ
ثِكِنْ سَلَمَ،
مَاسُ وُثٜىٰوَ بَ دَ تُنَانِنْ يَاڧِبَ؞
9كُكَنْ كُواْرِ مَاتَانْ مُتَنٜىٰنَ
دَغَ غِدَاجٜىٰنْسُ مَاسُ ݣَوْ؞
كُكَنْ كَوَرْدَ أَلْبَرْكَتَ
دَغَ وُرِنْ یَیَنْسُ حَرْ أَبَدَا؞
10تَاشِ كُتَڢِے،
غَمَا نَنْ بَوُرِنْ هُوتُ بَنٜىٰ؞
سَبُواْدَ ڧَظَنْتَرْكُ،
مُوغُوَرْ هَلَّكَ ذَاتَ ڢَاطُواْ مُكُ؞
11عِدَنْ مُتُمْ يَا تَاشِ
يَنَ تَمَغَنَرْ ڧَضْيَا يَنَ ثٜىٰوَ
‹ذَنْيِ مُكُ وَعَظِ غَمٜىٰدَ
ضُوً إِنَبِے دَ أَبِنْ كَٰوُاْ بُغُوَ عَيَلْوَثٜىٰ؞›
إِرِنْ مَيْ وَعَظِنَّنْ نٜىٰ مُتَنٜىٰ سُكٜىٰسُواْ!»
أَلْڧَوَرِنْ سَا ذُوثِيَا
12«حَڧِيڧَ ذَنْ تَتَّرَاكُ
يَا ذُرِيَرْ يَعْڧُوبَ،
ذَنْ تَتَّارَ ضَغُواْوَرْ جَمَعَرْ إِسْرَٰٓءِيلَ؞
ذَنْ حَطَكُ تَرٜىٰ كَمَرْ غَرْكٜىٰنْ تُمَكِ،
كَمَرْ غَرْكٜىٰنْ تُمَكِ أَوُرِنْ كِيوُاْ،
ذَاكُ ذَمَ بَبَّنْ تَارُوانْ جَمَعَ
وَدَّ ذَاعَ جِ سُورُوتُنْسُ؞»
13شِ وَنْدَ ذَيْ هُودَ كَتَنْغَ،
ذَيْ يِمُسُ جَغُواْرَ سُٻَرْكٜىٰ تَوُرِنْ،
يَذَمَ مُسُ ڧُواْڢَ سُڢِتَ؞
سَرْكِنْسُ ذَيْ شَا غَبَنْسُ،
يَهْوٜىٰهْ دَ كَنْسَ ذَيْ جَغُواْرَنْثٜىٰسُ؞
Currently Selected:
مِيكَ 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
