مَتِيُ 9

عِيسَىٰ يَا وَرْكَرْ دَ شَنْيَيّٜىٰ

﴿مَرْ 2‏.1‏-12؛ لُكْ 5‏.17‏-26﴾

1سَيْ عِيسَىٰ يَشِغَ جِضْغٍ ضُوَ، يَهَيٜىٰ تٜىٰكُنْ يَجٜىٰ كَڢَرْنَهُمْ، غَرِنْ دَ يَيِ غِرْمَ؞ 2سَيْ عَكَ كَٰوُاْ مَسَ وَنِ شَنْيَيّٜىٰ يَنَ ݣُونْثٜىٰ عَكَنْ تَبَرْمَ؞ دَ عِيسَىٰ يَغَ بَنْ‌غَسْكِيَرْسُ، سَيْيَثٜىٰ وَشَنْيَيّٜىٰنْ ‏«‏كَدَ كَدَامُ، طَانَ، أَنْ‌غَاڢَرْتَا مَكَ ذُنُبَنْكَ؞»‏ 3دَجِنْ وَنَّنْ، وَطَنْسُ مَلَمً كُواْيَرْوَرْ مُوسَٰى سُكَثٜىٰ وَجُونَنْسُ ‏«‏وَنَّنْ مُتُمِنْ يَنَيِ وَ اللَّهْ صَاٻُواْ؞»‏

4عَمَّا عِيسَىٰ يَسَنْ أَبِنْدَ سُكٜىٰ تُنَانِ عَكَيْ، سَيْيَثٜىٰمُسُ ‏«‏دُوانْمٜىٰ كُكٜىٰيِنْ مُوغُنْ تُنَانِ أَ ذُوثِيَارْكُ حَكَ؟ 5وَنّٜىٰ يَڢِ سَوْڧِ، عَثٜىٰ، ‏‹‏أَنْ‌غَاڢَرْتَا مَكَ ذُنُبَنْكَ،›‏ كُواْ كُوَ عَثٜىٰ، ‏‹‏تَاشِ كَيِ تَڢِيَ›‏؟ 6عَمَّا إِنَ سُواْ كُسَنِ ثٜىٰوَ طَنْ مُتُمْ يَنَدَ إِيكُواْ يَغَاڢَرْتَ ذُنُبَيْ عَدُونِيَا؞»‏ سَيْ يَثٜىٰوَ شَنْيَيّٜىٰنْ ‏«‏تَاشِ، كَطَوْكِ تَبَرْمَرْكَ، كَتَڢِے غِدَا؞»‏

7مُتُمِنْ كُوَ يَتَاشِ يَتَڢِے غِدَنْسَ؞ 8دَ تَارُوانْ مُتَنٜىٰنْ سُكَغَ حَكَ سَيْ سُكَجِڟُواْرُواْ، سُكَ طَوْكَكَ اللَّهْ وَنْدَ يَبَامُتَنٜىٰ إِرِنْ وَنَّنْ إِيكُواْ؞

عِيسَىٰ يَا كِرَا مَتِيُ

﴿مَرْ 2‏.13‏-17؛ لُكْ 5‏.27‏-32﴾

9دَ عِيسَىٰ يَثِيغَبَدَ تَڢِيَ، سَيْ يَغَ وَنِ مُتُمْ وَنْدَ عَكٜىٰثٜىٰ دَشِ مَتِيُ، يَنَ ظَوْنٜىٰ أَوُرِنْ كَرْٻَرْ هَرَاجِ؞ سَيْ عِيسَىٰ يَثٜىٰ مَسَ ‏«‏بِينِ؞»‏ سَيْ يَتَاشِ يَبِيشِ؞

10دَغَ بَايَ دَ عِيسَىٰ يَنَ ثِنْ عَبِنْثِ أَغِدَنْ مَتِيُ، سَيْ مَاسُ كَرْٻَرْ هَرَاجِ دَ مَاسُ ذُنُوبِ دَيَوَ سُكَذُواْ سُكَ ذَوْنَ تَرٜىٰ دَشِ دَ أَلْمَجِرَنْسَ؞

11دَ ڢَرِسِيَاوَا سُكَغَ حَكَ، سَيْ سُكَثٜىٰ وَ أَلْمَجِرَنْسَ ‏«‏دُوانْمٜىٰ مَلَمِنْكُ يَكٜىٰثِنْ عَبِنْثِ تَرٜىٰدَ مَاسُ كَرْٻَرْ هَرَاجِ دَ مَاسُ ذُنُوبِ؟»‏#لُكْ 15‏.1‏-2

12دَ عِيسَىٰ يَجِ وَنَّنْ سَيْيَثٜىٰ ‏«‏مَاسُ لَاڢِيَ بَاسَ بُڧَاتَرْ لِكِتَ، سَيْدَيْ مَرَسَ لَاڢِيَ؞ 13كُجٜىٰ كُكُواْيِ أَبِنْدَ وَنَّنْ يَكٜىٰنُڢِ، ‏‹‏جِنْڧَيْ نَكٜىٰسُواْ أَوُرِنْكُ، بَ هَدَايَبَ؞›‏ غَمَا بَنْ ذُواْ دُواْمِنْ إِنْ كِرَا مَاسُ أَدَلْثِے بَ، سَيْدَيْ دُواْمِنْ مَاسُ ذُنُوبِ؞»‏#مَتْ 12‏.7؛ يُوشْ 6‏.6

تَمْبَيَ عَكَنْ يِنْ أَظُمِ

﴿مَرْ 2‏.18‏-22؛ لُكْ 5‏.33‏-39﴾

14أَنَانً سَيْ أَلْمَجِرَنْ يَحْيَى مَيْ بَڢْتِسْمَ سُكَذُواْ وُرِنْ عِيسَىٰ سُكَثٜىٰ مَسَ ‏«‏مٜىٰيَسَا مُو دَ ڢَرِسِيَاوَا مُكَنْيِ أَظُمِ، عَمَّا أَلْمَجِرَنْكَ بَاسَيِ؟»‏

15سَيْ عِيسَىٰ يَأَمْسَ مُسُ يَثٜىٰ ‏«‏أَبُواْكَنْ أَنْ‌غُواْ ذَاسُيِ بَڧِنْ ثِكِ تُنْ أَنْ‌غُواْ يَنَ تَرٜىٰدَ سُونٜىٰ؟ أَيْ، ݣُونَكِے سُنَ ذُوَا دَ ذَاعَ طَوْكِ أَنْ‌غُوانْ عَبَرْسُ؞ أَ لُواْكَثِنْ نٜىٰ ذَاسُيِ أَظُمِ؞

16‏«‏بَاوَنْدَ ذَيْ يِڢَاثِنْ ڟُواْهُوَرْ رِغَا دَ سَابُوانْ يَدِ، غَمَا ڢَاثِنْ ذَيْ نَطٜىٰ رِغَرْ، يَاغٜىٰوَرْ مَا ذَاتَڢِ تَدَا؞ 17بَاوَنْدَ ذَيْ ظُبَ سَابُوانْ ضُوً إِنَبِے#9‏.17 ضُوً إِنَبِے: عَكَنْ سَامِ وَنَّنْ دَغَ یَیَنْ إِنَبِنْدَ عَكَ مَڟٜىٰ؞ أَنْ ثِكَ يِنْ أَمْڢَانِ دَ ضُوً إِنَبِے كَمَرْ ضُوً شَا عَڧَسَرْ إِسْرَٰٓءِيلَ؞ عَثِكِنْ ڟُواْڢَڢِّنْ سَلْكُنَ؞ عِدَنْ مَا أَنْظُبَ، سَلْكُنَنْ ذَاسُ ڢَشٜىٰ، ضُوً إِنَبِنْ كُمَ يَظُبٜىٰ، سَلْكُنَنْ كُمَ سُلَلَثٜىٰ؞ سَابُوانْ ضُوً إِنَبِے دَيْ، سَيْ أَ ظُبَشِ عَثِكِنْ سَابَبِّنْ سَلْكُنَ؞ دَ حَكَ بَذَاعَ رَسَ كُواْ ضُوً، كُواْ كُمَ سَلْكُنَنْ بَ؞»‏

یَرْ يَايِرُسْ دَ مَثٜىٰ مَيْ ظُبْدَ جِنِ

﴿مَرْ 5‏.21‏-43؛ لُكْ 8‏.40‏-56﴾

18 عِيسَىٰ يَنَ كَنْ غَيَ مُسُ حَكَ كٜىٰنَنْ، سَيْغَا وَنِ شُوغَبَنْ مَجَمِعَ يَذُواْ يَدُرْڧُسَ أَغَبَنْسَ يَثٜىٰ ‏«‏یَتَ تَمُتُ بَادَ جِمَاوَا بَ، كَذُواْ كَتَٻَتَ، ذَاتَ تَاشِ؞»‏

19 عِيسَىٰ كُوَ يَتَاشِ تَرٜىٰدَ أَلْمَجِرَنْسَ، سُكَبِے مُتُمِنْ؞

20سَيْغَا وَتَ مَثٜىٰ وَدَّ تَيِ شٜىٰكَرَا غُواْمَشَا بِيُ تَنَ ڢَامَ دَ ثِيوُانْ ظُبَرْدَ جِنِ، تَذُواْ تَبَايَنْسَ تَتَٻَ بَاكِنْ رِغَرْسَ، 21غَمَا تَاثٜىٰ أَ رَنْتَ ‏«‏عِدَنْ نَتَٻَ كُواْ دَ رِغَرْسَ كَوَيْ، ذَنْ وَرْكٜىٰ؞»‏

22دَ عِيسَىٰ يَجُويَ يَغَنْتَ، سَيْيَثٜىٰ ‏«‏كَدَ كِدَامُ یَتَ؞ بَنْ‌غَسْكِيَرْكِ تَوَرْكَرْ دَكٜىٰ؞»‏ نَنْ تَكٜىٰ مَاتَرْ تَوَرْكٜىٰ؞

23دَ عِيسَىٰ يَذُواْ غِدَنْ شُوغَبَنْ، يَغَ مَاسُ بُوسَ سَرٜىٰوَ دَ تَارُوانْ مُتَنٜىٰ أَنَ تَهَيَانِيَ؞ 24سَيْ يَثٜىٰ ‏«‏كُتَاشِ دَغَ نَنْ!‏ يَارِنْيَرْ بَتَمُتُبَ، تَنَ بَرْثِ نٜىٰ كَوَيْ؞»‏ سَيْ سُكَيِ مَسَ دَارِيَارْ رٜىٰنِ؞ 25عَمَّا دَ عَكَ كُواْرٜىٰسُ وَجٜىٰ، سَيْ يَشِغَ يَكَامَ حَنُّنْ يَارِنْيَرْ، سَيْ تَتَاشِ؞ 26لَابَرِنْ كُوَ يَبَظُو دُكْ ثِكِنْ وَنَّنْ يَنْكِ؞

عِيسَىٰ يَا وَرْكَرْ دَ مَكَڢِ دَ بٜىٰبٜىٰ

27 عِيسَىٰ يَنَ بَرِنْ وُرِنْ كٜىٰنَنْ، سَيْ مَكَڢِ بِيُ سُكَبِيشِ سُنَ كِرَا دَ ڧَرْڢِے سُنَ ثٜىٰوَ ‏«‏كَيِ مَنَ جِنْڧَيْ، يَا كَيْ طَنْ دَاوُدَ!‏»‏

28دَ عِيسَىٰ يَشِغَ وَنِ غِدَا سَيْ مَكَاڢِنْ سُكَذُواْ وُرِنْسَ، يَثٜىٰمُسُ ‏«‏كُنْ بَادَ غَسْكِيَ ذَنْعِيَ وَرْكَرْ دَكُو؟»‏

سُكَثٜىٰ مَسَ ‏«‏عِ، عُبَنْ‌غِجِ؞»‏

29سَعَنً يَتَٻَ عِدَنُونْسُ يَثٜىٰ ‏«‏بِسَغَ بَنْ‌غَسْكِيَرْكُ ذَاعَ وَرْكَرْدَكُو؞»‏ 30سَيْ عِدَنُونْسُ سُكَ بُوطٜىٰ؞ سَعَنً عِيسَىٰ يَجَا مُسُ كُنّٜىٰ سُواْسَيْ يَثٜىٰ ‏«‏كَدَ كُڢَطَا وَكُواْوَ وَنَّنْ؞»‏

31عَمَّا سُكَ ڢِتَ سُكَيِ تَبَظَ لَابَرِنْسَ كُواْعِنَ عَڧَسَرْ؞

32دَ ذَاسُتَڢِے، سَيْ عَكَ كَٰوُاْ وَنِ دَ أَلْجَنِ يَحَنَ شِ مَغَنَ؞ 33دَ عَكَ ڢِتَرْدَ أَلْجَنِنْ، وَنَّنْ دَ بَايَ عِيَ مَغَنَ كُوَ يَڢَارَ مَغَنَ؞ تَرُوانْ مُتَنٜىٰ كُوَ سُكَيِ مَامَاكِ سُكَثٜىٰ ‏«‏بَعَتَٻَ غَنِنْ وَنِ أَبُ كَمَرْ حَكَ عَ إِسْرَٰٓءِيلَ بَ؞»‏

34عَمَّا ڢَرِسِيَاوَا سُكَثٜىٰ ‏«‏أَيْ دَ إِيكُوانْ شُوغَبَنْ أَلْجَنُ نٜىٰ يَكٜىٰ ڢِتَرْدَ أَلْجَنُنْ؞»‏#مَتْ 10‏.25؛ 12‏.24؛ مَرْ 3‏.22؛ لُكْ 11‏.15

عِيسَىٰ يَا جِ تَوْسَيِنْ مُتَنٜىٰ

35دَغَ نَنْ عِيسَىٰ يَبِے دُكَنْ غَرُرُوَ دَ ڧَوْيُكَ، يَنَ كُواْيَرْوَا أَ مَجَمِعُ، يَنَ شٜىٰلَرْ لَابَرِ مَيْ دَاطِے نَمُلْكٍ اللَّهْ، يَنَ كُمَ وَرْكَرْدَ مُتَنٜىٰ دَغَ كُواْوَنٜىٰ إِرِنْ ثِيوُاْ دَ رَشِنْ لَاڢِيَ؞#مَتْ 4‏.23؛ مَرْ 1‏.39؛ لُكْ 4‏.44 36دَ يَغَ جَمَعَ سُنْ تَارُ دَيَوَ، سَيْ يَجِ تَوْسَيِنْسُ، غَمَا سُنَ شَنْ وَهَلَ كُمَبَا مَيْ تَيْمَكُواْ، كَمَرْ تُمَكِنْ دَ بَاسُدَ مَكِيَايِ؞#لِـ ڧِدْ 27‏.17؛ 1 سَرْ 22‏.17؛ 2 تَارْ 18‏.16؛ هِظْ 34‏.5؛ مَرْ 6‏.34 37سَيْيَثٜىٰ وَ أَلْمَجِرَنْسَ ‏«‏غِرْبِنْ يَنَدَ يَوَ، عَمَّا مَاسُ عَيْكِنْ كَطَنْ نٜىٰ؞ 38سَبُواْدَ حَكَ كُضُواْڧِ عُبَنْ‌غِجِنْ غِرْبِنْ يَعَيْكُواْ دَ مَاسُ عَيْكِ سُيِ مَسَ غِرْبِے؞»‏#لُكْ 10‏.2

Currently Selected:

مَتِيُ 9: hauAS

Highlight

Copy

Compare