مَتِيُ 8

عِيسَىٰ يَوَرْكَرْ دَ مَيْ ثُوتَرْ ڢَتَرْ جِكِے

﴿مَرْ 1‏.40‏-45؛ لُكْ 5‏.12‏-16﴾

1دَ عِيسَىٰ يَسَوْكُواْ دَغَ تُدُنْ، مُتَنٜىٰ دَيَوَ سُكَبِيشِ؞ 2سَيْ وَنِ مَيْ ثُوتَرْ ڢَتَرْ جِكِے، يَذُواْ وُرِنْسَ يَدُرْڧُسَ أَغَبَنْسَ يَثٜىٰ ‏«‏عُبَنْ‌غِجِ، عِدَنْ كَايَرْدَ كَنَ عِيَ كَڟَبْتَثٜىٰنِ إِنْذَمَ مَرَرْ ڧَظَنْتَا؞»‏#8‏.2 كَڟَبْتَثٜىٰنِ: بِسَغَ أَدِّينِنْ يَهُودَاوَا مَيْ ثُوتَرْ ڢَتَرْ جِكِے مَيْ ڧَظَنْتَا نٜىٰ، بَايَ عِيَ يَشِغَ هَيْكَلِ؞ 3سَيْ عِيسَىٰ يَمِيڧَ حَنُّنْسَ يَتَٻَ شِ يَنَ ثٜىٰوَ ‏«‏نَايَرْدَ، نَا ڟَبْتَثٜىٰكَ، كَاذَمَ مَرَرْ ڧَظَنْتَا؞»‏ نَنْ دَ نَنْ ثُوتَرْ ڢَتَرْ جِكِنْسَ تَوَرْكٜىٰ؞ 4سَيْ عِيسَىٰ يَثٜىٰ مَسَ ‏«‏كَلُورَ ڢَا، كَدَ كَڢَطَا وَكُواْوَ أَبِنْدَ يَڢَرُ، عَمَّا كَجٜىٰ كَنُونَ كَنْكَ أَوُرِنْ ڢِرِسْتِ، كَكُمَ بَادَ بَيْكُواْ يَدَّ كُواْيَرْوَرْ مُوسَٰى تَثٜىٰ؞ كَيِ حَكَ دُواْمِنْ عَتَبَّتَرْوَ جَمَعَ ثٜىٰوَ كَوَرْكٜىٰ؞»‏#لِـ ڢِرْ 14‏.1‏-32

عِيسَىٰ يَوَرْكَرْ دَ مَيْ حِدِمَرْ بَبَّنْ سُواْجَنْ رُواْمَ

﴿لُكْ 7‏.1‏-10﴾

5دَ عِيسَىٰ يَشِغَ كَڢَرْنَهُمْ، سَيْ وَنِ بَبَّنْ سُواْجَنْ رُواْمَ يَذُواْ وُرِنْسَ يَنَ ضُواْڧُوانْسَ يَنَ ثٜىٰوَ

6‏«‏عُبَنْ‌غِجِ، مَيْيِ مِنِ حِدِمَ يَنَ ݣُونْثٜىٰ أَغِدَا، بَا يَ عِيَ مُواْڟِ مَا، يَنَ شَنْ وَهَلَ سُواْسَيْ؞»‏

7 عِيسَىٰ كُوَ يَثٜىٰ مَسَ ‏«‏ذَنْ ذُواْ إِنْ وَرْكَرْ دَشِ؞»‏

8سَيْ بَبَّنْ سُواْجَنْ رُواْمَنْ يَأَمْسَ يَثٜىٰ ‏«‏عُبَنْ‌غِجِ، بَنْ إِسَ كَذُواْ غِدَانَبَ، عَمَّا كَيِ مَغَنَ كَوَيْ، شِے مَيْ يِمِنِ حِدِمَرْ ذَيْ وَرْكٜىٰ؞ 9غَمَا نِے مَا عَڧَرْڧَشِنْ إِيكُوانْ وَنِ نَكٜىٰ، كُمَ إِنَدَ سُواْجُواْجِ عَڧَرْڧَشِنَ، نَكَنْثٜىٰ وَوَنَّنْ، ‏‹‏جٜىٰكَ،›‏ سَيْ يَجٜىٰ، وَنِ كُوَ إِنْ ثٜىٰمَسَ، ‏‹‏ذُواْ،›‏ سَيْيَذُواْ، إِنْثٜىٰ وَبَاوَنَ، ‏‹‏يِ أَبُ كَاظَا،›‏ سَيْيَيِ؞»‏

10دَ عِيسَىٰ يَجِ حَكَ سَيْ يَيِ مَامَاكِ، سَيْيَثٜىٰ وَمَاسُبِنْسَ ‏«‏حَڧِيڧَ إِنَ غَيَ مُكُ، عَثِكِنْ إِسْرَٰٓءِيلَ بَنْ تَٻَ سَامُنْ مَيْ بَنْ‌غَسْكِيَ مَيْ ڧَرْڢِے كَمَرْ وَنَّنْبَ؞ 11إِنَ غَيَ مُكُ دَيَوَ ثِكِنْ مَاسُ بَنْ‌غَسْكِيَ إِرِنْ وَنَّنْ ذَاسُذُواْ دَغَ غَبَسْ دَ يَمَّ سُذَوْنَ سُثِ بِكِ تَرٜىٰدَ إِبْرَٰهِيمْ دَ إِسْحَٰڧَ دَ يَعْڧُوبَ أَمُلْكٍ سَمَ؞#لُكْ 13‏.29 12عَمَّا وَطَنْدَ يَا كَمَاتَ سُذَمَ مُتَنٜىٰنْ اللَّهْ، سُكَ كُوَ ڧِ، ذَاعَ جٜىٰڢَسُ عَثِكِنْ بَڧِنْ دُهُ، عِنْدَ ذَاعَيِ كُوكَا دَ ثِظُوانْ هَڧُواْرَ؞»‏#مَتْ 22‏.13؛ 25‏.30؛ لُكْ 13‏.28 13سَيْ عِيسَىٰ يَثٜىٰ وَبَبَّنْ سُواْجَنْ رُواْمَنْ ‏«‏كَجٜىٰ، ذَاعَيِ مَكَ بِسَغَ بَنْ‌غَسْكِيَرْكَ؞»‏ نَنْ دَنَنْ مَيْيِ مَسَ حِدِمَرْ يَوَرْكٜىٰ؞

عِيسَىٰ يَوَرْكَرْ دَ مَامَرْ مَاتَرْ بِتْرُسْ

﴿مَرْ 1‏.29‏-31؛ لُكْ 4‏.38‏-39﴾

14دَ عِيسَىٰ يَشِغَ غِدَنْ بِتْرُسْ، سَيْ يَغَ مَامَرْ مَاتَرْ بِتْرُسْ عَݣُونْثٜىٰ، ظَظْذَاٻِ يَنَدَامُنْتَ؞ 15سَيْ يَتَٻَ حَنُّنْتَ، ظَظْذَاٻِنْ كُوَ يَبَرْتَ، سَيْ تَتَاشِ تَيِمَسَ حِدِمَ؞

عِيسَىٰ يَوَرْكَرْ دَ مُتَنٜىٰ دَ يَوَ

﴿مَرْ 1‏.32‏-34؛ لُكْ 4‏.40‏-41﴾

16دَ يَمَّ تَيِ، مُتَنٜىٰ سُكَ كَٰوُاْ وَ عِيسَىٰ مَاسُ أَلْجَنُ دَيَوَ، يَكُوَ ڢِتَرْدَ أَلْجَنُنْ تَوُرِنْ يِنْ مَغَنَ كَوَيْ؞ يَا كُمَ وَرْكَرْدَ دُكْ مَرَسَ لَاڢِيَ؞ 17يَا يِوَنَّنْ دُواْمِنْ عَثِكَ أَبِنْدَ عَكَ ڢَطَا تَبَاكِنْ أَنَّبِے عِشَايَ ثٜىٰوَ

‏«‏يَا طَوْكٜىٰ ثُوتُتُّكَنْمُ،

يَا كَوَرْدَ دُكْ رَشِنْ لَاڢِيَرْمُ؞»‏#عِشـ 53‏.4

مَاسُ ثٜىٰوَ ذَاسُبِے عِيسَىٰ

﴿لُكْ 9‏.57‏-62﴾

18دَ عِيسَىٰ يَغَ بَبَّنْ تَارُوانْ مُتَنٜىٰ كٜىٰوَيٜىٰ دَشِ، سَيْ يَسَا أَ حَيٜىٰ ذُوَا وَنْثَنْ غٜىٰڢٜىٰنْ تٜىٰكُنْ؞ 19سَيْ وَنِ مَلَمِنْ كُواْيَرْوَرْ مُوسَٰى يَذُواْ يَثٜىٰ مَسَ ‏«‏مَلَمْ، ذَنْبِيكَ دُكْ عِنْدَ ذَاكَ؞»‏

20سَيْ عِيسَىٰ يَثٜىٰ مَسَ ‏«‏كَرْنُكَنْ دَاجِ سُنَدَ رَامُكَنْسُ، ڟُنْڟَيٜىٰ كُمَ سُنَدَ وُرِنْ ݣُونَنْسُ؞ عَمَّا طَنْ مُتُمْ بَاشِدَ وُرِنْ دَ ذَيْسَا كَنْسَ؞»‏

21وَنِ دَغَ ثِكِنْ أَلْمَجِرَنْسَ يَثٜىٰمَسَ ‏«‏عُبَنْ‌غِجِ، بَرِ إِنْجٜىٰ إِنْبِنّٜىٰ بَابَنَ تُكُنَ؞»‏

22عَمَّا عِيسَىٰ يَثٜىٰ مَسَ ‏«‏بِينِ، بَرِ مَتَتُّو سُبِنّٜىٰ یَنْعُوَنْسُ مَتَتُّو؞»‏

عِيسَىٰ يَڟَاوَتَا وَبَبَّنْ هَدَرِ

﴿مَرْ 4‏.35‏-41؛ لُكْ 8‏.22‏-25﴾

23دَ يَشِغَ جِضْغٍ ضُوَ، سَيْ أَلْمَجِرَنْسَ سُكَبِيشِ؞ 24سَيْ بَبَّنْ هَدَرِ مَيْ إِسْكَ يَتَاسُواْ عَتٜىٰكُنْ حَرْ ضُوً يَنَ تَاشِ يَنَ شِغَ ثِكِنْ جِضْغٍ، عَمَّا عِيسَىٰ يأَنَانً يَنَ بَرْثِ؞ 25سَيْ سُكَجٜىٰ سُكَ تَاشٜىٰشِ سُكَثٜىٰ ‏«‏عُبَنْ‌غِجِ، كَثٜىٰثٜىٰمُ، ذَامُ هَلَّكَ!‏»‏

26سَيْ يَثٜىٰ مُسُ ‏«‏دُوانْمٜىٰ كُكَجِڟُواْرُواْ حَكَ، يَا كُو مَاسُ ڧَرَمَرْ بَنْ‌غَسْكِيَ؟»‏ سَيْ يَتَاشِ يَڟَاوَتَاوَ إِسْكَرْ دَ كُمَ تٜىٰكُنْ، سَيْ وُرِنْ دُكْ يَيِ ڟِتْ!‏

27مُتَنٜىٰ سُكَيِ مَامَاكِ سُكَثٜىٰ ‏«‏وَنٜىٰ إِرِنْ مُتُمْ نٜىٰ وَنَّنْ، وَنْدَ حَرْ إِسْكَ مَا دَ تٜىٰكُ سُنَيِ مَسَ بِيَيَّ؟»‏

عِيسَىٰ يَوَرْكَرْ دَ مَاسُ أَلْجَنُ

﴿مَرْ 5‏.1‏-20؛ لُكْ 8‏.26‏-39﴾

28دَ عِيسَىٰ يَكَيْ طَيَ هَيِنْ، ذُوَا يَنْكِنْ غَضَسِنَاوَا،#8‏.28 غَضَسِنَاوَا: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ غَدَرَ كُواْ غٜىٰرْغٜىٰسٜىٰنَ نٜىٰ أَنَنْ؞ سَيْ مُتُمْ بِيُ مَاسُ أَلْجَنُ سُكَ ڢِتُواْ دَغَ وُرِنْ دَ عَكٜىٰ بِنّٜىٰ مُتَنٜىٰ سُكَ سَدُ دَشِ؞ سُنْ ذَمَ أَبِنْ ڟُواْرُواْ سُواْسَيْ حَرْ مَا بَا مَيْ عِيَ بِنْ وَنَّنْ حَنْيَرْ؞ 29نَنْ دَنَنْ سَيْ سُكَيِ إِيهُ سُكَثٜىٰ ‏«‏إِنَا ضُوَنْكَ دَمُو، يَا طَنْ اللَّهْ؟ كُواْ كَا ذُواْ نٜىٰ دُواْمِنْ كَبَامُ وَهَلَ تُنْ كَاڢِنْ لُواْكَثِ يَيِ؟»‏

30غَبَ كَطَنْ كُوَ أَݣَويْ وَنِ بَبَّنْ غَرْكٜىٰنْ أَلَدُ سُنَ كِيوُاْ؞ 31أَلْجَنُنْ سُكَ ضُواْڧٜىٰشِ سُكَثٜىٰ ‏«‏عِدَنْ كَڢِتَرْ دَمُو، كَسَا مُشِغَ ثِكِنْ غَرْكٜىٰنْ أَلَدُنَّنْ؞»‏

32سَيْ يَثٜىٰ مُسُ ‏«‏تُواْ، كُتَڢِے؞»‏ سَيْ سُكَ ڢِتَ سُكَ شِغَ ثِكِنْ أَلَدُنْ، سَيْ غَرْكٜىٰنْ أَلَدُنْ غَبَاطَيَ سُكَتَاشِ أَغُجٜىٰ سُكَ غَنْ‌غَرَ، سُكَ ڢَاطَ ثِكِنْ تٜىٰكُنْ، سُكَ مُتُ ثِكِنْ ضُوً؞

33مَكِيَايَنْ أَلَدُنْ كُوَ سُكَ غُدُ دَ سُكَ شِغَ غَرِ سَيْ سُكَ بَادَ لَابَرِنْ أَبِنْدَ يَڢَرُ دَ مَاسُ أَلْجَنُنْ؞ 34سَيْ دُكْ مُتَنٜىٰنْ غَرِنْ سُكَ ڢِتُواْ دُواْمِنْ سُتَرْيِ عِيسَىٰ؞ دَ سُكَ غَنْشِ، سَيْ سُكَ ضُواْڧٜىٰشِ يَبَرْ يَنْكِنْسُ؞

Currently Selected:

مَتِيُ 8: hauAS

Highlight

Copy

Compare