مَتِيُ 6
6
كُواْيَرْوَا عَكَنْ بَادَ بَيْكُواْ
1«كُيِ حَنْكَلِ كَدَ أَيُّكَنْ أَدَلْثِنْكُ يَذَمَ نَغَنِنْ عِدُواْ؞ دُواْمِنْ عِدَنْ كُكَيِ حَكَ، بَذَاكُ سَامِ لَادَ أَوُرِنْ عُبَنْكُ نَسَمَبَ؞#مَتْ 23.5
2«سَبُواْدَ حَكَ، عِدَنْ ذَاكَ بَادَ سَدَكَ، كَدَ كَيِ تَسُرُتُ عَكَيْ، يَدَّ مُنَاڢُكَيْ سُكٜىٰيِ أَ مَجَمِعُ دَ كُمَ عَكَنْ هَنْيُواْيِ دُواْمِنْ مُتَنٜىٰ سُيَبٜىٰسُ؞ حَڧِيڧَ إِنَ غَيَ مُكُ، سُنْ رِغَا سُنْ سَامِ لَادَنْسُ كٜىٰنَنْ؞ 3عَمَّا عِدَنْ ذَاكَيِ وَوَنِ مَيْ بُڧَاتَ سَدَكَ، كَدَ كَبَرْ حَنُّنْكَ نَهَغُ يَسَنْ أَبِنْدَ حَنُّنْكَ نَدَمَ يَكٜىٰيِ، 4دُواْمِنْ سَدَكَرْدَ كَكٜىٰيِ تَكَسَنْثٜىٰ عَٻُواْيٜىٰ، عُبَنْكَ كُوَ دَيَكٜىٰ غَنِنْ دُكَنْ أَبِنْدَ عَكٜىٰيِ عَٻُواْيٜىٰ، ذَيْبَاكَ لَادَ؞»
كُواْيَرْوَا عَكَنْ أَدُّعَ
﴿لُكْ 11.2-4﴾
5«كُمَ عِدَنْ ذَاكُيِ أَدُّعَ، كَدَ كُذَمَ كَمَرْ مُنَاڢُكَيْ، مَاسُ سُوانْ يِنْ أَدُّعَ أَڟَيٜىٰ عَثِكِنْ مَجَمِعُ دَ كُمَ كَنْ حَنْيَ دُواْمِنْ مُتَنٜىٰ سُغَنْسُ؞ حَڧِيڧَ إِنَ غَيَ مُكُ، سُنْ رِغَا سُنْ سَامِ لَادَنْسُ؞#لُكْ 18.10-14 6عَمَّا عِدَنْ ذَاكَيِ أَدُّعَ، كَشِغَ طَاكِ كَرُڢٜىٰ ڧُواْڢَ، كَيِ أَدُّعَ غَ عُبَنْكَ وَنْدَ بَعَغَنِ، عُبَنْكَ كُمَ وَنْدَ يَكٜىٰ غَنِ عَٻُواْيٜىٰ ذَيْبَاكَ لَادَ؞
7«عِدَنْ كُنَ أَدُّعَ، كَدَ كُيِ دُواْغُوانْ سُورُوتُ كَمَرْ وَطَنْدَ بَسُ سَنْ اللَّهْ بَ، وَطَنْدَ سُكٜىٰ ڟَمَّنِ عِدَنْ سُكَيِ دُواْغُوانْ سُورُوتُنٜىٰ ذَاعَ جِيسُ؞ 8كَدَ كُيِ كَمَرْسُ، غَمَا عُبَنْكُ يَا سَنْ أَبِنْدَ كُكٜىٰ بُڧَاتَ كَاڢِنْ مَا كُضُواْڧٜىٰشِ؞ 9سَيْ كُيِ أَدُّعَ كَمَرْ حَكَ؞
« ‹عُبَنْمُ وَنْدَ يَكٜىٰ ثِكِنْ سَمَ،
عَكِيَايٜىٰ سُونَنْكَ دَ ڟَرْكِے؞
10مُلْكِنْكَ يَذُواْ،
بَرِ عَيِ نُڢِنْكَ عَثِكِنْ دُونِيَا،
كَمَرْ يَدَّ عَكٜىٰيِنْسَ عَثِكِنْ سَمَ؞
11كَبَامُ عَبِنْثِنْ يَوْ دَ كُلُّمْ؞
12كَغَاڢَرْتَا مَنَ لَيْڢُواْڢِنْمُ،
كَمَرْ يَدَّ مُكٜىٰ غَاڢَرْتَاوَا وَطَنْدَ سُكٜىٰيِ مَنَ لَيْڢِے؞
13كَدَ كَكَيْمُ ثِكِنْ جَرَّبَ،
عَمَّا كَڟَرٜىٰمُ دَغَ مُوغُنَّنْ؞›
14«غَمَا عِدَنْ كُكَ غَاڢَرْتَا وَ وَطَنْدَ سُكَيِ مُكُ لَيْڢِے، عُبَنْكُ نَسَمَ مَا ذَيْ غَاڢَرْتَا مُكُ؞ 15عَمَّا عِدَنْ كُوَ بَكُ غَاڢَرْتَا وَمُتَنٜىٰبَ، حَكَمَا عُبَنْكُ بَذَيْ غَاڢَرْتَا مُكُ لَيْڢُواْڢِنْكُبَ؞»#مَرْ 11.25-26
كُواْيَرْوَا عَكَنْ أَظُمِ
16«عِدَنْ كُنَ أَظُمِ، كَدَ كُٻَاتَ ڢُسْكَ كَمَرْ يَدَّ مُنَاڢُكَيْ سُكٜىٰيِ؞ سُو دَيْ سُكَنْ ٻَاتَ ڢُسْكَرْسُ دُواْمِنْ سُنُونَ وَمُتَنٜىٰ ثٜىٰوَ سُنَ أَظُمِ؞ حَڧِيڧَ إِنَ غَيَ مُكُ، سُنْ رِغَا سُنْ سَامِ لَادَنْسُ كٜىٰنَنْ؞ 17عَمَّا عِدَنْ كَنَ أَظُمِ، كَوَنْكٜىٰ ڢُسْكَرْكَ، كَشَاڢَ مَيْ عَكَنْكَ، 18دُواْمِنْ كَدَ أَغَا كَنَ أَظُمِ؞ عُبَنْكَ وَنْدَ بَعَغَنِ، وَنْدَ كُمَ يَكٜىٰ غَنِنْ أَبِنْدَ عَكٜىٰيِ عَٻُواْيٜىٰ، ذَيْبَاكَ لَادَ؞
كُواْيَرْوَا عَكَنْ تَارَ دُوكِيَ أَسَمَ
﴿لُكْ 12.33-34﴾
19«كَدَ كُتَارَ وَكَنْكُ دُوكِيَ عَدُونِيَا عِنْدَ غَضَ دَ ڟَاڟَا ذَاسُ لَلَتَرْدَ عِتَ، عِنْدَ كُمَ ٻَرَيِ ذَاسُ عِيَ شِغَ سُيِسَاتَا؞#يَعْڧـ 5.2-3 20سَيْ دَيْ كُتَارَ وَكَنْكُ دُوكِيَ أَ سَمَ، عِنْدَ غَضَ كُواْ ڟَاڟَا بَذَاسُ لَلَتَرْدَ عِتَبَ، عِنْدَ كُمَ ٻَرَيِ بَذَاسُ شِغَ سُيِسَاتَا بَ؞ 21غَمَا عِنْدَ دُوكِيَرْكَ تَكٜىٰ، عَثَنْ ذُوثِيَارْكَ تَكٜىٰ؞
ڢِتِلَرْ جِكِے
﴿لُكْ 11.34-36﴾
22«عِدُواْ شِينٜىٰ ڢِتِلَرْ جِكِے، عِدَنْ عِدُوانْكَ يَنَدَ لَاڢِيَ، دُكَنْ جِكِنْكَ مَا ذَيْثِكَ دَ حَصْكٜىٰ؞ 23عَمَّا عِدَنْ عِدُوانْكَ بَا لَاڢِيَ، دُكَنْ جِكِنْكَ ذَيْرَسَ حَصْكٜىٰ؞ عِدَنْ حَصْكٜىٰنْ جِكِنْكَ يَا ذَمَ دُهُ، لَلَّيْ دُهُنْ ذَيْ يِيَوَ!
بَوْتَرْ اللَّهْ كُواْ بَوْتَرْ دُوكِيَ
﴿لُكْ 16.13﴾
24«بَا وَنْدَ ذَيْ عِيَ بَوْتَاوَ شُوغَبَنِّ بِيُ، كُواْ دَيْ يَڧِ طَيَ يَسُواْ طَيَ، كُواْ يَيِ وَطَيَنْ أَمِنْثِ يَرٜىٰنَ طَيَنْ؞ بَا دَامَ كُسَا رَنْكُ غَ بِنْ اللَّهْ كُكُمَسَا غَ بِنْ كُطِ دُكْ غَبَاطَيَ؞
دُواْغَضَ غَ عُبَنْغِجِ
﴿لُكْ 12.22-31﴾
25«سَبُواْدَ حَكَ إِنَ غَيَ مُكُ، كَدَ كُدَامُ دَ يَدَّ ذَاكُ رَايُ غَمٜىٰدَ أَبِنْدَ ذَاكُثِ كُواْ أَبِنْدَ ذَاكُشَا، كُواْ كُمَ يَدَّ ذَاكُسَامِ رِيغُنَ دُواْمِنْ جِكِنْكُ؞ رَيْ بَيْڢِے عَبِنْثِ بَ؟ كُمَ جِكِے بَيْڢِے كَايَنْ دَ ذَاكُسَا بَ؟ 26كُدُوبِے ڟُنْڟَيٜىٰ مَنَ، بَاسَ شُوكَ، بَاسَ غِرْبِے، بَاسَتَارَوَ أَ ضُمْبُنَ؞ دُكْدَهَكَ عُبَنْكُ نَسَمَ نٜىٰ يَكٜىٰ ثِيَرْدَسُ؞ بَكُڢِسُ دَرَجَبَ؟ 27وَنٜىٰنٜىٰ عَثِكِنْكُ تَوُرِنْ دَامُوَرْسَ ذَيْ عِيَ ڧَارَ وَكَنْسَ كُواْ أَوَ طَيَ غَ ݣُونَكِنْ رَايُوَرْسَ؟#6.27 ڧَارَ وَكَنْسَ كُواْ أَوَ طَيَ غَ ݣُونَكِنْ رَايُوَرْسَ: وَنِ جُويِ نَوَطَنَّنْ كَلْمُواْمِنْ شِينٜىٰ «ڧَارَ وَكَنْسَ كُواْ كَمُ طَيَ غَ ڟَوُانْسَ؞»
28«كُمَ دُوانْمٜىٰ كُكٜىٰ دَامُوَ غَمٜىٰدَ كَايَنْ دَ ذَاكُسَا؟ كُدُوبِے ڢُلَوَرْ دَاجِ يَدَّ سُكٜىٰ غِرْمَ مَنَ، بَاسَ عَيْكِ كُواْ سَاڧَ كُواْمٜىٰ؞ 29دُكْدَهَكَ إِنَ غَيَ مُكُ، كُواْ سَرْكِے سُلَيْمَٰنُ دَ دُكَنْ دَرَجَرْسَ، بَيْتَٻَ أَدُواْ كَمَرْ طَيَ دَغَ ثِكِنْسُبَ؞#1 سَرْ 10.4-7؛ 2 تَارْ 9.3-6 30تُواْ، عِدَنْ حَرْ اللَّهْ ذَيْ يِوَثِيَوَرْ دَاجِ أَدُواْ حَكَ وَطَنْدَ سُكٜىٰ نَنْ يَوْ، غُواْبٜىٰ كُوَ عَڧُواْنٜىٰسُ، بَلّٜىٰكُ؟ يَا كُو مَرَسَ بَنْغَسْكِيَ!
31«سَبُواْدَ حَكَ كَدَ كُدَامُ دَ ثٜىٰوَ ‹مٜىٰ ذَامُثِ؟› كُواْ، ‹مٜىٰ ذَامُشَا؟› كُواْ، ‹مٜىٰ ذَامُسَا؟› 32غَمَا وَطَنْدَ بَسُ سَنْ اللَّهْ بَ، سُونٜىٰ سُكٜىٰ نٜىٰمَنْ وَطَنَّنْ أَبُبُوَنْ؞ عُبَنْكُ نَسَمَ كُوَ يَاسَنْ كُنَ بُڧَاتَرْ دُكْ وَطَنَّنْ أَبُبُوَنْ؞ 33مُهِمِّنْ أَبُ نَڢَرْكُواْ شِينٜىٰ كُمِيڧَ كَنْكُ غَا أَلْعَمُرَنْ مُلْكِنْسَ دَ كُمَ عَيْكَتَ أَدَلْثِنْسَ، ذَاعَ كُوَ بَاكُ حَرْ دَ وَطَنَّنْ أَبُبُوَنْ مَا؞ 34سَبُواْدَ حَكَ كَدَ كُدَامُ دُواْمِنْ غُواْبٜىٰ، غَمَا غُواْبٜىٰ يَنَ ذُوَا دَ وَهَلُواْلِنْسَ، وَهَلُواْلِنْ يَوْ سُنْ إِشٜىٰكُ دُواْمِنْ يَوْ؞
Currently Selected:
مَتِيُ 6: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
