مَتِيُ 7
7
كَدَ كُبَا كُواْوَ لَيْڢِ
﴿لُكْ 6.37-38،41-42﴾
1«كَدَ كُيَنْكٜىٰ وَكُواْوَ حُكُنْثِ، دُواْمِنْ كَدَ عَيَنْكٜىٰ مُكُ؞ 2غَمَا دَ إِرِنْ شَرِيعَرْ دَ كُكٜىٰيِ وَمُتَنٜىٰ دَ عِتَ ذَاعَيِ مُكُ شَرِيعَ؞ مُودُنْ دَ كُكٜىٰ عَوْنَاوَا مُتَنٜىٰ دَشِ دَشِے ذَاعَ عَوْنَ مُكُ؞#مَرْ 4.24 3دُوانْمٜىٰ كَكٜىٰ غَنِنْ طَنْ ڟِنْكٜىٰنْ دَيَكٜىٰ ثِكِنْ عِدُوانْ طَنْعُوَنْكَ، عَمَّا بَكَ كُلَ دَ غُنْغُمٜىٰنْ دَيَكٜىٰ ثِكِنْ عِدُوانْكَ بَ؟ 4كُواْ كُمَ يَيَ ذَاكَثٜىٰ وَطَنْعُوَنْكَ، ‹بَرِ إِنْ ثِرٜىٰ طَنْ ڟِنْكٜىٰنْ دَيَكٜىٰ ثِكِنْ عِدُوانْكَ،› بَايَنْ غُنْغُمٜىٰ يَنَ ثِكِنْ نَاكَ عِدُوانْ؟ 5كَيْ مُنَاڢُكِ، كَثِرٜىٰ غُنْغُمٜىٰنْ دَيَكٜىٰ ثِكِنْ عِدُوانْكَ تُكُنَ، دُواْمِنْ كَاعِيَ غَنِ سُواْسَيْ يَدَّ ذَاكَ ثِرٜىٰ طَنْ ڟِنْكٜىٰنْ دَيَكٜىٰ ثِكِنْ عِدُوانْ طَنْعُوَنْكَ؞
6«كَدَ كُبَا كَرْنُكَ أَبُ مَيْ ڟَرْكِے، كَدَ كُمَ كُبَا أَلَدُ لُعُلُعُنْكُ مَاسُ دَرَجَ؞ غَمَا ذَاسُ تَتَّاكَ، سُكُمَ جُويَا سُجِ مُكُ ثِيوُاْ؞»
كُضُواْڧَا، كُنٜىٰمَ، كُڨُونْڨُوسَ
﴿لُكْ 11.9-13﴾
7«كُيِ تَضُواْڧُواْ ذَاعَ بَاكُ، كُيِ تَنٜىٰمَ ذَاكُ سَامُ؞ كُيِ تَڨُونْڨُوسَاوَا كُمَ ذَاعَ بُوطٜىٰ مُكُ؞ 8غَمَا دُكْ وَنْدَ يَضُواْڧَا ذَاعَ بَاشِ، دُكْ وَنْدَ يَنٜىٰمَ ذَيْسَامُ، كُمَ دُكْ وَنْدَ يَڨُونْڨُوسَ ذَاعَ بُوطٜىٰ مَسَ؞ 9كُواْ أَݣَويْ وَنِ عَثِكِنْكُ، كُو عُبَنِّ، وَنْدَ عِدَنْ طَنْسَ يَضُواْڧٜىٰشِ غُرَاسَ، سَيْ يَبَا شِ دُوڟٜىٰ؟ 10كُواْ كُمَ عِدَنْ طَنْ يَضُواْڧٜىٰشِ كِيڢِ، سَيْ يَبَا شِ مَثِيجِ؟ 11عِدَنْ كُو دَ كُكٜىٰ مُوغَيٜىٰ كُنْ سَنْ يَدَّ ذَاكُبَا یَیَنْكُ أَبُبُوَ مَاسُ ݣَوْ، بَلّٜىٰ ڢَا عُبَنْكُ نَسَمَ، أَيْ، ذَيْبَادَ أَبُبُوَ مَاسُ ݣَوْ غَ وَطَنْدَ سُكَ ضُواْڧٜىٰشِ!
12«دُكْ أَبِنْدَ كُكٜىٰسُواْ مُتَنٜىٰ سُيِ مُكُ سَيْ كُو مَا كُيِ مُسُ، غَمَا وَنَّنْ شِينٜىٰ مَنُڢَرْ كُواْيَرْوَرْ مُوسَٰى دَ تَأَنَّبَوَ؞»#لُكْ 6.31
ڧَرَمَرْ ڧُواْڢَ
﴿لُكْ 13.24﴾
13«كُشِغَ تَڧَرَمَرْ ڧُواْڢَ، غَمَا ڧُواْڢَرْ ذُوَا هَلَّكَ تَنَدَ ڢَاطِ؞ كُمَ حَنْيَرْتَ تَنَدَ سَوْڧِنْ بِے، مَاسُ شِغَ ثِكِنْتَ كُمَ سُنَدَ يَوَ؞ 14عَمَّا ڧُواْڢَرْ ذُوَا رَيْ، ڧَرَمَثٜىٰ؞ حَنْيَرْتَ كُمَ دَ وُيَرْ بِے؞ مَاسُبِنْتَ كُمَ بَاسُ دَيَوَ؞»
عَكَنْ غَانٜىٰ إِتَاثٜىٰ تَ إِرِنْ یَیَنْسَ
﴿لُكْ 6.43-44﴾
15«كُيِ حَنْكَلِ دَ أَنَّبَاوَنْ ڧَضْيَا وَطَنْدَ سُكٜىٰ ذُوَا وُرِنْكُ دَ كَمَنِّنْ تُمَكِ، عَمَّا عَثِكِ سُو ݣَرْكٜىٰتَيْ نٜىٰ مَاسُ ڟَنَنِنْ يُنْوَ؞ 16ذَاكُ غَانٜىٰسُ تَ إِرِنْ عَيْكِنْسُ؞ ذَاعَ عِيَ سَامُنْ یَیَنْ إِنَبِے دَغَ جِكِنْ ڧَيَ؟ كُواْ كُوَ أَ سَامِ ٻَوْرٜىٰ دَغَ جِكِنْ إِتَاثٜىٰنْ ڧَيَ؟
17«حَكَكُمَ كُواْوَنٜىٰ إِتَاثٜىٰ مَيْݣَوْ يَكَنْ بَادَ یَیَ مَاسُ ݣَوْ، إِتَاثٜىٰ مَرَرْ ݣَوْ كُوَ يَكَنْ بَادَ یَیَ مَرَرْ ݣَوْ؞ 18إِتَاثٜىٰ مَيْݣَوْ بَذَيْ عِيَ بَادَ مُنَانَنْ یَیَبَ، حَكَكُمَ مُومُّنَنْ إِتَاثٜىٰ بَذَيْ عِيَ بَادَ یَیَ مَاسُ ݣَوْبَ؞ 19دُكْ إِتَاثٜىٰنْ دَ بَايَ بَادَ یَیَ مَاسُ ݣَوْ، سَيْ أَسَارٜىٰشِ أَ جٜىٰڢَرْ عَثِكِنْ وُتَا؞#مَتْ 3.10؛ لُكْ 3.9 20سَبُواْدَ حَكَ دَ إِرِنْ عَيْكِنْ أَنَّبَاوَنْ ڧَضْيَارْ نَنْ ذَاكُ غَانٜىٰسُ؞#مَتْ 12.33
بَنْ تَٻَ سَنِنْكُبَ
﴿لُكْ 13.25-27﴾
21«بَدُكْ مَيْ ثٜىٰمِنِ ‹عُبَنْغِجِ، عُبَنْغِجِ› نٜىٰ ذَيْ شِغَ مُلْكٍ سَمَبَ؞ سَيْ دَيْ وَنْدَ يَيِ أَبِنْدَ عُبَانَ وَنْدَ يَكٜىٰ ثِكِنْ سَمَ يَكٜىٰسُواْ؞ 22أَ رَانَرْ نَنْ مُتَنٜىٰ دَيَوَ ذَاسُثٜىٰ مِنِ ‹عُبَنْغِجِ، عُبَنْغِجِ!› بَمُيِ وَعَظِ ثِكِنْ سُونَنْكَبَ؟ بَمُكُواْرِ أَلْجَنُ ثِكِنْ سُونَنْكَ بَ؟ بَمُيِ أَيُّكَنْ بَنْ مَامَاكِ دَيَوَ ثِكِنْ سُونَنْكَبَ؟ 23سَعَنً ذَنْثٜىٰ مُسُ، ‹نِے بَنْتَٻَ سَنِنْكُبَ؞ كُرَبُ دَنِے، كُو مَاسُ يِنْ مُغُنْتَا؞›#زَبُو 6.9
مُتَنٜىٰ بِيُ مَاسُ غِنِ
﴿لُكْ 6.47-49﴾
24«سَبُواْدَ حَكَ دُكْ وَنْدَ يَجِ وَنَّنْ مَغَنَ تَاوَ، يَكُمَيِ أَمْڢَانِ دَ عِتَ، ذَيْ ذَمَ كَمَرْ مَيْ حِكِمَ وَنْدَ يَغِنَ غِدَنْسَ عَكَنْ دُوڟٜىٰ؞ 25دَ ضُوَ يَسَوْكُواْ، كُواْغُنَ سُكَيِ أَمْبَلِيَ، إِسْكَ تَتَاسُواْ تَبُغَ غِدَنْ، عَمَّا بَيْ ڢَاطِبَ، دُواْمِنْ أَنْغِنَاشِ عَكَنْ دُوڟٜىٰنٜىٰ؞
26«دُكْ وَنْدَ يَجِ مَغَنَرْ نَنْ تَاوَ كُمَ يَڧِ يَعَيْكَتَ، ذَيْ ذَمَ كَمَرْ وَنِ وَاوَا وَنْدَ يَغِنَ غِدَنْسَ عَكَنْ يَشِ؞ 27دَ ضُوَ يَسَوْكُواْ، كُواْغُنَ سُكَيِ أَمْبَلِيَ، إِسْكَ تَتَاسُواْ تَبُغَ غِدَنْ، سَيْ غِدَنْ يَڢَاطِ، مُومُّنَرْ ڢَاطُوَ كُوَ؞»
28دَ عِيسَىٰ يَغَمَ ڢَطَرْ وَطَنَّنْ أَبُبُوَنْ، سَيْ تَارُوانْ مُتَنٜىٰنْ سُكَيِ مَامَاكِنْ كُواْيَرْوَرْسَ، 29دُواْمِنْ يَا كُواْيَ مُسُ كَمَرْ مُتُمِنْ دَ يَكٜىٰدَ إِيكُواْ، بَكَمَرْ مَلَمً كُواْيَرْوَرْ مُوسَٰى بَ؞#مَرْ 1.22؛ لُكْ 4.32
Currently Selected:
مَتِيُ 7: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
