مَتِيُ 3
3
وَعَظِنْ يَحْيَى مَيْ بَڢْتِسْمَ
﴿مَرْ 1.1-8؛ لُكْ 3.1-18؛ يَحـ 1.19-28﴾
1عَݣُونَكِنْنَنْ يَحْيَى مَيْ بَڢْتِسْمَ يَڢِتُواْ يَنَ وَعَظِ عَثِكِنْ دَاجِنْ يَنْكِنْ يَهُودِيَ، 2يَنَ ثٜىٰوَ «كُتُوبَ، غَمَا مُلْكٍ سَمَ#3.2 مُلْكٍ سَمَ: شِينٜىٰ مُلْكٍ دَ اللَّهْ يَكٜىٰيِ عَكَنْ مُتَنٜىٰ؞ يَا كُسَ!»#مَتْ 4.17؛ مَرْ 1.15 3وَنَّنْ شِينٜىٰ وَنْدَ أَنَّبِے عِشَايَ يَيِ مَغَنَرْسَ، يَثٜىٰ،
«مُرْيَرْ مَيْ كِرَا أَدَاجِ تَنَ ثٜىٰوَ
‹كُشِرْيَ وَ عُبَنْغِجِ حَنْيَ،
كُڠَرَ هَنْيُواْيِنْسَ!› »#عِشـ 40.3
4رِغَرْ دَ يَحْيَى يَسَا كُوَ أَنْيِتَ دَ غَاشِنْ رَاڧُمِنٜىٰ؞ يَنَ كُوَ طَوْرٜىٰ دَ طَمَرَ تَڢَتَ؞ عَبِنْثِنْسَ كُوَ ڢَارِ نٜىٰ دَ ضُوً ظُمَ؞#2 سَرْ 1.8
5سَيْ مُتَنٜىٰنْ عُرُوشَلِيمَ دَ نَيَنْكِنْ يَهُودِيَ دُكَ دَ نَدُكَنْ ڧَسَاشٜىٰنْ يَنْكِنْ كُواْغِنْ يُواْدَنْ، سُكَيِ تَظُوَ وُرِنْسَ، 6سُنَ ڢَطِنْ ذُنُبَنْسُ، يَنَيِ مُسُ بَڢْتِسْمَ أَ كُواْغِنْ يُواْدَنْ؞
7عَمَّا دَ يَحْيَى يَغَ ڢَرِسِيَاوَا دَ سَدُوكِيَاوَا دَيَوَ سُنَ ذُوَا دُواْمِنْ عَيِمُسُ بَڢْتِسْمَ، سَيْيَثٜىٰ مُسُ، «كُو ڧُنْغِيَرْ مُوغَيٜىٰنْ مَثِيظَيْ! وَ يَغَرْغَطٜىٰكُ كُغُجٜىٰ وَحُكُنْثِنَّنْ نَ اللَّهْ مَيْ ذُوَا؟#مَتْ 12.34؛ 23.33 8كُحَيْڢَرْ دَ رَايُوَا مَيْݣَوْ وَدَّ ذَاتَ نُونَ ثٜىٰوَ كُنْ تُوبَ، كَمَرْ إِتَاثٜىٰنْ دَ يَحَيْڢِ یَیَ مَاسُ ݣَوْ؞ 9كَدَ كُوَ كُيِ تَاڧَمَ أَ رَنْكُ ثٜىٰوَ ‹إِبْرَٰهِيمْ نٜىٰ بَابَنْمُ›، غَمَا إِنَ ڢَطَا مُكُ اللَّهْ يَنَدَ إِيكُوانْيِ وَ إِبْرَٰهِيمْ یَیَ دَ دُووَڟُنَّنْ؞#يَحـ 8.33 10أَنْ رِغَا أَنْسَا بَاكِنْ غَاتَرِ أَغِنْدِنْ إِتَاثٜىٰ؞ دُكْ إِتَاثٜىٰنْ دَ بَيْ بَادَ یَیَ مَاسُ ݣَوْبَ، سَيْ أَ سَارٜىٰشِ أَ جٜىٰڢَ أَوُتَا؞»#مَتْ 7.19
11نِے دَيْ دَ ضُوَ نَكٜىٰيِ مُكُ بَڢْتِسْمَ، دُواْمِنْ أَ نُونَ كُنْ تُوبَ، عَمَّا وَنْدَ يَڢِينِ غِرْمَ ذَيْذُواْ عَبَايَنَ، وَنْدَ كُواْ تَاكَلْمَنْسَ مَا بَنْ إِسَ إِنْ رِڧٜىٰبَ؞ شِينٜىٰ ذَيْ يِمُكُ بَڢْتِسْمَ دَ رُوحُ مَيْ ڟَرْكِے دَ وُتَا كُمَ؞ 12يَنَ رِڧٜىٰ دَ مَتَنْكَطِنْسَ، ذَيْ تَنْكَطٜىٰ حَڟِنْسَ، كُمَ يَتَتَّارَ أَلْكَمَرْسَ يَسَا ثِكِنْ ضُمْبُنْسَ، عَمَّا ذَيْ ڧُواْنَ دُوسَرْ أَوُتَرْ دَ بَعَ عِيَ كَشٜىٰوَ؞
أَنْيِ وَ عِيسَىٰ بَڢْتِسْمَ
﴿مَرْ 1.9-11؛ لُكْ 3.21-22﴾
13أَ لُواْكَثِنَّنْ نٜىٰ عِيسَىٰ يَذُواْ دَغَ غَلِيلِ، يَجٜىٰ كُواْغِنْ يُواْدَنْ وُرِنْ يَحْيَى دُواْمِنْ عَيِمَسَ بَڢْتِسْمَ؞ 14يَحْيَى يَا سُواْ يَهَنَشِ، يَثٜىٰ «نِے دَ نَكٜىٰ بُڧَاتَ كَيِ مِنِ بَڢْتِسْمَ، يَيَ ذَاكَ ذُواْ وُرِينَ؟»
15عَمَّا عِيسَىٰ يَأَمْسَ مَسَ يَثٜىٰ، «بَرِ يَذَمَ حَكَ يَنْذُ، دُواْمِنْ حَكَنٜىٰ يَيِݣَوْ مُثِكَ دُكَنْ أَدَلْثِنْ دَ اللَّهْ يَكٜىٰسُواْ؞» سَعَنً يَحْيَى يَيَرْدَ مَسَ؞
16دَ عَكَيِ وَ عِيسَىٰ بَڢْتِسْمَ، يَا ڢِتُواْ دَغَ ضُوً كٜىٰنَنْ، سَيْ نَنْ دَنَنْ سَمَ تَبُوطٜىٰ، يَغَ رُوحٌ اللَّهْ يَنَ سَوْكُواْوَ عَكَمَنِّنْ كُرْثِيَ، حَرْ يَسَوْكَ عَكَنْسَ؞ 17سَيْ عَكَجِ وَتَ مُرْيَ دَغَ سَمَ تَثٜىٰ «وَنَّنْ شِينٜىٰ طَانَ دَ نَكٜىٰ ڧَوْنَ، وَنْدَ نَكٜىٰجِنْ دَاطِنْسَ ڨُورَيْ؞»#ڢَارْ 22.2؛ زَبُو 2.7؛ عِشـ 42.1؛ مَتْ 12.18؛ 17.5؛ مَرْ 1.11؛ لُكْ 9.35
Currently Selected:
مَتِيُ 3: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
