مَتِيُ 2
2
زِيَارَرْ مَاسُ عِلِمِ دَغَ غَبَسْ
1أَنَانً سَعَدَّ عَكَ حَيْڢِ عِيسَىٰ أَغَرِنْ بَيْتَلَحْمِ تَيَنْكِنْ يَهُودِيَ أَ زَامَانِنْ سَرْكِے هِرُدُسْ، سَيْ وَطَنْسُ مَاسُ عِلِمٍ غَانٜىٰ تَوْرَرِ دَغَ غَبَسْ سُكَذُواْ عُرُوشَلِيمَ؞ سَيْ سُكَيِ تَمْبَيَ سُكَثٜىٰ، 2«إِنَا سَابُوانْ سَرْكِنْ يَهُودَاوَا دَ عَكَ حَيْڢَ؟ دُواْمِنْ مُنْ غَ تَوْرَرُوانْسَ أَغَبَسْ، كُمَ مُنْ ذُواْ نٜىٰ مُيِ مَسَ سُجَّدَ؞»
3دَ سَرْكِے هِرُدُسْ يَجِ حَكَ، سَيْ حَنْكَلِنْسَ يَتَاشِ، حَكَكُمَ دُكَنْ مُتَنٜىٰنْ عُرُوشَلِيمَ؞ 4سَيْ يَتَارَ دُكَنْ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى، يَتَمْبَيٜىٰسُ عِنْدَ ذَاعَ حَيْڢِ أَلْمَسِيحُ؞
5سُكَثٜىٰ مَسَ «أَغَرِنْ بَيْتَلَحْمِ نٜىٰ، تَيَنْكِنْ يَهُودِيَ، غَمَا حَكَ أَنَّبِنْ يَرُبُوتَ ثٜىٰوَ
6« ‹كٜىٰ مَا بَيْتَلَحْمِ تَيَنْكِنْ يَهُودَ،
كٜىٰ بَ ڧَرَمَ بَثٜىٰ عَثِكِنْ مَاسُ مُلْكٍ يَهُودَ؞
غَمَا دَغَ ثِكِنْكِ وَنِ مَيْ مُلْكِ ذَيْڢِتُواْ،
وَنْدَ ذَيْ ذَمَ مَكِيَايِنْ جَمَعَتَ إِسْرَٰٓءِيلَ؞› »#مِيكَ 5.2
7سَيْ هِرُدُسْ يَكِرَا مَاسُ عِلِمِنَّنْ عَٻُواْيٜىٰ دُواْمِنْ يَسَنْ دَيْدَيْ لُواْكَثِنْ دَ سُكَغَ تَوْرَرُوانْ؞ 8سَيْ يَعَيْكٜىٰسُ ذُوَا بَيْتَلَحْمِ يَثٜىٰ، «كُجٜىٰ كُبِنْثِكَ مِنِ غَمٜىٰدَ طَنْ يَرُواْنَّنْ أَ حَنْكَلِ؞ عِدَنْ كُنْ سَامٜىٰشِ، سَيْ كُذُواْ كُڢَطَا مِنِ دُواْمِنْ نِے مَا إِنْجٜىٰ إِنْيِ مَسَ سُجَّدَ؞»
9سُو كُوَ دَ سُكَ غَمَ جِنْ مَغَنَرْ سَرْكِے، سَيْ سُكَيِ تَڢِيَرْسُ؞ تَوْرَرُوانْ دَ سُكَ غَنِ أَغَبَسْ كُوَ يَنَ غَبَنْسُ سُنَ بِنْسَ حَرْ يَذُواْ يَڟَيَ بِسَ عِنْدَ طَنْ يَرُوانْ يَكٜىٰ؞ 10دَ سُكَغَ تَوْرَرُوانْ سَيْ سُكَ ثِكَ دَ مُرْنَ سُواْسَيْ؞ 11دَ سُكَ شِغَ غِدَنْ كُوَ سَيْ سُكَغَ طَنْ يَرُوانْ دَ مَامَرْسَ مَرْيَمُ، سُكَ دُرْڧُسَ أَغَبَنْسَ، سُكَيِ مَسَ سُجَّدَ؞ سَعَنً سُكَ كُنْثٜىٰ كَايَنْسُ سُكَ بَاشِ ݣَوْتَرْ ظِينَارِيَ دَ تُرَارٜىٰنْ لُبَّنْ دَ مُرْ؞
12سُكَ كُواْمَ ڧَسَرْسُ تَوَتَ حَنْيَ دَبَمْ، غَمَا اللَّهْ يَا جَا مُسُ كُنّٜىٰ أَمَڢَرْكِ كَدَ سُكُواْمَ وُرِنْ هِرُدُسْ؞
يُوسُڢَ دَ مَرْيَمُ سُنْ غُدُ ذُوَا مَصَرْ
13بَايَنْدَ سُكَ تَڢِے سَيْ وَنِ مَلاَىِٕكَنْ عُبَنْغِجِ يَبَيَّنَ وَ يُوسُڢَ أَمَڢَرْكِ، يَثٜىٰ، «تَاشِ، كَطَوْكِ طَنْ يَرُواْنَّنْ دَ مَامَرْسَ كُغُدُ ذُوَا ڧَسَرْ مَصَرْ؞ كُذَوْنَ عَثَنْ سَيْ نَڢَطَا مُكُ كُدَاوُاْ، غَمَا هِرُدُسْ ذَيْ نٜىٰمِ طَنْ يَرُوانْ دُواْمِنْ يَكَشٜىٰشِ؞»
14يُوسُڢَ كُوَ يَتَاشِ يَطَوْكِ طَنْ يَرُوانْ دَ مَامَرْسَ دَ دَدَّرٜىٰ، يَتَڢِے ڧَسَرْ مَصَرْ، 15يَذَوْنَ عَثَنْ حَرْ سَيْ دَ هِرُدُسْ يَمُتُ؞ وَنَّنْ كُوَ يَا ڢَرُ دُواْمِنْ عَثِكَ أَبِنْدَ عُبَنْغِجِ يَڢَطَا نٜىٰ تَبَاكِنْ أَنَّبِنْ ثٜىٰوَ «دَغَ مَصَرْ نَا كِرَوُاْ طَانَ؞»#يُوشْ 11.1
أَنْ كَشٜىٰ یَنْ يَارَا عَيَنْكِنْ يَهُودَ
16دَ هِرُدُسْ يَغَانٜىٰ ثٜىٰوَ مَاسُ عِلِمِنَّنْ سُنْيِ مَسَ وَيُواْ نٜىٰ، سَيْ يَيِ ڢُشِے سُواْسَيْ؞ يَعَيْكَ عَكَكَّشٜىٰ دُكَنْ یَنْ يَارَا مَظَا وَطَنْدَ سُكٜىٰ ثِكِنْ بَيْتَلَحْمِ دَ كٜىٰوَيٜىٰنْتَ دَغَ مَاسُ شٜىٰكَرَا بِيُ ذُوَا ڧَسَا، ڠُورْڠُودُوانْ لُواْكَثِنْ دَ مَاسُ عِلِمِنَّنْ سُكَ ڢَطَا مَسَ غَمٜىٰدَ يَرُوانْ؞ 17أَ لُواْكَثِنْ نٜىٰ عَكَ ثِكَ أَبِنْدَ عَكَ ڢَطَا تَبَاكِنْ أَنَّبِے إِرْمِيَ ثٜىٰوَ
18«أَنْ جِ مُرْيَ أَ رَمَ،
مُرْيَرْ بَڧِنْ ثِكِ دَ تَكُوكَا مَيْ ذَاڢِ،
رَحِيلَةُ ثٜىٰ تَكٜىٰ كُكَ دُواْمِنْ یَیَنْتَ،
تَڧِے كَرْٻَرْ تَعَظِيَّ
دُواْمِنْ یَیَنْتَ بَاسَ نَنْ؞»#إِرْمِ 31.15
دَاوُاْوَ دَغَ مَصَرْ ذُوَا نَظَرٜىٰتْ
19بَايَنْ مُتُوَرْ هِرُدُسْ، سَيْ مَلاَىِٕكَنْ عُبَنْغِجِ يَبَيَّنَاوَ يُوسُڢَ عَثِكِنْ مَڢَرْكِ أَ مَصَرْ، يَثٜىٰ، 20«تَاشِ كَطَوْكِ طَنْ يَرُواْنَّنْ دَ مَامَرْسَ كَكُواْمَ ڧَسَرْ إِسْرَٰٓءِيلَ، غَمَا مَاسُ نٜىٰمَ سُكَشٜىٰ يَرُوانْ سُنْ مُتُ؞» 21سَيْ يَتَاشِ يَطَوْكِ طَنْ يَرُوانْ دَ مَامَرْسَ يَتَڢِے ڧَسَرْ إِسْرَٰٓءِيلَ؞
22عَمَّا دَ يَجِ طَنْ هِرُدُسْ، وَتُواْ أَرْكِلَيُسْ يَا ثِغَادُوانْ بَابَنْسَ، يَنَ مُلْكٍ يَنْكِنْ يَهُودِيَ، سَيْ يَجِڟُواْرُواْ يَتَڢِے ثَنْ؞ عَمَّا دَ عَكَ جَا مَسَ كُنّٜىٰ أَمَڢَرْكِ، سَيْ يَرَڟٜىٰ ذُوَا يَنْكِنْ غَلِيلِ؞ 23يَجٜىٰ يَذَوْنَ أَوَنِ غَرِنْ دَ عَكٜىٰثٜىٰ دَشِ نَظَرٜىٰتْ، دُواْمِنْ عَثِكَ أَبِنْدَ عَكَ ڢَطَا تَبَاكِنْ أَنَّبَاوَا ثٜىٰوَ «ذَاعَثٜىٰ دَشِ بَنَظَرٜىٰتْ؞»#مَرْ 1.24؛ لُكْ 2.39؛ يَحـ 1.45
Currently Selected:
مَتِيُ 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
