يُواْشُوَ 7
7
ذُنُوبِنْ عَاكَنْ
1 يَهْوٜىٰهْ كُوَ يَعُمَرْثِ مُتَنٜىٰنْ إِسْرَٰٓءِيلَ كَدَ سُطَوْكِ وَنِ أَبُ أَ يٜىٰرِكُواْ دَغَ أَبُبُوَنْ دَ عَكَ كٜىٰٻٜىٰسُ دُواْمِنْ هَلَّكَرْوَ، عَمَّا بَسُيِ بِيَيَّبَ؞ وَنِ مُتُمْ وَتُواْ، عَكَنْ طَنْ كَرْمِ، جِيكَنْ ظَبْدِ نَدَنْغِنْ ظٜىٰرَ دَغَ ذُرِيَرْ يَهُودَ، يَطَوْكِ وَطَنْسُ أَبُبُوَ؞ سَيْ يَهْوٜىٰهْ يَيِ ڢُشِے دَ مُتَنٜىٰنْ إِسْرَٰٓءِيلَ؞
2يُواْشُوَ كُوَ يَعَيْكَ وَطَنْسُ مُتَنٜىٰ دَغَ يٜىٰرِكُواْ ذُوَا أَيْ، بِرْنِنْ دَيَكٜىٰ غَبَسْ دَ بٜىٰتٜىٰلْ كُسَدَ بٜىٰتَوٜىٰنْ، يَثٜىٰ مُسُ «كُتَڢِے كُلٜىٰڧِ أَسِيرِنْ ڧَسَرْ؞» سَيْ كُمَ مُتَنٜىٰنْ سُكَ تَڢِے سُكَ لٜىٰڧُواْ أَسِيرِنْ أَيْ؞ 3سَعَدَّ سُكَ كُواْمَ وُرِنْ يُواْشُوَ دَ لَابَرِ، سُكَثٜىٰ مَسَ «بَ دُكَنْ مُتَنٜىٰنٜىٰ ذَاسُ تَڢِسُ يَاڧِ مُتَنٜىٰنْ أَيْبَ؞ سَيْ كَعَيْكِ مُتَنٜىٰ وَجٜىٰنْ دُبُو بِيُ كُواْ دُبُو عُكُ سُجٜىٰ، كَدَ أَوَهَلَرْ دَ دُكَنْ مُتَنٜىٰ سُيِ يَاڧِ، غَمَا بَ بَبَّنْ بِرْنِ بَنٜىٰ؞» 4سَيْ مُتَنٜىٰ وَجٜىٰنْ دُبُو عُكُ سُكَ تَڢِے سُيَاڧِ أَيْ؞ عَمَّا مُتَنٜىٰنْ أَيْ سُكَ كُواْرٜىٰسُ؞ 5مُتَنٜىٰنْ أَيْ سُكَ كَشٜىٰ وَجٜىٰنْ مُتَنٜىٰ تَلَاتِنْ دَ شِدَ دَغَ ثِكِنْ سُواْجُواْجِنْ إِسْرَٰٓءِيلَ، سُكَ كُواْرٜىٰسُ سُكَبِيسُ دَغَ ڧُواْڢَرْ غَرِنْ حَرْ ذُوَا ثَنْ شٜىٰبَرِمْ، سُكَ كُوَ كَكَّشٜىٰسُ أَوُرِنْ غَنْغَرَ؞ ظُكَاتَنْ مُتَنٜىٰنْ إِسْرَٰٓءِيلَ سُكَ نَرْكٜىٰ، سُكَ ذَمَ كَمَرْ ضُوَ؞
6سَيْ يُواْشُوَ دَ شُوغَبَنِّنْ إِسْرَٰٓءِيلَ سُكَ يَيَّاغٜىٰ رِيغُنَنْسُ سُكَ كُمَ ڢَاطِ دَ ڢُسْكَرْسُ حَرْ ڧَسَا أَغَبَنْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ؞ سُكَ ݣُونْتَ أَوُرِنْ حَرْ يَمَّ، سُكَ ظُبَ ڧُورَا عَكَنْسُ دُواْمِنْ سُنُونَ بَڧِنْ ثِكِ؞ 7يُواْشُوَ يَثٜىٰ «كَيْتُوانْمُ، يَا عُبَنْغِجِ يَهْوٜىٰهْ! مٜىٰيَسَا كَكَٰوُاْ وَطَنَّنْ مُتَنٜىٰ أَوَنَّنْ ڧٜىٰتَرٜىٰنْ كُواْغِنْ يُواْدَنْ؟ نُڢِنْكَ كَبَاشٜىٰمُ غَ حَنُّنْ أَمُواْرِيَاوَا سُهَلَكَامُ كٜىٰنَنْ؟ دُوانْمٜىٰ بَمُيِ حَڧُرِ مُذَوْنَ أَوَنْثَنْ ڧٜىٰتَرٜىٰنْ يُواْدَنْبَ؟ 8يَا عُبَنْغِجِ، مٜىٰ ذَنْ ڢَطَا يَنْذُ دَ مُتَنٜىٰنْ إِسْرَٰٓءِيلَ سُكَ غُدُ سُكَجَا بَايَ دَغَ أَبُواْكَنْ غَابَنْسُ؟ 9غَمَا مُتَنٜىٰنْ كَنْعَنَ دَ سَوْرَنْ مَذَوْنَنْ ڧَسَا ذَاسُجِ لَابَرِنْ؞ ذَاسُ كٜىٰوَيٜىٰمُ سُشَرٜىٰ سُونَنْمُ دَغَ دُونِيَا؞ تُواْ، مٜىٰ كُمَ ذَاكَيِ غَمٜىٰدَ سُونَنْكَ مَيْغِرْمَ؟»
10 يَهْوٜىٰهْ يَثٜىٰ وَ يُواْشُوَ «تَاشِ! دُوانْمٜىٰ كَڢَاطِ دَ ڢُسْكَرْكَ حَرْ ڧَسَا حَكَ؟ 11جَمَعَرْ إِسْرَٰٓءِيلَ سُنْيِ ذُنُوبِ! سُنْ كَرْيَ يَرْجٜىٰجٜىٰنِيَتَ، وَدَّ نَعُمَرْثٜىٰسُ سُكِيَايٜىٰ؞ سُنْ طَوْكَ دَغَ ثِكِنْ أَبُبُوَنْ دَ عَكَ كٜىٰٻٜىٰ دُواْمِنْ هَلَّكَرْوَ؞ سُنْ سَاثٜىٰسُ، سُنْيِ ڧَضْيَا، سُكَ أَجِيٜىٰ عَثِكِنْ كَايَنْسُ؞ 12سَبُواْدَ وَنَّنْ ذُنُوبِ نٜىٰ جَمَعَرْ إِسْرَٰٓءِيلَ بَسُ عِيَ ڟَيَاوَا أَغَبَنْ أَبُواْكَنْ غَابَنْسُبَ؞ سُكَ جُويَا سُكَ غُدُ دَغَ غَبَنْسُ، غَمَا يَنْذُ سُو كَنْسُ سُكَ ذَمَ أَبِنْدَ عَكَ كٜىٰٻٜىٰ دُواْمِنْ هَلَّكَرْوَ؞ بَذَنْ كَسَنْثٜىٰ تَرٜىٰدَكُوبَ كُمَ، سَيْ كُنْ هَلَّكَ أَبُبُوَنْ دَ عَكَ كٜىٰٻٜىٰ دُواْمِنْ هَلَّكَرْوَ دَغَ ثِكِنْكُ؞ 13تَاشِ! كَكٜىٰٻٜىٰ مُتَنٜىٰ دَ ڟَرْكِے؞ كَڢَطَا مُسُ سُكٜىٰٻٜىٰ كَنْسُ دَ ڟَرْكِے دُواْمِنْ غُواْبٜىٰ؞ غَمَا غَا أَبِنْدَ نِے يَهْوٜىٰهْ اللَّهْ نَ إِسْرَٰٓءِيلَ نَثٜىٰ، ‹يَا إِسْرَٰٓءِيلَ، كُنَ رِڧٜىٰ دَ أَبُبُوَنْ دَ عَكَ كٜىٰٻٜىٰ دُواْمِنْ هَلَّكَرْوَ أَڟَكِيَرْكُ؞ بَذَاكُ عِيَ ڟَيَاوَا أَغَبَنْ أَبُواْكَنْ غَابَنْكُ بَ، سَيْ كُنْ كَوَرْدَ وَطَنَّنْ أَبُبُوَ؞ 14دَسَڢٜىٰ ذَاكُذُواْ غَبَنَ، كُجٜىٰرَ كَنْكُ ذُرِيَ ذُرِيَ؞ ذُرِيَرْ دَ يَهْوٜىٰهْ يَوَارٜىٰ، ذَاتَذُواْ غَبَ دَنْغِ دَنْغِ؞ دَنْغِنْ دَ يَهْوٜىٰهْ يَوَارٜىٰ، ذَيْذُواْ غَبَ عِيَلِ عِيَلِ؞ عِيَلِنْ دَ يَهْوٜىٰهْ يَاوَارٜىٰ، ذَيْذُواْ غَبَ مُتُمْ مُتُمْ؞ 15وَنْدَ عَكَ سَامٜىٰشِ تَرٜىٰدَ وَطَنَّنْ كَايَنْ دَ عَكَ كٜىٰٻٜىٰ دُواْمِنْ هَلَّكَرْوَ، ذَاعَ ڢِتَرْ دَشِ عَڧُواْنٜىٰشِ دَ وُتَا، تَرٜىٰدَ عِيَلِنْسَ دَ دُكَنْ أَبِنْدَ يَكٜىٰدَشِ؞ غَمَا يَيِ مُومُّنَنْ أَبِنْ كُنْيَا تَوُرِنْ كَرْيَ يَرْجٜىٰجٜىٰنِيَرْ دَ يَهْوٜىٰهْ يَيِ دَ إِسْرَٰٓءِيلَ؞› »
16يُواْشُوَ كُوَ يَتَاشِ دَ سَسَّڢٜىٰ، سَيْ يَكَٰوُاْ مُتَنٜىٰنْ إِسْرَٰٓءِيلَ ذُرِيَ ذُرِيَ، عَكَ كُوَ وَارٜىٰ ذُرِيَرْ يَهُودَ؞ 17يَكَٰوُاْ ذُرِيَرْ يَهُودَ غَبَ دَنْغِ دَنْغِ، سَيْ عَكَ وَارٜىٰ دَنْغِنْ ظٜىٰرَ؞ يَكُمَ كَٰوُاْ دَنْغِنْ ظٜىٰرَ غَبَ عِيَلِ عِيَلِ، سَيْ عَكَ وَارٜىٰ عِيَلِنْ ظَبْدِ؞ 18يَكُوَ كَٰوُاْ عِيَلِنْ ظَبْدِ غَبَ مُتُمْ مُتُمْ، سَيْ عَكَ وَارٜىٰ عَكَنْ طَنْ كَرْمِ جِيكَنْ ظَبْدِ دَغَ دَنْغِنْ ظٜىٰرَ نَظُرِيَرْ يَهُودَ؞ 19سَيْ يُواْشُوَ يَثٜىٰ وَ عَكَنْ «طَانَ، كَغَيَ مِنِ غَسْكِيَ كَكُمَ ڢُرْتَ أَغَبَنْ يَهْوٜىٰهْ اللَّهْ نَ إِسْرَٰٓءِيلَ؞ كَغَيَ مِنِ يَنْذُ أَبِنْدَ كَيِ، كَدَ كَٻُواْيٜىٰ مِنِ؞»
20عَكَنْ كُوَ يَأَمْسَا وَ يُواْشُوَ يَثٜىٰ «غَسْكِيَانٜىٰ، نَايِ وَ يَهْوٜىٰهْ اللَّهْ نَ إِسْرَٰٓءِيلَ ذُنُوبِ؞ غَا أَبِنْدَ نَيِ؞ 21عَثِكِنْ أَبُبُوَنْ دَ مُكَ ݣُوشٜىٰ، سَيْ نَغَ وَتَ رِغَا مَيْݣَوْ إِرِنْ تَ بَابِيلَ دَ أَظُرْڢَا وَجٜىٰنْ كِلُواْ بِيُ دَ كُمَ سَنْدَا نَظِنَرِيَ مَيْ نَوْيِنْدَ يَڢِ رَبِنْ كِلُواْ؞ نَسُواْسُ سُواْسَيْ، سَيْ نَݣُوشٜىٰسُ نَٻُواْيٜىٰ؞ غَا سُو أَبِنّٜىٰ عَڧَسَا عَثِكِنْ تٜىٰنْتِنَ، تَرٜىٰدَ أَظُرْڢَا عَڧَرْڧَشِ؞»
22سَيْ يُواْشُوَ يَعَيْكَ دَ وَطَنْسُ مُتَنٜىٰ، سُكَ شٜىٰڧَ دَ غُدُ ذُوَا تٜىٰنْتِنْ، سُكَ تَرَرْ دَ أَبُبُوَنْ دَ عَكَ حَنَ ثِكِنْ تٜىٰنْتِنْسَ أَبِنّٜىٰ، تَرٜىٰدَ أَظُرْڢَا عَڧَرْڧَشِ؞ 23سُكَ ڢِتَرْ دَسُو دَغَ تٜىٰنْتِنْ، سُكَ ݣُوشٜىٰ سُكَ كَٰوُاْوَ يُواْشُوَ دَ كُمَ دُكَنْ مُتَنٜىٰنْ إِسْرَٰٓءِيلَ، سُكَ شِمْڢِطَاسُ أَغَبَنْ يَهْوٜىٰهْ؞ 24يُواْشُوَ تَرٜىٰدَ دُكَنْ مُتَنٜىٰنْ إِسْرَٰٓءِيلَ سُكَ طَوْكِ عَكَنْ طَنْ ظٜىٰرَ دَ أَظُرْڢَا دَ رِغَا مَيْݣَوْ دَ سَنْدَنْ ظِينَارِيَ، سُكَ كَٰوُاْسُ أَ ݣُورِنْ عَكُوارْ، وَتُواْ ݣُورِنْ عَذَابَ؞ سُكَ كُمَ طَوْكِ یَیَنْسَ مَاتَادَ مَظَا دَ شَانُنْسَ دَ جَاكُنَنْسَ دَ تُمَكِنْسَ دَ تٜىٰنْتِنْسَ دَ كُمَ دُكَنْ سَوْرَنْ أَبُبُوَنْ دَ يَكٜىٰدَسُو؞ 25سَيْ يُواْشُوَ يَثٜىٰ «دُوانْمٜىٰ كَجَٰوُاْ وَهَلَ عَكَنْمُ؟ كَيْ مَا، يَهْوٜىٰهْ ذَيْ كَٰوُاْ وَهَلَ عَكَنْكَ يَوْ!» سَيْ دُكَنْ مُتَنٜىٰنْ إِسْرَٰٓءِيلَ سُكَ جٜىٰجّٜىٰڢِ عَكَنْ دَ دُوَڟُو حَرْ مُتُوَ؞ سُكَ كُمَ جٜىٰجّٜىٰڢِ عِيَلِنْسَ، سُكَ ڧُواْنٜىٰسُ دَ كَايَنْسُ دَ وُتَا؞ 26سُكَ تَارَ تُلِنْ دُوَڟُو عَكَنْسُ؞ تُلِنْ دُووَڟُنْ كُوَ يأَنَانً هَرْوَيَوْ؞ بَايَنْ وَنَّنْ سَيْ ڢُشِنْ يَهْوٜىٰهْ يَݣُونْتَ؞ دُواْمِنْ حَكَنٜىٰ عَكٜىٰكِرَنْ وَنَّنْ وُرِے دَ سُونَ ݣُورِنْ عَذَابَ هَرْوَيَوْ؞
Currently Selected:
يُواْشُوَ 7: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
