يُواْشُوَ 8
8
أَنْ ثِ أَيْ دَ يَاڧِ
1 يَهْوٜىٰهْ كُمَ يَثٜىٰ وَ يُواْشُوَ «كَدَ كَجِڟُواْرُواْ كُواْ كَڢِدَّ ذُوثِيَا؞ سَيْ كَطَوْكِ دُكَنْ سُواْجُواْجِ، كَتَاشِ، كَتَڢِے أَيْ كَڢَاطَ مُسُ دَ يَاڧِ؞ غَاشِ، نَارِغَا نَا بَادَ سَرْكِنْ أَيْ دَ دُكَنْ مُتَنٜىٰنْسَ دَ غَرِنْسَ دَ ڧَسَرْسَ أَهَنُّنْكَ؞ 2ذَاكَيِ وَ أَيْ دَ سَرْكِنْتَ أَبِنْدَ كَيِ وَ يٜىٰرِكُواْ دَ سَرْكِنْتَ، عَمَّا وَنَّنْ لُواْكَثِ ذَاكُ عِيَ ݣُوشِ كَايَنْتَ دَ دَبُّواْبِنْتَ دُواْمِنْ سُذَمَ نَاكُ؞ كُيِ شِرِ كُيِ وَغَرِنْ ݣُونْتُوانْ ٻَوْنَ دَغَ بَايَنْ غَرِنْ؞»
3سَيْ يُواْشُوَ يَتَاشِ تَرٜىٰدَ دُكَنْ سُواْجُواْجِنْسَ ذُوَا أَيْ؞ يُواْشُوَ كُوَ يَذَاٻِ سُواْجُواْجِ مَڢِيَ عِيَ يَاڧِ غُدَا دُبُو تَلَاتِنْ، يَعَيْكٜىٰسُ دَ دَرٜىٰ؞ 4يَ عُمَرْثٜىٰسُ يَثٜىٰ «كُتَڢِے كُٻُيَ عَبَايَنْ غَرِنْ، عَمَّا بَذَاكُيِ نِيسَ دَغَ غَرِنْ سُواْسَيْ بَ، كُذَمَ دَ شِرِنْ كَيْ هَرِ؞ 5نِے دَ دُكَنْ مُتَنٜىٰنْ دَسُكٜىٰ تَرٜىٰدَنِ، ذَامُجٜىٰ كُسَدَ غَرِنْ؞ سَعَدَّ مُتَنٜىٰنْ أَيْ سُكَ ڢِتُواْ دُواْمِنْ سُيَاڧٜىٰمُ كَمَرْ يَدَّ سُكَيِ أَدَا، ذَامُ جُويَا مُغُدُ كَمَرْ يَدَّ مُكَيِ دَ ڢَرْكُواْ؞ 6ذَاسُ كُوَ ڢِتُواْ سُبِيمُ، حَرْ سَيْ مُنْ جَنْيٜىٰسُ نٜىٰسَ دَ غَرِنْ؞ ذَاسُيِ ڟَمَّنِ ثٜىٰوَ مُنَ غُدُ دَغَ غَرٜىٰسُ كَمَرْ يَدَّ دَا مُكَيِ؞ 7كُو كُوَ سَيْ كُتَاشِ دَغَ وُرِنْ ٻُيَنْكُ، كُثِ غَرِنْ؞ غَمَا يَهْوٜىٰهْ اللَّهْ نْكُ ذَيْبَادَ غَرِنْ أَ حَنُّنْكُ؞ 8سَعَدَّ كُكَثِ غَرِنْ، سَيْ كُسَا وَغَرِنْ وُتَا؞ كُيِ بِيَيَّ ڢَا دَ وَنَّنْ عُمَرْنِنْ يَهْوٜىٰهْ دَ نَڢَطَا مُكُ؞» 9سَيْ يُواْشُوَ يَسَلَّمٜىٰسُ، سُكَ تَڢِے وُرِنْ دَ ذَاسُيِ ݣُونْتُوانْ ٻَوْنَ، سُكَجِرَا ڟَكَانِنْ بٜىٰتٜىٰلْ دَ أَيْ، تَوَجٜىٰنْ يَمَّ دَ أَيْ؞ يُواْشُوَ كُوَ يَݣُونَ تَرٜىٰدَ مُتَنٜىٰنْسَ؞
10يُواْشُوَ يَتَاشِ دَ سَسَّڢٜىٰ يَتَتَّارَ سُواْجُواْجِنْسَ؞ سَيْ شِ دَ شُوغَبَنِّنْ مُتَنٜىٰنْ إِسْرَٰٓءِيلَ سُكَ تَڢِے سُكَ وُثٜىٰ ذُوَا غَبَ، سُكَبِدَ سُواْجُواْجِ ذُوَا أَيْ؞ 11دُكَنْ سُواْجُواْجِنْ دَسُكٜىٰ تَرٜىٰ دَشِ، سُكَ تَڢِے كُسَدَ غَرِنْ سُكَ كَڢَ سَنْسَنِنْ يَاڧِ أَغٜىٰڢٜىٰنْ أَرٜىٰوَ دَ أَيْ؞ ڟَكَانِنْسُ دَ أَيْ أَݣَويْ ݣُورِ؞ 12يُواْشُوَ يَذَاٻِ مُتَنٜىٰ وَجٜىٰنْ دُبُو بِيَرْ يَكُمَسَا سُكَ ٻُيَ ڟَكَانِنْ بٜىٰتٜىٰلْ دَ أَيْ، تَوَجٜىٰنْ يَمَّ دَ غَرِنْ؞ 13سُواْجُواْجِنْ سُكَ كَڢَ سَنْسَنِنْسُ أَرٜىٰوَ دَ غَرِنْ أَ جٜىٰرٜىٰ دُواْمِنْ يَاڧِ، مَاسُ ݣُونْتُوانْ ٻَوْنَ كُوَ سُنَ يَمَّ دَ غَرِنْ؞ عَمَّا يُواْشُوَ يَݣُونَ عَݣُورِنْ؞ 14سَعَدَّ سَرْكِنْ أَيْ يَغَ سُواْجُواْجِنْ يُواْشُوَ، يَطَوْكِ مَتَاكِ دَ سَوْرِ؞ شِے دَ دُكَنْ مُتَنٜىٰنْسَ سُكَ ڢِتَ ذُوَا وَجٜىٰنْ ݣُورِنْ يُواْدَنْ دُواْمِنْ سُيَاڧِ مُتَنٜىٰنْ إِسْرَٰٓءِيلَ أَوُرِنْ دَ دَا سُكَيِ يَاڧِ؞ عَمَّا سَرْكِنْ بَيْسَنْ أَݣَويْ یَنْ ݣُونْتُوانْ ٻَوْنَ عَبَايَنْ غَرِنْبَ؞ 15سَيْ يُواْشُوَ دَ دُكَنْ مُتَنٜىٰنْسَ سُكَ رُوطٜىٰسُ، سُكَيِ تَجَنْ بَايَ سُكَ رُوغَ دَ غُدُ ذُوَا دَاجِ؞ 16سَبُواْدَ حَكَ، عَكَ كِرَا دُكَنْ مُتَنٜىٰنْ دَسُكٜىٰ ثِكِنْ بِرْنِنْ سُتَارُ سُبِيسُ؞ سُكَبِے مُتَنٜىٰنْ إِسْرَٰٓءِيلَ، تَهَكَ عَكَجَاسُ نٜىٰسَ دَ غَرِنْ؞ 17بَا وَنِ مُتُمِنْدَ يَرَغُ عَثِكِنْ أَيْ كُواْ بٜىٰتٜىٰلْ وَنْدَ بَيْڢِتَ دُواْمِنْ يَبِے سُواْجُواْجِنْ إِسْرَٰٓءِيلَ بَ؞ سُكَبَرْ ڧُواْڢُواْڢِنْ غَرِنْ عَبُوطٜىٰ سُكَبِے سُواْجُواْجِنْ إِسْرَٰٓءِيلَ؞
18سَيْ يَهْوٜىٰهْ يَثٜىٰ وَ يُواْشُوَ «كَمِيڧَ مَاشِنْ دَيَكٜىٰ حَنُّنْكَ وَجٜىٰنْ أَيْ، غَمَا نَا بَادَ عِتَ أَ حَنُّنْكَ؞» يُواْشُوَ كُوَ يَيِ يَدَّ عَكَ ڢَطَا مَسَ؞ 19دَظَرَرْ يُواْشُوَ يَمِيڧَ حَنُّنْسَ، یَنْ ݣُونْتُوانْ ٻَوْنَ سُكَتَاشِ أَغُجٜىٰ، سُكَ رُوغَ دَ غُدُ ذُوَا ثِكِنْ غَرِنْ سُكَ كُوَثِشِ؞ سُكَيِ سَوْرِ سُكَسَا وَغَرِنْ وُتَا؞ 20سَعَدَّ مُتَنٜىٰنْ أَيْ سُكَ دُوبِے بَايَ، سُكَغَ هَيَاڧِنْ غَرِنْ يَنَ تَاشِ ذُوَا سَمَ؞ بَابُوَتَ حَنْيَ كُمَ وَدَّ ذَاسُ ڟِيرَا، سَبُواْدَ مُتَنٜىٰنْ إِسْرَٰٓءِيلَ وَطَنْدَ سُكٜىٰ غُدُ ذُوَا دَاجِ، سُكَ جُويَا دُواْمِنْ سُڢَاطَ مُسُ دَ يَاڧِ؞ 21غَمَا سَعَدَّ يُواْشُوَ دَ دُكَنْ إِسْرَٰٓءِيلَاوَا سُكَغَ وَطَنْدَ سُكَ ٻُيَ سُنْ رِغَا سُنْثِ غَرِنْ، هَيَاڧِے نَغَرِنْ كُمَ يَنَ تَتَاشِ ذُوَا سَمَ، سَيْ سُكَ جُويَا كَنْ مُتَنٜىٰنْ أَيْ، سُكَ كَكَّشٜىٰسُ؞ 22إِسْرَٰٓءِيلَاوَنْ دَ سُكَثِ غَرِنْ سُكَ ڢِتُواْ دَغَ غَرِنْ سُكَ ڢَاطَ مُسُ دَ يَاڧِ؞ سَيْ مُتَنٜىٰنْ أَيْ سُكَ سَامِ كَنْسُ أَڟَكِيَرْ إِسْرَٰٓءِيلَاوَا غَبَ دَ بَايَ؞ إِسْرَٰٓءِيلَاوَا كُوَ سُكَ كَكَّشٜىٰسُ، بَاوَنْدَ يَڟِيرَا كُواْ يَغُدُ دَغَ غَرٜىٰسُ؞ 23عَمَّا سُكَ كَامَ سَرْكِنْ أَيْ دَ رَيْ، سُكَ كَٰوُاْشِ وُرِنْ يُواْشُوَ؞
24سَعَدَّ إِسْرَٰٓءِيلَاوَا سُكَ غَمَ كَكَّشٜىٰ مَذَوْنَنْ أَيْ أَ ڢِيلَيٜىٰ دَ كُمَ دَاجِ عِنْدَ سُكَ كُواْرٜىٰسُ، سَيْ إِسْرَٰٓءِيلَاوَا سُكَ كُواْمَ أَيْ، سُكَ كُمَ كَكَّشٜىٰ وَطَنْدَ سُكٜىٰ ثِكِنْتَ؞ 25أَ رَانَرْ نَنْ أَنْغَمَ دَ مُتَنٜىٰنْ أَيْ، مُتُمْ دُبُو غُواْمَشَا بِيُ نٜىٰ، مَظَا دَ مَاتَا؞ 26غَمَا يُواْشُوَ بَيْ جَنْيٜىٰ حَنُّنْسَ وَنْدَ يَمِيڧَ مَاشِ دَشِيبَ، سَيْ دَ يَغَمَ هَلَّكَ دُكَنْ وَطَنْدَ عَكَ كٜىٰٻٜىٰ غَ يَهْوٜىٰهْ دُواْمِنْ هَلَّكَرْوَ، دُكَنْ مَذَوْنَنْ أَيْ؞ 27سَيْ دَبُّواْبِے دَ كَايَيَّكِ نَغَرِنْ نٜىٰ كَطَيْ سُكَ ضَغٜىٰ، إِسْرَٰٓءِيلَاوَا كُوَ سُكَ ݣُوشٜىٰ بِسَغَ يَدَّ يَهْوٜىٰهْ يَعُمَرْثِ يُواْشُوَ؞ 28يُواْشُوَ يَڧُواْنٜىٰ أَيْ، بَيْ بَرْ كُواْمٜىٰبَ؞ سَيْ غِدَاجٜىٰنْ دَ عَكَ ڧُواْنٜىٰ دَ كُمَ عَكَ رُرُّشٜىٰ سُنْ ذَمَ كُڢَيْ؞ حَكَ يَكٜىٰ هَرْوَيَوْ؞ 29يَرَاتَيٜىٰ سَرْكِنْ أَيْ عَكَنْ إِتَاثٜىٰ يَكُمَ بَرْ غَاوَرْسَ حَرْ يَمَّ؞ دَيْدَيْ ڢَاطُوَرْ رَانَ، يُواْشُوَ يَبَادَ عُمَرْنِ سُجٜىٰ سُطَوْكِ غَاوَا دَغَ إِتَاثٜىٰنْ سُجٜىٰڢَرْ دَشِ عَڧُواْڢَرْ غَرِنْ؞ سُكَ رُڢٜىٰ غَاوَا دَ تُلِنْ دُوَڟُو مَيْ يَوَ، وَنْدَ يأَنَانً هَرْوَيَوْ؞
أَنْ كَرَنْتَ كُواْيَرْوَرْ مُوسَٰى عَبَبَّنْ تُدُنْ عٜىٰبَلْ
30سَيْ يُواْشُوَ يَغِنَ وَ يَهْوٜىٰهْ اللَّهْ نَ إِسْرَٰٓءِيلَ بَغَدٜىٰ عَكَنْ بَبَّنْ تُدُنْ عٜىٰبَلْ؞#مَيْ شَـ 27.2-8 31يَيِشِ كَمَرْ يَدَّ دَا مُوسَٰى بَاوَنْ يَهْوٜىٰهْ يَعُمَرْثِ إِسْرَٰٓءِيلَاوَا؞ يَغِنَ بَغَدٜىٰنْ بِسَغَ أَبِنْدَ يَكٜىٰ أَرُبُوثٜىٰ ثِكِنْ لِتَّڢِنْ كُواْيَرْوَرْ مُوسَٰى ثٜىٰوَ «أَغِنَ بَغَدٜىٰنْ دَ دُووَڟُنْ دَ بَعَتَٻَ سَسَّڧَ بَ، بَعَكُمَ تَٻَ دَ كَايَنْ عَيْكِ نَڧَرْڢٜىٰبَ؞» عَكَنْسَ كُوَ سُكَ مِيڧَ هَدَايُ نَڧُواْنَاوَا غَ يَهْوٜىٰهْ، سُكَ كُمَ مِيڧَ هَدَايُ نَڠَرَنْ زُمُنْثِ؞#ڢِتْ 20.25 32أَوَنَّنْ وُرِے نٜىٰ أَعِدُوانْ إِسْرَٰٓءِيلَاوَا، يُواْشُوَ يَرُبُوتَ كُواْيَرْوَرْ مُوسَٰى عَكَنْ دُوَڟُو؞ 33دُكَنْ إِسْرَٰٓءِيلَاوَا، بَاڧِ دَ یَنْ غِدَا، تَرٜىٰدَ دَتَّاوَنْسُ دَ شُوغَبَنِّنْسُ دَ كُمَ مَاسُ شَرِيعَ سُكَ ڟَيَ أَغٜىٰڢٜىٰ بِيُ نَأَݣُوتِنْ يَرْجٜىٰجٜىٰنِيَ نَ يَهْوٜىٰهْ، سُنَ ڢُسْكَنْتَرْ ڢِرِسْتُواْثِے، ذُرِيَرْ لَوِ، مَاسُ طَوْكٜىٰ دَ عَݣُوتِنْ يَرْجٜىٰجٜىٰنِيَ؞ رَبِنْ مُتَنٜىٰنْ سُكَ ڟَيَ أَغَبَنْ بَبَّنْ تُدُنْ غٜىٰرِظِمْ، رَبِنْسُ كُمَ سُكَ ڟَيَ أَغَبَنْ بَبَّنْ تُدُنْ عٜىٰبَلْ؞ حَكَ يَهْوٜىٰهْ يَعُمَرْثِ مُوسَٰى أَدَا، ثٜىٰوَ يَسَا مُتَنٜىٰ سُڟَيَ حَكَ أَ لُواْكَثِنْ دَ ذَاعَ سَا مُسُ أَلْبَرْكَ؞#مَيْ شَـ 11.29؛ 27.11-14 34بَايَنْ حَكَ يُواْشُوَ يَكَرَنْتَ دُكَنْ كَلْمُواْمِنْ دَسُكٜىٰ ثِكِنْ لِتَّڢِنْ كُواْيَرْوَرْ مُوسَٰى، دَ أَلْبَرْكُ دَ لَعَنَ، كَمَرْ يَدَّ عَكَ رُبُوتَ ثِكِنْ نَطَطّٜىٰنْ لِتَّڢِنَّنْ؞ 35بَابُوَتَ مَغَنَرْ دَ مُوسَٰى يَعُمَرْتَ وَدَّ يُواْشُوَ بَيْ كَرَنْتَ أَغَبَنْ دُكَنْ تَارُوانْ إِسْرَٰٓءِيلَاوَا بَ، تَرٜىٰدَ مَاتَنْسُ دَ یَیَنْسُ دَ كُمَ بَڧِنْ دَسُكٜىٰ ظَوْنٜىٰ تَرٜىٰدَسُو؞
Currently Selected:
يُواْشُوَ 8: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
