يُواْشُوَ 2
2
يُواْشُوَ يَا عَيْكِ یَنْ لٜىٰڧٜىٰنْ أَسِيرِ ذُوَا يٜىٰرِكُواْ
1سَيْ يُواْشُوَ طَنْ نُنْ يَعَيْكِ مُتُمْ بِيُ یَنْ لٜىٰڧٜىٰنْ أَسِيرِنْ ڧَسَا دَغَ شِتِّمْ دَ عُمَرْنِ ثٜىٰوَ «كُتَڢِے عَٻُواْيٜىٰ كُبِنْثِكَ أَسِيرِنْ ڧَسَرْ، مُسَمَّنْ بِرْنِنْ يٜىٰرِكُواْ؞» دَسُكَ تَڢِے ثِكِنْ بِرْنِنْ، سُكَ شِغَ غِدَنْ وَتَ كَارُوَ مَيْ سُونَ رَهَبْ دَ دَرٜىٰ سُكَ ݣُونَ؞#إِبْرَ 11.31؛ يَعْڧـ 2.25 2سَيْ سَرْكِنْ يٜىٰرِكُواْ يَجِ ثٜىٰوَ وَطَنْسُ مُتَنٜىٰنْ إِسْرَٰٓءِيلَ سُنْ شِغُواْ دَ دَرٜىٰ دُواْمِنْ سُبِنْثِكٜىٰ أَسِيرِنْ ڧَسَرْ؞ 3سَيْ سَرْكِنْ يٜىٰرِكُواْ يَعَيْكَ ذُوَا وُرِنْ رَهَبْ يَڢَطَا مَتَ ثٜىٰوَ «كِڢِتَرْدَ مُتَنٜىٰنَّنْ دَ سُكَ سَوْكَ أَغِدَنْكِ، دُواْمِنْ سُنْ ذُواْ سُلٜىٰڧِ أَسِيرِنْ دُكَنْ ڧَسَرْ نٜىٰ؞»
4عَمَّا رَهَبْ كُوَ تَا رِغَا تَا ٻُواْيٜىٰ مُتَنٜىٰنَّنْ بِيُ؞ سَيْ تَأَمْسَ تَثٜىٰ «غَسْكِيَ وَطَنْسُ مُتَنٜىٰ سُنْ شِغُواْ غِدَانَ، عَمَّا بَنْسَنْ كُواْ دَغَ إِنَا نٜىٰ سُكَڢِتُواْبَ؞ 5سُنْ تَڢِے دَ يَمَّ كَاڢِنْ أَ رُڢٜىٰ ڧُواْڢَرْ بِرْنِنْ؞ نِے بَنْسَنْ كُواْ وَنٜىٰ وُرِے نٜىٰ ذَاسُ تَڢِے بَ، عَمَّا عِدَنْ كُنْ بِے بَايَنْسُ دَ سَوْرِ، مَيْيِوُوَ ذَاكُ كَامَسُ؞» 6رَهَبْ كُوَ تَا رِغَا تَاكَيْ مَاسُ لٜىٰڧٜىٰنْ أَسِيرِنَّنْ بِيُ عَكَنْ رُڢِنْ طَاكِ، تَا كُوَ رُڢٜىٰسُ دَ كَرَنْ رَمَ وَدَّ تَشِمْڢِطَا عَبِسَ رُڢِنْ؞ 7دَظَرَرْ مُتَنٜىٰنْ سَرْكِنْ سُكَ ڢِتَ دَغَ بِرْنِنْ دُواْمِنْ نٜىٰمَنْ مَاسُ لٜىٰڧٜىٰنْ أَسِيرِنَّنْ، سَيْ عَكَ كُلّٜىٰ ڧُواْڢَرْ؞ مُتَنٜىٰنَّنْ سُكَبِے مَاسُ لٜىٰڧٜىٰنْ أَسِيرِنْ حَرْ ذُوَا عِنْدَ حَنْيَرْ تَكَيْ وُرِنْ دَ عَكٜىٰ ڧٜىٰتَرٜىٰ كُواْغِنْ يُواْدَنْ؞
يَرْجٜىٰجٜىٰنِيَ ڟَكَانِنْ رَهَبْ دَ یَنْ لٜىٰڧٜىٰنْ أَسِيرِنْ
8كَاڢِنْ یَنْ لٜىٰڧٜىٰنْ أَسِيرِنْ ڧَسَرْ سُݣُونْتَ أَدَرٜىٰنْ، سَيْ رَهَبْ تَجٜىٰ تَسَامٜىٰسُ عَكَنْ رُڢِنْ طَاكِنْ، 9تَا كُوَيِ مَغَنَ دَسُو تَثٜىٰ «نَسَنِ يَهْوٜىٰهْ يَا رِغَا يَا بَاكُ وَنَّنْ ڧَسَا؞ ڟُواْرُوانْكُ كُوَ يَكَامَ دُكَنْمُ حَرْ ظُكَاتَنْ مَذَوْنَنْ ڧَسَرْ دُكَ سُنَ نَرْكٜىٰوَ سَبُواْدَكُو؞ 10غَمَا مُنْ رِغَا مُنْ جِ لَابَرِ يَدَّ يَهْوٜىٰهْ يَسَا ضُوً تٜىٰكُنْ ثِيَوَرْ إِوَ#2.10 تٜىٰكُنْ ثِيَوَرْ إِوَ: عَيْنِحِنْ سُونَنْ وَنَّنْ تٜىٰكُ كٜىٰنَنْ، عَمَّا أَنْكُمَ سَنْتَ دَ سُونَنْ جَنْ تٜىٰكُ؞ يَبُوشٜىٰ أَغَبَنْكُ، سَعَدَّ كُكٜىٰ ڢِتُواْوَ دَغَ مَصَرْ؞ مُنْ سَاكٜىٰ جِنْ لَابَرِ يَدَّ كُنْ هَلَّكَرْ دَ سِهُوانْ دَ عُواغْ، سَرَاكُنَ بِيُ نَ أَمُواْرِيَاوَنْ دَسُكٜىٰ أَغَبَشِنْ كُواْغِنْ يُواْدَنْ؞#ڢِتْ 14.21؛ لِـ ڧِدْ 21.21-35 11دَ مُكَجِ وَنَّنْ لَابَرِ، سَيْ ظُكَاتَنْمُ سُكَ نَرْكٜىٰ دَ ڟُواْرُواْ؞ بَامُدَ ڧَرْڢِنْ حَلِ سَبُواْدَكُو؞ غَمَا يَهْوٜىٰهْ اللَّهْ نْكُ شِينٜىٰ اللَّهْ وَنْدَ يَكٜىٰ أَ سَمَ عَثَنْ بِسَ دَ دُونِيَا أَنَنْ ڧَسَا؞ 12يَنْذُ ڢَا، سَيْ كُرَنْڟٜىٰ مِنِ دَ سُونَنْ يَهْوٜىٰهْ ثٜىٰوَ كَمَرْ يَدَّ نَيِ مُكُ أَلْحٜىٰرِ، حَكَكُمَ ذَاكُيِ وَ عِيَلِنْ بَابَنَ؞ كُبَانِ عَلَمَرْ تَبَّثِنْ دَ ذَنْ أَمِنْثٜىٰ دَكُو؞ 13كُيِ مِنِ ضَنْڟُوَا ذَاكُ ثٜىٰثِ بَابَنَ دَ مَامَاتَ دَ یَنْعُوَنَ مَاتَادَ مَظَا دَ كُمَ عِيَلَنْسُ دُكَ؞ بَذَاكُ بَرِ عَكَكَّشٜىٰمُبَ؞»
14مُتَنٜىٰنْ كُوَ سُكَثٜىٰ مَتَ «بَرِ اللَّهْ يَطَوْكِ رَايُكَنْمُ عِدَنْ بَمُيِ يَدَّ مُكَ ڢَطَابَ! عِدَنْ كٜىٰ مَا بَاكِ ڢَطَا وَوَنِ أَبِنْدَ يَكَٰوُاْمُبَ، مُنْيِ مِكِ أَلْڧَوَرِ ثٜىٰوَ سَعَدَّ يَهْوٜىٰهْ يَبَامُ وَنَّنْ ڧَسَا، ذَامُيِ مِكِ أَلْحٜىٰرِ؞»
15رَهَبْ كُوَ تَنَ ذَمَ أَغِدَنْ دَ عَكَ غِنَا حَطٜىٰ دَ بَنْغُوانْ كَتَنْغَرْ بِرْنِ؞ سَيْ تَسَا مُتَنٜىٰنْ سُكَيِ أَمْڢَانِ دَ إِغِيَ سُكَ سَوْكَ تَتَغَ؞ 16سَيْ رَهَبْ تَڢَطَا مُسُ تَثٜىٰ «كُتَڢِے ثِكِنْ تُدَّيْ دُواْمِنْ كَدَ مُتَنٜىٰنْ سَرْكِے سُسَامٜىٰكُ؞ كُٻُيَ أَوُرِنْ ݣُونَ عُكُ، حَرْ سَيْ مَاسُ نٜىٰمَنْكُ سُنْ دَاوُاْ؞ دَغَ بَايَ كُمَ سَيْ كُكَامَ حَنْيَرْكُ؞»
17سَيْ مُتَنٜىٰنْ سُكَثٜىٰ مَتَ «ذَامُ كِيَايٜىٰ ضَنْڟُوَارْ دَ كِكَ سَا مُكَيِ مِكِ؞ 18وَنَّنْ شِينٜىٰ أَبِنْدَ ذَاكِيِ سَعَدَّ مُكَ شِغُواْ ڧَسَرْ؞ سَيْ كِطَوْرَ وَنَّنْ جَرْ إِغِيَ عَتَغَرْ دَ مُكَ سَوْكَ؞ كِكَٰوُاْ بَابَنْكِ دَ مَامَرْكِ دَ یَنْعُوَنْكِ دَ كُمَ دُكَنْ عِيَلَنْسُ أَغِدَنْكِ؞ 19عِدَنْ وَنِ يَڢِتَ وَجٜىٰ دَغَ غِدَنْ، لَيْڢِنْ مُتُوَرْسَ يَنَ عَكَنْسَ؞ أَلْحَكِنْ جِنِنْسَ كُوَ بَايَ عَكَنْمُ؞ عَمَّا غَمٜىٰدَ وَنِ وَنْدَ يَكٜىٰ ثِكِنْ غِدَا، عِدَنْ عَكَيِ مَسَ رَوْنِ، أَلْحَكِنْ جِنِنْسَ يَنَ عَكَنْمُ؞ 20عَمَّا عِدَنْ كِكَ ڢَطَا وَوَنِ أَبِنْدَ يَكَٰوُاْمُ، مُو كُوَ بَذَامُ كِيَايٜىٰ ضَنْڟُوَارْ دَ كِكَ سَا مُكَيِ مِكِبَ؞» 21رَهَبْ كُوَ تَيَرْدَ دَ مَغَنَرْسُ؞ سَيْ تَسَلَّمٜىٰسُ، سُكَ تَڢِے؞ سَعَدَّ سُكَ تَڢِے، تَجٜىٰ تَطَوْرَ جَرْ إِغِيَ عَتَغَرْ؞
22سَيْ یَنْ لٜىٰڧٜىٰنْ أَسِيرِنْ ڧَسَرْ سُكَ تَڢِے ذُوَا ثِكِنْ تُدَّيْ سُكَ ٻُيَ أَوُرِنْ ݣُونَ عُكُ؞ مُتَنٜىٰنْ سَرْكِے مَاسُ نٜىٰمَنْسُ سُكَيِ تَنٜىٰمَنْسُ عَكُواْعِنَ عَڧَسَرْ، بَسُ كُوَ سَامٜىٰسُ بَ، حَرْ سُكَ كُواْمُواْ يٜىٰرِكُواْ؞ 23سَيْ مُتَنٜىٰ بِيُنْ مَاسُ لٜىٰڧٜىٰنْ أَسِيرِنْ ڧَسَرْ سُكَ سَوْكَ دَغَ تُدَّيْ، سُكَ ڧٜىٰتَرٜىٰ كُواْغِنْ ذُوَا وُرِنْ يُواْشُوَ؞ سُكَ ڢَطَا مَسَ دُكَنْ أَبُبُوَنْ دَ سُكَ سَامٜىٰسُ؞ 24سُكَكُمَثٜىٰ وَ يُواْشُوَ «مُنْ تَبَّتَرْ يَهْوٜىٰهْ يَا رِغَا يَا بَامُ دُكَنْ ڧَسَرْ؞ بَنْدَ حَكَمَا دُكَنْ مَذَوْنَنْ ڧَسَرْ سُنْ ڢِرْغِتَ دُواْمِنْمُ؞»
Currently Selected:
يُواْشُوَ 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
