يُواْشُوَ 3
3
جَمَعَرْ إِسْرَٰٓءِيلَ سُكَ ڧٜىٰتَرٜىٰ كُواْغِنْ يُواْدَنْ
1وَشٜىٰغَرِ يُواْشُوَ دَ دُكَنْ جَمَعَرْ إِسْرَٰٓءِيلَ سُكَتَاشِ دَ سَسَّڢٜىٰ، سُكَ كَامَ حَنْيَ دَغَ شِتِّمْ ذُوَا بَاكِنْ كُواْغِنْ يُواْدَنْ عِنْدَ سُكَ كَڢَ ذَنْغُواْ، كَاڢِنْ سُڧٜىٰتَرٜىٰ كُواْغِنْ؞ 2بَايَنْ ݣُونَ عُكُ، سَيْ شُوغَبَنِّ سُكَبِے تَثِكِنْ ذَنْغُوانْ 3سُكَثٜىٰ وَمُتَنٜىٰنْ «سَعَدَّ كُكَغَ ڢِرِسْتُواْثِے، ذُرِيَرْ لَوِ، سُنَ رِڧٜىٰ دَ عَݣُوتِنْ يَرْجٜىٰجٜىٰنِيَ نَ يَهْوٜىٰهْ اللَّهْ نْكُ، سَيْ كُتَاشِ دَغَ عِنْدَ كُكٜىٰ، كُبِيسُ؞ 4غَمَا بَكُ تَٻَ سَنِنْ حَنْيَرْ نَنْبَ؞ سُونٜىٰ ذَاسُ نُونَ مُكُ حَنْيَرْ دَ ذَاكُبِے؞ عَمَّا كَدَ كُيِ كُسَدَ عَݣُوتِنْ يَرْجٜىٰجٜىٰنِيَرْ؞ ڟَكَانِنْكُ دَشِ سَيْ كُبَرْ نِيسَنْ دَ ذَيْ كَيْ مِصَالِنْ كِلُواْمِتَ طَيَ؞»
5سَيْ يُواْشُوَ يَثٜىٰ وَمُتَنٜىٰنْ «كُكٜىٰٻٜىٰ كَنْكُ دَ ڟَرْكِے، غَمَا غُواْبٜىٰ يَهْوٜىٰهْ ذَيْ يِ عَيْكِنْ بَنْ مَامَاكِ أَڟَكِيَرْكُ؞» 6سَيْ يُواْشُوَ يَثٜىٰ وَڢِرِسْتُواْثِنْ سُطَوْكِ عَݣُوتِنْ يَرْجٜىٰجٜىٰنِيَ سُوُثٜىٰ دَشِ أَغَبَنْ مُتَنٜىٰنْ؞ ڢِرِسْتُواْثِنْ كُوَ سُكَيِ يَدَّ يُواْشُوَ يَڢَطَا مُسُ؞
7 يَهْوٜىٰهْ كُوَ يَثٜىٰ وَ يُواْشُوَ «يَوْ طِنَّنْ أَبِنْدَ ذَنْيِ ذَيْ ڢَارَ طَوْكَكَاكَ أَعِدُوانْ دُكَنْ جَمَعَرْ إِسْرَٰٓءِيلَ، دُواْمِنْ سُسَنِ إِنَ تَرٜىٰدَكَيْ كَمَرْ يَدَّ نَكَسَنْثٜىٰ تَرٜىٰدَ مُوسَٰى؞ 8كَڢَطَا وَڢِرِسْتُواْثِے مَاسُ طَوْكٜىٰ دَ عَݣُوتِنْ يَرْجٜىٰجٜىٰنِيَ ثٜىٰوَ سَعَدَّ سُكَ شِغَ بَاكِنْ كُواْغِنْ يُواْدَنْ، سَيْ سُشِغَ كُواْغِنْ سُڟَيَ ثِكْ أَوُرِنْ؞»
9سَيْ يُواْشُوَ يَثٜىٰ وَمُتَنٜىٰنْ «كُذُواْ نَنْ كُجِ أَبِنْدَ يَهْوٜىٰهْ اللَّهْ نْكُ يَكٜىٰ ڢَطِ؞ 10غَا يَدَّ ذَاكُ سَنِ ثٜىٰوَ اللَّهْ مَيْ رَيْ يَنَ ڟَكِيَرْكُ، كُمَ بَاشَكَّ ذَيْ كُواْرِ كَنْعَنِيَاوَا دَ هِتِّيَاوَا دَ هِوِيَاوَا دَ ڢٜىٰرِظِّيَاوَا دَ غِرْغَشِيَاوَا دَ أَمُواْرِيَاوَا دَ يٜىٰبُسِيَاوَا دَغَ غَبَنْكُ؞ 11غَاشِ، عَݣُوتِنْ يَرْجٜىٰجٜىٰنِيَرْ عُبَنْغِجِنْ دُكَنْ دُونِيَا يَنَ وُثٜىٰوَ يَڧٜىٰتَرٜىٰ كُواْغِنْ يُواْدَنْ أَغَبَنْكُ؞ 12يَنْذُ ڢَا، سَيْ كُذَاٻِ مُتَنٜىٰ غُواْمَشَا بِيُ، طَيَ دَغَ ثِكِنْ كُواْوَثٜىٰ ذُرِيَرْ إِسْرَٰٓءِيلَ؞ 13ڢِرِسْتُواْثِنْ دَسُكٜىٰ طَوْكٜىٰ دَ عَݣُوتِنْ يَرْجٜىٰجٜىٰنِيَرْ يَهْوٜىٰهْ، عُبَنْغِجِ نَدُكَنْ دُونِيَا، ذَاسُ شِغَ كُواْغِنْ؞ دَظَرَرْ سُكَسَا تَڢِنْ ڧَڢَاڢُنْسُ عَثِكِنْ ضُوً كُواْغِنْ يُواْدَنْ، ضُوً ذَيْ يَنْكٜىٰ، ضُوً دَيَكٜىٰ غَنْغَرُواْوَ عَكُواْغِنْ ذَيْ ڟَيَ يَتَارُ أَوُرِے طَيَ؞»
14سَعَدَّ مُتَنٜىٰ سُكَتَاشِ دَغَ ذَنْغُوانْ دُواْمِنْ سُڧٜىٰتَرٜىٰ يُواْدَنْ، سَيْ ڢِرِسْتُواْثِنْ دَسُكٜىٰ طَوْكٜىٰ دَ عَݣُوتِنْ يَرْجٜىٰجٜىٰنِيَ سُنْ وُثٜىٰ غَبَنْسُ؞ 15لُواْكَثِنْ غِرْبِے نٜىٰ سَعَدَّ كُواْغِنْ يُواْدَنْ يَكَنْ ثِكَ مَڧِلْ؞ دُكْدَهَكَ سَعَدَّ ڢِرِسْتُواْثِے سُكَسَا ڧَڢَاڢُنْسُ ثِكِنْ ضُوً دَغَ بَاكِنْ، 16سَيْ ضُوً دَيَكٜىٰ غَنْغَرُواْوَ يَڟَيَ؞ يَتَتَّارُ أَوُرِے طَيَ يَيِ تُدُ دَغَ نٜىٰسَ سُواْسَيْ، أَوَنِ غَرِنْ دَ عَكٜىٰ كِرَا ءَادَمُ كُسَدَ ظَرٜىٰتَنْ؞ ضُوً دَيَكٜىٰ غَنْغَرُواْوَ ذُوَا تٜىٰكُنْ أَرَبَ، وَتُواْ تٜىٰكُنْ غِشِرِ، يَيَنْكٜىٰ غَبَاطَيَ؞ مُتَنٜىٰنْ كُوَ سُكَ ڧٜىٰتَرٜىٰ كُواْغِنْ أَوُرِنْ دَيَكٜىٰ ڢُسْكَنْتَرْ يٜىٰرِكُواْ؞ 17أَسَعَدَّ إِسْرَٰٓءِيلَاوَا دُكَ سُكٜىٰ تَڢِيَ عَكَنْ بُوسَشِّيَرْ ڧَسَا دُواْمِنْ سُڧٜىٰتَرٜىٰ كُواْغِنْ، ڢِرِسْتُواْثِنْ دَسُكٜىٰ طَوْكٜىٰ دَ عَݣُوتِنْ يَرْجٜىٰجٜىٰنِيَرْ يَهْوٜىٰهْ سُكَ ڟَيَ عَكَنْ بُوسَشِّيَرْ ڧَسَا عَثِكِنْ ڟَكِيَرْ يُواْدَنْ، حَرْ سَيْ دَ دُكَنْ مُتَنٜىٰ سُكَ غَمَ ڧٜىٰتَرٜىٰوَ؞
Currently Selected:
يُواْشُوَ 3: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
