يُواْشُوَ 19
19
يَنْكِنْ ڧَسَرْدَ عَكَبَا ذُرِيَرْ سِمٜىٰيُوانْ
1ڧُرِعَ تَبِيُ تَيَنْكِنْ ڧَسَا عِتَثٜىٰ دُواْمِنْ ذُرِيَرْ سِمٜىٰيُوانْ دَنْغِ دَنْغِ؞ رَبُوانْ غَادُوانْ ڧَسَرْسُ يَنَ ڟَكِيَرْ رَبُوانْ ڧَسَرْدَ عَكَبَا ذُرِيَرْ يَهُودَ؞
2وُرَرٜىٰنْسُ نَغَادُواْ سُونٜىٰ، بٜىٰيٜىٰرْشٜىٰبَ دَ شٜىٰبَ دَ مُواْلَدَ، 3دَ هَظَرْ شُوَلْ دَ بَلَ دَ عٜىٰظٜىٰمْ، 4دَ عٜىٰلْتُواْلَدْ دَ بٜىٰتُلْ دَ هُوارْمَ، 5دَ ظِكْلَكْ دَ بٜىٰتْ مَرْكَبُواتْ دَ هَظَرْ سُسَ، 6دَ بٜىٰتْ لٜىٰبَوُاتْ دَ كُمَ شَرُهٜىٰنْ؞ غَرُرُوَ غُواْمَشَا عُكُ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞
7أَݣَويْ كُمَ أَيِنْ دَ رِمُّوانْ دَ عٜىٰتٜىٰرْ دَ أَشَنْ؞ غَرُرُوَ حُطُ كٜىٰنَنْ تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞ 8يَكُمَ ڧُنْشِ دُكَنْ ڧَوْيُكَنْ دَسُكٜىٰ كٜىٰوَيٜىٰ دَ وَطَنَّنْ غَرُرُوَ حَرْ ذُوَا بَعَلَتْ بٜىٰيٜىٰرْ، وَتُواْ رَمَ تَ نٜىٰغٜىٰبْ كٜىٰنَنْ عَكُدُ؞
وَنَّنْ شِينٜىٰ يَنْكِنْ ڧَسَرْدَ عَكَبَادَنْغُواْغِنْ ذُرِيَرْ سِمٜىٰيُوانْ يَذَمَ مَلَّكَرْسُ تَغَادُواْ؞ 9غَادُوانْ ذُرِيَرْ سِمٜىٰيُوانْ عَكَ يَنْكَ نٜىٰ دَغَ رَبُوانْ غَادُوانْ يَهُودَ، غَمَا رَبُوانْ ذُرِيَرْ يَهُودَ يَيِ مَتَ يَوَ؞ سَبُواْدَ حَكَ ذُرِيَرْ سِمٜىٰيُوانْ تَسَامِ رَبُوانْ غَادُوانْتَ أَڟَكِيَرْ يَنْكِنْ غَادُوانْ ذُرِيَرْ يَهُودَ؞
يَنْكِنْ ڧَسَرْدَ عَكَبَا ذُرِيَرْ ظٜىٰبُلُنْ
10ڧُرِعَ تَ عُكُ تَيَنْكِنْ ڧَسَا عِتَثٜىٰ دُواْمِنْ ذُرِيَرْ ظٜىٰبُلُنْ دَنْغِ دَنْغِ؞
إِيَاكَرْ رَبُوانْ غَادُوانْ ڧَسَرْسُ تَمِيڧٜىٰ حَرْ غَرِنْ سَرِدْ؞ 11دَغَ نَنْ إِيَاكَرْ تَمِيڧٜىٰ يَمَّ ذُوَا غَرِنْ مَرَلَ، تَكَيْ غَرِنْ دَبّٜىٰشٜىٰتْ دَ رَاڢِنْ دَيَكٜىٰ غَبَشِنْ يُواكْنٜىٰيَمْ؞ 12أَوَنْثَنْ غٜىٰڢٜىٰنْ سَرِدْ، إِيَاكَرْ تَجُويَا تَنُڢِ غَبَسْ ذُوَا إِيَاكَرْ كِسْلُواتْ تَبُوارْ، سَعَنً تَمِيڧٜىٰ ذُوَا غَرِنْ دَبٜىٰرَتْ تَهَوْرَ ذُوَا غَرِنْ يَڢِيَ؞ 13دَغَ ثَنْ تَمِيڧٜىٰ غَبَسْ ذُوَا غَرِنْ غَتْ هٜىٰڢٜىٰرْ دَ عٜىٰتْكَظِنْ، تَبِے كَنْ حَنْيَرْ ذُوَا غَرِنْ رِمُّوانْ، سَيْ تَجُويَا ذُوَا غَرِنْ نٜىٰيَ؞ 14دَغَ ثَنْ وَجٜىٰنْ أَرٜىٰوَ نٜىٰ إِيَاكَرْ تَبِے تَكٜىٰوَيٜىٰ ذُوَا غَرِنْ هَنَّتُوانْ، سَعَنً تَڧَارٜىٰ أَ ݣُورِنْ إِڢْتَهٜىٰلْ؞ 15يَنْكِنْ يَكُمَ ڧُنْشِ غَرُضُوً كَتَّتْ دَ نَهَلَلْ دَ شِمْرُوانْ دَ إِدَلَ دَ كُمَ بَيْتَلَحْمِ نَكُسَدَ نَظَرٜىٰتْ؞ غَرُرُوَ غُواْمَشَا بِيُ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞
16وَطَنَّنْ سُونٜىٰ غَرُرُوَ دَ ڧَوْيُكَنْ دَسُكٜىٰ ثِكِنْ يَنْكِنْ ڧَسَرْدَ عَكَبَادَنْغُواْغِنْ ذُرِيَرْ ظٜىٰبُلُنْ يَذَمَ مَلَّكَرْسُ تَغَادُواْ؞
يَنْكِنْ ڧَسَرْدَ عَكَ بَا ذُرِيَرْ إِسَّكَرْ
17ڧُرِعَ تَهُطُ تَيَنْكِنْ ڧَسَا عِتَثٜىٰ دُواْمِنْ ذُرِيَرْ إِسَّكَرْ دَنْغِ دَنْغِ؞
18غَرُضُوً دَسُكٜىٰ ثِكِنْ يَنْكِنْ رَبُوانْ ڧَسَرْسُ سُونٜىٰ يٜىٰظِرٜىٰيٜىٰلْ دَ كٜىٰسُلُّواتْ دَ شُنٜىٰمْ، 19دَ هَڢَرَيِمْ دَ شِيُوانْ دَ أَنَهَرَتْ، 20دَ رَبِّتْ دَ كِشِيُوانْ دَ عٜىٰبٜىٰظْ، 21دَ رٜىٰمٜىٰتْ دَ عٜىٰنْغَنِّمْ دَ عٜىٰنْهَدَّ دَ كُمَ بٜىٰتْڢٜىٰظّٜىٰظْ؞ 22إِيَاكَرْسُ تَكَيْ حَرْ تَبُوارْ دَ شَهَظُمَ دَ بٜىٰتْ شٜىٰمٜىٰشْ، تَكُمَ ڧَارٜىٰ أَ كُواْغِنْ يُواْدَنْ؞ غَرُرُوَ غُواْمَشَا شِدَ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞
23وَطَنَّنْ سُونٜىٰ غَرُرُوَ دَ ڧَوْيُكَنْ دَسُكٜىٰ ثِكِنْ يَنْكِنْ ڧَسَرْدَ عَكَ بَادَنْغُواْغِنْ ذُرِيَرْ إِسَّكَرْ يَذَمَ مَلَّكَرْسُ تَغَادُواْ؞
يَنْكِنْ ڧَسَرْدَ عَكَبَا ذُرِيَرْ أَشٜىٰرْ
24ڧُرِعَ تَبِيَرْ تَيَنْكِنْ ڧَسَا عِتَثٜىٰ دُواْمِنْ ذُرِيَرْ أَشٜىٰرْ دَنْغِ دَنْغِ؞
25إِيَاكَرْ رَبُوانْ غَادُوانْسُ نَڧَسَرْ تَڧُنْشِ غَرِنْ هٜىٰلْكَتْ دَ حَلِ دَ بٜىٰتٜىٰنْ دَ عَكْشَڢْ، 26دَ أَلَّمْ مٜىٰلٜىٰكْ دَ أَمَدْ دَ مِشَلْ؞ أَوَجٜىٰنْ يَمَّ إِيَاكَرْ تَكَيْ كَرْمٜىٰلْ دَ شِهُوارْ لِبْنَتْ؞ 27سَعَنً تَجُويَا تَمِيڧٜىٰ ذُوَا وَجٜىٰنْ غَبَسْ، إِيَاكَرْ تَبِتَ بٜىٰتْ دَغُوانْ، تَكَيْ حَرْ ظٜىٰبُلُنْ دَ ݣُورِنْ إِڢْتَهٜىٰلْ وَجٜىٰنْ أَرٜىٰوَ ذُوَا بٜىٰتْهٜىٰمٜىٰكْ دَ نٜىٰيِيٜىٰلْ؞ تَوُثٜىٰ وَجٜىٰنْ أَرٜىٰوَ ذُوَا كَبُلْ، 28دَ عٜىٰبْرُوانْ دَ رٜىٰهُوابْ دَ هَمُّوانْ دَ كُمَ كَنَ حَرْ ذُوَا سِدُوانْ بَبَّ؞ 29سَعَنً إِيَاكَرْ تَجُويَا تَمِيڧٜىٰ ذُوَا رَمَ، تَبِے تَ تَيَ، بِرْنِ مَيْ كَتَنْغَ دَغَ نَنْ تَجُويَا ذُوَا وَجٜىٰنْ هُواْسَ تَڧَارٜىٰ عَتٜىٰكُنْ مٜىٰدِتٜىٰرٜىٰنِيَ وَجٜىٰنْ يَنْكِنْ مَهَلَبْ دَ عَكْظِبْ، 30دَ عُمَّ دَ أَڢٜىٰكْ دَ كُمَ رٜىٰهُوابْ؞ غَرُرُوَ عَشِرِنْ دَ بِيُ كٜىٰنَنْ تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞
31وَطَنَّنْ سُونٜىٰ غَرُرُوَ دَ ڧَوْيُكَنْ دَسُكٜىٰ ثِكِنْ يَنْكِنْ ڧَسَرْدَ عَكَ بَادَنْغُواْغِنْ ذُرِيَرْ أَشٜىٰرْ يَذَمَ مَلَّكَرْسُ تَغَادُواْ؞
يَنْكِنْ ڧَسَرْدَ عَكَبَا ذُرِيَرْ نَڢْتَلِ
32ڧُرِعَ تَشِدَ تَيَنْكِنْ ڧَسَرْ عِتَثٜىٰ دُواْمِنْ ذُرِيَرْ نَڢْتَلِ دَنْغِ دَنْغِ؞
33إِيَاكَرْسُ تَمِيڧٜىٰ دَغَ غَرِنْ هٜىٰلٜىٰڢْ دَغَ إِتَاثٜىٰنْ ڟَاڢِ أَ ذَاعَنَنِّمْ، تَوُثٜىٰ ذُوَا أَدَمِنٜىٰكٜىٰبْ دَ يَبْنٜىٰيٜىٰلْ حَرْ ذُوَا لَكُّمْ، تَكُمَ ڧَارٜىٰ أَ كُواْغِنْ يُواْدَنْ؞ 34إِيَاكَرْ كُمَ تَجُويَا وَجٜىٰنْ يَمَّ ذُوَا أَظْنُواتْ تَبُوارْ دَغَ ثَنْ تَمِيڧٜىٰ ذُوَا هُكُّواكْ؞ تَا كَيْ يَنْكِنْ ذُرِيَرْ ظٜىٰبُلُنْ أَوَجٜىٰنْ كُدُ دَ يَنْكِنْ ذُرِيَرْ أَشٜىٰرْ أَوَجٜىٰنْ يَمَّ دَ كُمَ يَنْكِنْ ذُرِيَرْ يَهُودَ أَوَجٜىٰنْ يُواْدَنْ تَوَجٜىٰنْ غَبَسْ؞ 35بِرَنٜىٰ مَاسُ كَتَنْغَ سُونٜىٰ ظِدِّمْ دَ ظٜىٰرْ دَ هَمَّتْ دَ رَكَّتْ دَ كِنّٜىٰرٜىٰتْ، 36دَ أَدَمَ دَ رَمَ دَ حَزُوارْ، 37دَ كٜىٰدٜىٰشْ دَ عٜىٰدِرَيْ دَ عٜىٰنْهَظُوارْ، 38دَ إِرُوانْ دَ مِغْدَلٜىٰلْ دَ هُواْرٜىٰمْ دَ بٜىٰتَنَتْ دَ بٜىٰتْ شٜىٰمٜىٰشْ؞ بِرَنٜىٰ غُواْمَشَا تَرَ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞
39وَطَنَّنْ سُونٜىٰ غَرُرُوَ دَ ڧَوْيُكَنْ دَسُكٜىٰ ثِكِنْ يَنْكِنْ ڧَسَرْدَ عَكَ بَادَنْغُواْغِنْ ذُرِيَرْ نَڢْتَلِ يَذَمَ مَلَّكَرْسُ تَغَادُواْ؞
يَنْكِنْ ڧَسَرْدَ عَكَبَا ذُرِيَرْ دَنْ
40ڧُرِعَ تَبَݣَويْ تَيَنْكِنْ ڧَسَرْ عِتَثٜىٰ دُواْمِنْ ذُرِيَرْ دَنْ دَنْغِ دَنْغِ؞
41إِيَاكَرْ يَنْكِنْسُ تَغَادُواْ تَڧُنْشِ ذُواْرَ دَ عٜىٰشْتَوُالْ دَ إِرْشٜىٰمٜىٰشْ، 42دَ شَعَلْبِمْ دَ أَيَلُوانْ دَ إِتْلَ، 43دَ عٜىٰلُوانْ دَ تِمْنَ دَ عٜىٰكْرُوانْ، 44دَ عٜىٰلْتٜىٰكٜىٰ دَ غِبّٜىٰتُوانْ دَ بَعَلَتْ، 45دَ يٜىٰهُدْ دَ بٜىٰنٜىٰبٜىٰرَكْ دَ غَتْرِمُّوانْ، 46دَ مٜىٰيَرْكُوانْ دَ كُمَ رَكُّوانْ، تَرٜىٰدَ يَنْكِنْ دَيَكٜىٰ كٜىٰوَيٜىٰ دَ يُواْڢَّ؞
47عَمَّا ذُرِيَرْ دَنْ سُنْ شَا وَهَلَ دَ سُكَ سُواْ سُمَلَّكِ يَنْكِنْسُ، سَيْ سُكَ تَڢِے سُكَ يَاڧِ لٜىٰشٜىٰمْ؞ سُكَثِتَ دَيَاڧِ، سُكَ كَكَّشٜىٰ مُتَنٜىٰنْتَ دَ تَكُواْبِے، سُكَ مَلَّكِ ڧَسَرْ؞ سُكَ ذَوْنَ عَثِكِنْتَ، سُكَ كُمَ ثَنْجَ سُونَنْ بِرْنِنْ دَغَ لٜىٰشٜىٰمْ ذُوَا سُونَنْ كَكَنْسُ، وَتُواْ دَنْ؞#أَلْڧَ 18.27-29
48وَطَنَّنْ سُونٜىٰ غَرُرُوَ دَ ڧَوْيُكَنْ دَسُكٜىٰ ثِكِنْ يَنْكِنْ ڧَسَرْدَ عَكَ بَادَنْغُواْغِنْ ذُرِيَرْ دَنْ يَذَمَ مَلَّكَرْسُ تَغَادُواْ؞
يَنْكِنْ ڧَسَرْدَ عَكَبَا يُواْشُوَ
49سَعَدَّ مُتَنٜىٰنْ إِسْرَٰٓءِيلَ سُكَ غَمَ رَرَّبَ إِيَاكَرْ يَنْكُنَنْ رَبُوانْ غَادُوانْ ڧَسَرْ، مُتَنٜىٰنْ سُكَ بَا يُواْشُوَ طَنْ نُنْ نَاسَ رَبُوانْ غَادُواْ عَثِكِنْ نَاسُ، 50كَمَرْ يَدَّ يَهْوٜىٰهْ يَعُمَرْتَ؞ سُكَ بَا يُواْشُوَ غَرِنْدَ يَضُواْڧَا، وَتُواْ تِمْنَتْ سٜىٰرَ، وَنْدَ يَكٜىٰ ثِكِنْ يَنْكِنْ تُدَّيْ نَ إِڢْرَيِمْ؞ يَسَاكٜىٰ غِنَا غَرِنْ، يَكُوَ ذَوْنَ عَثِكِ؞
51وَطَنَّنْ سُونٜىٰ ڢِيلَيٜىٰنْ غَادُوانْ ڧَسَرْدَ عٜىٰلٜىٰيَظَرْ ڢِرِسْتِ دَ يُواْشُوَ طَنْ نُنْ دَ كُمَ شُوغَبَنِّنْ ذُرِيَرْ جَمَعَرْ إِسْرَٰٓءِيلَ سُكَ رَرَّبَ تَوُرِنْ جٜىٰڢَ ڧُرِعَ أَ شِلُواْ أَغَبَنْ يَهْوٜىٰهْ عَڧُواْڢَرْ تٜىٰنْتِنْ سَدُوَ؞ تَهَكَنٜىٰ سُكَ غَمَ رَرَّبَ ڧَسَرْ؞
Currently Selected:
يُواْشُوَ 19: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
