يُواْشُوَ 18
18
يَنْكُنَنْ ڧَسَرْدَ سُكَ ضَغٜىٰ
1بَايَنْ مُتَنٜىٰنْ إِسْرَٰٓءِيلَ سُكَثِ ڧَسَرْدَ يَاڧِ، سَيْ دُكَنْ جَمَعَرْ سُكَ تَتَّارُ أَ شِلُواْ، سُكَ كُمَ كَڢَ تٜىٰنْتِنْ سَدُوَ دَ يَهْوٜىٰهْ أَوُرِنْ؞ 2عَمَّا حَرْ يَنْذُ أَݣَويْ ذُرِيَ غُدَا بَݣَويْ نَ إِسْرَٰٓءِيلَ وَطَنْدَ بَسُسَامِ رَبُوانْ غَادُوانْسُ نَڧَسَرْ بَ تُكُنَ؞
3سَيْ يُواْشُوَ يَثٜىٰ وَجَمَعَرْ إِسْرَٰٓءِيلَ «حَرْ يَوْشٜىٰ ذَاكُ جِرَا كَاڢِنْ كُغَادَ كُكُمَ مَلَّكِ ڧَسَرْدَ يَهْوٜىٰهْ اللَّهْ نَكَاكَنِّنْكُ يَبَاكُ؟ 4كُبَا نِے مُتُمْ عُكُ دَغَ ثِكِنْ كُواْوَثٜىٰ ذُرِيَ؞ نِے كُوَ ذَنْعَيْكٜىٰسُ، سُذَاغَيَ دُكَنْ ڧَسَرْ سُعَوْنَ يَدَّ ذَاعَ رَبَ رَبُوانْ غَادُوانْ ڧَسَرْ بِسَ كُواْوَثٜىٰ ذُرِيَ، سَعَنً سُكُواْمَ وُرِينَ؞ 5ذَاكُ رَبَ ڧَسَرْ كَشِ بَݣَويْ؞ ذُرِيَرْ يَهُودَ ذَاتَ ثِيغَبَدَ ذَمَ عَثِكِنْ يَنْكِنْسُ نَڧَسَرْ أَوَجٜىٰنْ كُدُ، مُتَنٜىٰنْ غِدَنْ يُوسُڢَ كُمَ سُذَوْنَ عَثِكِنْ يَنْكِنْسُ نَڧَسَرْ تَوَجٜىٰنْ أَرٜىٰوَ؞ 6كُعَوْنَ ڧَسَرْ كَشِ بَݣَويْ كُكُمَ رُبُوتَ بَيَانِنْ كَشِ بَݣَويْ طِنْ، كُكَٰوُاْ وُرِينَ؞ سَعَنً نِے كُوَ ذَنْ جٜىٰڢَ مُكُ ڧُرِعَ أَغَبَنْ يَهْوٜىٰهْ اللَّهْ نْمُ؞ 7عَمَّا لَوِيَاوَا بَذَاسُسَامِ رَبُوانْ غَادُواْ عَثِكِنْكُبَ، غَمَا عَيْكِنْ حِدِمَرْ ڢِرِسْتِ غَ يَهْوٜىٰهْ شِينٜىٰ رَبُوانْسُ نَغَادُواْ؞ ذُرِيَرْ غَدْ دَ تَ رَعُبَيْنُ دَ رَبِنْ ذُرِيَرْ مَنَسّٜىٰ، سُنْ رِغَا سُنْ سَامِ نَاسُ رَبُوانْ غَادُوانْ ڧَسَرْ أَغَبَشِنْ يُواْدَنْ، وَنْدَ مُوسَٰى بَاوَنْ يَهْوٜىٰهْ يَبَاسُ؞»
8مُتَنٜىٰنْ كُوَ سُكَتَاشِ سُكَ تَڢِے دُواْمِنْ سُعَوْنَ ڧَسَرْ، بَايَنْ يُواْشُوَ يَبَاسُ عُمَرْنِ ثٜىٰوَ «كُتَڢِے كُذَاغَيَ ثِكِنْ دُكَنْ ڧَسَرْ؞ كُعَوْنَتَ كُرُبُوتَ بَيَانِنْتَ كُكُواْمَ وُرِينَ؞ سَعَنً نِے ذَنْ جٜىٰڢَ مُكُ ڧُرِعَ أَغَبَنْ يَهْوٜىٰهْ أَنَنْ شِلُواْ؞» 9سَيْ مُتَنٜىٰنْ سُكَ تَڢِے سُكَ ذَاغَيَ ڧَسَرْ دُكَ؞ سُكَ رُبُوتَ بَيَانِنْ أَ نَطَطّٜىٰنْ لِتَّڢِ يَدَّ سُكَ رَبَ ڧَسَرْ كَشِ بَݣَويْ، سُكَيِ لِسَّڢِنْ غَرُضُوً دَسُكٜىٰ ثِكِ؞ سَيْ سُكَ كُواْمَ وُرِنْ يُواْشُوَ عَثِكِنْ سَنْسَنِ أَ شِلُواْ؞ 10يُواْشُوَ كُوَ يَجٜىٰڢَ مُسُ ڧُرِعَ أَغَبَنْ يَهْوٜىٰهْ أَ شِلُواْ؞ عَثَنْ نٜىٰ ڢَا يُواْشُوَ يَرَرَّبَ ڧَسَرْ ذُوَاغَ سَوْرَنْ ذُرِيَرْ إِسْرَٰٓءِيلَ، كُواْوَثٜىٰ ذُرِيَ تَسَامِ نَاتَ رَبُوانْ؞
يَنْكِنْ ڧَسَرْدَ عَكَبَا ذُرِيَرْ بِلِيَامِنُ
11ڧُرِعَ تَڢَرْكُواْ تَيَنْكِنْ ڧَسَا عِتَثٜىٰ دُواْمِنْ ذُرِيَرْ بِلِيَامِنُ دَنْغِ دَنْغِ؞ رَبُوانْ ڧَسَرْسُ يَڢَاطِ نٜىٰ أَڟَكَانِنْ يَنْكِنْ ذُرِيَرْ يَهُودَ دَ تَظُرِيَرْ يُوسُڢَ؞
12أَوَجٜىٰنْ أَرٜىٰوَ إِيَاكَرْسُ تَتَاشِ دَغَ كُواْغِنْ يُواْدَنْ، سَيْ تَمِيڧٜىٰ ذُوَا غَنْغَرٜىٰنْ يٜىٰرِكُواْ عَ أَرٜىٰوَ، تَكُمَ هَوْرَ ذُوَا ثِكِنْ يَنْكِنْ تُدَّيْ وَجٜىٰنْ يَمَّ حَرْ ذُوَا دَاجِنْ بٜىٰتَوٜىٰنْ؞ 13دَغَ ثَنْ إِيَاكَرْ تَمِيڧٜىٰ ذُوَا وَجٜىٰنْ غَنْغَرٜىٰنْ كُدُ نَ لُظْ، وَتُواْ بٜىٰتٜىٰلْ كٜىٰنَنْ، تَكُمَ غَنْغَرَ ذُوَا أَتَرُواتْ أَدَّرْ تَبِے كَنْ تُدُ وَنْدَ يَكٜىٰ كُدُ دَ ݣُورِنْ بٜىٰتْ حُواْرُوانْ؞ 14دَغَ نَنْ إِيَاكَرْ تَجُويَا ذُوَا وَجٜىٰنْ يَمَّ تَمِيڧٜىٰ ذُوَا كُدُ دَغَ غٜىٰڢٜىٰنْ يَمَّ نَوَنَّنْ دُوڟٜىٰنْ، إِيَاكَرْ تَڟَيَ أَ كِرِيَتْ بَعَلْ، وَتُواْ كِرِيَتْ يٜىٰيَرِمْ كٜىٰنَنْ، غَرِنْ مُتَنٜىٰنْ يَهُودَ؞ وَنَّنْ عِتَثٜىٰ إِيَاكَرْسُ أَوَجٜىٰنْ يَمَّ؞ 15إِيَاكَ تَوَجٜىٰنْ كُدُ كُوَ تَڢَارَ دَغَ ڧَوْيُكَنْ كِرِيَتْ يٜىٰيَرِمْ أَوَجٜىٰنْ يَمَّ دَغَ نَنْ إِيَاكَرْ تَمِيڧٜىٰ غَبَسْ ذُوَا عٜىٰڢْرُوانْ أَ مَٻُٻُّغَرْ ضُوَ نَ نٜىٰڢْتُواْوَ؞ 16إِيَاكَرْ تَغَنْغَرَ ذُوَا غِنْدِنْ تُدُ وَنْدَ يَكٜىٰ ڢُسْكَنْتَرْ ݣُورِنْ هِنُّوامْ، وَنْدَ يَكٜىٰ أَرٜىٰوَ وَجٜىٰنْ ݣُورِنْ رٜىٰڢَيَاوَا؞ تَا كُمَ غَنْغَرَ ذُوَا ݣُورِنْ هِنُّوامْ تَبِے تَكُدُ دَ بِرْنِنْ يٜىٰبُسِيَاوَا تَمِيڧٜىٰ ذُوَا عٜىٰنْرُواْغٜىٰلْ؞ 17سَيْ تَجُويَا ذُوَا أَرٜىٰوَ تَمِيڧٜىٰ ذُوَا عٜىٰنْشٜىٰمٜىٰشْ، تَكُمَ ثِيغَبَ ذُوَا غٜىٰلِلُواتْ، وَنْدَ يَكٜىٰ ڢُسْكَنْتَرْ مَشِغِنْ أَدُمِّمْ، سَعَنً تَغَنْغَرَ ذُوَا دُوڟٜىٰنْ بُواْهَنْ طَنْ رَعُبَيْنُ؞ 18تَا وُثٜىٰ تَبِے أَرٜىٰوَثِنْ بٜىٰتْ أَرَبَ دَغَ نَنْ سَيْ تَغَنْغَرَ ذُوَا ثِكِنْ أَرَبَ؞ 19إِيَاكَرْ كُمَ تَوُثٜىٰ ذُوَا غَنْغَرٜىٰنْ أَرٜىٰوَ نَ بٜىٰتْ هُواغْلَ تَبِے تَڢِتَ أَغَٻَرْ تٜىٰكُنْ غِشِرِ أَ عِنْدَ كُواْغِنْ يُواْدَنْ يَڧَارٜىٰ أَوَجٜىٰنْ كُدُ؞ وَنَّنْ عِتَثٜىٰ إِيَاكَرْتَ أَوَجٜىٰنْ كُدُ؞ 20كُواْغِنْ يُواْدَنْ كُوَ شِينٜىٰ إِيَاكَرْ أَوَجٜىٰنْ غَبَسْ؞
وَطَنَّنْ سُونٜىٰ إِيَاكَرْ يَنْكِنْ رَبُوانْ غَادُوانْ ڧَسَرْدَ دَنْغُواْغِنْ بِلِيَامِنُ سُكَ سَامُ يَذَمَ مَلَّكَرْسُ؞
21غَرُضُوً ذُرِيَرْ بِلِيَامِنُ دَنْغِ دَنْغِ سُونٜىٰ، يٜىٰرِكُواْ دَ بٜىٰتْ هُواغْلَ دَ عٜىٰمٜىٰكْ كٜىٰظِظْ، 22دَ بٜىٰتْ أَرَبَ دَ ظٜىٰمَرَيِمْ دَ بٜىٰتٜىٰلْ، 23دَ أَوِّمْ دَ ڢَرَ دَ عُواڢْرَ، 24دَ كٜىٰڢَرَمُّواْنِ دَ عُواڢْنِ دَ كُمَ غٜىٰبَ؞ غَرُرُوَ غُواْمَشَا بِيُ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞
25أَݣَويْ كُمَ غِبٜىٰيُوانْ دَ رَمَ دَ بٜىٰيٜىٰرُواتْ، 26دَ مِظْڢَ دَ كٜىٰڢِرَ دَ مُواْظَ، 27دَ رٜىٰكٜىٰمْ دَ إِرْڢٜىٰيٜىٰلْ دَ تَرَلَ، 28دَ ظٜىٰلَ دَ حَيٜىٰلٜىٰڢْ دَ بِرْنِنْ يٜىٰبُسِيَاوَا، وَتُواْ عُرُوشَلِيمَ دَ غِبٜىٰيَ دَ كُمَ كِرِيَتْ؞ غَرُرُوَ غُواْمَشَا حُطُ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞
وَنَّنْ شِينٜىٰ رَبُوانْ ڧَسَرْدَ عَكَ بَادَنْغُواْغِنْ ذُرِيَرْ بِلِيَامِنُ يَذَمَ مَلَّكَرْسُ تَغَادُواْ؞
Currently Selected:
يُواْشُوَ 18: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
