يُواْشُوَ 16
16
يَنْكِنْ ڧَسَرْ دَ عَكَ بَ ذُرِيَرْ إِڢْرَيِمْ دَ مَنَسّٜىٰ
1رَبُوانْ غَادُوانْ ڧَسَرْ دَعَكَبَا ذُرِيَرْ يُوسُڢَ يَڢَارَ دَغَ كُواْغِنْ يُواْدَنْ كُسَدَ يٜىٰرِكُواْ، أَغَبَسْ دَ مَٻُٻُّغَرْ ضُوً يٜىٰرِكُواْ، تَكُمَ مِيڧٜىٰ ذُوَا دَاجِ؞ تَهَوْرَ دَغَ يٜىٰرِكُواْ ذُوَا ثِكِنْ يَنْكِنْ تُدَّيْ حَرْ ذُوَا بٜىٰتٜىٰلْ؞ 2دَغَ بٜىٰتٜىٰلْ تَمِيڧٜىٰ ذُوَا لُظْ، تَكُمَ وُثٜىٰ ذُوَا أَتَرُواتْ وَدَّ تَكٜىٰ عَيَنْكِنْ أَرْكِيَاوَا؞ 3سَيْ تَغَنْغَرَ يَمَّ ذُوَا يَنْكِنْ يَڢْلٜىٰتِيَاوَا، حَرْ ذُوَا إِيَاكَرْ بٜىٰتْ حُواْرُوانْ وَدَّ تَكٜىٰ عَݣُورِ، تَوُثٜىٰ ذُوَا غٜىٰظٜىٰرْ تَكُمَ ڧَارٜىٰ عَتٜىٰكُنْ مٜىٰدِتٜىٰرٜىٰنِيَ؞
4سَيْ ذُرِيَرْ يُوسُڢَ، وَتُواْ ذُرِيَرْ مَنَسّٜىٰ دَ إِڢْرَيِمْ، سُكَ كَرْٻِ وَنَّنْ يَنْكِنْ ڧَسَرْ مَلَّكَرْسُ تَغَادُواْ؞
ذُرِيَرْ إِڢْرَيِمْ
5وَنَّنْ نٜىٰ يَنْكِنْ ذُرِيَرْ إِڢْرَيِمْ دَنْغِ دَنْغِ؞
إِيَاكَرْ ڧَسَرْسُ تَغَادُواْ تَمِيڧٜىٰ دَغَ أَتَرُواتْ أَدَّرْ ذُوَا وَجٜىٰنْ غَبَسْ تَهَوْرَ حَرْ ذُوَا بٜىٰتْ حُواْرُوانْ وَدَّ تَكٜىٰ كَنْ تُدُ؞ 6دَغَ ثَنْ كُمَ تَمِيڧٜىٰ ذُوَا تٜىٰكُنْ مٜىٰدِتٜىٰرٜىٰنِيَ؞ دَغَ مِكْمٜىٰتَتْ أَوَجٜىٰنْ أَرٜىٰوَ، تَجُويَا وَجٜىٰنْ غَبَسْ تَكٜىٰوَيٜىٰ ذُوَا تَعَنَتْ شِلُواْ، سَيْ تَوُثٜىٰ أَوَجٜىٰنْ غَبَسْ ذُوَا يَنُواْوَ؞ 7دَغَ يَنُواْوَ سَيْ تَغَنْغَرَ ذُوَا أَتَرُواتْ دَ نَعَرَ، تَهَطُ دَ يٜىٰرِكُواْ، تَكُمَبِے تَڢِتَ أَ يُواْدَنْ؞ 8دَغَ تَڢُّوَ كُمَ إِيَاكَرْ تَمِيڧٜىٰ يَمَّ ذُوَا رَاڢِنْ كَنَ تَڧَارٜىٰ عَتٜىٰكُنْ مٜىٰدِتٜىٰرٜىٰنِيَ؞ وَنَّنْ يَنْكِنْ ڧَسَرْ نٜىٰ عَكَبَا ذُرِيَرْ إِڢْرَيِمْ مَلَّكَرْسُ تَغَادُواْ دَنْغِ دَنْغِ؞
9تَا كُمَ ڧُنْشِ دُكَنْ غَرُرُوَ دَ ڧَوْيُكَنْسُ وَطَنْدَ عَكَ كٜىٰٻٜىٰسُ دُواْمِنْ ذُرِيَرْ إِڢْرَيِمْ دَغَ ثِكِنْ رَبُوانْ غَادُواْ نَظُرِيَرْ مَنَسّٜىٰ؞ 10عَمَّا بَسُ كُواْرِ كَنْعَنِيَاوَنْ دَسُكٜىٰ ظَوْنٜىٰ أَ غٜىٰظٜىٰرْ بَ؞ سَبُواْدَ حَكَ كَنْعَنِيَاوَا سُكَ ذَوْنَ تَرٜىٰدَ مُتَنٜىٰنْ إِڢْرَيِمْ هَرْوَيَوْ؞ عَمَّا سُكَسَا كَنْعَنِيَاوَا يِنْ عَيْكِنْ دُواْلٜىٰ كَمَرْ بَايِ؞#أَلْڧَ 1.29
Currently Selected:
يُواْشُوَ 16: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
