يُواْشُوَ 17
17
ذُرِيَرْ مَنَسّٜىٰ
1عَكَ بَا ذُرِيَرْ مَنَسّٜىٰ، طَنْ ڢَضٍ يُوسُڢَ، نَاتَ رَبُوانْ غَادُواْ؞ مَكِرْ بَابَنْ غِلٜىٰيَدْ كُوَ طَنْ ڢَضٍ مَنَسّٜىٰ نٜىٰ؞ تُنْدَيَكٜىٰ مَكِرْ جَرُمِ نٜىٰ، عَكَ بَاشِ غِلٜىٰيَدْ دَ بَشَنْ غَبَسْ دَ يُواْدَنْ؞ 2عَكَ كُمَ رَبَ وَ سَوْرَنْ ذُرِيَرْ مَنَسّٜىٰ نَاسُ رَبُوانْ غَادُوانْ ڧَسَرْ عَيَمَّثِنْ يُواْدَنْ؞ عَكَ كُمَ رَرَّبَ يَنْكِنْ دَنْغِ دَنْغِ، وَتُواْ دَنْغُواْغِنْ أَبِيٜىٰظٜىٰرْ دَ هٜىٰلٜىٰكْ دَ أَسْرِيٜىٰلْ دَ شٜىٰكٜىٰمْ دَ هٜىٰڢٜىٰرْ دَ كُمَ شٜىٰمِدَ؞ وَطَنَّنْ سُونٜىٰ سَوْرَنْ یَیَ مَظَا نَ مَنَسّٜىٰ طَنْ يُوسُڢَ دَنْغِ دَنْغِ؞
3ظٜىٰلُواْڢٜىٰهَدْ طَنْ هٜىٰڢٜىٰرْ جِيكَنْ غِلٜىٰيَدْ طَنْ مَكِرْ نَظُرِيَرْ مَنَسّٜىٰ كُوَ بَ شِ دَ یَیَ مَظَا، عَمَّا یَیَ مَتَ كَطَيْ يَكٜىٰدَسُو؞ سُونَيٜىٰنْ یَیَنْسَ مَاتَا سُونٜىٰ مَلَ دَ نُواْوَ دَ هُواغْلَ دَ مِلْكَ دَ كُمَ تِرْظَ؞ 4سُكَ تَڢِے وُرِنْ عٜىٰلٜىٰيَظَرْ ڢِرِسْتِ دَ يُواْشُوَ طَنْ نُنْ دَ شُوغَبَنِّنْ سُكَثٜىٰ «يَهْوٜىٰهْ يَا عُمَرْثِ مُوسَٰى يَبَامُ رَبُوانْ غَادُوانْمُ، كَمَرْ يَدَّ عَكَبَا یَنْعُوَنْمُ مَظَا؞» يُواْشُوَ كُوَ يَيِ كَمَرْ يَدَّ يَهْوٜىٰهْ يَعُمَرْتَ، يَبَاسُ يَنْكِنْ ڧَسَرْ مَلَّكَرْسُ تَغَادُواْ، يَدَّ عَكَبَا یَنْعُوَنْ بَابَنْسُ؞#لِـ ڧِدْ 27.1-7 5سَبُواْدَ حَكَ مَنَسّٜىٰ يَسَامِ كَشِ غُواْمَ بَنْدَ ڧَسَرْ غِلٜىٰيَدْ دَ بَشَنْ وَطَنْدَ سُكٜىٰ ڧٜىٰتَرٜىٰنْ غَبَشِنْ يُواْدَنْ؞ 6غَمَا یَیَ مَتَ نَظُرِيَرْ مَنَسّٜىٰ سُنْ سَامِ رَبُوانْ غَادُوانْسُ تَرٜىٰدَ یَیَ مَظَا؞ عَكَ بَا سَوْرَنْ ذُرِيَرْ مَنَسّٜىٰ ڧَسَرْ غِلٜىٰيَدْ؞
7إِيَاكَرْ يَنْكِنْ مَنَسّٜىٰ كُوَ تَمِيڧٜىٰ دَغَ أَشٜىٰرْ ذُوَا مِكْمٜىٰتَتْ وَدَّ تَكٜىٰ غَبَسْ دَ شٜىٰكٜىٰمْ؞ دَغَ شٜىٰكٜىٰمْ تَمِيڧٜىٰ كُدُ تَكُمَ ڧُنْشِ مَذَوْنَنْ عٜىٰنْتَڢُّوَ؞ 8يَنْكِنْ تَڢُّوَ يَنَ أَ حَنُّنْ مُتَنٜىٰنْ مَنَسّٜىٰ، عَمَّا غَرِنْ تَڢُّوَ يَنَ أَ حَنُّنْ مُتَنٜىٰنْ إِڢْرَيِمْ نٜىٰ؞ 9سَيْ إِيَاكَرْ تَغَنْغَرَ كُدُ ذُوَا رَاڢِنْ كَنَ؞ غَرُضُوً دَسُكٜىٰ عَكُدَنْثِنْ رَاڢِنْ نَ إِڢْرَيِمْ نٜىٰ، كُواْدَيَكٜىٰ سُنَ ثِكِنْ يَنْكِنْ مَنَسّٜىٰ؞ إِيَاكَرْ مَنَسّٜىٰ كُوَ تَبِے غٜىٰڢٜىٰنْ أَرٜىٰوَثِنْ رَاڢِنْ تَكُمَ ڧَارٜىٰ عَتٜىٰكُنْ مٜىٰدِتٜىٰرٜىٰنِيَ؞ 10يَنْكِنْ دَيَكٜىٰ وَجٜىٰنْ كُدُ نَ إِڢْرَيِمْ نٜىٰ، يَنْكِنْ دَيَكٜىٰ وَجٜىٰنْ أَرٜىٰوَ كُوَ نَ مَنَسّٜىٰ نٜىٰ؞ إِيَاكَرْ دُكَنْسُ تَيَمَّ عِتَثٜىٰ تٜىٰكُنْ؞ يَنْكِنْ ذُرِيَرْ أَشٜىٰرْ يَنَ عَ أَرٜىٰوَثِنْ مَنَسّٜىٰ، يَنْكِنْ ذُرِيَرْ إِسَّكَرْ كُمَ يَنَ وَجٜىٰنْ غَبَسْ؞
11عَثِكِنْ يَنْكُنَنْ ذُرِيَرْ إِسَّكَرْ دَ تَ أَشٜىٰرْ، ذُرِيَرْ مَنَسّٜىٰ كُمَ يَمَلَّكِ بٜىٰتْ شَنْ دَ إِبْلٜىٰيَمْ دَ ڧَوْيُكَنْ دَسُكٜىٰ كٜىٰوَيٜىٰ دَسُو؞ مَنَسّٜىٰ يَكُمَ مَلَّكِ مَذَوْنَنْ دُوارْ وَنْدَ يَكٜىٰ عَبَاكِنْ تٜىٰكُ دَ مَذَوْنَنْ عٜىٰنْدُوارْ دَ مَذَوْنَنْ تَعَنَكْ دَ مَذَوْنَنْ مٜىٰغِدُّواْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞ 12عَمَّا مُتَنٜىٰنْ مَنَسّٜىٰ بَسُ عِيَ كُواْرَرْ مُتَنٜىٰنْ دَسُكٜىٰ ظَوْنٜىٰ عَبِرَنٜىٰنَّنْبَ، دُواْمِنْ حَكَ كَنْعَنِيَاوَا سُكَ نَاثٜىٰ سُيِ ذَمَنْسُ عَثِكِنْ وَطَنَّنْ وُرَارٜىٰنْ؞#أَلْڧَ 1.27-28 13عَمَّا سَعَدَّ إِسْرَٰٓءِيلَاوَا سُكَيِ ڧَرْڢِے سُواْسَيْ، سَيْ سُكَسَا كَنْعَنِيَاوَا سُيِ عَيْكِنْ دُواْلٜىٰ، عَمَّا بَسُ عِيَ كُواْرَرْ كَنْعَنِيَاوَنْ دُكَبَ؞
ذُرِيَرْ إِڢْرَيِمْ دَ مَنَسّٜىٰ تَيَمَّ سُنْ ضُواْڧِ ڧَارِنْ ڧَسَا
14ذُرِيَرْ يُوسُڢَ سُكَثٜىٰ وَ يُواْشُوَ «دُوانْمٜىٰ كَبَامُ رَبُوانْ غَادُواْ كَشِ طَيَ دُواْمِنْ مَلَّكَرْمُ؟ غَاشِ كُوَ مُنَدَ مُتَنٜىٰ دَيَوَ غَمَا يَهْوٜىٰهْ يَا أَلْبَرْكَثٜىٰمُ؞»
15يُواْشُوَ كُوَ يَأَمْسَ مُسُ يَثٜىٰ «عِدَنْ كُو دَيَوَ نٜىٰ، إِنْكُمَ حَرْ يَنْكِنْ تُدَّيْ نَ إِڢْرَيِمْ يَكَاسَ مُكُ، سَيْ كُهَوْرَ كُشِغَ ثِكِنْ كُرْمِ كُسَارٜىٰ وَكَنْكُ وُرِے عَثِكِنْ ڧَسَرْ ڢٜىٰرِظِّيَاوَا دَ تَ رٜىٰڢَيَاوَا؞»
16سَيْ مُتَنٜىٰنْ يُوسُڢَ سُكَثٜىٰ «يَنْكِنْ تُدَّيْ نَ إِڢْرَيِمْ بَيْ إِشٜىٰمُبَ؞ غَاشِ كُمَ دُكَنْ كَنْعَنِيَاوَنْ دَسُكٜىٰ ظَوْنٜىٰ أَ ڢِيلَيٜىٰ سُنَدَ كٜىٰكُنَنْ دُواْكِ نَڧَرْڢٜىٰ، دُكْ دَ وَطَنْدَ سُكٜىٰ ظَوْنٜىٰ أَ بٜىٰتْ شَنْ دَ ڧَوْيُكَنْ دَسُكٜىٰ كٜىٰوَيٜىٰ دَ عِتَ دَ كُمَ وَطَنْدَ سُكٜىٰ ظَوْنٜىٰ عَثِكِنْ ݣُورِنْ يٜىٰظِرٜىٰيٜىٰلْ؞»
17يُواْشُوَ كُوَ يَيِ مَغَنَ دَ غِدَنْ يُوسُڢَ، وَتُواْ ذُرِيَرْ إِڢْرَيِمْ دَ ذُرِيَرْ مَنَسّٜىٰ يَثٜىٰ «حَڧِيڧَ، كُو مُتَنٜىٰ مَاسُيَوَنْ غَسْكٜىٰ نٜىٰ، غَاشِ كُمَ كُنَدَ ڧَرْڢِے ڨُورَيْ؞ بَذَاكُسَامِ رَبُوانْ غَادُواْ كَشِ طَيَ كَوَيْبَ؞ 18عَمَّا يَنْكِنْ تُدَّيْ مَيْ كُرْمِ ذَيْ كُمَ ذَمَ نَاكُ؞ سَيْ كُسَارٜىٰ كُشَرٜىٰ كُمَلَّكِ يَنْكِنْ دُكَ حَرْ إِيَاكَرْسَ؞ غَمٜىٰ دَ كَنْعَنِيَاوَا كُوَ، ذَاكُ كُواْرٜىٰسُ، كُواْدَيَكٜىٰ سُو مَاسُ ڧَرْڢِے نٜىٰ سُنَ كُمَ دَ كٜىٰكُنَنْ دُواْكِ نَڧَرْڢٜىٰ؞»
Currently Selected:
يُواْشُوَ 17: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
